*﷽*.

اللهم صَل على محمد وال محمد وعجل فرجهم الشريف ياالله🤲
🌺 قصيدة للوداع ليلة العاشر🌺
——————————————————
حان الاوداع يزينب حان الاوداع
كومي بساع يزينب كومي بساع

بلـعجل يم عون ودعي خوتج
بـاجـر تشـوفين بيـهم كسرتج
بـاجـر ينـامون تـبـدي غـربتج
وبلـعيال انتـي يزينب كفلتج
تحنة الأضلاع يزينب تحنة الاضلاع

تنحني اضلوعج عليهم يم طهر
عَـل تـرابـة اهلج اموذريهم وذر
ونـار الامـخـيم علـيـكـم تستعر
وانتـي يلـحرة تـرگضين الضهر
حـلـو الاطباع يذبحو حـلـو الاطباع

شبعي من اعزاز كلبج وي هلج
بـاجر اتشـوفين كـافـل محملج
يمه امتـونـة الـسـخـية كـافـلج
عَـل نـهـر مصيوب ماعاود الج
يهوة علـگاع تشوفـي يهوة علـگاع

گومي ودعي يم طهر كل الشباب
ولـد اخـوتـج ذول بـاجـر علـتراب
اه يــا فـرگـاهم وعظم الـمصـاب
جاسم وياالاكبر امخضب خضاب
راحـو اضيـاع يـوسفة راحـو اضيـاع

كومي يلحرة دوصي اعيالج
نبهي النسوان وي اطفالج
لون شافو نار فوك اخيامج
والخيول اتجول عكب احنانج
خلهم اسبـاع يضلو خلهم اسبـاع

اتحزمي يازينب اودعي كل حنين
وشمي نحرة وبوسي صدرة للحسين
الليلة اشبعي نوح ياخوية و ونين
بـاجر ايمنـعوج ابـد مـا تلطمين
دگـي الاضلاع يحرة دگـي الاضلاع
.................................................................
رثاء الاطهار
قناة الشاعرة والملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له
https://t.me/Ragadalbhadley