💫 عہآآآآلَمہ رٍۅآآآيہآتہيہ💫

تـــــ❤️ــــك(بحــــ❤️ــــمد)ــــ❤️ــمــــ❤️ـــــ(الـــ❤️ـــــله)ــــــ❤️ـــت

بس هم والعائلة هي الأهم.🥺💕
الأب:الذي يأخد من نفسه ليعطيك قد لا يكون أعطاك كل ما تتمنى لكن تأكد أنه يعطيك كل ما يملك.💕💕
الأم:هي الرحمة التي وهبها الله لنا هي عكاز الطمأنينة الذي لا ينكسر هي الحب الثابت والدعاء الصادق دون مقابل.💕💕
الأخت:هي امتزاج بين حنية الأم وقلق الأب عليك فهي مستودع الأسرار.💕💕
الأخ:هو السند الذي لا تحلو الحياة الا به واول من يفتقدك في غيابك هو من نعم الدنيا وهدية الاهية.💕💕

*(أبي)*💕
*أنت مثل الغيمة الممتلئ جوفها طهرا.*
*(أمي)*💕
*أنتي هديتي في الدنيا وجنة عيوني*.
*(أخي)*💕
*أنت أخي وعزوتي وانت الصديق.*
*(أختي)*💕
*أنتي رضا عمري انتي نعمة أعوذ بالله من زوالها.*

*النهاية...*
*(تريستيزا:ألم وحزن باللغة الاسبانية)*

القصه_حقيقيه 💯

انتظرونا في الجزء الثاني

ة يقول ليك شنو يعني.
-يومك زاتو اديني ولدي يا زول.
-ولدك شنو و بعدين اصلا ما بشبهك عشان يكون ولدك شوفي الجلحات دي كلها حقتي😢.
-حقة اديني ولدي بس.
وبقو بتقالعو فيه تحاول تشيلو منو وهو يرفعو فوق وهي قصيرة وهو طوييل ما قدرت تحصلو وهو بضحك فيهم.😂
"يا سيِّدتي: أنتِ خلاصةُ كلِّ الشعرِ.. ووردةُ كلِّ الحرياتْ. يكفي أن أتهجى إسمَكِ.. حتى أصبحَ مَلكَ الشعرِ.. وفرعون الكلماتْ.. يكفي أن تعشقني امرأةٌ مثلكِ.. حتى أدخُلَ في كتب التاريخِ.. وتُرفعَ من أجلي الرّاياتْ.."💜

أحمد وأسمهان،،
اسمهان لما اتزوجتو كانت بس عايزة تطلع من البيت وتتخلص من العيشة التعيسة الهي عايشاها بس هو بقى ليها اي شي الحبيب الزوج الاخ الأب صح هو اختفى سنتين وكلنا افتكرنا انو مات بس هي كانت حاسة انو حي كانت حاسة انو حيرجع وبالفعل رجع مع انها كانت أسوء سنتين بالنسبة ليهم بس كل شي رجع أحسن من اول.🥺
-احمد احمد احمد
-(ماسك تلفونو وما شغال بيها)
-(بوزت خشمها)احمد انا بتكلم معاك🙄
-(برضو ما اتلفت ليها)
-(شالت منو التلفون)
- اسمهان جيبي التلفون دا عايز أرسل رسالة ضرورية لواحد ثواني بس
-ابييت بس😑
-عشاني
-لااا
-عشان المسكين القدامك دا
-لااا
-طيب عشان بحبك
-ابييت
وقعها في السرير وهو بحاول يشيل التلفون من يدها وهي ترفعو فوق وهو يحاول يصل ليه لحدي ما مسكو وقال ااه أخيرا غايتو الشفع الفي البيت ديل لازم اشوف ليهم طريقة فجأة مسكت بطنها وقالت واجعاها وهو خاف وبقى يقول ليها مالك وفي شنو قالت ليه يعني نسيت اني حامل يا احمد؟😭اكيد حصلت لي حاجة بسببك بس دا كلو عشان التلفون☹خت التلفوت بالجنبة وبقى يعتذر ويعتذر وخاف شدييد وقال يمشو المستشفى بس فجأة شالت التلفون وجرت وهو يضحك في حركات الطفولة بتاعتها.😂

"ما كنت قايل انا يوم بلاقي الحب ولا بكشف دروبو💕 ولا قلبي من شدة اباهو بتقدر الأشواق تجيبو💕 لكن غرامك حبة حبة صلاني بنارو ولهيبو 💕وسرقت قلبي يا حبيبي تاني كيف منك أجيبو.💕"

ابتسام وعبدالمنعم،،
ابتسام كانت عايشة السنين دي كلها من غير زواج كانت خايفة وفاكرة انو كل الرجال واحد لحدي ما جاء عبدالمنعم حتى هي كانت رافضة العلاقة دي بس منو البشوفها وهي مبسوطة في زواجها وبقول انها كانت رافضاه العلاقة دي خلتها تتغير وتبقى مسؤولة حتى تعاملها مع الناس الكعب بقى لين البشوف ابتسام الزمان ما بقول دي ابتسام الأسي لأنو الحب غيرها والحب لما يخش في قلب قاسي اكيد القلب دا حيتغير.💜
نزير وتهليل،،
هم صح اتزوجو زواج تقليدي بس هم الاثنين بشكرو اهلهم لأنهم خلوهم يجتمعو وحاليا هم شايفين انهم أكتر اثنين مبسوطين في الدنيا.💜
ميعاد وعلي،،
صح هم كبرو في العمر بس حبهم ما صغر بالعكس كبر معاهم ميعاد رجعت البريئة اللطيفة خلت الحقد والمعاملة الكعبة للناس ولاولادها رجعت ميعاد البتضحك ميعاد البتحب الناس وهو عوضها عن اي شي حصل في السنين الفاتت وعوض اولادو عن اي شي بقى فاضي ليهم هم وبس بعاملهم زي الاطفال وبقول ليهم انو لما انتو كنتو صغار ما كنت معاكم عشان كدا حديكم كل الدلع الما اديتكم ليه زمان.🥺💜
خش المطبخ لقاها بتعمل في اكل
- يا ست البنات
سكتت مسافة بتتذكر فيه زمان لما يقول ليها الكلمة دي
-😂يا مرا انتي كبرتي على الخجل دا
-(صرت)خلاص امشي شوف ليك مرة صغيرة عرسها☹
-(بضحك)نحنا بقى عندنا احفاد تاني مرة شنو دي معقولة ياخ
-خلاص ما تقول كبرت😑
-يعني انتي صدقتي والله لو جابو افنان بفتكروها اختك ما بنتك🥺
-(بتضحك)حتى انت كبرت على الكذب والحنك دا😂
-(بضحك)الحنك؟نزار ونزير ما عملو فايدة نهائ حتى الكلمات دي علموك ليها.😂
قعدو يضحكو هم الاثنين😂

"يا سيِّدتي لا تَضطربي مثلَ الطائرِ في زَمَن الأعيادْ.💕 لَن يتغيرَ شيءٌ منّي.💕 لن يتوقّفَ نهرُ الحبِّ عن الجريانْ.💕 لن يتوقف نَبضُ القلبِ عن الخفقانْ.💕 لن يتوقف حَجَلُ الشعرِ عن الطيرانْ. 💕حين يكون الحبُ كبيراً.💕. والمحبوبة قمراً.. 💕لن يتحول هذا الحُبُّ لحزمَة قَشٍّ تأكلها النيرانْ💕"

اخيرا أنا😂💜 افنان علي بقيت أدرس في نفس الجامعة الأنا قريت فيها وطبعا لسه بدي المحاضرات الدينية ومبسوطة من شغلي شديد حكيت ليكم قصتنا دي عايزة عشان تعرفو انو دايما بعد الضيق بجي الفرج بعد العسر يسر نحنا عشنا أيام صعبة شديد منو الكان بفكر اننا ممكن نرجع مبسوطين وكل شي يتحل؟🥺💔انا اتزوجت مرتين وحصلت معي مشاكل كتيرة في حياتي والمشاكل دي كلها أثبتت لي حاجات كتيرة انو العائلة هي الأهم أسرتك الصغيرة أمك وأبوك واخوانك هم الأهم💕 مهما يحصل في حياتكم من مشاكل من كره من حقد في النهاية حترجع لحضن أسرتك الصغيرة دي💕🥺 لأنك حتلقاها هي وبس وما حتلقى غيرهم هم البخافو عليك هم البحبوك أكتر من أي زول🥺💕 هم البهتمو لأمرك هم البقيفو معاك لو حصلت ليك حاجة هم الأفعالهم بتدل على انهم بحبوك مش كلامهم 🥺💕هم الدايما بثبتو ليك انك مهم عندهم هم العايزين مصلحتك هم البهمهم مستقبلك هم العايزنك تكون ناجح ومتفوق هم البحبوك هم

تتقال عنك كذب ودا ما غلطهم هم دا غلطي انا غلطي انا لاني كنت ساكت وما كنت بسألك غلطي لأني خليت زواجنا يتهدم بسبب كلام ناس غلطي لأنو ما كنت خاتي فيك ثقة غلطي لأني مغفل ومتهور لأنو تصرفاتي ما تصرفات رجال(بدمع) انتي ما غلطانة لو ما اتقبلتيني ما غلطانة لو ما سامحتيني ما غلطانة لو طردتيني من البيت دا ما غلطانة لو قلتي ما عايزة تشوفي وشي ما غلطانة لو ما عايزة تديني فرصة تانية بس انا طمعان في الفرصة طمعان في اني ارجع اعيش في وسطكم اني أعوض اولادي عن اي حاجة كنت حارمهم منها اعوضك انتي على العذاب الاتعذبتيهو الزول ما معروف يموت متين على الأقل اعمل عمل كويس مع اولادي ومرتي في آخر عمري عشان امشي لربنا وانا ما خايف اني ظلمتك وظلمتهم(بدمع).
-(بتبكي شديد كانو ليها زمن ما بكت)علي انت لو كان سألتني بس عن اي حاجة كنت بتسمعها اكيد كان قلت ليك الحقيقة لو بس سألتني الكلام دا صح ولا غلط اكيد ما حكذب ليك لو قعدنا واتفاهمنا ما كان حصل دا كلو انا اولادي بكرهوني عشان بعاملهم كعب وانا بعاملهم كدا عشان الحصل معي ما ساهل أول أبوي اتوفى امي اتزوجت واحد تاني انا واختي انفصلنا عن بعض هي في بيت وانا في بيت ناس عمي كانو بعاملوني كعب اختي ود خالي اغتصبها ورماها في الترعة أمي انتحرت راجلي سافر واهلو عاملوني كعب بعد جاء وافتكرت اي شي حيرجع زي ما كان اي شي باظ بسافر وما بسأل عننا ربيت ٥ اولاد براي كنت بقعد براي حتى الظلام دا خاف علي عشان كدا مافي زول يسألني انتي قاسية ليه؟وانتي بتعملي كدا ليه؟لأنو دا بسببكم انتو ما بسببي انا والله ما بسببي.💔😢
بقت تبكي شديد هو سابها عشان حس انها عايزة تطلع كل الي جواها 💔
-ميعاد اديني فرصة تانية فرصة نصلح فيها بيتنا نرجع اولادنا في حضنا نعيشهم الما قدرنا نعيشهم ليه زمان وانا بوعدك حكون علي الكويس علي المستحيل يضركم تاني🥺💔.
نحنا كنا قاعدين وحسينا انهم طولو قلنا نمشي تاني نقعد تاني نقول نمشي تاني نقعد في النهاية قررنا نمشي طلعنا كلنا بالصف اولنا ابتسام واخرهم انا😂
لقيناهم بتكلمو والحاج لسه بحنك قعدنا جنبهم كلنا وهي قالت لينا
- ايوا يعني كلكم متفقين مع ابوكم؟
ونحنا بنضحك وهو بضحك
-(نزار)اها يا حاج العروس وافقت ولا نشيلها بالغصب😂
-اصبرو اصبرو ما تجو ناطين كدا خلونا نتفق
-(نزير)لالا ما عايزين اي دلع بنات يلا شيل عروستك وامشي.
-(أمي ضربتو في ظهرو)ي ولد اتأدب.
-(كلنا بنضحك)😂
-(اسمهان)يلا يا عروسة ادينا رايك نحنا ورانا أشغال ياخ.
-(ابوي)يا جماعة براحة عليها ما كدا.😂
-(انا)والله نحنا ما بنقبل بحاجة غير الموافقة
-(نزار)اصلا يا اما توافقي يا اما بنخطفك.😂
-(امي)حاعمل اي شي عشان اشوفكم مبسوطين وعشان اصلح العملتو معاكم🥺💔
-(كلنا بصوت واحد)يعني موافقة؟
-(أمي ب تضحك)ااي😂
طبعا بعد دا مافي زول يسألنا نزار ونزير بكوركو ونحنا بنزغرت😂

