🌟Zamonamiz iste'dodlari🌟

#sheʼriyat_shaydolari_tanlovi
#Ishtirokchi_6
#19_yosh

Bag‘ri kenglar yurti-bu

Birlashtirgan hammani,
Qora, qizg‘ish, mallani.
Turli xalqlar chamani,
Bag‘ri kenglar yurti-bu.

Qo‘llar qo‘lga tutashgan,
Yuzda kulgu qamashgan.
Ishonchni zo‘r oqlashgan,
Bag‘ri kenglar yurti-bu.

Begona deb bilmagan,
Hurmatin kam ko‘rmagan.
Do‘stim-deya atagan,
Bag‘ri kenglar yurti-bu.

Hammaga bir e'tibor,
Qo‘l ko‘ksida minnatdor.
Qonunida modda bor,
Bag‘ri kenglar yurti-bu.

Tilini hurmat qilgan,
Dinin oliy din bilgan.
Birdek nazarga ilgan,
Bag‘ri kenglar yurti-bu.

Bag‘ri keng osmondayin,
Qolgingiz kelar tayin.
O‘zga yurt yo‘q bundayin,
Bag‘ri keng- Bek yurti-bu!!!

Ozoda Odilova
Navoiy Davlat Konchilik instituti 21-19 NRM guruh talabasi

#sheʼriyat_shaydolari_tanlovi
#Ishtirokchi_5
#20_yosh


" Yaxshilar "


Nimtabassum, labda kulgu, dili vayron yaxshilar,
Bu dunyoning "bor-kel"iga mudom hayron yaxshilar.



"Oʻn toʻrt goʻdak, oʻn toʻrt oʻgʻiz, ikki jon-u burda non",
Bir taʼrifni topar xolos ojiz zabon - "yaxshilar".



Qay bir makon, qay bir zamon tashakkurin koʻrdi ravo
Vale siz bor, obod makon, boqiy zamon yaxshilar.



"Hayot - misli eski kema, koʻtarmaydi" - desa kimdir,
Soʻz ham demay boʻlar gʻavvos, "sodda nodon" yaxshilar.



Qismat shulda: tutmay chaqa, soʻrar oʻlpon qayta-qayta
Oʻzgalar-chun mol-u joni abad qurbon yaxshilar.



"Kelish nogoh - biroz chaynam - tagʻin qaytmoq" - hayvon ham shul,
Inson emas, bu hayotga asli ehson yaxshilar.



Ajratolmas na bir maslak, na bir millat, na bir irq.
Eʼtiqod-u eʼtimodi - toza vijdon yaxshilar.



"Bu choʻlgohda qatra suvga qonmoq nadir" - dema, Odil,
Oʻylamakim tashnayi xor, qadri ummon yaxshilar.



Irisqulov Odilbek
Toshkent davlat yuridik universiteti Xalqaro huquq va qiyosiy huquqshunoslik fakulteti 2-kurs talabasi.

#Sheriyat_shaydolari_tanlovi
#Ishtirokchi_4
#17_yosh

O'tib ketgan yoshligim

Bu hayotda bor ilm,
Bor zakovat,bor qo'nim.
Yo ajalni chaqirmay,
O'tib ketgan yoshligim.

Ox,chekaman kuyunib,
Yillar o'tar,suyunib.
Beboshlikdan uyulib,
O'tib ketgan yoshligim.

Chaman gullar ortida,
Oyday visol yashirin.
Balki o'shal malakday,
O'tib ketgan yoshligim.

Yurak xasta ko'rinar,
Toliqqanmi bilmadim.
Mangulikka urinar,
O'tib ketgan yoshligim.

Hayollarim parishon,
Xazrati Xizr inson.
Go'yo ajib ertakday,
O'tib ketgan yoshligim.

Har onimda do'stlarim,
Esda qolar so'zlarim.
Sovumasdan izlarim,
O'tib ketgan yoshligim.

Ko'ksimda to'la nishon,
Ustozim menga ishon.
Kelganida zafar-shon,
O'tib ketgan yoshligim.

Bu hayotda bor ilm,
Bor zakovat,bor qo'nim.
Yo javobim ololmay,
O'tib ketgan yoshligim...

Yo'lchiyev Diyorbek Mansurjon o'g'li
FarPi akademik litsey 1-kurs o'quvchisi

#Sheriyat_shaydolari_tanlovi
#Ishtirokchi_3
#24_yosh
OMONAT

Yeru osmon omonat,
Har tirik jon omonat,
Chetga suring dardlarni,
Bizga iymon omonat.

Tuzingga qilgin tavob,
Har ishga bordir javob,
Yoddan chiqarma savob,
Xayr-ehson omonat .

Ishonma yomonlarga,
Aldanma shaytonlarga,
Boqma yilsiz zamonlarga,
Nomus,vijdon omonat.

Podsho bilma òzingni,
Qaro qilma yuzingni,
Qadriga yet dòstingni,
Dòst, Qadirdon Omonat .

