JECHOOTA XIIN-SAMMUU

Gaafa rakkinni sitti dhufu hin laafiin...

Jireenyi Addunyaa kanaa akka Ati yaaddetti osoo hin taane akka fedhii isheetti si jiraachisuu dandeessi.

Jireenya jettee ati addunyaa kanarratti jiraattu kun yeroo hundaa akka ati feete siif hin taatu. Wanti ati har'a of harkaa qabdu guyyaa tokko akka dhabdu beekuu qabda.

Mee fakkeenya tokkon siif fudhadha:- Nama ati hedduu jaalattu yeroo hundaa of biraa dhabuu hin feene yoo dhabdemmoo jireenyi kee hiika akka hin qabnetti fudhattee ija kee irraa buqqisuun illee si sassachiisu osoo of biraa du'aan dhabdehoo?? Ykn namni sun akka ati isa jaalatutti si jaalachuu dhiisee onneekee madeessee osoo deemehoo??

Argitee jireenya kana gaafa jiraattu dhiphinaaf, dhabaaf, gaddaaf, rakkinaaf qophaa'aa ta'uu qabda. Sababni isaas yeroo hundaa gammachuun hin jiru gaddi ni jiraata, jaalalli akkuma jiru jibbis ni jiraata, wal arguun akkuma jiru gargar bahuunis ni jiraata.
Nama jaalatturraa gargar bahuu yaaduun ulfaataa ta'us guyyaa tokko dirqama nama sanarraa adda ni baata kun seera uumamaati! Kanaaf gammachuun yeroo hundaa waan hin jirreef gaddaaf of  qopheessi.

Gaafa rakkinni sitti dhufu hin laafiin, jireenyi rakkina kanaa booda akka waan hin jirreetti fudhattee mataa hin cabiin jabaadhu. Bor guyyaa addaa ta'uusaa bari.

Jireenya addunyaa kanaa salphisuus ulfeessuus kan danda'u suma mataa keedha. Al tokko tokko rakkinoota nu quunnamanirra rakkinichaaf deebiin nuti kenninu hedduu nu miidhu kanaaf jireenya kee salphistee jiraachuu yoo feete wanta har'a argite boru akka hin jirre, akkasumas adda bahuu namni ati hin feene guyyaa tokko akka irraa adda baatu beektee yeroo hundumaa qophaa'aa ta'uu qabda

Halkan akkuma jiru bariin illee ni dhufee halkanicha akka seenaatt ni haasofta, hin darbu wanti ati jette darbee boqonnaa haaraatti ni ceeta guyyichas seenaa jettee dubbatatta. Kan jaalatte si jibbus kan abdatte si ganus godoon ati ijaarratte si jalaa diigamus guyyaa tokko hunduu darbee galmee seenaa keerratti ni galmaa'a

Kanaaf yeroo hundumaa ati nama jabaa akka taateefi rakkinni si moo'uu akka hin dandeenye ofiiti dubbadhu! Gochi ati gootu firii yaada kee waan ta'eef waan gaarii yaaduu shaakali yeroos waan gaarii hojjetta jireenya kees salphistee jiraatta.

Sababa malee namni kamuu addunyaa kanarratti hin uumamu atis akkasuma sababa dhalatteef qabda kanaaf gaafa rakkinni sitti dhufu guyyaa uumama kee hin abaariin! Dukkana booda ifni ni jira dukkanni har'aas darbee kaleessa ni ta'a isas borirra dhaabattee ni haasofta.... Ati uumama kaleessaafi boru walitti araarsitee har'a jiraachuu danda'udha kanaaf ati yeroo hundaa nama addaati!! Jabaadhu jireenya moo'i malee jireenyi sin moo'iin ergaa kooti.
 

@XIIN_SAMMUU
@XIIN_SAMMUU

  Jechoota Mimmiidhagoo:

1. Namni utuu kitaaba dubbisuu danda'uu kitaaba hin dubbifne, nama dubbisuu hin dandeenyerra hin caalu.
2. Namoonni hedduun hamma maqaa isaanii hin ga'an. Maqaa isaaniitu isaan caala.
3. Milkaa'inni wanta namoonni hin argin arguu danda'uudha.
4. Dandeettii / ga'uumsa keessa kee jiru qofaan dorgomi! 
5. Beekumsa qaban irratti hundaa'ee namoota gosa 4 tu jira. Isaaniis:

Nama hin beekne , akka hin beekne, kan hin beekne.
Nama hin beekne, akka hin beekne, kan beeku.
Nama beeku, akka beeku kan hin beekne
Nama beeku, akka beeku kan beeku.
6. Yeroo hubachuu ilaalchisee namoota gosa 3 tu jira.

