(وفاة ام البنين ع)..

ارتاحي يا ام العذاب.. خلصت ايام الغياب
شويه راح وتلتقين .. ويه زينب والحسين
خلصت ايام الغياب
………………………....……
يالوفيه .. هاي هيه.. تعب شوگچ هسه راح
ثمر صبرچ.. خلص عمرچ.. وخصت ايام النياح

بعد متسهرين ذاك الليل شوگ وانتظار
الحمد لله عله ليلچ بين بضيه النهار
شمايطول الليل لازم .. ينكشف لون الصباح

موعدچ اصبح قريب .. وتلتقين ويالحبيب
انتهى افراك السنين .. ويه زينب والحسين
……………………………….
غمضي عينچ .. سبلي ادينچ .. هذا محبوبچ اجاچ
عاف طفه .. بروحه لهفه .. يشتم بريحة عباچ

يمسح ادموعچ اجاچ وروحه متروسه حنين
يا الف هنياله راسج الترس حجر الحسين
گري عينچ يالحنينه .. حسين اجه يطيب ثراچ

ثمر شوگ الانتظار .. وانترس گبرچ خضار
وفاح گبرچ بالحنين.. ويه زينب والحسين
خلصت ايام الغياب
………………………....……
حسين سمه .. بفاطمه امه .. ونزلچ جوه التراب
بده يلقنچ .. شاف بسمچ .. فاطمه ام العذاب

هاي اول مره يلفظ اسمچ بهذا الاسم
وگام ريحة امه بسمچ فاطمه الزهره يشم
وصاح يمه يالحبيبه .. بفرگتچ گلبي اني ذاب

راح وياچ الحنان .. وماعشت ساعه بأمان
الغدر چن عده دين .. ويه زينب والحسين
خلصت ايام الغياب
………………………....……
هاي زينب .. لفت تنحب .. جابها ليچ الحنين
گومي ليها .. ستقبليها .. بساع يا ام البنين

گومي الزينب يحره ولو ماضل بيچ روح
تصيح يم عباس يمه وتلطم عليچ وتنوح
انتي يالحره وفيتي .. بخدمتچ وي الحسين

گري عينچ خالتنام .. ورقدي يايمه بسلام
شملچ التم گري عين .. ويه زينب والحسين
خلصت ايام الغياب
………………………....……
اليوم سعدچ .. اجوا ولدچ .. بياوضع بس من لگوچ
العود ذابل .. الحزن ماكل .. روحچ وگعدوا بچوچ

والله ماندري ييمه ألحزن ماخله بيچ
چنه نتوقع لونه جينه تشبگنه اديچ
مادرينه فراگ اخونه .. حسين ابحيلچ يلوچ

علينه حيلچ كله راح .. ونلتمس منچ سماح
عذري حال العاشكين .. ويه زينب والحسين
خلصت ايام الغياب


الشاعر عقيل الحسناوي..