Hayot Sinovi!
Yiqilsang tur, emaklama yur,
Sekinlashma, to'xtama, yugur,
Hayol surma, armonga tupur,
Hayot sinovi bu, yengilma!

Yig'lama, qiynama o'zingni,
Siqib beayb, yurakkinangni,
Yoshing art, halos et ko'zingni,
Hayot sinovi bu, unutma!

Kimgadir beriladi sog'lik,
Kimgadir esa, ko'plab boylik,
Qara hayot qiziq nechog'lik,
Hayot sinovi bu, to'xtama!

Bu yo'llarda bordir olchoqlar,
Ular qo'yadi turli tuzoqlar,
Duo etgin Ollohim saqlar,
Hayot sinovi bu, aldanma!

Bor shukur yaxshi insonlar ham,
Umring yo'lida bo'lar hamdam,
Olam emas, faqatgina g'am,
Hayot sinovi bu, adashma!

Kimdir tark etsa, kimdir kelar,
Umr o'tar, oy botib, shams chiqar,
Kun kelib albat ko'zing kular,
Hayot sinovi bu, mung'ayma!

To'g'ri tur, to'g'ri yur, yaxshi bo'l,
Umidingni so'ndirma butkul,
Shukur qil, hayotsan har tugul,
Hayot sinovi bu, chekinma!

Sen kutgan on hali keladi,
Ko'ksinga oftob ham tegadi,
Armonlaring ham ushaladi,
Hayot sinovi bu, oshiqma!
Temurjon Habibullayev.