اوان بوونی نورو ڕوناکییە لە

✨سەر پردی - الصِّراط - لە ڕۆژی قیامەتدا .

تێبینی/ ئەم فەرموودەیەی ئیمام ابن القيم - ڕەحمەتی خوای لێبێت - لەم بارەیەوە هێناویەتی فەرموودەیەکی لاوازەو کاری پێناکرێت .
۲۹)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری نەهێشتنی وشکی و بێتاقتی و خەم و خەفەت .
۳۰)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری ئەوەی کە خوای گەورە ستایشت بکات لە لای بەندەکانی لە ئاسمان و زەوی - لە ئاسمان لە لای فریشتەکان - لەبەر ئەوەی صەڵاوات دەر داوا لە خوای گەورە دەکات کە وەسف و ستایش و ڕێز لە پێغەمبەر - صلی الله عليه وسلم - بگرێت، پاداشت وەرگرتن بە پێی کردەوەکردنە، لەبەر ئەوەیە صەڵاوات دەر ئەو وەسف و ستایشە بە دەست دەهێنێت لە لایەن خوای گەورەوە .
۳۱)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری ئەوەی کە بەرەکەت بکەوێتە ناو کردەوەو تەمەنتەوە، وە بەرەکەت بکەوێتە ناو ئەو هۆکارانەی کە سوودت پێدەگەیەنن .
۳۲)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری بەدەست هێنانی بەزەیی و ڕەحمەتی خوای گەورە .
۳۳)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری بەردەوام بوون و زیادبوونی خۆشەویستیت بۆ پێغەمبەر - صلی الله عليه وسلم - .
۳٤)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری زیاتر خۆشویستنی پێغەمبەر - صلی الله عليه وسلم - بۆ صەڵاوات دەر .

۳٥)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری هیدایەتدان و ڕێنمایی کردنت بۆ ڕێگای ڕاست و هۆکارە بۆ ژیانەوەی دڵ، لەبەر ئەوەی هەتاوەکو زیاتر صەڵاوات لێبدەیت و باسی بکەیت زياتر خۆشەویستیەکەی زاڵ دەبێت بەسەر دڵتدا، بەهۆی ئەوەوە هیچ دژایەتیەك و پێناخۆش بوونێك لە دڵتدا نابێت بەرامبەر فەرمانەکانی پێغەمبەر - صلی الله عليه وسلم - .

۳٦)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری ئەوەی کە ناوت دەهێنرێت و باس دەکرێیت لە لای پێغەمبەر - صلی الله عليه وسلم - .
۳۷)- صەڵاوات دان لەسەر پێغەمبەر - صلی الله عليه وسلم - دەبێتە هۆکاری ئەوەی کە پێیەکانت جێگیرو دامەزراوبێت وە هۆکاری ئاسان پەڕینەوەتە لەسەر پردی - الصِّراط - .

۳۸)- صەڵاوات دان لەسەر پێغەمبەر - صلی الله عليه وسلم - جێبەجێکردنی بەشێکی کەمی مافەکانی پێغەمبەری خوایە - صلی الله عليه وسلم - .

۳۹)- صەڵاوات دان لەسەر پێغەمبەر - صلی الله عليه وسلم - زیکرکردن و یادکردن و شوکرکردنی خوای گەورە لەخۆ دەگرێت، وە پێزانین و هەستکردن بە نیعمەتی خوای گەورەی تێدایە لە ناردنی پێغەمبەر - صلی الله عليه وسلم - .
٤۰)- صەڵاوات دان لەسەر پێغەمبەر - صلی الله عليه وسلم - دوعا کردنە - دوعا کردن: عیبادەتە -، لەبەر ئەوەی داوا لە خوای گەورە دەکەیت کە ستایشی پێغەمبەر - صلی الله عليه وسلم - بکات، یان داوای جێبەجێبوونی پێداویستیەکی خۆت دەکەیت .

سێ تێبینی:

①- ئەگەر ویستت بەڵگەکانی ئەو - چل فائدەیە - بزانیت تەماشای کتێبی - جِلاءُ الأفهام في فضلِ الصَّلاة على خير الأنام لابن القيم - بکە
* وە لەم کتێبەدا - جِلاءُ الأفهام - ئیمام ابن القيم باسی - چل و یەك - شوێنی کردووە کە صەڵاواتی تێدا دەدرێت - بەڵام هەموو شوێنەکان صەحیح نین - .
②- شێخ البانی - ڕەحمەتی خوای لێبێت - لە کتێبی - صفة صلاة النبي - حەوت شێوازی صەڵاوات دانی باس کردووە (لاپەڕە: ۱٤۳) وە دەفەرمووێت: لە هیچ شێوازێکیاندا وتەی - السيادة: واتە: سەیدینا - نەهاتووە، وە لە هیچ یەکێك لە هاوەڵە بەڕێزەکانەوە نەهاتووە (لاپەڕە: ۱٥۱،۱٤۹).
* وە شيخ الٳسلام ابن تيمية - ڕەحمەتی خوای لێبێت - دەفەرمووێت: باشتروایە هەر جارێك بە شێوازێك صەڵاوات لەسەر پێغەمبەر - صلی الله عليه وسلم - بدەیت .
(مجموع الفتاوی: ٤٥۹/۲۲)
③- قال البخاري: قال أبو العالية: صلاة الله: ثناؤه عليه عند الملائكة، وصلاة الملائكة: الدعاء .
ئیمام البخاري - ڕەحمەتی خوای لێبێت - دەفەرمووێت: أبو العالية فەرموویەتی: صەڵاواتی خوای گەورە: سەنا و ستایش کردنیەتی لە لای فریشتەکان، وە صەڵاواتی فریشتەکان: دوعا كردنە بۆ پێغەمبەری خوا - صلی الله عليه وسلم - .
[صحيح البخاري كتاب التفسير: ۱۲۰٥] دار ابن كثير .

الفوائد والثمرات الحاصلة بالصلاة عليه - صلی الله عليه وسلم -

جِلاءُ الٲفهامِ في فضلِ الصَّلاةِ والسَّلام علی خير الٲنام - صلی الله عليه وسلم - لابن القيم (لاپەڕە: ٥۲۱-٥۳٤)📙 دار ابن حزم

وەرگێڕانی: دیاری حمە صديق