يتبع
#تريستيزا(22_الاخيرة) 🌫💔
بقلم_نفحات_محمود🖋

أبوي باع المزرعة بتاعتو واشترى لينا بيت كبيير جنب بيتنا القديم ورجع سكن معانا هو وأمي بقو عاملين زي العرسان الجداد صح أبوي ما عاش معانا ونحنا صغار لكن عوضنا عن اي شي ونحنا كبار بعاملنا زي الاطفال🥺 وانا مبسوطة عن حياتي مبسوطة اني وسط أمي وابوي واخواني مبسوطة لأني عايشة في جو الأسرة السعيدة الأنا نفسي اعيش فيه من زمان.🥺
ابتسام اتزوجت عبدالمنعم وعاشت مع اهلو الي هم في البيت القصاد بيتنا ومبسوطة شديد في حياتها معاه وهو بعاملها معاملة حلوة وما مقصر معاها نزير اتزوج تهليل وجو عاشو معانا ونزار وهديل برضو جو عاشو معانا اسمهان واحمد سافرو برة عشان يعملو عملية جراحية لعيون احمد مع انو اسمهان كانت بتقول ليه انا عايزاك زي ما انت بس هو كان شايف انو بنتو بتخاف منو والموضوع كان مقلق بيه شديد عشان كدا سافرو هم الثلاثة عشان العملية.
صح انا ما اتزوجت تاني لأني اقتنعت انو سعادتي مع ناس بيتنا معاهم هم وبس🥺 كنت فاقدة الحاجة دي من زمان فاقدة حنان أمي وأبوي بس اتحديت نفسي وقدرت ارجعهم قدرت اخليهم يتغيرو قدرت اخليهم يتكلمو ويتجاوزو السكوت،💔السكوت دا أكتر حاجة كانت موجعانا أكتر حاجة كانت مانعانا من اي شي مانعانا من انو نفرح من انو نفهم من انو نصارح عن مشاعرنا مانعانا من حاجات كتيرة😢💔
ما تسكتو اتكلمو ما تسكتو لأنو حتخسرو كتير ما تسكتو لأنو حاتضيعو البتحبوهم ما تسكتو لأنو حاتضيعو حقوقكم وحاتضيعو نفسكم ما تسكتو.💔😢
نزار وهديل،،
كانو بحبو بعض ٧ سنين مرت بيهم حاجات كتيرة في حياتهم مصاعب متاعب حاجات منعتهم من بعض بس حبهم كان اقوى منها لسه بتعاملو على انهم ما اتزوجو على انهم الشفع الارتبطو جديد وحبهم كل يوم بكبر أكتر م اول.🥺💜
- نزار نزل الولد دا سريع بتوقعو يا حيوان.
-علووش بابا مستحيل يوقعك ما تسمع كلام المرة دي
- نزار ما تقول الكلمة دي قدام علي لأنو حيسمع الكلمة دي كتير منك وما حايقول لي ماما حايقول لي يا مرة.🙄
- ما اصلا انتي مرة عايز

ي بس عايزها تغسل لي وتكوي لي وتربي لي ولدي وخلاص؟انا وهديل مرتبطين لينا ٧ سنين وليوم الليلة بنحب بعض والحب دا كل يوم بزيد أكتر ولا احمد ما بحب رهام؟ انتي شايفة كان بعاملها كيف وهي مبسوطة عشان هو في حياتها وغاب عنها سنتين بسبب الحصل ليه وهدا رجع ليها تاني عشان هو بحبها كان عادي يزوغ عدلو ويقول بلا مسؤولية بلا غيرو بس هو رجع عشان بحبها الزواج ما بس تعاسة ومشاكل الزواج مسؤولية وحب واحترام وحاجات حلوة شديد😊
-يعني انت ما شايف افنان هدي قدامك راجلين ال٢ طينة وعجينة واحد حاول يقتلها وداك كان بحبسها ولا ما شايف أمي وابوي💔🙂
يلا انا في اللحظة دي عرفت انو دا دوري اتدخل
-ابتسام انا عارفة انك عانيتي شديد بمشاكل أمي وابوي وانك كرهتي الرجال بسبب أبوي وانك كرهتي الزواج لأنك شفتي أول علاقة زواج قدامك كانت فاشلة بس ما كل الرجال واحد وما كل العلاقات واحد انتي مفروض تعايني للجزء المليان من الكباية ما الجزء الفارغ اي صح انا علاقاتي في الزواج كانت فاشلة لكن عارفة ليه؟لأني ما اخترت صح ما بقول ليك اني ندمانة انا ما ندمانة لأني اتعلمت كتير من العلاقات دي صح كانو باستعجال كان مفروض اصبر اعرف الزول كويس حتى اوافق بس انا كان همي اطلع من البيت لأني كنت فاكرة اني ممكن اعيش حياة أحلى الاستعجال هو السبب الي هو كان بسببي بس الجزء المليان من الكباية علاقة هديل ونزار واحمد ورهام ونزير وتهليل وامي وابوي😊💜
-هه أمي وابوي قلتي لي؟والله ديل الخربو معنى الزواج اصلا ديل البسببهم نحنا حصلت معانا المشاكل دي كلها ديل البسببهم انا بقيت كدا بقيت ابتسام القاسية ابتسام الما عندها قلب حتى على أخواتها ابتسام الكرهت الرجال والزواج دا كان بسببهم هم بس💔
-خلينا من الحاجات السلبية الحصلت انتي عارفة انو أبوي دا كان بحب أمي شدييد انتي عارفة جدي ما كان عايز أبوي يتزوج أمي وكان خاطب ليه بنت خالتو لكن هو كان مصر الا يتزوجها هي كان واقف جنبها ومقويها كان بدافع عنها حتى قصاد اهلو سافر وجاء واشترى البيت النحنا ساكنين فيه دا عارفة ليه؟عشان عرف انو أمي ما قادرة تقعد مع اهلو عرف انها متضايقة منهم مع انو هم ما كانو عايزنو يطلع ويخلي ليهم البيت بس هو كان مستعد يعمل أي شي عشانها😊💜
- طيب ليه سابنا ليه كان بسافر وما عندو شغلة بينا ليه كان لما يسافر حتى ما برسل لينا قروش ناكل بيها ليه خلانا نجوع خلا أمي تشتغل في الزعف وتشتغل للناس في بيوتهم ليه حتى المدرسة ما قدرنا نقراها ليه؟💔
-عشان حصلت معاهم ضغوطات ومشاكل كتيرة يا ابتسام انتي ما عارفاها والمشاكل دي هم بس البقدرو يفسروها لبعض هم بس الحيقدرو يحلوها بس انتي ما تاخدي كل علاقات الزواج واحد ما تفتكري انو كل الرجال واحد ما تفتكري انو كل الناس بتحصل معاهم مشاكل زي دي وحتى لو حصلت انتي كوني الطرف الواعي البنقذ العلاقة ما ضروري تحصل معاكم مشاكل زي أمي وأبوي وزي انا دي مجرد حاجات صغيرة مفروض ما تأثر فيك الدنيا لسه بخيرها والرجال الكويسين لسه في بس الزول يعرف يختار😊
-(نزار خت يدو في يدها)وانا من قمت بشوف الناس بتقدمو ليك ما عجبني الا عبدالمنعم دا عارفة ليه؟لأنو راجل بخاف الله والبخاف الله اكيد ما حايأذيك عارفة انو ما بفوت ولا صلاة زول تقي والبحافظ على صلاتو حايحافظ عليك عارفة انو بحب أمو دي شديد وبحترمها والبحترم أمو وبحبها بكون متعلم يحترم اي مرة هو قبل ٥ سنين كان عايزك وانتي رفضتي بس هو كان مصر عليكي سافر ورجع تاني عشانك بس المرة دي ما تخلي يرجع بخفي حنين يا ابتسام أدي نفسك فرصة عشان تبدي حياة جديدة عشان يكون عندك بيت تكوني انتي ستو ادي نفسك فرصة عشان تشوفي انو الحياة حلوة بس انتي ما عرفتي تعيشيها صح أدي نفسك فرصة وادي هو فرصة لأنو بتستاهل الفرصة دي منك.😊💜
سكتت مسافة وهي بتفكر وكنت عارفة انها حاتوافق
-طيب بس انا محتاجة اعرفو أكتر قبل ما اخطي اي خطوة اندم عليها
-(نزار)لاا عليك الله؟الزول ده بتعرفي من كم سنة انتي؟اهلو بيتهم قصاد بيتنا جاية تقولي لي محتاجة فرصة عشان اعرفو أكتر والله البنات دي مستهبلات استهبال طلعو 😑
- نزار انت مالك دا حقها في النهاية خليها تتعرف عليه زي ما عايزة
-ياخ الراجل اتبهدل واتمرمط وهي جاية تقول لي عايزة اعرفو🙄
فجأة ابتسام قامت علينا
-والله أجيب المفراكة دي اضربكم بيها كلهم قومو أمشو من هنا عطلتو لي شغلي يااخ
بقينا نضحك فيها وهي شغالة تنبذ😂في النهاية طردتنا وطلعنا من البيت ونزار شابكني اولاد علي ديل كلهم مجانين كدا يعني؟😂

دي كانت الخطوة الأولى مع ابتسام والخطوة التانية مع أبوي اضطريت امشي ليه براي لأنو نزار جاهو شغل واصلا هو شكلو متهرب الحيوان😂
مشيت ليه في المزرعة لأنو انسب مكان ممكن نتكلم فيه براحتنا لقيتو بسقي في الشجر وظاهر عليه الحزن وهم الدنيا كلو في اكتافو بقيت اعاين ليه من بعيد بعد مسافة هو انتبه لي
-أفناااان
-اي يا حاج
-من متين واقفة هنا انتي؟
-من بديت تسقي شجر الليمون😂
-تعالي تعالي اقعدي هنا
مشيت وق

تغير بس هي عارفاه عارفة انو دا هو مستحيل تنساه دموعهم بقت جارية هي بتصرخ احمدددددددددد وهو بقول اسمهان لقت نفسها اترمت في حضنو وتبكي وتبكي وترفع رأسها تعاين ليه تقول ليه احمد تاني تحضنو تاني تقول ليه احمد وهو يمسح ليها في دموعها ويبوسها في راسها ويقول ليها خلاص انا هدا قدامك🥺💔

*"مابال قمري في غُيومهِ عالقُ*💕
*من أبهتَ النُور العظيمَ وأظلمهْ* 💕
*لاتَحزني فالحُزن لم يُخلق لكِ*💕
*صدري لهَمكِ قبلَ حُضنك يحملُهْ* 💕
*من ذا الذي يطغى عليك ويُحزنك ؟* 💕
*أولم يَرى حُسنًا تجلاَ فأخجله ؟💕"*
بتعاين ليه في وشو وهو بغطي وشو منها
-أحمد انت كنت وين؟ليه سبتنا ومشيت وليه غبت الفترة دي كلها ليه ما قلت لي انك عايش ليه خليتني اتعذب كدا ب فراقك ليه؟ما عارف قدر شنو انا اشتقت ليك ما عارف انا كنت عايشة كيف من دونك؟حصل ليك شنو ومشيت وين وكنت وين وليه ما كلمتني وحصل ليك شنو ومالك وفي شنو احمد مالك حصل عليك شنو؟💔😟
-حاحكي ليك اي شي أي شي بس خليني اشوف رهام بنتي🥺
خشو جوة ونادت البيت دا كلو وهم طلعو متفاجئين ومبهوتين من الشايفنو😳شال رهام بنتو وحضنها وهي بقت تبكي لما شافت عيونو لأنها بتخوف وهو أتضايق شديد ما قدر يشبع من بنتو لأنها خافت بنتو واسمهان عايزة تعرف هو كان وين وحصل ليه شنو
وقعد حكى ليهم
(انا لمن كنت هناك اصحابي كانو جوة البير زي ٨ كدا ومعاهم تاني كم واحد وانا كنت برة فجأة سمعت صوت البير وقع بيهم وهم بقى ما منهم أثر حتى اسمهان انا في اللحظة دي ما عارف حتى الحالة الكنت فيها ما قادر اصدق انهم كلهم اصحابي الجو معي كلهم وقعو وماتو وانا كنت برة خشيت في حالة تانية وبقيت حايم في الخلا داك وانا شكلي ما شكل زول واعي لحدي ما جات عربية وضربتني وجزء من وشي اتجرح شديد وعيني حصل ليها الحصل بتاع العربية زاتو اسعفني وبعد تعب وصلني لناس البيت بعد ما فكرو اني مت لأنو الناس بعد عرفو انو البير وقع بالناس افتكرو اني معاهم وصلت لناس البيت وحاولو يعالجوني وانا خشيت في حالة نفسية كنت بصارع السنتين ديل عشان ارجع ليكم تعبت شديد قدر اتعالجت حتى لما تجيني لحظات واكون فيها كويس وناس البيت يقولو عايزين يكلموك انا كنت بقول ليهم ما تجيبو لاسمهان سيرة لحدي ما اتعالج بالمرة والحمدلله اتعالجت والتشويه الكان في وشي بقى يتصلح حبة حبة انا اسف لأني ما صلحت ليك معلومة اني حي وما مت اسف لأني خليتك تتعذبي الزمن دا كلو بس انا كنت عايز ارجع ليكم وانا كويس🥺💔 )
القصة دي أثرتنا كلنا وقعدنا نبكي بالجد عاش ظروف صعبة شدييد اسمهان متأثرة وبتبكي وهو متأثر أكتر منها متضايق أكتر عشان رهام بنتو بعدت منو💔بس اسمهان كانت بتقول ليه انو حيقدرو يتجاوزو دا كلو وهو ما يشيل هم.

