بهونج ياناكه عل الخدربالج تعثرين
زينب على ضهور الهزل جانج متدرين
!!!!!!!!!!!!!!!!!!!!
تدرين ياناكه منو وبيمن تلوحين
لوسولفتلج بالاسر زينب تشيبين
هاي العقيله ام الخدر جن ماتعرفين
جدهه النبي وبت الوصي وام الميامين
ياناكه بالج بالمشي بالج تميلين
!!!!!!!!!!!!
يمسح اثرها لومشت عباس اخوهه
ياناكه من طاح الكمر زينب سبوهه
كوه عل ضهرج بت علي من ركبوهه
دللهه عباس الكمر وتالي ضربوهه
محتاره تمشي لليسر وتعوف الحنين
!!!!!!!!!!!!!!!!!!
ذبحو اخوهه من الضهر تدرين بيهم
يم الجثث عمدة العده خلو مشيهم
وشحال زينب وبيسر مرت عليهم
شافت جثث ومكطعه روس واديهم
بهونج ياناكه عل الجثث لمن تمرين
!!!!!!!!!!!!!!
هيبة رسول الله وعلي بالحومه مدبوح
تنزل تشدة تضمدةا لوجان مجروح
مابي رمق من العمربلا راس مطروح
لو يصح جا ويا الولي تتبادل الروح
ياناكه لوبيج الجره روحج تنزفين
!!!!!!!!!!!!!!!!!
تمشي وتحوم عل الجثث والعين دمعه
تنوح على ضهرج والاخو تبجي وتودعه
وحسين حاجاهه بكلب جني تسمعه
وداعج يازينب والحرم كلبي يكطعه
خبريلي أمي فاطمه لمن ترجعين
!!!!!!!!!!؟؟؟؟؟؟
كليلهه عزيزج بقه بالغاضريات
الجنتي تشمي بالنحر بلايه نحر بات
وابنه الرضيع المنذبح عطشان من مات
وياناكه شحجلج بعد اهات باهات
جم اخو راح وجم ولد ظلو مطاعين
!!!!!!!!!!!!!!
خادم خدام اهل البيت عليهم السلام
علي داود سلمان البحار
2019/10/5