Yurtimda bahor
Yuragimga ko'klam nuri, ho'p bostirib kelayotir,
Qalbim ichra ko'klar unar, boychechaklar unayotir.
Huv anovi gullar aro, meni yorim kutayotir,
Bolaridek bir gulingdan, bol so'rmoqqa izn bergil.
Ko'k nuri-la sug'armoqda, qalbda ijod chashmasini,
Bir ilhomlar kelayotir, olib she'rlar dastasini,
Gulchambarlar taqqan qizlar, qo'lga olgan kashtasini,
Shul kashtachi qizlaringdan, hol so'rmoqqa izn bergil.
Qaldirg‘ochlar keldi qaytib, yuragimga inlar qurdi,
Qaylardandir topdi cho'plar, inlariga loylar surdi,
Polaponlar chug'urlashar; bu qandayin makon bo'ldi?
Qalbimdagi qaldirg'ochlar, uchirmoqqa izn bergil.
Bahor qanday munis asar, huddi kulol ko'zasidek,
Ey sen gulim, qalbing toza, tiniq suvning yuzasidek,
Tufroqlaring o'pdim Vatan, go'yo yorim bo'sasidek,
Tamin ko'rdim ona yerning, lol bo'lmoqqa izn bergil.
Aydarko'lning bo'ylariga bahor keldi, aytdim she'rlar,
Shoirona math etsam gar: Jannatmonand Jizzax derlar,
Yetti iqlim qidirsangiz, topolmaysiz bunday yerlar,
Ko'llaringga, balig'ingga she'r yozmoqqa izn bergil.
Bolaridek bir gulingdan bol so'rmoqqa izn bergil.
✍️ Umidjon Qodirov