يتبع

#تريستيزا(21) 🌫💔
بقلم_نفحات_محمود🖋

اسمهان رجعت مع احمد ورهام بيتهم الحمد لله حياتها رجعت حلوة وانا مبسوطة ليها شديد لقت الجزء المفقود منها ونزار عايش مبسوط مع ولدو وهديل الحمدلله ونزير عرسو الاسبوع الجاي وابتسام اتقدم ليها واحد من جيرانا وطبعا هي رفضت كالعادة بس نزار ما اداهو قرار الرفض بتاعها لأنو نحنا عايزنها توافق وتعيش حياتها.
نزار نزير اسمهان يعني قدامي ابتسام وأمي وابوي لازم احاول أسعدهم لازم احل مشاكلهم انا خلاص عايزة اعيش مبسوطة وسط اهلي اتزوجت مرتين وزواجي ما نجح عايزة ابسط أهلي عايزة ارجع الحياة لبيتنا عايزة اشوف اي واحد فيهم مبسوط ودا حايكون عوض ربنا لي أسرتي هم بس الحايخلوني احس اني عايشة بالجد الأمان بجي من الأسرة من الأسرة بس والله❤
انا ونزار قررنا انو نتكلم مع ابتسام في موضوع العرس لأنو الراجل دا كويس وهو كان عايزها من قبل ٥ سنين وهي رفضت وهو سافر واسي رجع وتاني اتقدم ليها وانا متأكدة انو سعادتها معاه هو عشان كدا انا ححاول معاها،اتفقنا انا ونزار وهو جاء بعد ما ضمنا انو مافي زول في البيت غيرها هي دخلنا ليها في المطبخ كانت بتقطع في بطاطس نزار شال منها السكينة
-نزار دا شنو جيب السكينة دي😠😑
-ما جايبها😌
-ي ود بطل وراي شغل انا
-(مسكها من اكتافها)طيب ممكن تجي تقعدي مع اخوانك دقيقتين عايزنك في موضوع
-(بتحمر لينا😂)موضوع شنو؟😑
- انتي تعالي اقعدي وبنحكي ليك
-(عاينت كدا في النهاية جات قعدت)اها خير
نزار بعاين لي وانا يعاين ليه ما عارفين يبدا منو في النهاية بدا هو
-عايني يا ابتسام انا عارف انو انتي اختنا الكبيرة بس نحنا كمان لازم ننصحك ونوريك النحنا شايفنو كويس ليك🙂
-وهو شنو الكويس لي دا؟
-عبدالمنعم
-مالو؟
-ابتسام انتي ما شايفة انو الراجل دا قبل ٥ سنين اتقدم ليك وانتي رفضتي وما استسلم تاني جاء اتقدم ليك ما ملاحظة حاجة من الكلام دا؟
-حاجة شنو يعني؟
- ما ملاحظة انو بحبك
-هه مافي حاجة اسمها راجل بحب مرتو هم عايزين يعرسو بس ويلقو وحدة تغسل ليهم وتكوي ليهم وتجيب ليهم اولاد وخلاص🙂
(فهمت انو ابتسام عندها عائق كبير في العرس بسبب أمي وأبوي)
-يعني اسي انا ما بحب هديل؟يعن

ت الحوش من الخوف ما عارفة زاتي جريت كيف مع اني ما قادرة اصلا لأنو رجليني بوجعوني وصلت الباب وعايزة افتحو لقيتو قافل بالمفتاح بجوة ما عرفت اعمل شنو اتوترت ودموعي جات جارية😟😭 قلت ارجع أفتش المفتاح بس فجأة لقيتو في وشي وهو شايل سكينة😳 بقيت واقفة محلي وببلع في ريقي من الخوف😟 والأفكار بتودي وبتجيب معقولة عايز يقتلني؟السكينة دي عشان يخوفني بيها ولا عشان يقتلني؟معقولة مافي زول يلحقني ويقتلني؟معقولة يعمل كدا انا مرتو كيف يعمل فيني كدا؟😟😭💔
بقيت اقرا في سورة يس(وجعلنا من بين أيديهم سدا ومن خلفهم سدا فأخشيناهم فهم لا يبصرون)وادعى دعاء سيدنا يونس(لا إله إلا أنت سبحانك إني كنت من الظالمين)كنت برجف ونفسي يطلع وينزل لحدي ما هو وصلني وشايل السكينة😟💔
-هه خايفة؟مش عاملة فيها بتتلاءمي وخشمك دا ما بسكت؟مش عاملة فيها ما بتخافي؟عاملة فيها عايزة تكلمي اهلك بالعملتو فيك؟وبتطلعي اسرار بيتنا؟وتمشي تشكيني لأختي وتقولي ليها بضربني😠؟
-(بترجف)انا ما قاا قا قاعدة اتلاءم معاك والله انا ما قصدي كدا بس بس😟
- ما بس ولا حاجة انا عمري كلو مافي مرا رفعت صوتها علي او اتلاءمت او فتحت خشمها دا واتكلمت مافي مرا غلطتني ولا عملت قيمة لنفسها بوجودي ولا حتى أمي الولدتني تجي انتي الما تامة مرا لسه تتكلمي معي بالطريقة دي وما تحترميني؟😠
-بس بس انا ما قصدي والله انا ما عملت حاجة من البتقولو
-(بصرخ)عملتي بتقلي ادبك علي انا؟علي انا؟نحنا عندنا المرا البتعمل كدا بتتقتل فاهمة؟بتتقتل 😠
وهو بقرب السكينة من رقبتي وانا بحنس فيه انو ما يعمل لي حاجة وبعتذر منو لحدي ما قرب السكينة من رقبتي شديد ولو قلت كلمة وحدة ولا بلعت ريقي خلاص حروح فيها بقيت ساكتة وعيوني كانت كفيلة تشرح الوضع الأنا فيه وهو لسه بصرخ وبجوط لحدي ما سمعنا صوت عربية وناس جو نازلين منها عرفت انو ديل ناس بيتنا واتمنيت انو يلحقوني قبل ما تحصل لي حاجة هو بعد السكينة من رقبتي شوية وزحاني من الباب وبقى ماسكني بيد وماسك السكينة بيد وقال لي اسكتي ما تقولي ولا حرف،والباب بقى يدق بصوت عالي وكلهم بصرخو افنان افنااان ويدقو في الباب وهو ساكت انا كان لازم انبههم اني في خطر بس خفت انو يطعني بالسكين وانا بعاين في السكين وبسمع في صوت الباب وهو بدق جاتني فكرة ضربتو في بطنو بكوعي والسكينة وقعت منو وبقيت اصرخ الحقوني حيقتلني الحقوني وهم سمعو الصوت وبقو يصرخو افنااان ونزار ونزير بحاولو يكسرو الباب هو قام من الأرض وبقى يضرب فيني ويضرب فيني لحدي ما هم كسرو الباب وجو جاريين ونزار ونزير لمو فيه ضرب واسمهان وابتسام رفعوني من الأرض وبقو يسألو فيني اذا كويسة وانا قلت ليهم اني كويسة وهم بعاينو للجروح الفيني وقالو نمشي المستشفى وأمي وابوي واقفين بعيد ودموعهم جارية وبعاينو لي بنفس النظرة ويعاينو لبعض شوية وجو الاثنين مسكوني حضنوني أبوي كان عايز يتكلم معي وهو بعاين لأمي فهم انو هي عندها كلام كتير عايزة تقولو لي وهو عايزها تتكلم قام مشى لنزار ونزير برة وقالو يودو سليمان القسم ويرفعو عليه قضية طبعا دا بعد ما طلقني.
نحنا قاعدين جوة أمي وابتسام واسمهان فجأة امي بقت تبكي شديد
(انا عمري كلو ما حصل عاملتكم معاملة حلوة ما حصل اعتبرتكم بناتي حتى ما حصل مسكت وحدة في حضني وخليتها تحكي لي ما حصل سألت وحدة من الحاصل عليها ما حصل بقيت ليكم أم دايما بشاكلكم دايما بصرخ فيكم بطلعكم غلطانين وما بخليكم تتكلمو وتدافعو عن نفسكم وانا كنت فاكرة انو كدا انا صح واني بربيكم صح بس السكوت العلمتكم ليه دا خلا الناس تظلمكم في الدنيا خلاكم مظلومين المشاكل البتحصل معاكم كلها سواء كانت في المدرسة أو الحلة أو مع رجالكم كان سببها سكوتكم الي هو سببو انا انا الغلطانة انا الكعبة انا بس ولدتكم جبتكم على الدنيا وما اشتغلت بيكم خليتكم تكرهو بعض قاعدين في بيت واحد لكن مافي واحد فيكم بتكلم مع التاني ولا شغال بالتاني بسبب الحصل معي وحصل في حياتي انا ظلمتكم وانتو م عندكم ذنب جيت اتفشيت فيكم بسبب معاملة ابوكم واهلو لي بسبب أمي فقدت معاملة أمي السمحة بقيت اعاملكم كدا لاني فقدت أختي ما خليتكم تحسو انكم اخوان حتى بسبب الحصل معي انا بقيت اعاملكم كعب بقيت قاسية عليكم وانتو ما عندكم ذنب ما وقفت مع وحدة فيكم في عرسها عشان انا مافي زول وقف معي في عرسي ما عارفة لي حملتكم حاجات انتو ما عندكم ذنب فيها اصلا بالجد انا ما أم والله ما أم)💔😢
بقت تبكي شديد ونحنا نبكي معاها حضناها ومسحنا ليها دموعها وقلنا ليها ما تقولي كدا ومهما يحصل انتي أمنا حضنتها عليها وقالت لينا سامحوني💔😢
بعد رجعنا البيت،،
انا جسمي كلو كان بوجعني جابو لي مرهم ومسحو لي في جسمي وعملو لي موية باردة شوية وسمعنا صوت الباب اسمهان مشت تفتحو.
بجهة تانية،،
ماشة على الباب عايزة تفتحو وجاها احساس قريب انها ما تفتحو بس اتوكلت وفتحتو ووقفت مصدومة وهو نفس الشي كان مصدوم شديد وهو شايفها بعد الزمن دا كلو بتحاول تتكلم وما قادرة صح شكلو ا

ت لما اتكلمت معاه ضربني😢
-والله هو ما بحب الزول يتكلم معاه ويطلعو غلطان انتي كان تخلي براحتو وبعدين اكيد هو مشغول عشان كدا أتأخر وغير كدا الحلة آمنة يعني حتى لو قعدتي براك ما بحصل ليك شي🙂
-الكلام ده ما صح منك ي وجدان ولا منو هو وحتى انا كنت فاكرة انو حايكون ملتزم على حسب ما قلتي لي انو متدين ما افتكرت انو ممكن يرفع يدو علي
-والله يا افنان انا الما كنت فاكرة انك حتتضايقي من اي شي وبعدين دي مشاكلكم انتو حلوها في بيناتكم🙂
-ما نحنا حانحلها بيناتنا لو هو برد على تلفونو اصلا وانا كنت فاكرة انو انتي صحبتي وقريبة مني بس فجأة بقيتي واقفة في صف اخوكي مع انو هو الغلطان💔
-والله يا ستي اخوي ما غلط وانتي ما مفروض تكبري المواضيع كدا😠
اتناقشنا كتير وصوتنا بقى عالي ونحنا في بيت بكاء وهي تشيل وتدافع لاخوها مع انو غلطان بالجد اتضايقت منها شديد ياخ هو بكاء حبوبتي وما عايز يجي يعزينا انا غلطت غلط كبير بعد ما فكرت اعرس واحد ما عارفة عنو اي حاجة بس عشان اقدر انسى معز😢💔

وجدان واخواتها طلعو واسمهان جات زعلانة انو انا ليه ما كلمتها انو ضربني كدا وانا بتكلم معاها جاني تلفون من سليمان
-الو وين انتي يا مرا😠
-في بيت الوفاء
-تعالي البيت اسي
-قلت ليك في بيت الوفاء وحبوبتي اتوفت وانا بتصل عليك عشان اكلمك وانت ما بترد الا كلمت وجدان عشان تكلمك
-كنت مشغول وأسي تعالي البيت😠
- ما بقدر اجي قلت ليك
-افنان قلت ليك تعالي البيت عشان ما تشوفي حاجة ما تعجبك
-تمام
ما عارفة خفت منو ليه وما عارفة الخلاني امشي ليه اصلا بعد وصلت البيت لقيتو قاعد في الحوش وبشرب في سيجارة
-شررفتي
-خير؟
- انتي مجنونة يا مرا عندك يومين برا البيت وكمان الا اجيبك بالغصب دي شنو الحركات دي😠
-اول شي انا حبوبتي اتوفت وكنت في بيت الوفاء تاني شي انا اتصلت عليك وانت ما رديت تالت شي انا ما اتعلمت حركات جديدة لكن انت الما مهتم🙂
مسكني من خشمي
-اتكلمي معي بأدب فاهمة لأنو خشمك البتتكلمي بيه دا انا بكسرو ليك فاهمه؟😠
وهو بصرخ تلفوني ضرب لقيتو نزار رديت ليه
-افنان وين انتي مشيتي وين؟
عايزة ارد ليه فجأة سليمان شال التلفون من يدي وجدعو في الارض وكسرو حتة حتة انا مشيت الحق تلفوني رفعتو لقيت شاشتو اتكسرت والبطارية طارت😟
-(بصرخ)لما اكون بتكلم معاك ما تردي على التلفون دا فاهمة؟انتي ما عندك احترام لراجلك لكن انا بعلمك الاحترام والأدب😠
-التلفون دا جابو لي معز راجلي الاول وانت ما عندك حق تكسرو😠 الحمدلله انا محترمة واهلي علموني الأدب كويس.🙂
فجأة الزول دا جاء مندفع جرا لي توبي وبقى يضرب فيني جرا لي شعري وضربني كفوف لمن خشمي نذف وانا ما قدرت ادافع عن نفسي لأنو كان اقوى مني كل ما احاول اقوم يضربني زيادة وانا دخت.💔😢
•
•
•
أبوي كان قاعد في الشارع وبفكر في كلام أختو بتذكر في وش أمي ولما شافها اول مرة وقدر شنو كانت بريئة ولما هو سافر وخلاها مع ناس بيتهم وامها وأختها اتوفو وخلاها وبناتو سافرو وما بقى ليها زول وهو سمع كلام ناس بيتهم وعاملها بالطريقة دي سافر خلاها وحتى ما كان برسل ليها قروش اشتغلت وهي حامل عشان تأكل نفسها وأولادها هو كان فاكر انو هو المظلوم بس طلع هو الظالم بقى ندمان وما عارف يعمل شنو يمشي يتكلم معاها؟متردد ما عارف يقول شنو معقولة بعد السنين دي كلها هي اتسامحو💔؟ولا اولادو حايسامحو وهل اي شي حيرجع كويس وزي ما كان؟💔وهل حبيبتو ميعاد حترجع ليه وتسامحو؟😢💔