✍🏻 Ashurmahmatov Sarvar
🏢 Samarqand Davlat Universiteti Ekologiya yònalishi 4-kurs Talabasi

Assalomu alaykum qadrli guruhimiz a'zolari. Bizga kelib tushgan ko'plab murojaatlar orqali tanlovimizni Respublika miqyosida qilishga qaror qildik.
Barcha Respublikamizning ijodkorlarini faollikda kutib qolamiz.

#Sheriyat_shaydolari_tanlovi
#Ishtirokchi_2
#30_yosh

O'zbekistonsan

Serviqor tog'laring o'zingga o'xshash,
Maysalar kiprigu ko'zingga o'xshash.
Bog'laringda sayrar go'zal qushchalar
Naqadar dilbarsan, vatanim dilkash.

Erkinlik, hurriyat quchog'idasan,
Baxtning muhabbatning o'chog'idasan.
Yashnayver ko'klarga cho'zib yuksak bo'y
Farzandlar kamoli hush chog'idasan.

Sensan Navoiyni o'stirgan makon,
Bobur yuragida yashaydi armon.
Hushzabon dil ila madhingni kuylab,
Devona Mashrabing kezadi jahon.

To'yu bayramlarning hisobi senda,
Yuksak orzularingiz ro'yobi senda.
Jannat hidi kelar sabolaringdan
Ne-ne ellar havas qiladi senga.

Olis maqsad uzra ochmoqdasan yo'l,
Hatto dushmanga ham uzatasan qo'l.
Mehmondo'st, hurviqor, chamanistonim
Poyingni o'padi alvon-alvon gul.

Tuprog'i oltindan a'lo bo'stonsan,
Serquyosh zaminim, hur gulistonsan.
Sog'inchim, quvonchim yagonam o'zing
Mening ilk sevganim O'zbekistonsan!

Dilorom Mo'minova
4-sonli maktab o'qituvchisi.

#Sheriyat_shaydolari_tanlovi
#Ishtirokchi_1
#13_yosh

Bag'rikeng yurtim

O'zbekiston yagonadir,
Go'zallikda durdonadir.
Erur doim millatparvar,
Aholisi vatanparvar.

Do'stlik ulug'lanar unda,
Tinchlik shukuh kunu tunda.
O'zbek, tojik, qirg'iz, turkman,
Barcha millat baxtli unda.

Mehnat qilar bari birdam,
Yigitlari mard va o'ktam.
Qizlarichi yalla aytar,
Qoshlariga o'sma surtar.

Bag'rikengdur O'zbekiston,
Tog' vodiysi jannatmakon.
Uning xalqparvarligi,
Tillardadir doim doston.

Marjona Tursunboyeva
29-sonli maktab 7-sinf o'quvchisi

DEMAK BIZ ISHTIROKCHILAR QABULINI BOSHLADIK.
BARCHANI FAOLLIKDA KUTIB QOLAMIZ.

‼️‼️‼️DIQQAT‼️‼️‼️

📎Respublikamizning chekka-chekka hududlaridagi yosh ijodkorlarni kashf etish;

🖊 ularni moddiy va ma'naviy qollab quvvatlash;

🖊 rag'batlantirish;

🖊ijodiy mahoratlarini oshirish;

🖊 tajribalarini shakllantirib borish;

🖊Iste'dodli og'il-qizlarni keng jamoatchilikka tanishtirish maqsadida Respublika Yosh Olimlar Kengashi Namangan viloyati bo'limi vakili, volontyor, yosh jurnalist Xusayn Tursunboyev hamda O'zbekiston Yoshlar Ittifoqi Mingbuloq tuman kengashi tashabbusi bilan "Taraqqiyot" erkin volontyorlik harakati homiyligida "She'riyat shaydolari" tanlovi e'lon qilinadi.

❇️Tanlov talabi:
-She'rlar topshiriqda berilgan surat asosida yozilishi;
- muxtasar bolishi;
-Sifat darajasi yaxshi bolishi lozim.

✅Ishtirokchilar orasida g'oliblar
7-14;
15-22;
23-35 yosh toifasida aniqlanadi.

❇️Tanlovni baholash:
Hakamlar e'tirofiga kora; (1,2,3)
O'quvchilar e'tirofiga (ovozlar miqdori) kora; (1,2,3)
❇️Rag'batlantiruvchi (jami uchta nominatsiya bo`yicha)

❇️She'rlar shu yilning 10-dekabridan 20-dekabr kuniga qadar @Xusayn_Tursunboyev manzilida qabul qilinadi va "Zamonamiz iste'dodlari"(@Zamonamiz_istedodlari ) kanalida e'lon qilib, baholab boriladi.

✅G'oliblar esdalik sovg'alari va faxriy yorliq bilan taqdirlanadilar.

✅Ha aytganday bundan tashqari qolgan ishtirokchilar ham faol ishtiroki uchun tashakkurnoma bilan taqdirlanadi✅