📢#Bizning_ijodkor_bolalar

🥳Qizcha

Ko'chamizdan o'tib qaytasiz,
Har qadamda qoldirib izcha.
Sevishingiz qachon aytasiz,
Yuragimni yondirgan qizcha.

Boshingizda yarashgan ro'mol,
Bir kun menga bo'larsiz halol.
O'rtamizda vosita shamol,
Yuragimni yondirgan qizcha.

Ko'nglimni men, ayladim bayon,
Tuyg'ularim barchaga ayon.
Ayting, mensiz ketarsiz qayon,
Yuragimni yondirgan qizcha.

Ne topasiz, yurak kuydirib,
Sog'inch dardin menga tuydirib.
Yashaysiz-da doim suydirib,
Yuragimni yondirgan qizcha.

Kulgichingiz xayolim oldi,
Sizni o'ylab aqlimiz toldi.
Ko'nglimizga abadiy qoldi,
Yuragimni yondirgan qizcha.

✅Respublika bolalar kutubxonasi
"Ijodkor bolalar" to'garagi aʼzosi

Abdullayev Sunnat Qashqadaryo viloyati Mirishkor tumani 7-sonli umumta'lim maktabining 9-sinf o'quvchisi.