"شغل القليب بالشوق على زولاً بحن💔
طبع الفراق الجوة إحساسي الدفين صورة شجن💔
زاد الألم سبب الفراق البينا كان غدر الزمن💔
غدر الزمن مسح الأحاسيس النبيلة وبدلا💔
عشرة سنين ممزوجة بي أحرف وفاء ما أجملا💔
عزاي حروف بعد الشقاء مسح الليالي وحولا💔
نعمل شنو إلا الحصل بيناتنا ما نفذ القدر💔
يرجع يعاودني الحنين خاطري إنكسر يوم إنجبر💔"
•
•
•
صحيت لقيت نفسي نايمة جوة وجسمي مو رم من الضرب بقيت ابكي على حالي وعلى الحصل معي وعلى حظي الكعب مع الرجال من السرير ما كنت قادرة اقوم بس عرفت انو مافي وتلفونو كان في التربيزة الجنبي في السرير زحفت براحة براحة وشلت التلفون دخلت رقم اسمهان واتصلت عليها وانا ببكي وخايفة😢😟💔
-اسمهان اسمهان انا افنان
-افنان ي بنت في شنو ومالك بتبكي تلفونك ليه قافل وحاصل عليك شنو؟😟
- اسمهان سليمان ضربني وانا اسي حتى ما قادرة اتحرك وكسر لي تلفوني وخايفة منو شديد كلمي نزار بجيني سريع انا خايفة😟😭

فجأة هو جاء خاشي ولقى التلفون في يدي وشكلو عرف اني كنت بتكلم مع واحد من ناس بيتنا شال التلفون قفلو واداني كف
-كنتي بتشكيني لأهلك صح😠؟قلتي ليهم شنو؟تعالو الحقوني؟عاملة لي فيها بتشكي راجلك لناس بيتكم كويس انا بوريك حاعمل شنو😠
•
•
•
اسمهان بتصرخ في التلفون افنان افنااااان جرت كلمت نزار وأمي وابوي ونزير وابتسام وكلهم ركبو عربية وجو جاريين😟💔
•
•
•
دخل المطبخ جوة وانا كنت بحاول اقوم من السرير عشان اهرب لاني كنت عارفة انو ما ناوي على خير جري

عدت جنبو
-خير ان شاء الله في زول حاصلة ليه حاجة منكم؟
-لالا كلنا كويسين بس حبيت اتكلم معاك🙂
-الحمدلله انكم كويسين
-أبوي انت ناوي تعمل شنو؟
-(سكت مسافة وهو بشيل نفس)حتى انا ما عارف حاعمل شنو؟💔
-طيب وأمي
- انا وامك يا افنان الحصل معانا ما ساهل السنين دي كلها نحنا الاثنين كنا فاهمين بعض غلط عارفة ليه؟لأنو ما اتجرأنا نقيف قصاد بعض ونقول الحصل اكتفينا بالسكوت واي زول شايل في قلبو مية حاجة اتجاه التاني السكوت دا بدمر اي شي أي شي السكوت دا لو كان في علبة كان كتبت عليه تحذير انو مضر بالصحة💔.
-طيب وأسي برضو حاتكونو ساكتين؟برضو حاتضيعو الفرصة دي على نفسكم؟💔
-معقولة بعد السنين دي كلها اي شي يرجع لمحلو؟معقولة أمك تسامحني؟💔😔
-حاتسامحك لأنها هي نفسها نبقى أسرة ونكون مع بعض وحياتنا تكون حلوة🥺
-(شال نفس)حاتكلم معاها الليلة قبل بكرة حعوضها واعوضكم عن السنين الراحت.🥺💔

"لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة🥺💔
تجيني بكل ريبة ولاقي عيون غريبة
كأنك ما قريبة🥺💔
أجيكي بكل حناني واقول جنبك أماني🥺💔
تجيني بشكل تاني تضيع مني الأماني🥺💔
وافتش لي رضاكي
معاكي غلبت حيلة مسافتك مستحيلة🥺💔
ولا الريدة النبيلة ولا العشرة الجميلة🥺💔
ولا التحنان هداكي
بخاف من بكرة بعدك يالأخلفت وعدك🥺💔
انا البشقيني بعدك يكون في بعدي سعدك🥺💔
واعيش محروم هواكي🥺💔
وأنا الحزنان وباكي🥺💔"
•
•
•
من محلنا داك ومشينا البيت بعد ما اتصلت على ابتسام واتأكدت انو أمي جات البيت واتصلت على نزار ونزير واسمهان يجو لأنو كنا حالفين نصالحهم أبوي كان متوتر كأنو خاشي معركة😂كل شوية يقول لي أمك حترضى؟حاتسامحني؟وانا اقول ليه اي وهو يقول لي أمك وبعرفها مش ميعاد دي؟عنيدة وراسها قوي😂 وانا اقول ليه حترضى يا حاج ما تشيل هم شفالة اطمن فيه لحدي ما وصلنا لقينا الجماعة قاعدين وابوي كان بمشي خطوة قدام وبرجع ورا😂 نزير شابكو شنو يا حاج انت جاي تخطب ولا شنو ونزار يشغلها ليه ويقول ليه لو ما وافقت بنجيبها ليك عروسة بالغصب😂وطبعا هي قاعدة جوة ما جايبة خبر للحنعملو نحنا اتفقنا كلنا نمشي نقعد في غرفة ونخلي الحاج البطل يمشي يتكلم معاها لو سمعنا أصواتهم علت أو الموضوع ما اتظبط نحنا حندخل يلا هو شغال يقول لينا أمشو معي وبتاع وما تخلوني براي😂 ما عارفة يعني هي أمي بتخوف للدرجة دي😂(لا بالجد بتخوف).
مشينا كلنا وقعدنا جوة في غرفتنا انا واسمهان ونحنا زاتنا متوترين.😟
•
•
•
دخل لقاها قاعدة في العريشة وبتفرم في الخضرة بقى يعاين ليها مسافة متأمل فيها بقى يشوفها ميعاد حبيبتو البريئة الطيبة رجع يشوفها زي زمان اتغيرت في نظرو بعد ما عرف الحقيقة وعرف انو هو ظالمها😟🥺،رفعت راسها لق تو في وشها بعاين ليها مستغربة من نظراتو.
-في شنو؟
-مافي شي جيت اسلم على مرتي(قعد جنبها)
-مرتك قلت لي؟مرتك الما سائل عنها ولا عن اولادها مرتك الما عارفها حية ولا ميتة في شنو فجأة؟ما تمشي لست الحسن والجمال جاي واقف قدامي هنا ليه؟🙄
-(بضحك في كلامها)
-(هي مستغربة بتقول في سرها دا مجنون ولا شنو؟)
-مافي ست حسن وجمال هنا غيرك🥺
-(مصدومة)علي بالله لو سكران امشي شوف ليك شغلة لأني ما ناقصة بلاوي والله🙄
-(بضحك)لا ما سكران انا نضيح وجاييك بكل قواي العقلية عشان اتكلم معاك
-خير في شنو ونحنا من متين بيناتنا كلام اصلا؟
-ميعاد انا من اليوم الشفتك فيه وختيت في راسي اني أسعدك اني اعيش لسعادتك انتي وبس لما سافرت وخليتك مع اخواتي سافرت عشان اجيب قروش ونعيش برانا لأني عارف انهم بضايقوك كنت عارف انو في غيابي حاتواجهي مشاكل كتيرة وبالفعل حصلت معاك مية حاجة وانا ما كنت واقف جنبك لما رجعت واشتريت البيت دا وكنت فاكر اننا حانعيش مبسوطين بس القدر ما كان واقف معانا حصلت مشاكل ومشاكل خربت علينا اي شي كانو بقولو لي عنك كلام ما ياهو كانو بقولو لي انك عايزاني اكون بعيد عنك ما اكون معاك عشان انتي تعملي العايزاه ميعاد انا شكيت فيك شكيت انك بتخونيني بقيت اعامل اولادي كعب انا لما كنت بسافر ما برسل ليكم قروش عشان كنت فاكر انو في واحد غيري بصرف عليكم واحد غيري بجي بقعد معاكم وانا مافي كنت بقول مستحيل هي تقعد في البيت دا براها وهم خلوني اشك أكتر لما قالو انهم طلبو منك تجي تقعدي معاهم وانتي رفضتي بس دا كلو كان كذب منهم قسوتك الأسي انتي بتظهريها في وشك دي كلها بسببي معاملتك الكعبة لأولادك بسببي تعبتي واشتغلتي عشان تأكليهم حتى لما كنت برجع ما كنتي بتقولي لي طلقني ما كنتي بتشكي ولا بتبكي كنتي متحملة لكن انا الما قدرت النعمة المعي سمعت كلامهم طلقتك مرتين كنت بضربك وبضرب اولادي كنت بسكر كنت بجيكم سكران واكسر ليكم حاجاتكم اتزوجت وحدة تانية عشان كنت فاكر انو انتي العايزاني اتزوج ما حبا فيها اتزوجتها لأني من عرفتك للان ما عرفت مرة زيك ولا حايكون في زيك اصلا ميعاد انتي الوحيدة الوحيدة الاتحملتني انا عرفت انو اي حاجة كانت ب

فيها اسي لا قدر الله لو ماتت😢
-يكون احسن
-عليك الله يا أمي ارح معانا على الأقل نقيق جنب أبوي😢
-هو ما وقف جنب زول عشان انا أقيف جنبو عشان كدا امشي وما تتكلمي في الموضوع دا عشان ما اديك كف في خلقتك دي
- أمي😢
-(بتصرخ) ما تقولي لي امي امشي قلت ليك😠
طلعت برة قلت ليهم ما رضت قالو خلاص نمشي طلعنا وفي الشارع اسمهان بتسأل فيني وشك مالو وفي شنو وانا بقول ليها مافي حاجة ضغطت علي شديد لكن ما كنت حابة اتكلم عن الموضوع دا لحدي ما وصلنا لقينا عماتي واعمامي ونسوانهم برة دخلنا جوة لحبوبة كان معاها أبوي ماسك يدها لما شافونا أبوي قام من جنبها وجاء علينا بقى يعاين لينا سألنا أمكم وين؟مافي زول فينا رد عرف انها ما جات قال لينا خير اصلا دا المتوقعو منها 🙂امشو حبوبتكم عايزة تتكلم معاكم مشينا قعدنا جنبها كانت بتتكلم براحة وشكلها تعبانة
-عايزاكم تسامحوني انا ظلمتكم كتير وظلمت أمكم من انتو اتولدتو ما حصل يوم اعترفت بزول فيكم انو ولد ولدي ما حصل حبيت واحد فيكم ما حصل حضرت ولادة واحد فيكم كنت بشوفكم زي الغلطة في حياة ولدي كنت عايزة اطلب العفو من امكم بس هي ما جات ومن حقها تعمل كدا من حقها تكرهني لأني كرهتها حياتها أمكم طيبة شديد بس بسببنا نحنا هي بقت تقسى عليكم بس قولو ليها تسامحني.💔😢
كلنا قلنا ليها نحنا ما شايلين حاجة اتجاهك مسكت اي زول فينا واحد واحد وحضنتو بعدين قالت لينا نادو لي ابوكم وعمتكم هاجر مشينا ناديناهم وقعدنا برة.
•
•
•
جوة وهم بتكلمو،،
-علي انا عايزة ابرئ ذمتي قبل ما اموت💔😢
-بعد الشر عليك يا أمي ان شاء الله ما حتحصل ليك اي حاجة😟
-انا عايزة أقول ليك انو نحنا السبب في مشاكلك مع ميعاد نحنا السبب في انك كنت كاره اولادك نحنا السبب في انك اسي متزوج وما سائل عن ميعاد وأولادها😟💔
-(مستغرب)انتو السبب كيف؟
-هاجر احكي ليه
-(كانت مترددة لكن اتشجعت)انا كنت السنين دي كلها بكذب عليك كنت بكذب عليك لما قلت ليك ميعاد ما عايزاك تقعد هنا عشان هي تاخد راحتها هي عايزاك تسافر ولما انت قررت تستقر هنا عشان تقعد معاها قلت ليك انها قالت لي خليهو يمشي عشان يرسل لينا قروش نحنا نقعد جوعانين يعني لو قعد هناك بالمرة وما جاء ما مشكلة لكن بس يرسل لينا القروش كذبت عليك لما قلت ليك نحنا قلنا لميعاد تعالي اقعدي معانا بدل تقعدي في بيت طويل وعريض براكي قلت ليها انها مستحيل تكون بتقعد براها اكيد عندها راجل بتحبو بجيها كل يوم عشان كدا انت شكيت فيها والحقيقة انو نحنا ما قلنا ليها تعالي اقعدي معانا هي الجات وقالت عايزة تقعد معانا ونحنا طردناها كانت بتقعد في براها ومرات أبوي بمشي ببيت معاها كذبت ليك لما انت جيت استقريت هنا وقلت ليك ميعاد قالت عايزاك تعرس عشان ما تخنقهم وانت قاعد معاهم في البيت كنت بكذب ليها هي برضو قلت ليها علي بخونك وانو في ليبيا بقعد مع النسوان وما برسل ليكم قروش لأنو بخلصها مع النسوان البمشي معاهم قلت ليها انو علي حيجي يقول ليك مسافر وهو ما حايسافر هو حايعرس كنت بكذب عليها طوالي وانا ما كنت عارفة عاقبة البعمل فيه(بقت تبكي)انا عمري ٥٠ سنة وللآن ما عرست وشكلي حموت من غير ما اعرس كنت بحقد على مرتك شديد وما عايزة اشوفها مبسوطة وما كنت عارفة اني حاتضرر كدا ما كنت عارفة اني حامرض الامراض دي كلها واتعذب علي انا اسفة لأنو السنين الانت كنت بعيد فيها من مرتك وأولادك كلها كانت بسببنا نحنا😢💔

