Biror nima qilish uchun hech qachon ideal on, ideal vaqtni kutmang.
Sizda oʻz-oʻzidan boʻsh vaqt paydo boʻlib qolmaydi, mas’uliyatlar esa, yelkangizdan koʻtarilib ketmaydi.
Butun umringiz davomida e’tiboringizni tortadigan, kuchingizni oladigan ma’lum vaziyat va holatlar boʻladi.
Va koʻpchilik kechroq, biroz vaqt oʻtsa oʻz maqsadiga, niyatiga yetishi osonlashadi deb oʻylaydi.
Keyinroq oʻqiyman
Keyinroq boshlayman
Keyinroq ibodatga turaman
Keyinroq hijob oʻrayman
Biroz vaqt oʻtsin
Hozir tayyormasman
“Keyinroq” degani umuman kelmasligi, boʻsh vaqt esa, hech qachon sizga nasib qilmasligi, vaziyatlar toʻgʻri kelmasligi mumkin.
Qoʻlingizdan kelganini, qudratingiz yetganicha qiling.
Lekin, hozir va shu yerda!
Qanday holatda boʻlishingizdan qat’iy nazar harakatdan toʻxtamang.
Oʻzingizni oqlab, bahonalar qidirishni bas qiling.
Va oʻylab koʻring, haqiqatdan ham uddalay olmayapsizmi?
Yoki uddalashni xohlamayapsizmi?
Haqiqatdan ham vaqtingiz yoʻqmi?
Yoki vaqtingizni boshqa narsalarga ketkizyapsizmi?
Yuqorida aytganimdek, ideal vaqt kelmaydi. Kutmang.
Hozir, harakatni boshlang.
Qoqilasiz, adashasiz—ammo albatta yoʻnalishingizni topasiz.
![](data:image/svg+xml;charset=utf-8,<svg width="640" height="640" style="background-color:%2344badc;font-family:Nunito,sans-serif" viewBox="0 0 100 100" preserveAspectRatio="xMidYMid meet" xmlns="http://www.w3.org/2000/svg">
<text font-size="30" x="50%" y="50%" dy="5" fill="white" dominant-baseline="middle" text-anchor="middle">S</text>
</svg>)