ممكن نرد نتسالم وماكوشي
بس مال نرجع مثل امس لاتضن

مو مسألت خذلان لا بالعكس
بس اليطيح بشده يطلع فطن

اقناع صدگ والوكت يفتهم
مايطي شي للميل لو مايحن

وانطيتك وماريد منك بعد
غير السلام وضهري خل يستجن

وسبعينك المادري بيها اشكثر
خليها يمك وانا خليني اون

مرات لازم يعترف بالذنب
اليعشگ الماخان حب التتن

مشكلته هاي اهواي يصرف دمع
عالراحو من اسنينه چنه المزن

هسه المهم انا وحچيت الاهم
لا ترجع اتوريني ويهك وأن

حنيت ماحنيت انت السبب
بالمنكسر ماتلگه بس الحزن

علي نغيمش