أنا ما عندي كتير ناس بتحبني ؛ وبصراحة ماني حدا مهضوم زيادة حتى ضحكتن وقت احكي دوبا تبين
ما بحب كون الحدا اللطيف يلي كل الناس بتتجمع حواليه
حتى المنيح وقت بدي قدمو كتير بفكر قبل..
بصراحة أكتر؛ منيحاتي بينعدوا عالإيد الوحدة

تفاصيلي كتيرة؛ غرابتي يلي هيي بالأساس عقد نفسية

كرهي للتصنع أبداً مو ميزة حلوة ما كتير أوقات الطبيعة بتكون نقمة بهيك مجتمع ملوفك

حبي للشتي وكرهي للصيف واحد من الشغلات القليلة يلي منشبه بعض فيها بس هاد أبداً ما بيعني إني البنت الحساسة الرومنسية
مجرد حب مو أكتر

بقولوا بحبو الأسود عليي الفكرة إنو ما عندن خيار تاني ما أنا أكتر اوقاتي بلبس أسود فهالشي بيعني إنهن بالنادر ليشوفوا باقي الألوان
والشغلات يلي عم يميزوها لأنو هيي يلي موجودة
طيب يمكن مع الوقت يبطل في ميزات ؟شو بتعمل؟بتخلق شغلات جديدة تحبني عليها

أنا ماني كل الشغلات يلي بتوهموا حالكن فيها لتبرروا وجودكن معي فيا وحبكن إلي حتى حبكن مو مضمون؛يمكن يتلاشى مع أول موقف بتنجبروا فيه تتحملوا معي

بنطوي؛بهستر؛بحب هالحيطان كتير وصرنا صحبة حتى

قلبي مابساع حدا؛وقليل كتير لأحضن حدا لجألي

أنا السواد هون بكل كلّي

و أنتوا الروح البيضا يلي عم تجرب تعيش فيي
وعم حاول عيشها وعم أفشل بكل الأحوال

أوقات بفكر إنو تحملكن معي لهلأ هو لعنة شيطانية عليي و عليكن وأوقات بئنبني ضميري وبكتشف الحقيقة إنو أنا الشيطانة

يا بتعملوني ملاك متلكن أو بتصيروا شياطين
و إن كتير فشلنا منصير تنيناتنا بشر 💚💚