الشاعر ابو الاكبر البديري

عمري ماابطل الونين
من شفت راس الحسين

بيه يفتر اللعين
عمري ماابطل الونين
------------------------------–------------
حسين ابن امي واخيي
وبيه ريحة كل هلي

حسين غذاني بحنانه
وعوضني عن عودي علي

اشلون اعوفه وامشي
عنه جثه مرميه ابلا ولي

مشوني عنه ابلا جسد
وروحي هاي مو الي

ابلا غسل ضل ولاجفن
عمري ماابطل الونين
-------------------------------------------
راح صبري وي حيلي
وصار جدامي الاسر

جسمه باقي على الغبره
ونحره حزاه الشمر

وصحت مومالة ذبح
هذا ابن طلع البدر

انذبح جدامي اخوي
وضاااع من عندي الخدر

شفته يتلوه بانين
عمري ما ابطل الونين
-------------------------------------------
هوس براسه خوله
اوصارت ضجه وضغبره

اجتمعو عليه الخياله
ايدوسون جثته الطاهره

والشمر اذاني بضحكته
ونيران گلبي اموجره

ابنار حرگوهاا الخيام
ولوعو زينب بالجره

ولاننسه زين العابدين
عمري ماا ابطل الونين
--------------------------------------------------
جيت بالميدان ارگض
لمن حرگوها الخيم

منها اطلع ايتام اخوتي
وگمت المن بالحرم

صوره وبالي اثرها
هيجت بيه الالم

والجفيل اعله الثره
وعينه طافيه السهم

وصحت ياضنوه احسين
عمري ماا. ابطل الونين
--------------------------------------------------
اجيته مذهوله واصيح
تنحو عنه يالكفر

هذا ابن امي حسين
دونه اضحي بالعمر

ابوي وصاني عليه
وگال الج هذا ذخر

شفته وانه بلايا راي
وناري تلهب بالصدر

خلاف عينك يحسين
عمري ماابطل الونين
---------------------------------------------------
خلاف عينك هذا وني
يفسر ارماد الصخر

هاي ايتام وارامل.
خايفه من الذعر

من حده الحادي بضعنه
امشينه بامر الشمر

بين عباس ورقيه
انه ابجي من القهر

وروس اخوتي الطيبين
عمري ماابطل الونين
--------------------------------------------------

ابو الاكبر البديري
@abo_alakbr91

اي اســتفســار للــعنده شـــي

@abo_alakbr91

وانـه خـادم لخـدام الحســـين (ع)

قبل خروج الامام العباس عليه السلام الى الحرب
اتت مولاتي زينب فقالت اخي ابو الفضل
ماهي امنيتك
فقال لها

امنيتي اجيب النهر خويه ابين اديج
حتى اسگي ضلوعج وارويها ماي
...........
وحتى اخلي الواقعه تهوى العذاب
وحتى اصيحن لجل زينب والله هاي
............
خويه زينب گلبي يمج من اطيح
چفوفي مرميه وابد ماعندي راي
.........
خويه لمي ادموعج وارضي بمصاب
مااضن عباس هاي الليله جاي
............
انه رايح فدوه بشري ام البنين
من تنشدچ بالطف اشسوه ضناي
.............
گولي ضحه بالعيون وبلزنود
والعمد بالراس والضهدتني هاي
.............
شيلي راسچ بابنچ العباس حيد
شمر ابروس العده كلها بگفاي
.............
وخاف ماتنشد عليه بيوم ما
انتي شيلي راسج وگولي لواي
............
عندي يازينب اهوايه امنيات
بس اهمهن جربتي اترسها ماي
...........

