➛#ቢክራሽን (ድንግልናሽን) በሀራም
#አትስጭው!!
———
➡️ምላሱ ከጦር ይሰላል፣ ምታሀታዊ የፍቅር ቃላቶቹ ልብሽን ሰቅዞ ይይዝሽና የደም ዝውውርሽ ቀጥ እስኪል ካለሱ እንዳታስቢ ያደርግሻል!። በየ ደቂቃው ይደውላል፣ ያስመስላል፣ መወደዱን መፈቀሩን እስኪያረጋግጥ የፍቅረኛ ገፀ ባሀሪን ይተውነዋል። አቤት! ከዚያማ የአይንሽ ረሀብ፣ የልብሽ ስስት መሆኑን ሲረዳ በፍቅሩ መነደፍሽን መምበርከክሽን ሲያረጋግጥ ሰወር ያለ ቦታ ይቀጥርሻል፣ የወደፊቱ ባልሽም አይደል¡ ታምኚዋለሽ ትከተይዋለሽ እንዴትስ አታምኚው?!....ምሎ ተገዝቶ ምንም አይፈጠርም ብሎ ዋሽቶ ፀጥ ያለ ስፍራ ይጋብዝሻል። አንቺማ ተላላዋ የመቃወም አቅምሽ ክዶሽ እሺ ብቻ፣ መከተል ብቻ፣ ለምኖም አልቅሶም ያሰበውን በአላህ ዘንድ የተጠላውን የተወገዘውን ዝሙት ይፈፅማል። ድንግልናሽን ይገረስሰዋል.....
➡️ብዙ እህቶች ተታለን ነው ድንግልናችንን ያጣነው ሲሉ መስማት ተለምዷል፣ እና ፎቶ ልትነሱ ነበር እንዴ ፀጥ ያለ ሰው ዝር የማይልበት ቦታ የወሰደሽ?፣ ግንኮ መንበርከክ የነበረብሽ ልብሽ ታፈቅር ዘንድ አሳምሮ ለፈጠራት አላህ ነበር....
➡️አንዳንድ እራስ ወዳድ ነብሲያና ሸይጧን ያለ ልጓም የሚጋልቧቸው ወንዶች በጦር ምላሳቸው በእህቶች ልብ ላይ መርዛቸውን ይረጩና ክልክሉን መንገድ ጥሰው ይሄዳሉ። ክብሯን ጥብቅነቷን ያበላሹና "የናቴ መቀነት አደናቀፈኝ" በሚል ተልካሻ ሰበብ ከሴቶች አጠገብ ይሰወራሉ፣ ባለ ተራዋን ማንቆለጳጰስ ይጀምራሉ፣ አበድኩልሽ ከነፍኩልሽ፣ እህል አልበላ፣ ውሃ አልጠጣ አለኝ፣ እያለ ሲፎትት ይውላል። እስኪ ሽማግሌ ላክ በይው!፣ ሀላል አርግልኝ በይው!፣ ዛዛታ አያስፈልግም!!።
➡️ወንድነቱ ከተመቸሽ ለጌታው ያለው ቀረቤታ ከተስማማሽ መስራት ከቻለ፣ ህልምና አላማውን ከተረዳሽ፣ ሀያ አግባኝ በይው!፣ ግራ በገባው ምርጫሽ ግራ አታጋቢው ቆርቆሮና ብልጭልጭ ነገሮች ከውስጥሽ አስወግጂ በቃ "ምርጥዬ ነገር ሁኚ!"።
➡️እርሱ ግን አስመሳይ ውሸታሙ ከሆነ እመኚኝ ልሞክርሽ ይልሻል፣ ሲያስቅ¡¡ አንቺ የላብራቶሪ አይጥ ነሽ እንዴ?! ከዚያም መቼስ ትዳር አይቀርምና እርሱ ለማግባት ሲፈልግ ግን ድንግል መሆን አለባት ይላል፣ ይገርማል፣ ይደንቃል፣ እርሱ ገጠርም ቢሆን ሂዶ ድንግል ፈልጎ አግኝቶ ሊያገባ ይችላል፣ ግንኮ ያስቃል¡¡፣ ከስንቷ ጋር ሲጨማለቅ ከርሞ ሳቅ ስላቅ፡፡
➡️አንቺ ግን የባልሽን ሀቅ አሳልፈሽ ሰጠሽ ፀፀት!፣ ከንቱ እሪታ ብቻ፣ እሺ ጥብቅ አላህን የሚፈራ ሰው ቢፈልግሽ ምን ልትይ ነው?!። ለአወናባጁ ፊት አትስጪው! የሚፈልግሽ ከሆነ አንቺም ምርጫሽ ከሆነ ለምን በሀላል በኒካህ አትጣመሩም?! ለነገሩ አሁን ላይ ምን አለሽ ስንት አለሽም ሊልሽ ይችላል፡፡
➡️እዚህ ጋር በቅርብ ቤተሰቧ ግራ እስኪጋባ የትዳር ጥያቄዎችን የምትመልስ እህትን ለምን? ስል ጠይቄያት የሰጠችኝ መልስ እጅግ አሳዛኝ ነው፡፡ "የኔ የምለው ሰው እራሴን አሳልፌ የሰጠሁት ሰው ካደኝ እና የቤተሰቤን አባል(የአክስቴን ልጅ) አገባ" አለችኝ፣ እናም በቤተሰብ የሚመጡ ጥያቄዎችን ለዛ ነው የማልቀበለው ያለችኝ አሳዝኖኛል፡፡
➡️ስንት እህቶች በወንዶች ስል ምላስ ተታላቹህ ቢክራቹህን እንዳጣችሁ ቤቱ ይቁጠረው፣ ከዚህም አልፎ አንዳንድ በስነ ተዋልዶ ላይ የሚሰሩ ሆስፒታሎች ፅንስ ለማጨናገፍ ያለው ግፍያ በዛ ላይ እጅግ በጣም ትንንሽ ልጆች መሆናቸው እጅግ አደገኛ ሁኔታ ላይ መሆናችንን ያሳያል፡፡የቅርብ ጊዜ ጥናት የሚያሳየው ደሞ postpill የሚባል የፅንስ መከላከያ በፋርማሲዎች ተፈላጊነቱ ከፍተኛ እንደሆነና ለወደፊቱ ከባድ
የወሊድ ችግር እንዳለው ተጠቁሟል፡፡
➡️አንቺ ምርጧ ሴት! አንቺ ከዱኒያ የላቅሽ የተከበርሽ ደግ የሆንሽው እህቴ! ስለምን ትታለያለሽ?! እንሞካከር ካለሽ ዳግም ዐይኑን በማታይው ርቀት ራቂው!!።
[Copy ከኻሊድ ሙኒር ከተወሰነ ማስተካከያ ጋር]
👇👇👇 JOIN👇👇👇
@Allmuslimstudents@Allmuslimstudents@Allmuslimstudents👆👆👆 JOIN 👆👆👆
