نن په تا پسې سترګي مي شوي سرې
زما یوسفه څه شوي یعقوب ړوند شو درپسې
زړه مي ناقرار درد کړ راحصار
ووتي له زړه مي د بیلتون غشي تودې

ژاړي مي زړګی تل کوی زګیروی
زه یم ناقرار کله به ومومم مرګی
ستا د فراق اور او دا د غم شور
ما سوځوي ما زوروي تنګ یی کړمه نور
داسي جودایی د داسي لالي
نه ده د زغم نه لري طبیب بی الهي
لپه د دعا ورسره ژړا
غواړمه اشنا ته تل د حورو قافلې

تاته انتظار غواړي دي دیدار
خوب کي دي هم لټوي زړګی دی ناقرار
نه لري سکون تنګ کړلو بیلتون
نور په ولله ستړی دی له دي ستړې ژوندون
هغه ښایسته خاورو کي دمه
څنګه قرار واخلي زړګی شولو لولفه
زور غواړي فراق سم یی کړم هلاک
کال شي راته کال شي د ژوند پاتي دقيقې

ماته با ارزښت دا دليّلي دښت
دلته يادګارونو او یادونو کړی کښت
کم ظالم کافر داسي کړي پرهر
څنګي لولفه کړي هم ټوټه ټوټه وزر
نن د ازادي هر خوا خپلواکي
ته نه یی اشنا چي وکړو مونږه خوشحالي
دا احسان شو ړنګ ستا په ړنګیدو
ستا احسان په ځان وړي د بیلتون درني څپې