*﷽*.

اللهم صَل على محمد وال محمد وعجل فرجهم الشريف ياالله🤲
🌺قصيدة مربعة وفزاعية وعدة اطوار عن ليلة العاشر 🌺
——————————————————
بعد اعيون اخوتج وين ترحين
لــو نامو على الـغبرة مطاعين

بس هليله اخوتج تبقة وياج
باجر يم طهر جا وين منواج
امصوبينة الكفيل وطايح لواج
عكب عيناه حركوهة الصواوين

اخر ليله هاي وحان الوداع
هسه بخيمتج موجوده السباع
باجر يل الفواطم ترحن ضياع
لو ضل الحنين بلايا جفين

اتحزمي ابيرقة وشديلج الحيل
لتخلين دمع اعيونج ايسيل
واعداهم عليكم تزمخ اتعيل
كفيلتهم عكبنة وانتي تحمين

حاميهم يخوية كل الايتام
وجفنج خل يساهر خوية مينام
كالتلة هضيمة انروح للشام
وين تروح كلولي النساوين

تبقى هالحرم عدمن يخوان
واشوفنكم عراية على التربان
نفر من الخيم والدمع جريان
صغاري لو مشو ماادري لاوين

يا ليلة العاشر تاخذ الروح
وبكلبي الغصص وشابعة اجروح
باجر لو يجي كافلنة مطروح
يصوبونة بعمد هم يوگع حسين

تدك أطبولهم هاي الشماتة
واليفكد هلة شلة بحياتة
لجل ابن امي اروحن وي بناتة
وبيوم اهدعش للغرب ماشين

نرثيلج يغاتي انعلي النوح
بجاه المنذبح عَل غبرة مطروح
تبجي هلخدم والدمع مسفوح
الية وللخدم امراد تنطين
.................................................................
رثاء الاطهار
قناة الشاعرة والملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له
https://t.me/Ragadalbhadley