هو كان مصدوم وما قادر يصدق البتقول فيه اختو بعاين ليها وبعاين لأمو بفكر في ميعاد وفي العملو فيها بفكر في اولادو وانو ما حصل بقى ليهم أب بفكر انو كان ظالمهم السنين دي كلها هو حايصلح دا كلو كيف؟حايرجع مرتو واولادو كيف💔
بتكلم مع نفسو كدااا وهو سارح بس فجأة هاجر بقت تصرخ أمييييييييييييي و انتقلت لرحمة الله وهو بقى ماسك يدها وببكي شوية والبيت كلو اتملا صراخ.💔

يتبع
#تريستيزا(20) 🌫💔
بقلم_نفحات_محمود🖋

نحنا في بيت الوفاء الليلة اليوم الثالث من حبوبة اتوفت ما قدرت اصل لسليمان واكلمو بتصل عليه وما برد سبحان الله حتى ما قال المرة دي وين ولا حاصل عليها شنو😢💔 فكرت اتصل على وجدان اختو واكلمها عشان تكلمو شلت التلفون ومشيت بعيد من الناس
ردت لي من اول جرس،،
-الو يا عروسة
-وجدان كيفك؟
-بخير الحمدلله كيف انتي
-الحمدلله
وجدان انا حبوبتي أم أبوي اتوفت أول امس وانا في بيت الوفاء وبتصل على سليمان ما برد لي عايزة اكلمو
-ربنا يرحمنا ويغفر ليها ويجعل مثواها الجنة ان شاء الله ونحنا حانجيكم بعدين نديكم الفاتحة ان شاء الله وبتصل على سليمان اسي بكلمو
-طيب تمام تسلمي ما بتقصرو
المساء،،
وجدان جات ومعاها اخواتها وعزونا ومشيت قعدت معاهم بنتكلم وسألتها من سليمان وهي ما ردت تاني سألتها غيرت الموضوع
-وجدان انا كنت عايزة اتكلم معاك من المرة الفاتت بخصوص سليمان
-في شنو ان شاء الله خير😟
-سليمان اخوكي دا بجي البيت متأخر شديد وما براعي لأني قاعدة براي والمرة الفات

ري فكري شوية اتعارفو انتي ما بتعرفي عنو اي حاجة يمكن اسي يطلع ما تمام او ما تقدري تعيشي معاه😢
- لا ما حيحصل كدا حايكون كويس ان شاء الله😊
-يعني متأكدة من قرارك دا؟
-ااي
- طيب تمام خير
انتظرو الجماعة جو وقعدو مع نزار ونزير وكانو بتكلمو انو حايسكني براي وكدا وما حتحصل مشاكل معي بسبب مرتو واولادو وما حايقصر مني والكلام دا وقالو خلاص يعقدو وكانو مستنين أبوي اتصلو على المأذون جاء وابوي جاء متأخر وعقدو وبقيت مرة راجل للمرة التانية ما عارفة بس ما كنت مبسوطة وكان عادي ما كان في احساس الرهبة بتاع العقد داك الحسيتو مع معز اي شي كان عادي عادي جدااا.😢💔
اليوم البعديه،،
جاء وساقني مشينا البيت كان بسيط وصغير بس ما قدرت أحس بيه بالراحة زي ما كنت بحس في بيتنا انا ومعز بس انا ححاول أغير تفكيري دا واثبت لنفسي اني بقدر اتأقلم عادي وانو معز ما فارق معي😊 وكانت قصة زواج فاشلة وانتهت،الأيام الأولى ما حصل شي كان عندي العذر الشرعي هو كان بتعامل معي عادي اصلا ما بتكلم كتير بس بطلع وبجي بليل شكلو بكون مع اولادو وانا زاتي ما قاعدة أسالو لما يجي بخت ليه الأكل وبجيب ليه الموية والعصير وهو بخلص وبقوم بنوم لا قاعد يسألني كيف انتي؟ولا حصل معاك شنو؟ولا اكلتي ولا نمتي ولااا اي شي يعني كان بيناتنا فتور ما طبيعي خالص خالص.😢💔
•
•
•
كان واقف قدام المرايا وبتكلم مع نفسو
- انا وعدتك اني ما اسيبك وعدتك اني ارجع واني حعوضك عن الأيام العشتيها كلها واني اكون ليك الضوء في اي حتة فيها ظلام وعارف انك حاتكون فاكرة اني ميت واني سبتك ومشيت عارف انك حاتكوني اتعذبتي كتير يا رهام عارف انو صعب عليك بس انا حارجع خلاص حجيك ونعيش مع بتنا وحعوضك حعوضك عن اي شي.😢😔
وهو بتكلم خش ليه زول
-حترجع؟
- اي خلاص بقيت كويس ومافي سبب بخليني اختفي عن مرتي وأولادي تاني😊
- طيب مرتك ما هدي عايشة مبسوطة مع بنتها انت زاتك عرس ليك وحدة من بنات اهلنا ديل وانساهم خلاص
-أنساهم كيف يعني؟هو انا الزمن دا كلو كان نفسي ابقى كويس حاربت المرض بس عشانهم هم بس عشان ارجع ليهم ونواصل حياتنا من محل ما بدينا🥺
- طيب وهل هي حتقبل بشكلك كدا؟
-(وقف مسافة قدام المرايا وهو بفكر اتنهد وقعد في السرير)ما عارف
"ظالمني شوف من كم سنة💔 بعدين معاك أنا ياهوى💔
ودرتو فيك أملي الكبير ورميتني في جور النوى💔
سنيني ضاعت بي وراك وشايل دريباتك دوام💔
والغريبة بقولوا عنك للقلوب أنجع دواء💔
من بدري صافيتك أنا واشعلت في ديرك شموع💔
ووهبت ليك باقي العمر💔"

•
•
•
الساعة كانت ١٠ بليل وسليمان ما جاء وانا بتصل عليه ما برد ما عرفتو مالو وانا الصراحة خفت شديد يعني انا بنت وقاعدة براي اسي لو جاني زول أو حصلت لي حاجة وانا صاحية ما قادرة انوم لحدي ما الساعة ١١ جات حتى هو جاء طوالي قلت اتكلم معاه
-سليمان انت ما مفروض تتأخر كدا لأنو انا قاعدة براي افترض انو حصلت لي حاجة؟😢
- يا مرا هوي ما تقعدي تنكدي علي بليل دا انا نعسان وجاي انوم بس😠
-طيب على الأقل رد على تلفونك 😢
-ياخ أنا بكون مع مرتي وأولادي انتي فاكرة انو ما عندي غيرك هيي يا مرا امشي عديل😠
- انا ما قلت ليك شي اسي غير انك ترد على تلفونك😢
-ياخ انتي كلامك كتير وانا جني جن المرة الكلامها كتير دي😠
قعدنا نتناقش وهو بصرخ فيني ووصل معاه انو ضربني اي ضربني عديل كدا رفع يدو علي وانا عمري مافي راجل رفع يدو علي لا معز لا أبوي لا اخواني وبعد دا كلو طلع وخلا لي البيت والساعة كانت ١٢😢💔 وما خاف تحصل لي حاجة وانا مرا براي قعدت ابكي واندب في حظي بالجد انا ما عندي حظ في الحياة الزوجية دي نهائ.💔
لما اتزوجت معز كنت فاكرة انو دا نعيم الجنة حبيتو شديد وقلت حياتي حتبقى حلوة هو صح كان بعاملني كويس واي حاجة عرفت انو كان متزوج قبلي ٣ بس قلت ما مشكلة المهم انو هو اسي معي السنة الأولى ما كان في مشاكل بس فجأة اتغير ١٨٠ درجة واي تصرف بتصرفو بقول لي السبب اني بحبك وبغير عليك حتى بقى يكذب فيني ويقول عني حاجات انا ما قلتها اصلا وهدا سليمان شكلو نفس الحنك برضو واصلا عرفت انو كدا من عدم صلاتو والما بحافظ على صلاتو مستحيل يحافظ على مرتو💔
•
•
•
الصباح،،
انتظرت لحدي ما الصبح اذن صليت حتى نمت لأني بصراحة كنت خايفة شديد صحيت بتلفون من اسمهان الساعة ٨ قالت لي حبوبتي تعبانة وابوي قال كلنا نجيها لأنها عايزانا وانتي اسي تعالي البيت عشان تمشي معانا خشيت الحمام وطلعت لبست لي توب عاينت لوشي كان ظاهر فيه آثار الضرب ما عرفت اعمل شنو حاولت اغطيهو بالتوب بس اتصلت على سليمان قلت في النهاية هو راجلي مفروض استأذن منو قبل ما أطلع بس ما رد لي فطلعت طوالي ومشيت البيت لقيت نزار ونزير وابتسام واسمهان جاهزين الا أمي اسمهان ونزار بعاينو في وشي وانا بحاول اتضارى منهم
-افنان حاولي اقنعي أمي دي تمشي معانا لأنو ما معروف يمكن المرة دي تموت وهي قالت ما ماشة😢
- طيب
مشيت ليها
- يا أمي امشي البسي عليك الله وامشي معانا يمكن دي اخر مرة تشوفيها

لة مافي زول برضاها
-افنان انا بحبك افنان انا انتي عارفة انا انا
-معز ما عايزة اسمع منك ولا كلمة بس اطلع وخليني

*"هويتك بكل أنفاسي عشقت عيناك جدا،تعودت على حديثك،ادمنتك جدا،غرقت في حبك إلى حد رأسي،ولكنك خنتني،حطمتني،وكسرتني،وانتزعت ثقتي بك وبكل البشر،لماذا فعلت ذلك؟لماااذا؟💔"*
Nagam mahmoud

#يتبع

#تريستيزا(19)🌫💔
بقلم_نفحات_محمود🖋

انا انصدمت من معز دا شديد لينا سنتين عايشين مع بعض حبيتو حب مبالغ فيه كنت بعمل اي شي عشانو اي شي كنت فاكرة انو حايدوم لي انو حايعوضني عن اي حاجة عشتها كنت فاكرة اني حابدا حياة جديدة حياة حلوة ما فيها مشاكل ختيت فيه الثقة بس هو ما كان بستاهلها.💔😢

ابوي واخواني كانو ساعيين في موضوع الطلاق دا شديد انا لسه بحبو بس ما عايزاه تاني ولا بأي شكل،بعد ما حصل الحصل هو كان عايز يتكلم معي كان بقول لي عايز اتكلم معاك لاخر مرة وبديك حريتك بس انا ما رضيت انو يتكلم معي لأني خايفة أضعف وارجع ليه في النهاية رسل لي رسالة وكان فيها(افنان انا حبيتك بكل قواي واول مرة احب زول بالطريقة دي انا اتزوجت قبلك ٣ بس مافي وحدة فيهم بتعادل ظفر منك انتي كنتي ستهم انا كنت بقعد مع اي وحدة شهر ولا شهرين وبطلقها بس انتي الوحيدة الأنا ما قادر استغنى عنها انتي الوحيدة الأنا حبيتها عارف اني ما بستاهلك واني ظلمتك وتصرفاتي دي كلها ما تصرفات زول عاقل بس ما عارف انا كنت بعمل كدا ليه ما عارف ليه ظلمتك وعذبتك كدا ما عارف والله بس انا بحبك والله بحبك وبحب التراب البتمشي عليه افنان سامحيني انا اسف،خلي بالك من نفسك بكرة حرسل ليك ورقتك وحسافر السعودية طوالي لأني لو قاعد هنا ممكن اجن وانتي بعيدة عني)💔
بعد الرسالة دي بكيت بكاء في الدنيا عرفت انو خلاص دي نهاية علاقتنا عارفة انو ظلمني وعذبني كتير بس انا لسه بحبو بعد العملو والكذب الكذبو فيني بحبو وما قادرة اصدق انو عمل كدا اصلا😔💔
اليوم البعديه طلقني ورسل القسيمة وسافر وانا بقيت حرة وكدا علاقتي مع معز انتهت.💔😔

