بوست تعريفي عن #كلية_الهندسة 👇🏼

مدة الدراسة 4 سنوات لو انت ماشي منتظم يعني كل سمستر تنزل مواده كلهن

اول سمستر حيكون #تمهيدي واسمه علوم تطبيقية حتاخدو فيه ( فيزياء ، رياضة ، حاسوب ، احصاء ، عربي ، انجليزي )

بعد تكملو التمهيدي نسبتك في التمهيدي هيا الي تخششك لكلية الهندسة ✅

التخصص الأول ..
و نقولوا عليه التخصص الأم اللي يشمل جميع التخصصات | #قسم_الهندسة_الميكانيكية :-

يعتمد علي فيزياء 1 بالدرجة الأولي
يعتبر تخصص شامل
تشتغل بيه في شركات الطيران في الشركات النفطية
و الشركات الكيميائية و في المصانع و المستشفيات في قسم الصيانة•

ثاني قسم | #قسم_الهندسة_الكهربائية :-

وينقسم الي ..

هندسة اتصالات
وهندسة كهرباء
وهندسة التحكم

و شغله في جميع المحطات و الشركات و شركات الاتصالات
و يعتمد علي فيزياء 2

ثالث قسم | #قسم_الهندسة_النفطية :-

و تخصصاته حفر و تنقيب و انتاج و استكشاف
وشغله في الشركات النفطية و الحقول

رابع قسم | #قسم_الهندسة_الكيميائية :-

و هو كذالك شغله في اغلب الشركات النفطية والبتروكيماويات والتحلية و المصانع
ويعتمد ع الكيمياء

رابع قسم | #قسم_الهندسة_الصناعية :-

يمكن القول انه إدارة هندسية
قسم يعتبر خفيف رغم أهميته
و شغله في اغلب المصانع والإدارات الصناعية والشركات

خامس #قسم_الهندسة_المدنية :-

يعتبر قسم من اقوي الأقسام
وفرص شغله في البناء و تشييد الطرق و المهابط
ويعتمد ع الأغلب ع الرياضيات
ويعتمد انك تاخذ دورات اوتوكاد وغيرها ..

الهندسة أجمل و أمتع تخصص ممكن تقراه 😎
موفقين جميعاً

#متقول