لمولاي القاسم ع
يا سبحة صلاتي اسم لله يمه جاسم
غطيته بعــبــاتي ولــيــدي بعده نايم
لجيتك فارشته حضني من صبح
ما دريت تردلــي كــاشــخ بلـرمح
ــــــــــــــــــــــــــــــــــــــ
شلون اطفيه يا جاسم شمعتك توهه ضوت
راح شاب وردلي شـايب خيــل بيه تسابكت
من درو عريس جاسم خيل فــوكـاه هوست
زغــيــره هــاي الشيله يمه بيش المك
وخاف اجرحك يمه جاسم من اشمك
من جابوك اليه ما عــرفتك يبني
فزع كلشي بيه والحزن ما هدني
راح يضحك رجع راسه منذبح
ما دريت تدردلي كاشخ بلرمح
ــــــــــــــــــــــــــــــــــــــ
يمه يلماعنـدي غيــرك انت لعيــونـي وطـن
يمه عمك حيل غالي وفـرحت كلب الحسن
من البجي عمات جاسم بجن حد ما حدبن
يمه باجـــر انسبي ويــاي رمــحــك
خاف انطك لا تباوع خاف اجرحك
انت يمه غالــي بــاجــر يمي هــوسه
رمحك يمه عالي وكلي شلون ابوسه
يعني باجر يمه كلشي ما يصح
ما دريت تردلي كـاشــخ بلرمح
ــــــــــــــــــــــــــــــــــــــ
باجــر علناكــه الــولــي راح مـن ايــدي الولــد
منين اجيب عيـون جــاسم حته ما ابجي بعد
ابني منهو يغطي جسمه منو يحس بي لو برد
باجـر فراكــك ثجيل وما احمله
واني حيل تغيرت مو ذيج رمله
وانت تدري يبني جروحك هم ثجيله
لــو عـمــن هــذنــي هــاي هــم قليله
علترابه اكتب رجعلي وتنمسح
ما دريت تدرلي كاشــخ بلرمح
ــــــــــــــــــــــــــــــــــــــ
يمه ردتــك لو متت جناز وجتــافــك حمر
هيه قسمه وقسمتك تنذبح بجفوف الشمر
العمر من دون الغــوالي هــذا ما ينعـد عمر
شيبت حته اــلرمــوش بفـركتك
من اغمض تطلع انت وضحكتك
كل ليله اناطر اصفن ومشتاكه
وتدري يمه باجر اصعد علناكه
من اسولف يمه بدموعي انفضح
ما دريت تردلــي كــاشــخ بلرمح
ــــــــــــــــــــــــــــــــــــــ
انشتلت بابي المصايب فركتك ما تنحمل
يمه باجــر بصحــاري تقـبــل انجر بلحبل
وي زينب اركــض اني لو فلت منهه طفل
يمه باجــر انـي كــلــش خــايــفه
من اركض وتركض وراي الطايفه
يمه اريد اشمك هاي اخر دقيقه
فركتك بعد امك حلم لو حقيقه
خلاف عينك اني خبزه بلا ملح
ما دريت تردلي كــاشــخ بلرمح
خادم الحسين ع
كرار فاهم الخفاجي
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____
لمن يجد صعوبة بالحن اطلبه من
@muatmed
