سوال: د زکات ورکولو پر مهال  د جنس کوم قیمت اعتبار لري، چي موږ په رانیولی دئ او که هغه قیمت چي موږ یې خرڅوو؟
ځواب: عبدالغفار جُبیر
یادونه: دغه سوال ډېر دوکاندارانو، تجارانو او کار خانو والاؤ رالېږلی دئ، لطفاً یې شیر کړئ.
کله چي د تجارت د جنس کال پوره سو، د هغې ورځې د بازار او مارکیټ عمومي قیمت اعتبار لري، نه هغه قیمت چي تاسو په رانیولی وي، که تاسو ګران رانیولی وي او که ارزانه، د بېلګي په ډول سره:
تاسو یو شی په ۱۰ افغانۍ رانیولی دئ، د زکات د اداء کېدو پر مهال ددې شي عمومي د بازار قیمت ۱۵ افغانۍ وو، نو زکات به د (۱۵) افغانیو له قراره ورکوئ ، برعکس که دغه شي چي تاسو په ۱۰ افغانۍ رانیولی دئ د زکات د اداء کېدو پر مهال یې قیمت ۵ افغانۍ دئ، نو تاسي به د (۵) افغانیو له قراره خپل زکات اداء کوئ.
(و عنده تعبر قیمة یوم الوجوب و قالا یوم الاداء الخ. ویقوم فی البد الذی المال فیه (در مختار) و فی المحیط یعتبر یوم الاداء بالاجماع و هو الاصح (رد المحتار باب زکوة الغنم. ج ۲/ ص: ۲۳)
( فتاوی مفتی محمود ټوک: ۳، پاڼه: ۲۵۰، فتاوی دارالعلوم دیوبند ټوک: ۶، پاڼه: ۱۰۸، فتاوی رحیمیه ټوک: ۷، پاڼه: ۱۵۰، فتاوی محمودیه ټوک: ۹، پاڼه: ۳۸۰)
ـ☝️☝️☝️☝️☝️☝️☝️☝️☝️☝️☝️☝️
⫷نشــر کــول یــی صـدقه جــاریـه ده⫸