​​ (https://telegra.ph/file/282e9cb850ebebc56b7eb.jpg)Амал бўлса, қандай яхши,
Чала қолмас ҳеч ишинг,
Арастуга тенг кўришар
Бўлмаса-да, эс-ҳушинг.

Амал бўлса, тегранг тўла
Биродару дўсту ёр.
Ҳатто кўрган тушингга ҳам
Таъбир айтувчи бисёр.

Амал бўлса, пашша чаққан
Жойингни ҳам силашар,
Ўзинг қолиб, итинга ҳам
Узоқ умр тилашар.

Амал бўлса, шундай бўлар,
Шундай бўлган азалдан.
Чин дўстликни топиш мушкул,
Тушмагунча амалдан.

© М. Аҳмедов