"مفارق كيف تخلينا وشوقنا وذكرى ماضينا💔
كيف بعدك يكون الحال وكيف تصبح ليالينا💔
فريقنا الكان مفرهد بيك وعاش روعة تلاقينا💔
صبح حزنان ومامصدق في يوم ترجع تعود لينا💔
وين بعدك ألاقي حنان رقة وخفة يا زينا💔
مشيت خليتنا للأيام منو الغيرك بواسينا💔😢"
•
•
•
2015
اسمهان ماسكة بنتها وبتفكر في احمد الما عندو أثر لسه💔
"مرت سنتين على فراقك،سنتين من الحزن والألم،وذكريات الماضي،سنتين مرت وانت لم تعد،وما زلت أقف أمام الباب أنتظر عودتك💔"
هديل جابت ولد وسموهو علي على أبوي،حبوبتي أم أبوي تعبانة وكل مرة بتمرض وضعها صعب وابوي شايل ليها هم اما أمي كانت بتقول ان شاء الله تموت
لسه هي ما قادرة تتجاوز الحصل معاها زمان ولا قادرة تنساهو حتى،انا رجعت عايشة مع ناس أمي في البيت ورجعت بعمل محاضرات دينية حاولت اعمل اي شي عشان انسى معز وانسى حبي ليه.💔😢
في يوم،،
وانا قاعدة في البيت جاتني وحدة من الناس الأنا بديهم المحاضرات هي اصلا بقت صحبتي لأنو طبيعي بتحضر محاضراتي وبتجي تتونس معي،المهم دخلت وقعدنا نتونس انا وهي واسمهان
- يا افنان والله انا جاياك لموضوع
-ان شاء الله خير
-كل الخير والله
انا عارفة انك طلعتي من تجربة زواج فاشلة وما عارفة اذا عايزة تواصلي حياتك كدا ولا تتزوجي تاني بس بصراحة انا عايزة اخطبك لأخوي هو مواليد 1970 عارفة انو أكبر منك بكتير بس هو زول كويس ومتدين وفاهم وما عندو مشكلة وانا متأكدة انو وحيسعدك وهو متزوج وعندو ٣ اولاد بس مرتو ما مريحاو وانا فكرت فيك انتي وكلمتو وهو قال موافق بس انتي توافقي وأسي جيت اكلمك وانا حخليك تفكري براحتك ووقت تقرري اديني تلفون بس😊
بعد طلعت
-اها يا افنان رايك شنو؟
-موافقة
-جادة انتي؟😳
- اي جادة
-افنان ما عشان تنسي معز تعملي كدا يمكن يكون زيو وغير كدا كبير عليكي ومتزوج وباولادو الحاجة دي حاتسبب ليك مشاكل كتيرة🥺😢
- ما أكتر من المشاكل الحصلت
-كدا استهدى بالله واستخيري😢
-ان شاء الله😊
ما عارفة بس انا عايزة ادي نفسي فرصة تاني يمكن اقدر انسى معز وممكن احبو وممكن اعيش حياة حلوة ويمكن انسى اي شي عشتو بالزواج دا يمكن يبقى لي بداية كويسة واهم حاجة انو متدين عشان يخاف ربنا فيني.😊
كلمت ناس البيت وهم ما كان عندهم مشكلة قالو مادام زول كويس وانا عارفة اهلو ما مشكلة بس امي اصلا ما قالت حاجة ولا ادت رايها عارفاها متضايقة مني من الحصل في قصة معز،كلمت أبوي وعارفة انو مشغول مع حبوبة بس هو قال لو انا شايفاه كويس هو ما عندو مشكلة حيعقد لي المهم اتصلت على وجدان كلمتها وهي قعدت تزغرت قالت لي خلاص نحنا بكرة حانجيكم قلت ليها طيب مافي مشكلة الوقت البريحكم.😊
اليوم البعديه،،
نزار جاء من الصباح مع هديل وعلي وساقني بجنبة عشان يتكلم معي
-انتي متأكدة انك عايزة العريس دا؟
-ااي
-افنان ما تستعجلي ما عشان علاقة زواج فاشلة طوالي تتزوجي أول واحد بتقدم ليك اصب

يجيك زول وما تمشي لزول
- ما ممكن تكون ساجني كدا بالجد ما ممكن
- افنان خشي جوة وخلي الكلام
-تمام انا حتصل على أبوي واخوي وبكلمهم.
طلع وما رد لي وانا كنت جادة طوالي اتصلت على أبوي ونزار وكلمتهم بأي شي حصل حتى انو كذب على أختو وانو حاليا حابسني وهم ال٢ اتضايقو واحتجو وكيف هو يعمل كدا وقالو اسي بحسمو الموضوع دا.

المساء،،
هو ما جاء وشكلو ابوي ونزار اتصلو عليه عشان كدا اتأخرو وانا اتوترت شوية واتصلت على نزار وبالجد قال لي كلام صدمني من معز دا شديد
-اها يا نزار حصل شنو😟
- والله يا افنان ما عارف اقول ليك شنو
- ليه في شنو؟
-معز دا انا والحاج اتصلنا عليه وجاء قعد معانا انا ونزير والحاج وقال انو هو ما بتصرف معاك كدا ساي وانو قبل كدا لقى راجل في البيت معاك ولما سألك دا منو انتي قلتي ليه اخو صحبتي وانو بقى يقفل الباب عشان ما تدخلي رجال ساي البيت وقال مرة كنتو نايمين وانتي قمتي تهلوسي باسم راجل اسمو محمد تقريبا وانك بتحبيهو والكلام دا وانو قبل كدا شاف ظل واحد في الحمام.
-(متفاجأة)شنوووو؟😳
- والله يا افنان دا الكلام القالو قدامنا
-(ببكي)والله العظيم يا نزار انا ما بعمل كدا وانت عارف الحاجة دي اصلا انا ما عندي صحبات كدا لما اخلي اخو وحدة يجيني في البيت وراجلي مافي و بعدين انا عمري كلو ما حصل هلوست نومي هادي ولما انوم ما بتحرك وما حصلت دخلت زوول البيت اصلا عشان يشوف ظل راجل في الحمام حتى هو كيف يقول عني كدا بس😢
- ما عارف يا افنان لكن معز دا كان كويس مالو فجأة
- ما عارفة والله بس انا ما حاقعد معاه تاني بعد الكلام القالو عني دا😢
- اي ما تقعدي تاني وانا اسي بجي حسوقك
-خلاص تمام
قغلت منو الخط وانا مصدومة منو معقولة وصلت معاه لدرجة انو يقول علي كلام انا ما قلتو اصلا ونزير وابوي حايكون فكرو شنو عني معقولة يكون صدقو كلامو ما اترددت ولا ثانية مشيت طوالي لبست لي عباية وشلت شنطة صغيرة ختيت فيها حاجاتي وانتظرت نزار لحدي ما جاء ولقى الباب مطبول الا جاب زول فلس الطبلة وساقني وقفلت الباب قلت لأنو اكيد حيجي ويقول اخوي سرق ليه بيتو مادام هو كذب فيني ما غالبو يكذب في اخوي.💔😢
وصلنا البيت ولقيتهم كلهم منتظرني بالكلام واول وحدة أمي
-انا ما قلت ليك ما تعرسيهو شفتي نهايتك قلت ليك المغتربين ديل كلهم واحد لازم يطلعو خايبين ومعفنين أقرب مثال ابوكي كان بسافر سنين وما برسل لي ولا قرش خلاني اشتغل واشقى واتعب عشان اربيكم وما كان سائل عنكم بس كان همو نفسو كلمتك من الراجل دا اتقدم ليك قلت ليك الراجل دا من طرف ابوكي حايكون زيو اوعى تصدقي لكن لا انتي كنتي معندة بس مستعجلة للعرس قلت ليك دا مغترب والله يمشي يخليك وما يسأل عنك كويس انك ما جبتي منو جنا ولا كان اسي متبشتنة بسببو.💔🙄
اسمهان ونزار ونزير كانو بهدو فيها وانا دخلت جوة ما كنت عايزة اسمع حاجة من زول وهي لسه ناقة في الموضوع
- اي خشي اتسدي مني وما تقبلي النصيحة اصلا كلكم كدا ما بتسمعو الكلام انا الدنيا دي عشتها قبليكم حياتي كلها كانت مرة وعارفة اي شي بحصل لكن انتو ما بتصدقو البقولو.💔
أمي بس بترمي الذنب على أبوي لكن ما قادرة تقتنع انو دي قسمتي كدا💔

*"ماذا فعلت في حياتي لأعيش تعيسة؟!أظلمت؟! أم قتلت؟!* *أسرقت؟! أم جرحت قلب احد؟!* *ليس لدي نصيب من السعادة والفرح،كل ما يحتويني الحزن والالم،هل هذا من عدم* *حظي؟!أم تلك قسمة القدر؟!*💔
*رضاء بحكم ربي"*

•
•
•
*بعد المغرب،،*
قاعدين في الحوش بنتونس معانا نزار وهديل وانا بالي مشغول ومتضايقة وكل شوية يقولو لي افنان وانا ما بكون منتبهة معاهم ونحنا قاعدين كدا الباب دق نزير مشى فتحو لقاه معز
-السلام عليكم يا جماعة
-وعليكم السلام
-معليش بس جيت اسوق مرتي
-(نزار بزهج)مرتك منو؟😠
-افنان في منو غيرها
-(نزير)افنان ما حتمشي معاك مكان
سكت مسافة
-افنان انا عايز اتكلم معاك
كلهم سكتو منتظرني انا اتكلم وانا بالجد عايزة اتكلم معاه
- طيب
دخلنا الغرفة وهم كلهم بعاينو لينا
-خير؟
- كيف تطلعي من البيت وتجي هنا من غير ما تكلميني؟😠
-عشان مافي شي بيناتنا تاني
- كيف يعني وليه بتقولي كدا😳
-اسال نفسك السؤال دا
-افنان انا اسف عارف اني بقسى عليك واني بحبسك في البيت وما بخليك تطلعي بس انا بغير عليك وبس وبحبك شديد وانتي عارفة الحاجة دي وما عايز اخسرك😢💔
- مادام بتحبني شديد ليه بتكضب فيني كيف تتهمني بتهم باطلة كدا قدام اخواني وابوي كيف نفسك تسمح ليك تقول كلام زي دا عني ما حرام عليك؟انا ما مرتك يعني؟😢
- افنان انا عملت كدا لأنو لو اهلك طلعوني انا الغلطان حياخدوك مني بس لو كنتي انتي الغلطانة في نظرهم عادي حايخلوك ترجعي معي وانا ما بتحمل خسارتك عشان كدا قلت ليهم الكلام دا😢
-(عذر أقبح من ذنب)
والله يا خسارة بس ما عارفة اقول ليك شنو غير دا المرة الفاتت لما كضبت لأهلك عني وهم بقو يكرهوني سامحتك عادي وقلت ما مشكلة يا افنان انتي بتحبيهو سامحيهو لكن المرة دي مستحيل امررها ليك لأنك اتهمتني بتهم باط

دا اصلا
-عشان بحبك بعمل اي شي🥺

*"في عينيك دنيا غريبة دنيا ملانة بهجة وطيبة مرة تدفع ومرة تجمع ومرة تاخد كل أعماقنا تأبه تجيبها انا اتحيرت شلت الخطوة حتى الخطوة لما تشوف جمال عينيك تبقى ترجع ليك تطلع"*💕

تمينا كم يوم مع اهلو بعدين رجعنا لكن أول مشينا بيت ناس أمي عشان نشوفهم واسمهان لسه متأثرة بس هي كانت مقتنعة انو حيجي ونزار قال حايساعدها ويحاول يفتش في ال موضوع ونحنا قاعدين كدا جاء أبو هديل خاشي زهجااان لقانا كلنا قاعدين وهديل زاتها معانا قال لنزار تعال عايزك دقيقة ونزار يعاين لنزير ويضحكو وهديل مستغربة قالت لينا أبوي بكون مالو 😟
هو ونزار جوة،،
-هيي ي ولد وين المزرعة القلت حاتسجلها لي😠
- والله يا حاج حصلت معانا مصيبة كبيرة خلاص😟
-مصيبة شنو كمان
- عرفت انو الحاج باع المزرعة لأنو كان محتاج قروش في زول عايز منو دين قروش
-ي زول انا مالي ومال مصايبكم بس عايز النص بتاع المزرعة بتاعي اسي دي😠
- والله يا عم مافي طريقة معليش
-مافي طريقة بتاعة الساعة كم واتفاقنا؟😠
-اعمل شنو قدر بس
-خلاص ي زول اديني بنتي بس
-بنتك؟😂أطلقها ليك يعني ولا كيف؟
- اي طلقها ي زووول
- والله ياخ هي بقت مرتي والحاجة دي في يدي انا مافي يد زول وبعدين كويس اني ما حكيت ليها انك وافقت بالعرس عشان القروش وانك كنت عايز تعرسها للراجل داك عشان قروشو(ثعلب😉)
ما قدر يقول ليهو حاجة طلع وهو زهجان😂😂
•
•
•
*2014*
هديل مرة نزار اسي حامل وهم أجرو ليهم بيت قريب من ناس أمي لأنو البيت صغير وما بشيلهم كلهم،اسمهان ما قدرت تصل لأحمد وهي كانت بتقول انو عند اهلو لكن ما عارفة ليه ما عايز يظهر ليهم،نزير خطب ليه وحدة اسمها تهليل والبنت طيبة وظريفة شديد.😊💕
أمي وابوي الوضع بيناتهم زي ما هو ما حصل تغيير ونحنا ما عملنا حاجة كنا فاكرين الأمور حتتصلح براها بس شكلو مافي فايدة💔 بالنسبة لأمي هي ما اتغيرت مننا يعني تعاملها ما بقى أحسن من اول معانا لسه في النبذ والشكل وغيرو بس اختلفت حاجة وحدة عرفنا انها بتحبنا وانو قلبها طيب بس هي محتاجة وقت بس وقت.😊💕
في الفترة دي انا حياتي الزوجية بأكملها اتغيرت معز اتغير بقى غيور شدييد وبحبني حب تملك يعني مستعد يغير من اي زول بعرفني ودي م كانت مشكلتي المشكلة بقى بشك فيني وعندو هوس في راسو اني بعرف رجال وكدا ما عارفة ليه بفكر بالطريقة دي 😢💔حتى لما يطلع من البيت بقفل الباب ب برة وبشيل معاه المفتاح وانا لو عايزة اطلع ان شاء الله امشي الدكان ما بلقى طريقة بس بكون محبوسة كدا كأني في سجن معز وصل مرحلة بعيدة لدرجة انو لو نحنا قاعدين في الغرفة وانا طالعة الحوش بطلع معي وانا ماشة الحمام بخش معي عديل ولما اشيلها معاه واقول ليه انت مجنون وبتاع بقول لي يمكن ماشة تشوفي زول في الحمام بس اتخيلو انو وصل للمرحلة دي☹💔 معقولة هو بحبني شديد لدرجة انو بقى يغير ويشك وكدا ولا بعمل كدا ليه بالجد بقيت ما فاهمة.💔
في يوم،،
هو كان طالع وانا في المطبخ بقى ينادي فيني
-افنااان افنااان
- ايوا
- انا طالع هنا قريب وبجي
-تمام
-حاقفل الباب ب برة
-معز عليك الله خليهو انت ليه بتعمل كدا معقولة تسجني كدا؟☹
-اخليهو عشان تطلعي ولا يجيك زول لا مستحيل
-معز انت ليه بتشك فيني والله انا اتحملت كتير منك ما ممكن الشك بتاعك دا والله العظيم
-افنان ارجعي المطبخ وانا الباب وحاقفلو 😑
- لا ما حتقفلو وانا زاتي حكلم أبوي بعد دا
طلع وما رد لي وقفل الباب☹
كنت عايزة اتصل على أبوي لكن خفت يعمل مشكلة كبيرة وابوي صعب اتصلت على وحدة من اخواتو دي اكتر وحدة قريبة مني وحكيت ليها الحصل بالتفصيل وهي قالت لي أنا بتصرف معاه وبرجع ليك بتلفون انتظرتها لحدي ما رجعت لي لكن رجعت وهي زعلانة وبتهرج
-يعني نحنا كنا مخدوعين بيكي الزمن دا كلو كنا فاكرين انك كويسة وخليناك في وسطنا كنا بنقول انك احسن من زوجات معز الفاتو بس للاسف طلعتي اكعب منهم بالجد المظاهر خداعة.
-(مصدومة😳)عملت شنو انا وانتي بتقولي في شنو
-وبعد دا بتسألي عملتي شنو؟معز طلع بعاملك كدا لأنك انتي السبب لأنك كنت بتنبذي فينا وبتقولي عننا كلام كعب كنتي بتقولي نحنا تافهات ولافات ساي كنتي بتقولي انو ما عندنا ولي ونحنا قليلين ادب والله مافي قليلة ادب غيرك يا تافهة.
-(بتبكي) انا ما قلت الكلام دا والله ما قلت😭
لقتها قفلت الخط وهي بتفكر ليه معز كذب فيها ليه قال كدا لأهلو عنها قعدت تبكي كدا لحدي ما هو جاء.
-(بتبكي)معز ليه عملت كدا؟ليه كذبت لأهلك عني؟ما حرام عليك تعمل كدا؟انا عملت ليك شنو عشان تكذب فيني؟عملت ليك شنو😟💔
-كنت مضطر اني اعمل كدا اختي اتصلت لي وشاكلتني وقالت انا حابسك
-مضطر؟عارف انك شوهت سمعتي؟اسي اهلك حايقولو عني شنو؟دا كلو عشان تطلع قدامهم كويس وتطلعني انا الكعبة؟عليك الله انت بشر؟
الليل داك اتناقشنا كتير وهو يشيل ويقول لي عملت كدا عشان ما اخسرك انا ما عارفة ولا فاهمه هو ليه بعمل كدا💔
الصباح،،
كان طالع
-معز لو سمحت ما تقفل الباب علي
-بقغلو عشان ما

