Sarah Saleh ♬

‏كانت تقول جدتي:
في الغضب، اصرخ، حطم، ابكي، انهال بالشتائم على الجميع، لكن إياك أن تصمت، فالصمت في الغضب يقتل كل شيء حي بداخلنا. 🤍

تحت مبدأ الثبات:

لا علاقة ولا ضحكة ولا دمعة، لا طقس ولا شعور رح يبقى ويستمر.

مصيبتك اللي هزمتك، وحتى الفرحة اللي طيّرت عقلك.

دائرة المقرّبين، اللهفة، اللقاءات، الوعود والضحكات.

أهدافك، واقعك، حصيلتك من كل شي،
ساعات نومك، مدّة سهرك، مشروبك المفضّل وأكلتك العظيمة، أفكارك، حديثك، طيشك وحماسك.

مافي شي ثابت، كلو رح يتبدّل بين يوم ليلة، الأثر ما بيمتدّ عمر طويل، رح يجف شوي شوي، وينقص.. ويختفي، ويبطّل موجود.

- نور الرفاعي 🤍

الراديو الصبح شي أساسي، لدرجة بتحس أنو ليكون هاد الوقت صبح، لازم يكون في راديو...!

وبتبقى القهوة وبعيداً عن كل الفلسفات الثقافية المعتة غالباً، هي قيمة مضافة لهالفترة من النهار "الصباح".

ما كان في شمس طالعة، الدني لونها رمادي، والغيوم مغطية السما، والحياة لسا ما دبت بالشوارع، وبالعجقة.

هي الأيام ما فيك تعتبرها باردة، بس هي تسعى للبرودة، شي متل المشاعر يعني بعد صدمة.

وهيك شوية هوا عم يحرك الشجر بكل سلاسة، مانو قوي لدرجة يصفر بالشبابيك، بس منيح، ومريح.

حالة صعبة، أنك توعى وبعدك عم تحاول تتذكر شو كنت عم تحلم، أنو عم تركب اللقطات يلي شفتها بمنامك، لتحاول توصل لصورة مفهومة، وتعرف أنت شو يلي شاغلك كان.

اللي بدي ياك تفهمو، أنو ترتيب الأحداث مهم، حتى لو كانت هالأحداث ما بتعني بالحالة المفردة شي، بس وقت تجمعها صدقيني بتوصل لنتيجة.

أنا ما كنت دقق هيك، أو حتى أعرف لاحظ هالتفاصيل الصغيرة، بس اتعلمت.

مو بإيدي، الدني هيك يمكن، ضروري تكون قادر تنتبه عالتفاصيل، والضروري أكتر تعرف تعمل منها شي...!

الحدث المهم يلي لسا ما ذكرتلك ياه، هو الأغنية.

اتخيل إنها الأغنية يلي كنت تحبها، اجت بنص الجو يلي أنت كمان كنت أو بعدك بتحبو ما بعرف.

أنا ما عملت حالي مو منتبهة، وأنو يلا عادي.

لا أبداً، هيك صفنت..

صرت حاول ركبلك صورة جديدة لملامحك براسي بعد كل هالغياب، صرت لملم هالهوامش يلي ببالي عنك، وحاول أرجع أفهمك أكتر.

بصراحة.. ولقلك ياها من الآخر، اشتقتلك.
أي بعرف رح تحسها تنازل، بس صدقني بتستاهل.

دخلك، سؤال..
مين الأهبل يلي بيتجاهل أشيا عم تحاول تذكرو بوجه لذيذ متل وجهك؟!

كيف في حدا إلو قلب تطلع ع بالو ضحكتك، ويتذكرها، وبيرفض؟!

لهيك وبكل سعادة بقلك، شو اشتقتلك...! 🤍

قبل الفيسبوك والسوشال ميديا ما كان حدا يعرف أنو الأجدب أجدب، إلا أهلو وقرايبينو.

هلأ كلنا صرنا نعرف الحمدلله. 🌚

جاء أحدهم إلى جلال الدين الرومي يحاول أن يوقع بينه وبين ملهمه شمس التبريزي، وكانت حجته بأنه رأى شمساً يشرب الخمر.

- فرد عليه قائلاً:
واللّه لو رأيت ثوبه ملطخاً بالخمر، ورائحته تفوح منه لقلت بأنها سُكِبت عليه، ولو رأيته واقفاً على الجبل ينادي أنا ربكم الأعلى لقلت بأنه يتلو الآية.

اذهب فإني لا أرى شمساً بعيني وإنما أعرفه بقلبي.

- لا يسيء الظن بك من عرفك بقلبه لا بعينه.

مهما حاولت أن ترد الإساءة بالإساءة، سيغلبك الأصل الطيب. 🤍

لا تكثر من الشكوى فيأتيك الهم، ولكن أكثر من الحمد تأتيك السعادة.

- علي بن أبي طالب "كرم الله وجهه" 🤍

بحياتي ما بعدت عن حدا لأني لقيت البديل، أو لأني بيّاعة وبتهون عليي العشرة، أنا ببعد لمّا بلاقي حوارات أستفزاز، عقليّة أطفال، تمثيل، حركات سخيفة.

يمكن بحياتنا ما منكره شخص كنا نحبو بصدق، نحنا منكره الانتظار، الخذلان، الخيبات أو قلة الاهتمام، أما شخص حبيناه.. بعمرنا ما منقدر نكرهو. 🤍