Ադրբեջանական բանակի ևս երկու զինծառայողներ հեռացվել են բանակային շարքերից ծառայության ընթացքում սմարթֆոններից օգտվելու և ֆոտո, վիդեո նյութեր տարածելու համար։ Այդ մասին հաղորդում են ադրբեջանական աղբյուրները։
Նշեմ, որ վերջին շրջանում Ադրբեջանում ինտենստիվ պայքարում են նման երևույթների դեմ։ Դրան զուգահեռ, վերջերս ոստիկանություն էին կանչվել և նույնիսկ ձերբակալվել այն քաղաքացիները, որոնք այլընտրանքային տեղեկատվություն էին տարածում բանակի մասին։ Այս գործողություններն ամբողջությամբ բխում են Ադրբեջանի` նոր հնարավոր էսկալացիայի գնալու և այդ համատեքստում տեղեկատվական առումով պատրաստ լինելու քաղաքականությունից։