أنا نصحانة ؟ نحفانة ؟
وجهي تعبان ؟ تيابي حلوين ؟

هي بحياتها ما سألتني لأنها ما بتعرف ..
هي بتعرف .. بس بتسألني هيك أسئلة لـ سبب وحيد .. بدها تشوف حالها بـ عيوني .. بدها ياني مرايتها ، وشو حلو تميّزك مرايتك .. ما همها شو بيحكوا عنها الناس .. أنوثتها صلبة , ما بتنكسر ، مانها قزاز .. بهمها بس حبيبها شو بيحكي عنها .. قديشه شايفها ومو مصدّق .. وقديشها فوق المنطق ..

يا بنتي إنتي غير منطقية .. ولو كنتي متواضعة ، من حُبي لجمالك بتبقي نرجسية .. أنا شايفك حلوة بـ نكشة شعرك .. بـ تعبك وإرهاقك وبالهالات السودا تحت عينك .. أنا شايفك وكأني أعمى ، ولأول مرة بشوف دنيتي فيها بنت وحدة - إنتي - وقلبي بإيدك مغروف .. ولسا خايفة تتغيري عليي ويكون في أحلى منّك؟
مو شايفة كيف غيرك غيران وعم يحكي وراكِ عنّك؟

كلهن دمعات .. وأنا ما بحب البكي
شايف حالي ومكتفي بـ ضحكة سنّك .. 🤎🌻