Har'a keessa ta'anii kaleessaaf warra jiraatan.
Har'a keessa ta'anii boriif warra jiraatan.
Har'a warra jiraatan.
7. Kaleessi dabreera, bor hin dhalanne, yeroon qabnu har'a qofa.
8. Eessa akka jirtu beekuu caalaa eenyu akka taate beekuutu si fayyada.
9. Diinni milkaa'inaa inni guddaan milkaa'ina mataa isaati.
10. Rakkinni namoota baay'ee humna dhabuu utuu hin ta'in akka humna qaban wallaaluudha.
11. Eenyuyyuu qofaa isaa jiraatee kan fiixaan baafate hin jiru.
12. Namni baay'ees si miidha baay'ees si fayyada. 
13. Bilchinaaf karaan qaxxaamuraa hin jiru.
14. Milkaa'inni 99% kufaatiidha.
15. Yaalii dadhabi malee yaaluu hin dadhabin!
16. Carraatti utuu hin ta'in hojiitti amani!

@XIIN_SAMMUU
@XIIN_SAMMUU

HUBADHU!

• Osoo fiiguu hin jalqabiniin dura kallattii kam akka fiigdu adda baafadhu!
• Osoo waan tokko hin murteessin dura, murtii booda waan dhufu tilmaami!

Amaloota sadi dhiisuu qabda:

➝ Abdii kutachuu,
➝ Hammeenya hojjachuu fi 
➝ Nama tuffachuu dhiisuu qabda.
Yeroo hedduu kan jireenya keenya jijjiiru humna alaa dhufu osoo hin taane humna sammuun keenya maddisiisudha; yaada namni biroo nuuf kennu irra yaada sammuun keenya burqisiisutu nu hooggana! kanaafuu waan gaarii gochuuf waan gaarii yaaduu qabna;
Akka saayinsiin jedhutti namni tokko jiraachuuf waantonni akka bu'uuraatti barbaachisan nyaata, uffataa fi mana jireenyaati jedhee lafa kaa'a; garuu jiraachuuf kun gahaa miti jiraachuuf Gammachuu qabaachuunis barbaachisaadha; namni gammachuu hin qabne, namni kolfi isaa harkaa bade jiraachuun hedduu itti ulfaata; du'uu filata (kana kan arge hubachuu danda'a).
JIREENYA GAMMACHUU QABU JIRAACHUUF:-
- Nama ta'uu kee yeroo hunda yaadadhu.
- Namoota Kamiinu qixa akka taate of amansiisi (namni eenyummaa isaan wal qixa; doktorii, pirofeserii, barsiisaa... waan fedhe haa ta'u kunneen eenyummaa isaa osoo hin taane maalummaa isaati. Namni kan madaalamu ammoo maalummaa isaan osoo hin taane eenyummaa isaani kanaafu ati Nama dha Amani).
- Akka duutus hin dagatiin.
- Namaaf ilaalcha gaarii qabaadhu.
- Nama gargaari (bay z way....gaafa nama tokko gargaarru isa gargaarame caalaa kan gammadu isa gargaaredha).
- Namoota si miidhaniif Dhiifama godhi (kun gammachuu dhokataa danuu qaba).
Na amani Warreeen armaan olii kana yoo raawwatte salphumatti nama gammachuu qabu taata.


@XIIN_SAMMUU
@XIIN_SAMMUU

  Gorsa Shan [5]  

1. Iddoo Hundumaatti gaarummaa hojjadhu! Yoos maqaan kee bakka gaaritti waamama.
2. Eenyummaan kee inni qajeelaan bakka oolteen utuu hin taane, hojii bakkichatti hojjetteen madaalama.
3. Amma dandeessu namoota onnachiisi! Nama tuffachuu hundumtuu gochuu danda'a waan ta'eef.
4. Gammachuu argachuu kan dandeessu gaafa kaayyoo keetiif jiraattudha.
5. Yeroo keetti fayyadami! (Use time wisely)

@XIIN_SAMMUU
@XIIN_SAMMUU

Of Jijjiiruuf Kallattilee Bu'uuraa 10

➛ Ati nama guddachuuf of qopheessuu jaalatuu dhaa? Karaa kamiiniyyuu of jijjiiruuf kallattii barbaadaa jirtaa? 

➛ Yeroo kamiyyuu kallattiin ittiin jireenya keenya jijjiiruu dandeenyu malli ni jira. 

➛ Dandeettiin nama keessa jiru daangeffamaa miti. Kanaafuu dhuma milkaa'insaa irra gaheera kan jedhu hin jiru. Tuqaan milkaa'insa isa dhumaas hin jiru.

Yommuu of xinxallu nuti nama gaariidha, gahoodhas.

➛ Kallattiin milkaa'inaa kennamu itti fufiinsaan of jijjiiruuf akka ta'uu fi yeroo hundumaa tarkaanfiin guddaan irratti dammaquu qabnu akka jirudha. Tarkaanfileen milkaa'insaa tokko tokko karaa salphaadhaan kan adeemsisu yoo ta'u, kan deeggarsa barbaachisus jiru.