ابو الاكبر البديري
@abo_alakbr91

الليله الليله .. صاح عباس الحرب
الليله الليله .. والعدو من يمه هرب
صاح بيهم ياهلا..اليوم اغرگ كربله
ـــــــــــــــــــــــــــــــــــــــــــــــــــــــــــــــ
صوت عباس البطل اذاهم
وبسيف حماي الحمه دمااهم
وكل قيادات الحرب بجاهم
طشاار ياربي تراا خلاهم
وهرع گلمن گابله. اليوم اغرگ كربله
---------------------------------------------------
من صال بيهم هلولي
وصاح لجلج يا هلي
وخلهم ايبرزون الي
وعلي لطويهم طوي بخيالي
شلون صوله معدله. اليوم اغرگ كربله
---------------------------------------------------
شحال جيشك ياشمر
من بــرز لـيهـم گــمر
وشحده يم زينب يمر
وغيضه بعيونه الحمر
يلا اطوي المسأله. اليوم اغرگ كربله
________________
سيفه ضل يعمي الضوه
اعله العده ضاع الهوه
وصاحو مانلگي الدوه
ضل يذبح كل عشره سوه

طب علينه بمرجله. اليوم اغرگ كربله
_________________
وگالهم كافي كلام
صوته سمعو بالمنام
وعلي اليوصل للخيام
رجله ابترها بسهام

بحجايه راواهم بله. اليوم اغرگ كربله
____________________
بسيفه شافوها المنيه
ومنه خافو ال ميه
من ترس جوده اميه
مبين قافل ع القضيه

ومنه خايف حرمله اليوم اغرگ كربله


ابو الاكبر البديري

@abo_alakbr91

Powered by @Manybot

يلقاسم الك بالگلب ونه
ماتطلع لحد الموت منه
________________________
الك ونه ييمه ساكنه الروح
يايمه الگلب علمته ع النوح
يردونه العده بدرب السبي انروح

وعوفك ع الثره ابدمك محنه
________________________
يريت العين يبني الغالي تعمه
السمه فوگ الارض تطبگ ييمه
عساها من سبب فعلت الامه

امة بني اميه والله عذبونه
________________________
امة بني سفيان الحقيره
عنك ياخذوني امشي اسيره
واعوفنك موذر يابو الغيره

ومنكم يلهواشم خاب املنه
________________________
انه امك يجاسم لب افاد
دمعي مايهيد وگلبي ماهاد
يل محروم من رفگة الاولاد

ايا يبني انذبح من زغر سنه
________________________
باب الگلب يايمه قفلته
لغير النوح صدگ مافتحته
العمر اخلاف عمرك مارغبته

يرن صوتك باذني لو سمعته
________________________
احسّن بيه صدى صوتكباذني
من تصرخ يعمي ارجوك ادركني
وعماتك اجن كلهن يعزني

يصيحن ريتك ابنومك امهنه


ابو الاكبر البديري

والله راس احسين تكتل شوفته
شلون هذا الألم زينب حملته
________________________
والله راس احسين اذاني اشكثر
وياي ليل نهار يفتر باليسر
تعمه عيني والله لو شفت الشمر

يضرب براس الحسين واخوته
________________________
ريت ذاك اليوم عيني تنعمه
راسه من فوگ الرمح يگطر دمه
وانه اصرخ ياشمر لتالمه

لاتضربه ولاتروّع عيلته
________________________
ليش تضرب راسه وهو جريح
يگلي ماخليچ گلبج يستريح
وانه اشوفن شيبته يلاعبه ريح

يگلي اعيونچ قليل الشافته
________________________
بعد يازينب عيونج هم تره
امصايب اتشوفين وانتي ميسره
انسي لنچ عود جنتي مخدره

راحت ايام الدلال وعزته
________________________
اولازم انخليج يابت فاطمه
عيونج ابدال الدمع تجري دمه
ونخلي جثته مگطّعه ومخذمه

وگلبي يصرخ هلنوايب فجعته
________________________
#ابو_الاكبر_البديري

گوم ردني مااريدن گربله
هاي ارض المنايه  والبله
----------------------------------------------
خويه ياعباس اليه يمك هوايه كلام
ارجوك لاتبني يخويه وحده من ذني الخيام
گربله ياخويه اخذت مني احلام وسلام
وماضن بعدك اعيشن وابقى كل ذن الاعوام

