توت الیندن اۆرییمین
دردینی دوی ییخیلماسین
غمین آدلی دار قفسدن
جانا گلیب سیخیلماسین

گٶز گٶتۆرمه گٶزلریمدن
باخیش‌لارین بوراخماسین
ائله گل گئد گٶرۆشۆمه،
یول‌لار سنی داریخماسین
َ
یاشاد منی اۆر‌یینده
من سن اولوم، سنده من اول
وصالیندان بیر کٶرپۆ قور
چک سینه‌مین اۆستۆنه یول

بو سئوگیمیز قوجالماسین
بئل بۆکۆلۆب، اَسسه‌ده دیز
اولاق ایکی جان بیر اۆر‌ک
عٶمۆر بویو حیاتدا بیز.


مریم _گوزلی (یانار اود)