اللبس الواسع بيئة لكن الـ over size كيوت..

إطلاق اللحية اخخي مش حلو بس November look حلو..

"علمواْ أولادكم السباحة والرماية وركوب الخيل" فكر قديم ، لكن لازم الـ kid sport..

الخمس صلوات (اللي لو صليتهم كلهم بالوضوء والخشوع والسنّة كمان مش هتاخد أكتر من ٣٠ دقيقة/٢٤ ساعة) بس هلبا والله غفور رحيم والعمل عبادة، لكن ٤ ساعات في الـGym عاش يا وحش..

الـyoga والـmeditation ثورة جديدة، لكن عبادة (التدبّر) المهملة مش مفهومة ولا منطقية.

صيام اثنين وخميس مش لازم ومشقة، بس دكتور الـ Diet قال الصيام المتقطع حلو.

خاطرنا نسافر ونلف العالم ، لكن الحج "لمن استطاع اليه سبيلاً" واكتر حاجة 15 الف ولو اشتراكية 40 الف في رحلة واحدة في العمر!!

لا_للتنمر و stop_bullying ، ومش متدكرين "لا يسخر قوم من قوم" و "من حسن إسلام المرء تركه ما لا يعنيه"

وأمثلة هلبا يحاول البعض منا تغيير منطقها الديني، وتحويلها لأي مسمى جديد يلقى رواج أكبر..

بمبدأ (خير الطعام ما كان في سلال الآخرين)