تمي لي في بيتنا
- طيب اكلم اسمهان
-سرييييع
-(بتضحك)طيب طيب😂
خشيت لاسمهان كلمتها وفرحت لي شديد قالت لي ياخ ما قلت ليك بحبك وطلعت سلمت عليه
-يلا يا افنان نمشي
اتذكرت انو مفروض امشي مع اسمهان بكرة لأهل احمد
-معز انت امشي انا بكرة عندي مشوار مع اسمهان
-لالا والله امشي معاه انا بمشي مع نزير
-لالا بمشي معاك ما بخليك براك
-بطلي عوارة راجلك ليه كم شهر ما شافك امشي معاه
- طيب
معز ما صدق انو وافقت شالني بتوبي بتاع البيت وسفنجتي ومشينا بيتنا😂

•
•
•
الحفلة بعد خلصت نزار وهديل مشو المزرعة بتاعة أبوي فيها بيت صغير شكل كوخ مع انو ما كان مجهزها ولا اي شي لكن هو ما عندو طريقة للسفر.
الصباح اسمهان ساقت رهام بنتها وكلمت نزير عشان يوديها قرية اهل احمد الي هي ما بعيدة مننا برضو زي ساعة كدا بالعربية.
•
•
•
رهام لما سافرت لأهل احمد ما قدرت تعرف منهم اي حاجة هم كانو مترددين وما عايزين يوروها حاجة وهي اتأكدت انو احمد عايش وما كان عندها طريقة غير انو تنتظرو لحدي ما يجي.
نزار وهديل بعد ما رجعو من المزرعة وهم ماشين في الشارع لاقو واحد من اهل العريس المفروض تعرسو هديل😂 وعرف انو دبل اتزوجو بقى يعاين ليهم وزعلان
-هيي ي زول اتزوجت البنية دي كيف؟😳
-عديييل كدي
- كيف يعني مش قلت هي مجنونة😠
- والله عالجتها يا اخوي اعمل شنو بس
-واسي بقت كويسة يعني ما تقوم علي اسي تضربني بحاجة؟😟
-(بضحك)لالا بقت نصيحة تتتتب 😂
-الحمدلللله
ومشى
وهديل لمت في نزار ضرب في الشارع
-كويس يا معفن عملت لي سمعة يعني كل ما يلاقينا واحد من اهلو يقول لي بقيتي نصيحة ولا لسه؟😑😠
-(بضحك)في مرة بتضرب راجلها في الشارع وبعدين لو ما جنك دا ما كان اسي بقيتي مرتي😂😂
-اممم(صرت ليه)😑
-احاااا من التوب البمبي والحنة دي😉
-(بتضحك)نزار ياخ😂

#يتبع

#تريستيزا(18) 🌫💔
#بقلم_نفحات_محمود🖋

معز قال نسافر لناس أمو لأنو من جاء من السفر ما شافهم وانا ما كان عندي مشكلة اصلا المرة الفاتت مشيت منهم بطريقة ما ظريفة،سافرنا ليهم واستقبلونا استقبال حلو وسبحان الله لسه بعتذرو مني وانا قلت ليهم ما زعلانة والله وانا اعتذرت منهم لأني مشيت بسرعة وكنت متضايقة.
المهم قعدنا اتونسنا وهم عملو كرامة لنزار واهلهم ديل كلهم جو والبيت اتملا الناس كلها لما تجي تسلم لي بقولو دي مرة معز الجديدة الكلمة كانت بتضايقني شوية بس يلا ما مشكلة 🙂💔عندو حبوبتو جات وهي ظريفة شديد مقعداني جنبها وتشيل وتتونس معي وتحكي لي وأنا اضحك معز جاء لقانا قعد معانا وبقينا نتونس.
بليل،،
طبعا البيت كان مليان هو صح بيتهم كبير وعندهم حوشين والحوشين كبااار قالو النسوان ينومو في حوش والما بكفي ليهم الحوش ينومو في الغرف والرجال في الحوش البهناك وما بكفي ليهم الحوش ينومو في الصالون انا دخلت جوة شلت لي غطا وشلت تلفوني قلت انوم في الحوش أحسن لي الجو الطبيعي دا طبعا الجو بتاعتهم حلووو شديد.🥺💕
وانا في الغرفة الفيها حاجاتي فجأة معز جاء خاشي لمن خلعني
-(بخلعة)بسم الله معز في شنو؟😳
-(بضحك)مالك مخلوعة كدا ي مرا😂
-جابك شنو هنا امشي نوم
-انوم كيف وانتي هنا؟
- كيف يعني؟
- شنو الكيف يعني؟مرتي هنا انا انوم هناك الكلام دا ما بجي
-معز بطل اسي لو زول شافك هنا امشي بهناك😟
- ما ماشي يا زولة بس قاعد هنا دا
-الغرفة دي في ناس حيجو ينومو فيها لكن
-خليهم ينومو برة وانا مالي
-معز بطل حركات شفع😑
- ما ببطل☹
فجأة حبوبتو جات خاشة شكلها حاتنوم في الغرفة وانا خجلت بقيت مدنقرة راسي
- في شنو يا معز؟
- والله يا حبوبة انا عايز...
وانا بقرص فيه بتحت
- في شنو ي ولد مالك بتترقص زي الضارباك كهربة
- ما عارفة دي نملة ولا شنو
- اي الغرفة دي مليانة نمل قبيل أختك الشولة دي كشحت السكر هنا بسسس عليها ما بتشوف كلو كلو انا مش قلت ليكم شوفو ليها دكتور ولا جيبو ليها الداهية ديك البختوها في العيون دي
نحنا شغالين نضحك😂
-اسي ي حبوبة خلينا من الداهية دي وشوفي لينا حل لموضوعنا دا
-موضوع شنو ي ولد؟
وانا لسه بقرص فيه وهو مصر يتكلم واي منو معز دا😟
- والله يا حبوبة عايز انوم مع مرتي في غرفة وحدة
(لا خلاص اودي وشي وين) وحبوبتو فكت ليها ضحكة
- والله لكن اولاد الزمن دا بقو ما بخجلو عدييل كدا نحنا زمان ما كنا كدا كلو كلو😂
-الزمن اتغير يا حبوبة عشان كدا وأسي حاتساعدينا ولا لا من الاخر كدا
-بسااعدكم تببب
-اها نعمل شنو طيب
-بديكم الغرفة دي تقعدو فيها وعشان مافي زول يجيب خبر انك هنا بطبلها عليكم ب برة والصباح دغغغش بجي بفتحها ولو زول سألني الغرفة مالها بقول ليهم ما لقيت مفتاح الطبلة😉
- والله يا حبوبة طلعتي ما هينة كلو كلو😂
-(بتضحك)ي ولد انت لسه ما شفت حاجة😂
وهو يشيل ويبوسها في راسها وهي تقول ليه خلاص ي ولد اقعد ساي😂
بعدين طلعت وطبلت علينا الباب
-يعني اسي في داعي يا مجنون؟
- لا بس ما تقولي لي كنتي مفكرة اني حخليك هنا وانا حكون هناك
- لا ما كنت مفكرة انك مجنون ك

وي نص لي ونص ليه النص حقي بكرة طوالي نمشي نكتبو باسمك😉
سكت مسااااافة
-والناس الجوة ديل نخارجهم كيف؟☹
-ديل خليهم علي انا دا😉
•
•
•
نزار جاء البيت سريع سريع وهو جاري قال لنزير تعال وجراهو وطلعو ونحنا ما فاهمين حاجة اسمهان بتعاين لي وأنا بعاين ليها.☹
في بيت ناس هديل،،
نزير ونزار واقفين جنب بابهم منتظرين اهل العريس يجو لحدي ما جو نازلين من عربيتهم الفخمة هو لابس الجلابية البيضاء دي والعمة بسوي كداا👋🏻مبسوط بضحك ساي ما مصدق انو حايعرس ليه وحدة زي هديل ونزار شغال ينبذ فيه
-شوية واسنانو حتتكسر وفاتح نفسو عايز يعرس وحدة قدر بنتو😑😠
لما الناس قربو من ناس نزار نزير ضربو في يدو نظام يبدو الخطة
- انتي جادي الجماعة دي عايزين يعرسو هديل المجنونة لولدهم والله دا كان ما شالت ليه سكينة وضبحتو☹
-لو بقت على السكينة كويس انا خايف تاكلو عديل☹
- هي لو حالتها مستصعبة للدرجة دي طيب ما يودوها يعالجوها
-هيي عمك دا بطلع قرش من جيبو؟هو عايز يعرسها للراجل المرطب دا عشان يتحمل مصاريف علاجها
- لا حوللا ربنا يلطف بيهو ياخ☹
-امين امين
بعد ساعة،،
صوت زغاريت هديل واخواتها كانت كفيلة تخلي نزار يطير من الفرح ونزير يصفر شوية وهديل جات ليه جاارية وقفو قصاد بعض رفع ليها حواجبو
-فشلتو ولا لا؟😉
-عملت شنو ي مجنون؟😂
-(حكى ليها قصة انو طلعها مجنونة)
-(بقت تضربو في ظهرو)تطلعني مجنونة انا يا معفن يا حيوان اصبر لي😑
-(بضحك)اعمل شنو يعني اخليك تعرسي المخرف دا😂
-(بتضحك)لالا😂
- طيب خلاص
اها رايك شنو نعقد اسي😉
- شنو ماا جااادي؟😳
- لا جادي وبعدين زاتو المأذون جاهز جبتو بقروشكم وانا جاهز😉
-(بتضحك)واي طبعا مفتح😂
-بحبك
-وانا
-مشتاق ليك
-وانا
-نفسي احضنك بس
-وانا
لا لا
-(بضحك)شنو لا لا 😂عندي ٨ شهور ما شايفك ما قادر اوصف ليك يا هديل اشتقت ليك قدر شنو وكانت صعبة علي كيف😔
-(دموعها بتجري)عارفة والله وانا اسفة لكن ما عندي طريقة اشوفك اسفة☹
-(بمسح في دموعها)عارف والله ومافي سبب بخليك تعتذري وخلاص كفاية انو شفتك وتاني ما عايز حاجة🥺
-🥺
- طيب ما تخلينا نتلم ونعقد يا بت الحلال😉
-(بتضحك)موافقة😂

*" يا سيِّدتي: لا تَهتّمي في إيقاع الوقتِ وأسماء السنواتْ أنتِ امرأةٌ تبقى امرأةً.. في كلَِ الأوقاتْ💕 سوف أحِبُّكِ.. عند دخول القرن الواحد والعشرينَ.💕. وعند دخول القرن الخامس والعشرينَ..💕 وعند دخول القرن التاسع والعشرينَ.. 💕وسوفَ أحبُّكِ.. حين تجفُّ مياهُ البَحْرِ.. وتحترقُ الغاباتْ..💕"*

