لما يبقي كل حاجه حواليا غلط كل الناس بتضغط عليك عشان مصلحتهم ومحدش بيسأل عنك ولا عن رأيك حلمك حياتك بيتدخلوا فيها ويقرروا عنك كأنك ملكش حق فيها بيبقي عندنا حل واحد بس وهو نبعد عن الناس دي نسيبهم ونهرب نهرب لمكان بعيد

_ ايه يا سالم البنت منشفه دماغها ومش موافقه تتجوز ابنك هتعمل ايه ؟
تتكلم ع كيفها هتتجوزه غصب عنها انا مش هسمح للاملاك دي كلها تروح لحد غير ابني
_ ودا اللي انا عايزاه دا اخوك سايب فلوس وأملاك متتعدش وكل دا بإسمها هي
بكرا هحطها قدام الأمر الواقع وقدام المأذون هتمضي وكمان تمضي ع تنازل بأملاكها

ست اسراء يا ست اسراء
_ايه يا سلمي مالك فيه وشك ماله مخضوض كده ليه وبعدين قولتلك قبل كده بلاش ست دي احنا ف سن واحد
المقامات محفوظه يا ست اسراء
_ ولا مقامات ولا حاجه ويلا قولي فيه ايه خلاكي كده
سمعتهم يا اسراء
_سمعتي مين ؟
عمك ومراته
_ مالهم العقارب دول
سمعتهم بيخططوا يجوزوكي بكرا لرعد وكمان هيخلوكي تمضي ع املاكك بعد كتب الكتاب
_...........
ساكته ليه يا اسراء !؟ هتعملي ايه ؟
_ سلمي لو طلبت مساعدتك هتساعديني ؟!
عينيا ليكي
_ انا ههرب
كنت عايزه اقولك كده بس مقدرتش اقول
_ حاليا مفيش حل تاني غير كده بس محتاجه مساعدتك
بصي ...........

&&&&&&&&&&&&&
دايما لما نلاقي نفسنا لوحدنا من غير حد بنضعف بنبقي عايزين ايد تمسك فينا تقوينا حتي لو اعترضنا ع دا

داده انا اسفه اني جيت ف الوقت دا بس ملقتش غيرك ممكن تساعدني
_ انتي بنتي يا اسراء انا اللي ربيتك لولا بس حكم القوي ع الضعيف وان عمك خدك بعد م ابوكي مات وطردني كان زماني مسيبتكيش لحظه بس ايه اللي حصل احكيلي
_ عمي ومراته ناوين علي ..............
بس انتي مش هينفع تفضلي هنا لان الصبح اول مكان هيفكروا فيه هو دا وهيقتلوكي يبنتي
_ عارفه انا عارفه كده كويس عشان كده جيتلك انام هنا بس الليل وتساعديني والفجر قبل م هما يصحوا همشي قبل م ييجو وهدور ع شغل
.....
ساكته ليه يا داده !!؟
عندي حل بس مينفعكيش يا اسراء
_ انا موافقه ت اي حاجه المهم متجوزش رعد
&&&&&&&&
لما نبقي قررنا نهرب من كل حاجه حواليا بنقبل بأي حاجه انشالله نبقي خدامين ف البيوت بس مش نعيش مع شياطين طمعانين فينا وبس

_ ع ضمانتي والله خليها تقعد معاكي بس الفتره دي وجربيها وانا واثقه انك مش هتشتكي منها أبدا انا كنت هطلب منك اجازه شهر عشان هعمل عمليه ف جبتلك البديل ليا واحسن مني كمان
_تعالي يا اسراء .. تهاني قالت عنك كل خير وانا بثق فيها ... يا ريييم يا ريم
نعم يا ماما
_ خدي اسراء وريها المكان اللي هتقعد فيه وتحط هدومها وتغير وتشوف شغلها
&&&&&&&&&&&&&
ممكن الكلام اللي نسمعه يوجعنا بس احيانا كتير بيوجع الشخص اللي قال الكلام مش اللي اتقال ليه

الاكل ريحته جنان يا اسراء
_ربنا يخليكي يا حببتي استني لما تدوقي بقاا
اسراء هو انتي عندك كام سنه
_ 23
وانا 21 ياااه أخيرا لاقيت بنت ف البيت دا سنها قريب مني
_ هو مين اللي جه من شويه كده !؟
دا اخويا آدم بس خدي بالك عشان هو عصبي شويه
_ عندك اخوات تاني
فيه عمر وعنده ٢٣ سنه بردو
_ اها ربنا يخليهم ليكي

...................
ماما هي مين اللي كانت بتعمل الاكل دي
_ دي هتقعد هنا فتره بدل تهاني
وانتي بتدخلي اي حد بيتك كده عاادي لا وتقعد فتره كمان فتحنا بيتنا ملجأ
_ايه يا آدم انت عارف تهاني كويس وعارف انا بثق فيها ازاي ودي من طرفها
ياعم م تسببها ومتبقاش كئيب كده دي حتي حلوه اووي
_عمر حط لسانك جوا بوقك .. عموما يا امي اللي يريحك اعمليه
.......... ......
اسراء انتي سمعتيه .. اسراء انا اسفه والله آدم طيب اوووي هو بس عصبي انا قولتلك بس والله دا طيب جدااا
_ محصلش حاجه انا مزعلتش اصلا مهتمتش باللي قاله

انا عايز شاي
_ايه يا عمر ياخي حد يخض حد كده
اسكتي انتي يابت يا ريم .. لو سمحتي ممكن تعمليلي شاي ... هو انتي اسمك ايه ؟!
= اسراء
عايز شاي يا احلي اسراء ف الدنيا
_ ماشاء الله ع التجمع السري والكلام الحلو اللي بيتقال والناس مبسوطه بيه
خارب اللحظات ومدمر العلاقات وصل .. ايه يا آدم ايه يا حبيبي كنت بطلب شاي عادي يعني وبعدين انت جاي عايز ايه
_ عايز قهوه يا خفيف ... اعمليلي قهوه وهاتيهالي ع اوضتي وريم هتقولك بشربها ازاي
&&&&&&&&&&&&&
بنتفجر ف كلامنا لما يفيض بينا لما نحس اننا بنتهم بحاجات عمرنا م فكرنا نعملها بيبقي وقتها كفايه كده مش هنسمح حد يقول كلمه عننا تاني
_ قهوة حضرتك
حطيها عندك
_ اتفضل
ايه حكايتك ؟؟!
_مش فاهمه حكاية ايه !؟
انتي هتستعبطي يابت مانتي كنتي مقضياها تحت مع عمر هزار
_ لو سمحت احترم نفسك انا لا كنت مقضياها ولا زفت وعمري م هسمحلك تتكلم عني كده
خدي هناا رايحه فين
&&&&&&&&&&&&&&&
احيانا كتير بنبقي عايزين نصلح اللي بوظناه ف بنبوظه اكتر
_ اسراء تعالي اقعدي معايه شويه وانا بذاكر
هينفع!!؟
_ اها هينفع ماما نامت وآدم فوق مش هينزل تقريبا وعمر ع