/وزن تجليبه/

((المستهل))

*هاليوم الشريعه الباقر اتشيعه*
*مدرسة العلم والدين والرفعه*

*مسموم ياسيدي*
*مالوم ياسيدي*
*****★********
بحر من العلوم اشيحمل الباقر
وسلام الواصله من النبي عن جابر
يأكد بالفضائل ما اله امناظر

*يغدرونه بحقد النكرو البيعه*

*مسموم ياسيدي*
*مالوم ياسيدي*

ام عبدالله السلامي ✍🏻


يغدرونه بحقدهم باقر العتره
نتعنه البقيعك والدمع يجره
زين العابدين يشوفه. ويحضره

والصادق يودعه ويسجب الدمعه

مسموم ياسيدي
مالوم ياسيدي


ام وليد الموسوي✍

مارحمو امامي من زغر سنه
اهل الغدر واهل الحقد والفتنه
مصايب كربله زيدت من حزنه

طفوها بغدر ماضوت الشمعه

مسموم ياسيدي
مالوم ياسيدي

ام رسل السلمي ✍


ننصب مأتم عليك ونجر حسره
مظلوم الامام وهدموا گبره
نعزي امه الزجيه فاطمه الزهره

مردو جبدته واهله عليه تنعه

مضلوم ياسيدي
مسموم ياسيدي

✍️ام محمد الشاهين

نبگه للحشرنتذكر امصابه
واعلينه يعز هذ المسه اغيابه
نتعنه البقيع بدمعه سچابه

راح الي بقر للعلم يافجعه

مسموم ياسيدي.
مالوم ياسيدي

ام البنين✍

عالمسموم ابد مايبطل ابچانه
عليه اليوم كل الشيعه حزنانه
نصيح بصوت يمصابك يمولانه

نواسي المرتضى ونواسي البضعه

مسموم ياسيدي
مالوم ياسيدي

ام مهدي ✍🏻

تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
ذوالحجه7 هـ1441
28/7/2020
نسألكم الدعاء 🙏🏻