ومن بعدكم انسه روحي امدلله
---------------------------------------------------
انسه روحي وانسه كل ذاك الخدر
وتحترك اخيامي  عگبك وماانضن يبقى ستر
راسك معلگينه يمي يابعد ذاك الگمر
ريت ماشفت الاشوفه من الشمر

ويتامرون عليه يابو المرجله
________________________
الموت الي اهون ولا اشوفك  جتيل
وزينب اينادون ماعدها الجفيل
ماترد العيله عني وانت هم جنك عليل
،اليوم محتاره يخويه ابين عدوان وخليل

والسلاسل خويه بعدك بالجفوف مغلغله
________________________
مايرد. العيله  عنها وحده
والمرض ناحله حيله وجسده
ومابيدي اعوف حسين جثه امدده
والشمر ياخويه گلبي مرده

والعليل مگيدينه بسلسله
________________________
اه منج كربله  اشسويتي.
اخذتي ولياني وهجمتي بيتي
وياي يم خواني ماونيتي
وحسره بگليبي وقهر خليتي

والنار بخيامي وحجابي  مثعوله
________________________
#ابو_الاكبر_البديري

اسمعنك تون ومدد اگبالي
خويه حسين تدري شصار بحوالي
---------------------------------------------------
عفاني الهاصبر واتون  اسمعنك
والعدوان ماتقبل اجي يمك
ابدال الماي دمع عيوني اشربنك

ماصحت بديه وحده يلوالي
---------------------------------------------------
لا اني اجيتك لا جبتلك ماي
مابينك يخويه وبين ذوله اعداي
يضربني اعله متني من اصيح الماي

لعيالك يخويه  العطش كتالي
---------------------------------------------------
ابدال الماي نسگيه الضمه قطره
وبعد ساعه نخلي الجثه مطشره
بحوافر خيلنه نركض نرض صدره

تعال وشوف شنو الصار بحوالي
---------------------------------------------------
اشلون اقنع يخويه مرضرضين اعضاك
خليني اموت هناا اترجاك
بعد شلي بحياتي يلولي ابلياك

اترجاج خويه ردي لعيالي
---------------------------------------------------
رجعت للمخيم  زينب الحره
صار اصياح بالحومه انگطع نحره
الله يساعدج يابضعه الزهره

تصيح الموت وي ابن امي اشوالي
---------------------------------------------------
#ابو_الاكبر_البديري

بعد مصرع الامام الحسين(عليه السلام) وكأني بمولاتي زينب(عليه السلام)

حسين ياريحه علي
اعيوني ذبلت ياولي
خويه يحسين              خويه يحسين
""""""""""""""""""""""""""""""""""""""
أخ يالفگدك كسرني وطبگ ضلوعي سوه
من طحت ع التربه خويه ضاع من عندي الهوه
ريت عميه عيوني عگبك ولااشوفن كل ضوه
جرحي يكبر ساعه ساعه  وابد مايرهم دوه
خويه ارجع بس الي
اه ياخيمت هلي
خويه يحسين خويه يحسين
""''''"''''''''''''''''''''""""""'''''''''''''''''''''''''''''''’'''''''''
حسين ياخوي المصايب ذبحت ضلوعي ذبح
اني مجتوفه عگبگم وانت بالطف منطرح
كون ميته وروحي طلعت ولااشوفك منذبح
ريته راسي كبل راسك خويه مرفوع برمح
ترضه ياخويه انولي
وين عهده كافلي
خويه يحسين  خويه يحسين
''''''''''''''''''''''''''''''''''''''''''''''''''''''''''''''''''''''''''
للكفيل اجدامي راحن ومن الترب ينهض اريد
گوم ياعباش اخيك  بالحرب هل ضل وحيد
خـاف من بعـدك يخويه يـنگطع  من الـوريد
هوه بس هليله يمي وينذبح باجر اكيد
عكب اخوتي وكل هلي
من يعدل.... محملي

