#من_الأرشيف

الشاعر /أحمد الديلمي

" افـدي دنينك "



حــن انطلق يالمسيّر إلا أنا أفدي حنـينك
افــرد جناحك وحلّق نفّذ جميـع المهـمات

دق المــواقع وخلّي من ما يدينك يديـنك
فالدم واللهِ اغلى  من نفط أهل الدعارات

زيّد بها ورع زايـد والحــق واضح بعيـنك
شــد الحمولة توكل امسك برب السماوات

ضّمد جروح الثكالى ذي زيدت في انيـنك
كّسر رقاب المهافيف  بالقاصفات المبيدات

هات البشــاير من الله ما دام ربي ضمينك 
صيغ القــرار النهائي وإلغي جميع القرارت

سـدد فــواتير شعبي اقضي ديوني ودينك
صب العذاب المباغت صفي جميع الحسابات

هوش اندفع يالمسير فوق الذي يستهينك
خلي قوى الشر تنظر صمـاد بالجو مامـات

قنف براســك وحلّق فز آنلطق من عرينك
عزَت يماني من الله لاقال هيهااات هيهات

يامرتزق بعت نفسك والعـــار لطخ جبينك
ذلّيت نفسك بنفسك  واخترت درب الأهانات

بعد الأباء والمـعزه جــا من!! بـ ماله يهينك
مزقـت شـــالك بيدك واستعبدتك العقلات

يامرتزق ياخساره فين كنت واليوم فينك
الخزي لك والمذله والربح لهل الوصــايات

باعـوا ملفات الأقصى والقتل بيني وبينك
حتى العروبة تسـمت عند النصارى نفايات

ياحــلف نمــرود الأرعـن لاعد تكثّر رطينك
خامس  سنه في سمانا وانت بتشن غارات

خامس سنه وانت فاشل عشرين دوله تعينك
خامس سنه وانت غارق بين الندم والخسارات

خامس سنه والطفوله بالقصف صارت دفينك
اطفال تنزف دمها واطفال بين المجــاعات

واحنا صبــرنا  وقلنا  يمكن تراااجع سنينك 
لكنْك أحمق موّدف دخلت لك في متـاهات

كبّــرت راسك وضنـيت ان المعارك عجينك
ونسيت نبع العروبه ساس العرب والحضارت

صدقت للبيت البيض وآبليس أصبح قرينك
واحنا مع الله لقينا في كل يوم انتصااارات

ها دوس انطلق يـ المسير الله معك بايعينك
ماعــد بقئ للنهــاية والنصـــر إلا مسـافات

مطــار صنعاء ينـادي اثئر لي أفــدي دنينك
دن المــواقع تقـدم انسف جميـع المطارات

طهّر بقاع الجزيرة ذي افسدو بسم دينك
صحي ضـمـائر تغنت وتلّحـنت بالمـذلات

خل الخريطة تنادي يا دولة أسعود وينك!!؟؟
وانحت بروس المعابر كانت هنيه الأمارات ...


#وما_النصر_الا_من_عند_الله