مش هتسافري
_ هي اسكندريه دي سفر
ايا كان يا اسراء مش هتسافري ودا آخر كلام عندي
_ محمد انت عارف كويس جدا شغلي بالنسبالي ايه !!!
انا كنت موافق تشتغلي وانتي هنا ف القاهره إنما مش تقوليلي لازم اروح فرع الشركه اللي ف اسكندريه وابعد هناك شهر
_ بس دا شغلي
يا انا يا الشغل يا اسراء
_ يعني ايه !!!
يعني زي مانتي فهمتي بالظبط
_ انت اناني
انتي اصلا عمرك م حبتيني انتي وافقتي ع الخطوبه عشان مامتك وبس
_ وانا مش هسيب شغلي يا محمد .. مع السلامه

محمد ابن خالتي اصلا طول عمري شايفاه اخويا وبس ولما اتقدملي كانت مفاجأه ليا وقصاد فرحة امي وافقت بس عمري م قدرت أحبه ولا اعتبره غير اخ وبس

_ انا اسفه يا ماما بس انتي عارفه اني عمري م هتخلي عن شغلي ابدا واحلامي
انا مش عارفه هقول لخالتك ايه
_ اي حاجه يا زوز قوليلها العيال لاقوا نفسهم اخوات احسن
انتي بتهزري عادي كده
_ فكيها يا زوز بقااا
روحي جهزي هدومك ونامي عشان تقدري تسافري بكرا
__________________
يعني انتي ومحمد كده خلاص
_ اهاا يا ايمان
يعني انتي بقيتي سنجوله
_ shut up
______________
يااااااه دا الشركه شكلها حلو اوووي لما كده من برا امال من جوا هتبقي عامله ازاي
_ يلا بس ندخل ونشوف هيوزعونا ازاي
متقلقيش احنا مهندسين جامدين
_ اهاا جامدين جامد اووي
.................
بعد يومين :..
هتنتقلي للشغل ف المصنع
_ حاضر يا بشمهندس
= مالك ضاربه بوز ليه كده
اسكتي يا ايمان
_ هو انتي مش وراكي غير اسكتي يا ايمان .. خلاص يا اسراء انا هسكت اهوو
اووف بقاا متزعليش بالله .. هقولك يستي المدير الخرابه اللي جوا دا نقلني شغل ف المصنع
_ يعني مش هنبقي مع بعض
دا كل اللي فارق معاكي
_مقصدش بس بس يعني
خير خير
__________

اهلا وسهلا انتي بشمهندسه اسراء صح
_ ايوه انا يا بشمهندس
اسمي حازم
_ تشرفت بحضرتك
دانا اللي الشرف ليا اوي اوي
_ افندم !!!
ولا حاجه يا قمر
_ لو سمحت الزم حدودك
______________
عم عبده هي مين اللي دخلت للزفت اللي جوا دي
_ معرفش يا آدم يبني والله بس باينها كده المهندسه اللي البيه باعتها من الشركه
بس دا المصنع كله رجاله ازاي يعني يبعتولنا بنت كده
_ اكل العيش يبني .. شوف شغلك وانا هكمل شغلي
............. ...........
_ وانتي بقي جايه تعملي هنا ايه !!
اولا اسمها حضرتك أو باشمهندسه مسمهاش انتي
_ انا اسف مع السلامه
اووف ايه دا انا مالي زودتها كده ليه هو كان بيسأل عادي انا خدته بذنب الزفت اللي اسمه حازم اللي جوا دا
= انتي بتكلمي نفسك يبنتي
_ هاه لا ابدا يا ياعم
انا اسمي عبده بيقولولي هنا يا عم عبده احسن واحد يعملك شاي .. مالك يبنتي
_ هو الباشمهندس اللي كان هنا
آدم .. ايه دا هو راح فين دانا لسه سايبه حالا
_ اسمه آدم ؟
اهاا يبنتي دا آدم دا ياريت فيه منه كتير ف الزمن دا مكنش دا هيبقي حالنا والله شاب فعلا متلاقيش منه اتنين
اوووف بقاا دا شخص كويس طب اعمل ايه دلوقتي
بتقولي حاجه يبنتي
_ اسمي اسراء يا عم عبده بقولك ايه يا عم عبده هو آدم دا قلبه طيب
لون القطن .. بس اللي بييجي عليه ولا ع حاجه تخصه يبقي يقرا الفاتحه ع روحه
_ يا ستار يارب
بس بتسألي ليه !!!
_ لا ابدا مفيش حاجه
___________________
بخربيييييتك طلعتي ف الراجل هو م قالك كلمتين
_ انا كنت متعصبه من حازم دا اووي يا آدم
عشان قالك يا قمر !!!
_ ايوه
طب وهو ذنبه ايه ماهو انتي فعلا قمر
_ انا عارفه اني قمر بس هو ميقولش
ايوه صح .. طب وهتعملي ايه مع آدم ؟؟!
هحاول اتصرف بكرا الصبح .. يلا تصبحي على خير
_______________
بيقولوا ان قلبك طيب
_ افندم
انا اسفه ع امبارح
_ هو حصل ايه امبارح !!!
باشمهندس آدم انا اسفه مكنش قصدي بس صدقني غصب عني
_ حصل خير
يعني خلاص كده !؟
_ اها منا زي م عم عبده قالك قلبي طيب.. بس انا بردو حابب اعرف باعتين بنت ليه م الشركه وهتعملي ايه هنا
انا والله معرفش باعتين بنت ليه بس اللي اعرفه اني هشرف ع اللي بتعملوه وكده
_ شغل خفيف يعني
ع قدي
= لو سمحتي يابشمهندسه .. باشمهندس حازم طالب حضرتك ف مكتبه
_ اوووف ع القرف
فيه حاجه
_ لا يا آدم مفيش حاجه عن اذنك اشوف عايز ايه
_____________
افندم حضرتك طلبتني !!
_ طب مانتي شاطره وبتعرفي تضحكي وتهزري اهوو مع آدم امال طلعتي فيا امبارح ليه
اولا ملكش حق عليا انا اعمل ايه ومعملش ايه ثانيا اتمني تحسن الظن شويه ( ان بعض الظن اثم )
_ اعملي حسابك هتتأخري النهارده فيه ملفات هتخلصيها
ملفات ايه انا مليش دعوه دا مش شغلي
_ والله انا هنا اللي اقول ايه شغلك وايه مش شغلك .. اتفضلي
" أما نشوف يا اسراء هتهربي من تحت ايدي ازاي النهارده"

_ هو انتي كل م تطلعي من مكتبه هتبقي بالمنظر دا
طلع الشغل مش خفيف يا آدم
_ مش فاهم !!!!
شكلي هسهر هنا النهارده .. يلا يلا عن اذنك شوف شغلك عشان معطلكش
______________
مش هتمشي يا