د نورالمدارس فاروقیه مدرسې ته



د هیلو سهار دی سپیدې به راځي
د ګل شان ځلمي فارغېږي او ځي
زمونږ د ولس د دردونو ملهم
او پاک انسانیت دینداري به راوړي

ښکارېږي څه ښکلي زمونږ باغیچه
نن بیا ځلېدلې زمونو باغیچه
د ستورو کاروان یې روښانه کړو بیا
بیا ټولو منلې زمونږ باغیچه
د نورالمدارس وقار لوړوي

د علم سنګر کې کامیاب دي ځلمي
که رب کړل د هر چا ځواب دی ځلمی
په پوهه وهي به بیا تورې تیارې
په تورو تیارو کې افتاب دې ځلمي
زمونږ په وطن کې ډیوه بلوي

د دین سپینه لار یې نیولي مدام
نو ځکه ورکړی دی رب دا مقام
الله نازولي الله یې ساتي
زما ورته دی په سل ځله سلام
زمونږ د ګلشن ابادي به کوي

ساحل یې ستایم همیشه هر قدم
په وینو په فکر په لاس او قلم
زمونږ د ولس میړني شازلمي
ساتي دي الله وي په غره که په سم
ساحل وردګ به یې تندی ښکلوي


...ش نصرت الله ساحل وردګ ...