ياهيه ما شفتو عنود المزايين
غطروفت ٍ نافت على كل مزيون

من وصفها ماتدعج الكحل بالعين
كن الحلا بعيونها غصب مسجون

والخد من زود الترف شابع ٍ لين
او ضوح براق ٍ هدر عقبه مزون

العمر توه. ما وصل حول عشرين
ومن الدلع في مشيها ترغب الهون

والطول قالت حول ميه وسبعين
تشلع قلوب الي بنظرهم يشوفون

ماكنها الا من بنات السلاطين
من زينها كل العذارى يصيحون

هذه هي الي ساكنه بالشرايين
الي لها قلبي من الحب مرهون

من شافها ينقذ خفوقي من البين
ضاعت علومي يوم نوو يقفون

لولا الحيا لأصيح بالصوت هي وين
قلبي وقلبه لاعتلا الشوق يوحون