کندهاره

بیا "ارغنــد" دي په څپــــو دی کندهاره
غلیــــــم سم په غـــرقېدو دی کندهاره

د ایـوب لښکـــر ګذار کـــړی "میوند"کي
د انګــــــرېز پر دې بچـــــو دی کندهاره

په"ژړی"کي دي دښمـــن په ژړا سـر سو
وارخطــــــا دی پـه نـــــارو دی کندهاره

"پنجوایې"کي چار و پنج مجاهد ګرځي
د غـــــــلام روح پر وتـــــو دی کندهاره

"ارغسان"کي به ټینګ نه سي ډالرخوره
شــــــرمېدلی په شــــــرمو دی کندهاره

ستــا په "ډنډ"کي ویني ډنډ د ظالمانـــو
هر مظلــــــــوم په خندېدو دی کندهاره

تر زخمي زخمي وجود دي ویني څاڅي
چـــــــا ویشتلی په بمـــــو دی کندهاره

تبریکي د "خاطِري"واخله ســـتا زړه کي
سپین بیــــرغ په رپېـــــدو دی کندهاره

احمد خاطِري