SHERZOD KOMIL XALIL IJODI

Мактуб

Қадрли дўстим Шуҳрат Ориф!

Адабиёт жўн ҳодиса эмас, инчунун шеърият ҳам. Бугунги ўзбек шеърияти қайси кўлам ва ўлчамдалигидан қатъий назар мени мутлақо қаноатлантирмайди. Мен на Абдулла Ориф, на Рауф Парфи ва на бошқа шеъриятимиз сиймоларини танқид қилишдан мутлақо йироқман. Бу ўзан ва дарёлар ҳали узоқ оқиб ётишини мен ҳам биламан. Абдулла Орифга интилиш керак деган тезис қанчалар жозибали ва ҳаётбахш туйилмасин, ҳатто сиз бир пайтлар ёзганингиз:
"Камида Навоий бўлишим керак",
шеърий идеал, бизнинг бугунги айҳонносимиз ва ўз майлимизча нималарнидир қоралаб ётганимиз, бизнинг овозларимиз давр тўзонларининг нариги тарафидан туриб ўйлаганда ҳам менга жуда ҳам некбин туйилмайди.
Бир замонлар мен сизнинг тимсолингизда катта овозни эшитгандим. Бу мен учун бир чақириқ мисоли эди. Сўнг бу овоз ғойиб бўлди. Нақ ўн беш йиллар чамаси. Бугун сизнинг ёзаётганларингиз ва бу майдонга янгидан қайтишигизни кузатарканман, ўша, бундан ўн беш йиллар олдин тўсатдан ғойиб бўлган шоирнинг қайтиши менга ҳам қайта мотивация беради. Шеъриятдан фарқли ўлароқ насрда мен фақат Назар Эшонқул ижодини ўқиганимдагина ўзимга нисбатан катта чақириқни кўрганман. Бизнинг умумий шеърий идеалларимиз, ҳаётни фалсафий ва ирфоний англашга бўлган интилишимиз, иймон йўли, умуман бизнинг авлодга хос бўлган ўзига хосликлар ҳақида батафсил тўхталиб ўтирмоқчи эмасман. Мени безовта қиладиган бир туйғу бугунги мавжуд адабиётимизнинг ҳолатидан қониқмаслик, янги бир дунёни очишга бўлган интилишнинг боши берк кўчага кириб қолганлиги, ижтимоий ҳаётда ҳамон овозимизнинг баралла эшитилмаётганлиги ҳаммадан ҳам қаттиқ чўчитади. Шунга қарамай, мен доим ичимда гувраниб ётган тошқин дарёларнинг шағирлашини эшитаман, юрагимнинг туб-тубларидан ҳайқираётган инсон овозининг бир совуқ ёмғирли ва чақмоқли ҳавода булутлар ва тоғлар қатини кесиб, баралла янграётганини эшитаман. Бир соҳир дунё бор - унда биз азалдан орзу қиладиган катта поэзия жаранглайди. Бу мен ҳали тўла-тўкис англаб етмаган ва бу ёруғ дунёда яшаётган одамиятга етказилмаган, аммо етказилиши жуда муҳим бўлган ичкари овозни эшитаман. Сиз ҳам эшитасизми дўстим?!

Сизга ҳурмат ва камоли эҳтиром билан Шерзод Комил Халил.

22.08.2019.
Тошкент- Учтепа.

@mittihaqiqatlar

Мактуб

Қадрли дўстим Шухрат Ориф!

Адабиёт жўн ҳодиса эмас, инчунун шеърият ҳам. Бугунги ўзбек шеърияти қайси кўлам ва ўлчамдалигидан қатъий назар мени мутлақо қаноатлантирмайди. Мен на Абдулла Ориф, на Рауф Парфи ва на бошқа шеъриятимиз сиймоларини танқид қилишдан мутлақо йироқман. Бу ўзан ва дарёлар ҳали узоқ оқиб ётишини мен ҳам биламан. Абдулла Орифга интилиш керак деган тезис қанчалар жозибали ва ҳаётбахш туйилмасин, ҳатто сиз бир пайтлар ёзганингиз:
"Камида Навоий бўлишим керак",
шеърий идеал, бизнинг бугунги айҳонносимиз ва ўз майлимизча нималарнидир қоралаб ётганимиз, бизнинг овозларимиз давр тўзонларининг нариги тарафидан туриб ўйлаганда ҳам менга жуда ҳам некбин туйилмайди.
Бир замонлар мен сизнинг тимсолингизда катта овозни эшитгандим. Бу мен учун бир чақириқ мисоли эди. Сўнг бу овоз ғойиб бўлди. Нақ ўн беш йиллар чамаси. Бугун сизнинг ёзаётганларингиз ва бу майдонга янгидан қайтишигизни кузатарканман, ўша, бундан ўн беш йиллар олдин тўсатдан ғойиб бўлган шоирнинг қайтиши менга ҳам қайта мотивация беради. Шеъриятдан фарқли ўлароқ насрда мен фақат Назар Эшонқул ижодини ўқиганимдагина ўзимга нисбатан катта чақириқни кўрганман. Бизнинг умумий шеърий идеалларимиз, ҳаётни фалсафий ва ирфоний англашга бўлган интилишимиз, иймон йўли, умуман бизнинг авлодга хос бўлган ўзига хосликлар ҳақида батафсил тўхталиб ўтирмоқчи эмасман. Мени безовта қиладиган бир туйғу бугунги мавжуд адабиётимизнинг ҳолатидан қониқмаслик, янги бир дунёни очишга бўлган интилишнинг боши берк кўчага кириб қолганлиги, ижтимоий ҳаётда ҳамон овозимизнинг баралла эшитилмаётганлиги ҳаммадан ҳам қаттиқ чўчитади. Шунга қарамай, мен доим ичимда гувраниб ётган тошқин дарёларнинг шағирлашини эшитаман, юрагимнинг туб-тубларидан ҳайқираётган инсон овозининг бир совуқ ёмғирли ва чақмоқли ҳавода булутлар ва тоғлар қатини кесиб, баралла янграётганини эшитаман. Бир соҳир дунё бор - унда биз азалдан орзу қиладиган катта поэзия жаранглайди. Бу мен ҳали тўла-тўкис англаб етмаган ва бу ёруғ дунёда яшаётган одамиятга етказилмаган, аммо етказилиши жуда муҳим бўлган ичкари овозни эшитаман. Сиз ҳам эшитасизми дўстим?!
Сизга ҳурмат ва камоли эҳтиром билан Шерзод Комил Халил.
22.08.19.
Тошкент- Учтепа.
@mittihaqiqatlar