خويه يحسين.  خويه يحسين
'''''''''''''''''''''''''''''''''''''''''''''''''''''''''''''''''''''''''''''''''''''''''''''
ميته ياعباس  من عظم المصاب
اعذرني من انخاك خويه بنبره  هم بيه عتاب
عگب اخوتي ليض يادنيا اعيشن بالعذاب
من كثر مايجري دمعي گمت اشوفن بس سراب

ليش يجري مدمعي
وانه بنتك ياعلي

خويه يحسين.  خويه يحسين
______________________
من اغمض عيني واغفى اذكر الطف وانقهر
ريتني بالطف يخوي گبري يمك ينحفر
خدري ياخويه تهدمٓ وصرت احسن بالخطر
هاي دنيه وكلشي عابر على النضر

الدنيه جرحت خاطري
ابد ما......ضلي ولي
خويه يحسين.          خويه يحسين
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
#ابو_الاكبر_البديري

ماريد كلشي بدنيتي
يحسين اطلب خدمتي
'''''"""""""""""""""""""""""""""""""""""""""""""""""""
بخدمتك عندي هل  الامل
ماريد كلشي من الاهل
يحسين عندي المستهل

يــــسوه هــلي وديرتي
"" "" "" "" "" "*****" "" "" "" "" "" *"""
يحــسين جلماتك نغم
تــسري وي مسره الدم
هـــنياله من نال  ونعم

ومن الخدمه تعله سمعتي
"" "" """ "" "" "*****" "" "" "" "" "" "" "
بالدنيا شايف كل صعب
خلصت عمري بالتعب
اعله مصيبتك گلبي التهب

بـــــس بيك تحلى عشرتي
"" "" "" "" "" "" "" "" "" "" "" "" "" "" ""،" ""
اوياك عشت انه بسلام
اســــهر واكتب  ماانام
سجلني  خادم للخدام

اترجاك سجل خدمتي
"" "" "" "" "" "" "" "" "" "" "" "" "" "" "" "" "
كل حرف مني ينكتب
يسوه الجواهر والذهب
بس الك يامحله التعب

تعبااان  وانه بلذتي
"" "" "" "" "" "" "" "" "" "" "" "" "" "" "" "" "
الدمعه هم تبقى ذخر
تنفعنه في يوم الحشر
يسموني خادم وافتخر

واذرف الك كل دمعتي
"" "" "" "" "" "" "" "" "" "" "" "" "" "" ""
خدمتنه مو لجل الثواب
ممنون من احي المصاب
يحسين اريدك للصعاب

تحضرني لو اطب حفرتي
"" "" "" "" "" "" "''''''''''" "" "" "" "" "" "" "" ""
ســـاعدني يابو الاكبر 
ابجاه عودك حيدر
وبجاه ذاك المنحر

خل اخدم انه بقوتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

#ابو_الاكبر_البديري

#صفات_حبيب_الله

حسين بگصتك القرأن مامكتوب بلغايه

جوه الحاجب انكتبت الف ترتيل الف ايه

انت وكلك الفرقان
بصوتك ينطق القرأن

يم جفك امامي وتوگف الايه

مثل وگفت البرزخ من ترف رايه

شمس من نور وجهك تعمى المرايه

وكل هذا قليل اتأرخه الاروايه

انت من النبي وارث شرف واحساس

صفاتك ذني موجودات بـ العباس

كلهن اي قليله وماتعرف الناس

راسك من ترفعه يوگع شجم راس

سيفك من تنشره يحدب شجم سيف

صوتك من رعبهم شاهدوه بالطيف

لا مو طيف ...يرتجفون من طيفك ابحر الصيف

يلجنك علي ويجبل عليه الضيف

تكرم بالعمامه والدرع والسيف

#ابو_الاكبر_البديري