1. Yeroo Hundumaa Dubbisi! (Read Every Day): Maddi ogummaa jireenyaa kitaaba dubbisuun ni argama. Hanguma baay'ina kitaaba dubbistu ogummaan horattus caalmaatti dabalamaa adeema. Guyyaa hundumaa kitaaba yommuu dubbistu sammuun kee beekumsa soorata. 

2. Afaan Haaraa Baradhu! (Learn New Language): Afaan dabalataa baruun dandeettii fi beekumsa dabalataa akka argattu si gargaara. Sammuu banamaan afaanii fi aadaa kanneen biroo barachuun muuxannoo jireenyaa gabbisa.

3. Fedha Haaraa of Keessatti Uumi! (Pick up a New Hobby): Fedha kee cinaatti fedha kanneen biroo fakkeenyaaf jabeenya qaamaa, walaloo barreessuu, horachuun yommuu hojii xumurtu shaakaluun dandeettii kee alaan, keessaan, yaadaadhaan ni guddifatta.

4. Barnoota Haaraa Fudhadhu! (Pick up a New Course): Barnoonni karaa ittiin beekumsa haaraa argatanii fi dandeettii ittiin of jijjiiranii dha. 

5. Kutaa Dadammaqiinsaa Uumi! (Create an Ispirational Room): Naannoon ati jirtu kaka'uumsa waan haaraa uumuf ati qabdu cimsuuf gahee qaba. Kan jirtu naannoo dadammaqiinsaaf si gargaaru yoo ta'e, yeroo hundumaa keessa kee haaressita. Kutaan mana kee keessa jiru duwwaa akkasumas toora kan hin qabne yoo ta'e, kutaa dadammaqiinsaa gochuuf wantoota dammaqiinsaf si gargaaran, jechoota barreessuun yookin fakkii kaasuun itti maxxansi!

6. Sodaa Kee Moo'adhu! (Overcome Your Fears): Dandeettii dubbii irratti, sagalee dhageessifachuu irratti sodaa qabda taanan, sodaan kee sadarkaa jijjiiramaa tokko irra akka turtuu fi of jijjiiruu irraa si dhoorka. Naannoo itti sodaa kee moo'achuu dandeessu uumuun irratti hojjedhu!

7. Sadarkaa Kee Ol Guddisi! (Level up Your Skills): Hojii kee irratti muuxannoo fudhachuun isa caalutti ol guddifachuu dha.

8. Ganamaan Ka'i! (Wake up Early!): Obboroon ka'uun bu'aa hojii fi of jijjiiruu irratti gahee olaanaa qaba. Ganamaan yoo kaatu yeroo gahaa itti of qopheessitu namoota kan biroo caalaa qabaatta. 

9. Sochii Qaamaa fi jabeenyaa Torbanii (Weekly Exercise): Qindaa'insaa fi bareedina akkasumas fayyina qaamaaf sosochiin qaamaa murteessaa dha. 

10. Kitaaba Jireenya Kee Eegali! (Start Your Life Handbook): Kitaabni jireenyaa of keessaa akkaataa jiruu fi jireenya kee itti jiraattu qaba. Fuula tokkoon tokkoon isaa irratti of qopheessuun, kaayyoo kee, bu'aa argattuu fi galma geessu madaalaa adeemta.

@XIIN_SAMMUU
@XIIN_SAMMUU

Jechoota Hayyoota Lixaa

"Beekumsi kennaa uumamaa si jalaa hin hatamneedha."
   — Albart Staayin

"Hiyyummaan hiyyuuma caalu hiyyummaa sammuuti."
  — Sooqiraxas

"Hanga lubbuun jirtutti waan gaarii hojjedhu!"
  — Abrahaam Linkan

"Yeroo dabarsuurra guyyaa beellamaa dabarsuu wayya!"
  — Abrahaam Linkan

"Beekaa jedhamuuf barumsa keessa darbuu osoo hin taane baruumsi si keessa darbuu qaba."
  — Abrahaam Linkan

"Sammuun qullaa ta'uu irra kiisiin qullaa ta'uu wayya."
   — Sheekispiir

"Boru kaleessaaf karoorfachuu hin dandeessu."
   — Edmand Bark

"Yeroo hunda tarkaanfii tokko yoo yaaddu qormaanni gufuun miilla kee irratti ni mul'ata."
   — Antoon Cheevak

"Nama irra yaaduf yaali! Garuu namarra beekadha ofiin hin jedhin!"
   — Wiiliyaam Jaamsi

"Horii kee waan barbaaddetti jijjiiruu dandeessa! Biyya kee garuu hin dandeessu."
   — Joon F. Keneediin

"Bareedinni sammuudhaa umurii wajjiin dabalaa yoo adeemu kan bifaa immoo hir'achaa deema."
   — Joon F. Keneediin

"Humna agarsiiftuu ol qabaadhu! Hamma beektu dubbadhu!"
   — W. Sheekispiir

Chaanaalii kana join share woliif godhaa

@XIIN_SAMMUU