Via della Libertà

الله يرحم الشهداء جميعا
و الله لا يضيع دمكن خسارة
لا مدنيين ولا أمن

اكيد كلنا بدنا هالسفاحين يتحاسبوا
كان فينا نحاسبن بلا كل هالدم و نختصر ع حالنا وجع جديد

مبارح طلع لقاء للرئيس بتنديد كل الاعمال الاجرامية و التوعد بمعاقبة المجرمين
هالحكي كتير حلو و رواق
بس سيادة الرئيس انتو ما اتاخدتوا غدر
يعني ما نمنا و فقنا لقينا المجزرة
فلول النظام طلع عمل كمين للامن و علّق العالم ببعضا و راحت الناس الأبرياء من المدنيين و الامن انا مع هالحكي و الله يرحم كل الأبرياء يا رب
السؤال
هي الفصائل الي طلعت فظّعت بالعالم و سرقت و حرقت و أهانت و أبادت ليش موجودة؟
مو ع أساس تم حل جميع الفصائل و دمجها مع وزارة الدفاع؟
طيب
الشيشاني و الصيني و المصري و و و شو عم يعملوا بالجيش؟
نحنا رفضنا الإيراني و الروسي لتجيبولنا ناس محشى بعقلها انو اذا قتلوا اي شخص مو تابع إلهن ف بيروحوا ع الجنة
ناس جاي تسرق الرزق و تسبي النسوان و تنبسط عنا ع حسابنا و حساب دمنا
طيب
طلعوا جوامع الشام و إدلب و حمص و اللاذقية و حيّو على الجهاد بطريقة طائفية بحتة
ليش ما حدا اتصرف من وقتها
ليش ما جبنا كل إمام جامع جيّش و حاسبناه و فرضنا عقوبة و حبس ع أي حدا ح يتحرك؟
اذا هدول رجال الدين ع أساس هدول الي عم يأثروا بآلاف الاشخاص عم يكونوا بهالارهاب هاد
لك الشيخ الشريف الي طلع حكى و رفض الظلم و الطائفية قتلوه
سيادة الرئيس كلامك حلو لو فقنا لقينا حدا سارق حدا او حدا قتل شخص او او او
بس مجزرة عم يتحظرلها بهالطريقة لا ما فيني أبدا اتفق معك ولا قول حكيك منطقي
و الي بدو يقلي شو طالع بإيدو ح قلكن هاد رئيس دولة مش مدير روضة
و إلا ف كمان بشار ما كان طالع بإيدو شي
او كيف؟

نحكي شوي

الكل يحكي كرمال كل شي
حتى لو ما اتأذيتو
خدوهن ع الضيع الي اتأذت
ورجوهن الي صار

لو سمحتوا اخوتي العلويين حصرا
فوتوا وقعوا و انشروا البيان

التاريخ ٢٠١١ :
شبيحة يكذبون المجازر و الاعمال الارهابية التي قام بها النظام
إرهابيون من أطراف خارجية تستغل الأوضاع لتقتل و تسرق
إعلام كاذب و مزيف للحقائق
و الضحايا هم فقط الأبرياء من مدنيين و عسكر
التاريخ ٢٠٢٥ :
شبيحة يكذبون المجازر و الاعمال الارهابية التي ترتكب من قبل فصائل منفلتة لا تقدر الدولة على ضبطها
إرهابيون من أطراف خارجية و فلول النظام البائد تستغل الأوضاع لتقتل و تسرق
إعلام كاذب و مزيف للحقائق
و الضحايا هم فقط الأبرياء من مدنيين و أمن

اترحموا عليهن

كمان اليوم
الله يرحم الأبرياء
مدنيين و امن
و الله لا يوفق الي كان السبب