📕 Ерни хусусийлаштиришнинг афзалликлари

1️⃣ Биринчидан, ўз ерингизни тўлақонли эгаси, мулкдорига айланасиз, ва албатта: ўз хоҳишига кўра ва ўз манфаатларини кўзлаб эркин эгалик қилиш, ундан фойдаланиш ва уни тасарруф этиш, шу жумладан ундан гаров предмети сифатида фойдаланиш, юридик шахснинг устав капиталига (устав фондига) ҳисса сифатида киритиш, ижарага бериш, уй-жой, ишлаб чиқариш, маданий-маиший иморатлар ва иншоотларни ҳамда бошқа иморатлар ва иншоотларни қуриш, уларни қайта қуриш ва бузишни амалга ошириш

2️⃣ Иккинчидан, давлат сизнинг ерингизни тортиб олишга ҳақли бўлмайди, у фақат сотиб олиши мумкин.
Сиз ерга мулк ҳуқуқини олишингиз билан, давлат сизга тегишли ерни олиб қўя олмайди-бу мулк ҳуқуқи кафолоти. Агар давлат учун сизнинг ер участкангиз керак бўлса, у фақат сизнинг розилигингиз билан бозор нархида шартнома асосида сотиб олиши мумкин.

3️⃣ Учинчидан, ерни эркин қўшиш, бўлиш ва ажратиш ҳуқуқи.
Бугунги кунга қадар ер участкасига эгалик ҳуқуқи йўқлиги сабабли, ер участкаларини қўшиш, бўлиш ва қайта тақсимлаш механизмлари таъминланмаган.Энди ерга эгалик қилиш билан бу механизмларнинг барчаси ишлайди.

4️⃣ Тўртинчидан, солиқлардан тежаш.
Ҳозирги вақтда хусусийлаштириш қиймати ҳали ҳам паст. Айтайлик, 6 сотихли бир йиллик учун ер солиғи 800 000 сўм, шунинг учун сотиб олиш нархи 8 000 000 сўм бўлади.
Ўзбекистонда ер солиғи ставкаларига ўзгартиришлар киритиш режалаштирилган ва энг тахмин қилинадиган вариантлар қуйидагилар:
1-мисол -ерни хусусийлаштирганлар бир хил ставкалар бўйича тўлайдилар, қолганлар давлатдан ерни ижарага олганликлари сабабли, ер участкаси жойлашаган ҳудуддан келиб чиққан ҳолда солиқ миқдори 15% дан 30% гача ошади.
2-мисол - кўчмас мулк ва ер ҳам солиқ ўз ичига олувчи янги кўчмас мулк солиғи жорий этилади, бу ҳолда, хусусийлаштирилган ер участкалари бўйича солиқ фақат 5% га, қолган ер участкалари учун 40%га (бунда ер солиғи 30%, ва кўчмас мулк 10%) га ошади.

#хусусийлаштириш