•
•
•
نزار المجنون عملها وعرس هديل وعملو عرسهم بنفس التحضيرات الكانت هديل حاتعرس بيها واحد تاني غيرو وهو ما خسر حاجة الصيوان والكراسي والفنان والمأذون حتى الضيوف جاهزين😂 بس هو جاب ليه بدلة وظبط شعرو ودقنو في صالون الحلاقة الشغال فيه واي شي تم سريع سريع أمي وابتسام وابوي قالو ليه انت مجنون وبتاع كيف بالسرعة دي هو ما كان عايز الحفلة عشان راجل اسمهان لكن اسمهان قالت ليه لو ما عملتها والله ما اتكلم معاك تاني انت بتعرس مرة وحدة بس ما تحرم نفسك من حاجة
ناس الحلة كانو بقولو ديل مجانين والله أسرة علي دي كلها مجنونة بالجد عندهم حق😂يعني هو طلع من السجن عندو يومين والليلة عمل عرسو.😂
انا واسمهان كنا قاعدين في البيت وقت الحفلة شغالة انا اصلا ما بحضر حفلات واسمهان عشان احمد ما طلعت قاعدين نتونس وهي قالت عايزة تتحقق في موضوع احمد عشان تعرف هو وين وحاصل عليه شنو وقالت بكرة حاتسافر لاهلو وتقول ليهم انتو مادام ما شفتو الجثمان بتاعو كيف قلتو انو مات وانا شجعتها وقلت ليها انا زاتي حامشي معاك.🥺
شوية وسمعت صوت الباب دق وعارفة انو كلهم في الحفلة عاينت للساعة كانت عاملة ١٠ معقولة دا ضيف؟جايينا زي الزمن دا لبست لي توب وطلعت فتحتو ولقيتو معز
وانا مصدومة وما مصدقة انو قدامي وعايزة أموت من الفرح نطيت فيه حضنتو وهو شالني وبقى يدور بي في الحوش🥺🥺

*"يا سيِّدتي: يالمغزولة من قطنٍ وغمامْ. 💕يا أمطاراً من ياقوتٍ.. يا أنهاراً من نهوندٍ.💕. يا غاباتِ رخام.. 💕يا من تسبح كالأسماكِ بماءِ القلبِ.. وتسكنُ في العينينِ كسربِ حمامْ.💕"*


-معز(وانا عاملة كدا🥺)
-(ببوس في يدي)يا قلب معز🥺
-ما مصدقة انك جيت بالجد🥺
-يعني بهون علي اعرف انك زعلانة مني واخليك كدا☹
-😭ما مصدقة اني شايفاك قدامي
- لا صدقي وتاني ما حامشي من قدامك نهائ وانا اسف لأني خبيت عنك واسف لأني سافرت وخليتك في ظروف زي دي وانتي كنتي محتاجة لي☹
- ما مشكلة المهم انك جيت وخلاص🥺
- اشتقت ليك
-وانا كمان🥺
-يلا نمشي بيتنا خلاص
-اسي؟
-أوماال حنمشي متين يلا سريع امشي جيبي حاجاتك ولا اقول ليك ارح كدا(وجراني من يدي)
-معز استنى يا مجنون اكلم ناس بيتنا طيب
-ناس بيتكم في الحفلة ما بجييو ليك خبر
-(بتضحك)يعني عرفت انو دا عرس نزار😂
- والله جيت سمعت صوت الحفلة مشيت كشفت لقيت نزار العريس قلت بكون العرس بقى فجأة وكدا
- اي اتخيل فجأة بس جاء قال عرسو اسي وووو
-(قاطعني)ارح

جعنا البيت وانا متضايقة اسمهان بقت تسأل فيني مالك وحصل شنو وافتكرت انهم اتشاكلو معي وكدا ف حكيت ليها الحصل☹
-افنان هم كانو قبليك حاليا انتي براك مافي سبب بخليك تزعلي كدا😑
-بس انا ما كنت عايزة يكون متزوج قبلي كنت عايزة اكون الأولى والأخيرة في حياتو 😔
- ما مهم تكوني الأولى المهم تكوني الأخيرة وانتي شايفة اخواتو قالو ليك شنو قالو نسوانو ديلك كلهم طلقهم وما قعد معاهم بس انتي قعد معاك دا معناه شنو؟
-معناه شنو؟☹
-معناها بحبك وميت فيك يا هبلة عشان كدا ما تخلي أمور زي دي تخليكي تزعلي منو شوفي انا بعد ما لقيت الحب ولقيت الحياة البتشبه الجنة مع احمد هو مشى وما عارفاه اسي حي ولا ميت☹😔
-كيف ما عارفاه حي ولا ميت؟😳
-(وحكت ليها الحصل)
وبقت تبكي وانا مسكتها وبكيت معاها وهي بتقول لي انا متأكدة انو حيرجع اصلا احمد ما حايخلينا برانا وانا بقول ليها حيرجع اكيد حيرجع.😔💔

*"ياما شايلك فيني حايم لا الليالي المخملية لا العمارات السوامق لا الأسامي الأجنبية تمحي من عيني ملامحك💜"*

•
•
•
*يوم عقد هديل،،*
كان بفكر يشيل سكين ويمشي يهددهم كلهم انو يقتلهم لو ما ادوها ليه نحنا كنا بنهدي فيه وقلنا ليه دا ما حل بالطريقة دي هم حايعرسو ليها حايعرسو ليها هو كان زعلان شديد وقال لينا اخليها تضيع من يدي يعني☹؟اخليها تضيع من يدي؟ونزير كان واقف معاه وقال ليه والله اسي اشيل كبريت وجاز واحرق ليهم الخيمة بالناس الفيها(نزار دا بعد ما طلع من السجن بقى كعب عديل😂) اسمهان قالت ليهم يا جماعة كدا كدا ناس الحلة ماخدين عننا فكرة ما كويسة انتو كدا حاتمو المقصر بس هم ما كانو شغالين بالموضوع كتير وانا كنت بقنع فيه انو يمشي يتكلم مع أبوها بالهداوة وهو قال لي انا حاخطفها وخلاص احاول امشي معاه يمين يجي شمال امشي شمال يجي يمين في النهاية قلنا يتكلم مع اخوها الكبير لأنو زول فاهم وهو قال خير بس لو ما سمع الكلام حيتهور وانا واسمهان كنا بندعى انو يسمع الكلام عشان نزار ونزير ما يتهورو😂
لاقى أخوها في الشارع ودخلو بيتنا وقعدو يتكلمو،،
-اسمعني يا ابراهيم انت عارف اني عايز هديل من قبل ٧ سنين بس ظروفي ما كانت بتسمح لي انو اعرسها بس كنت مكلمك انت وقلت ليك وقت ظروفي تتصلح انا بجي باخدها لي عروسة وانت كنت موافق على الكلام دا صح؟
- ايوا صح
-وقبل ١٠ شهور لما جيت خطبتها مش اديتوني كلمة رجال؟
- ايوا
- وعرسنا كان بكرة وانا خشيت السجن وانت عارفة الحصل لما اطلع من السجن يقولو لي خطيبتك خطبوها الكلام دا ما حرام؟خطوبة فوق خطوبة زاتها ما حرام؟
-صح والله لكن والله يا نزار انا ما عندي دخل في الموضوع دا الحاج هو ما بسمع كلمة لزول انا بنفسي قلت ليه البنت دي مخطوبة والكلام دا ما صح لكن ما كان بسمع مني وحاولت أتدخل كتير بس ما كان في طريقة☹
- طيب اتصرف معي لأني مستحيل اخلي العرس دا يتم وانا أختك دي عايزها بأي طريقة والله انا مستعد اخطفها مستعد اخرب العرس كلو
-ي زول تخطفها شنو بتقول الكلام دا قدامي؟
-بقولو قدامك وقدام أبوها زاتو😠
-اسمع يا فردة بغض النظر عن كلامك دا انا زاتي ما عايز اختي تعرس الزول دا لأنو كبير عليها دا قدر أبوي عديل
-معقولة أبوك مستغني عنها للدرجة دي يعرس ليها واحد قدرو😟☹
-القروش بتحل المشكلة كلها عندك قروش موضوعك منتهي
-يا سبحان الله وهو مغندل يعني؟😑😑
-مغندل ساي دا ملياردير عديل لكن اسمع انا عندي ليك خطة
-اهااا
•
•
•
معز اتصل علي،،
-(بتكلم بلهفة وخوف)افنان حبيبتي كيفك؟
-الحمدلله بخير كيف انت؟
-افنان انا اسف عشان ما كلمتك اني متزوج ٣ قبليك بس والله انا خفت انك ما ترضي أو تتضايقي وانا ما عايز اخسرك انا ما صدقت اني لقيتك والله انا بحبك كتير وما بتحمل زعلك😟
-حصل خير انا ما زعلانة منك😊
-قولي والله انا ما زعلانة منك☹😔
-(زعلانة انا وما بقدر احلف)ما زعلانة😑
- لا قولي والله🥺
-معز خلاص قلت ليك ما زعلانة😑
-ما مصدق انا
- انت كيفك؟
-افنان
-اممم
-الله يرضى عليك ما تزعلي مني
- ما زعلانة انا يا معز
-كلامك ما بقول كدا لكن
-مافي حاجة
- طيب انا جاي بكرة
-جاي وين؟
-جاي لمرتي
-كضاب
- والله جاي
-ما بصدقك
- طيب بكرة نشوف
قفلت منو الخط ومشيت اتونس مع اسمهان لأني متضايقة ياخ☹ وما قادرة اتجاوز انو كان في ٣ نسوان في حياتو قبلي☹
•
•
•
*في بيت ناس هديل،،*
نزار جاء خاشي الصالون وكان مليان رجال قال لأبو هديل يا حاج انا عايزك في كلمتين وأبو هديل خاف يحرجو قدام الناس عشان كدا طلع معاه برة
-يا زول عايز شنو انت مالك ياخ 😠😠
-عايزك في اتفاق🙂
- ما بيناتنا اي اتفاقات نحنا😠
-كدا اصبر يا حاج يمكن يعجبك
-اها اتكلم خلصني😑
- انت بدل تعرس بنتك لواحد قدرك عشان هو مقرش عرسها لي انا ود صغير وزي القمر وانا ما بقصر منك😉
-م بتقصر مني كيف؟هو انت عندك شنو عشان تديني ليه؟😑
-عندنا مزرعة كبيرة مافي شجرة في البلد دي ما فيها
-اها وبعد داك😑
-بكتب ليك نص المزرعة باسمك
-يا زول(كبر عيونو)😳
-اصلا المزرعة دي حقتي أنا ونزير اخ

تصلو لحاجة لأنو ما كان في شاهد واخوك المسكين حايروح فيها😂
بعد نقاش طويل نزير مسكو وضربو ونبذو وفي النهاية رجع من غير فايدة اتصل علي تلفون كلمني اصلا كنت عارفة انو نزير متهور وعصبي وحيمشي يطبظها ويجي وتقريبا مافي حلل غير اني اتكلم مع ناس بيتهم و مع اختو بس هم مستحيل يعترفو.💔
•
•
•
*بعد يومين،،*
قاعد بين أربعة حيطان وعارف انو خلاص حايموت كان متمسك بالحياة شديد وما عايز يموت شايف انو في حاجات كتيرة هو لسه ما عملها💔 ونفسو يعملها بس الزمن ضاق شديد كان بقول ياريت لو كنت عارف اني حموت كنت حاعمل كل الحاجات البترضي ربنا 😢💔كنت حخلي أمي وابوي يرجعو لبعض كنت حخلي اخواني يتحاننو لبعض ويكونو بحبو بعض كنت حعرس البنت البحبها من سنين كنت وكنت كنت حاعمل حاجات كتيرة كتيرة😢💔
دموعو بقت تجري وهو ماسك راسو وبقول ياااارب😢
لحدي ما الباب فتح ودخل عسكري وساقو موديهو لموتو وهو كان بحاول بتفك منو كان بقول انا مظلوم انا مظلوم والله مظلووم يالله يا جماعة انا مظلوم والله ما قتلتها😟💔 بس مافي فايدة لحدي ما طلعو برة وطبعا قالو ليه آخر أمنية ليك شنو قبل ما تموت قال ليهم المس المصحف وهو دموعو جارية جابو ليه المصحف مسكو باسو
وقال(يالله انا عارف اني ما عبدتك بالطريقة الصح اني ما كنت خاشع كل الخشوع اني حتى لما اصلي واركع ما بكون بالي كلو معاك دايما مشغول اني ما كنت صادق كل الوقت اني كنت مقصر في حاجات كتيرة اني اكيد في يوم اتكلمت عن زول كلام ما صح اني في يوم قلت لابوي وامي كلام ما كويس اني ما احترمتهم بالطريقة المفروض احترمهم بيها انو أمي دي مفروض اوف ما اقولها ليها بس كنت كارهها والوقت كلو بقول هي ما أمي😔💔 ابوي الوقت كلو كنت بقول انو طبيعي سكران وانو انا ما بتشرف يكون أبوي😔💔 اخواتي ما كنت معاهم ولا وقفت جنبهم البنت البحبها كنت بقسى عليها خليتها تنتظرني ٧ سنين وفي النهاية ما حصلت قسمة بالله سامحني سامحني لأني قصرت كتير😢💔 سامحني لأني ما عشت دنيتي بالسبب الانت خلقتني عشانو سامحني يالله سامحني يالله سامحني) 💔
كان بتكلم بسرعة وبس نفسو يدعى كتير نفسو يكون عندو وقت يصلح فيه اي حاجة كعبة عملها اي حاجة بس الموت بجي في وقت نحنا ما فاكرين انو ممكن يجي فيه.💔😢
كان في ناس كتار حاكمين عليهم بالاعدام في منهم البمسح في دموعو المنهم الما مصدق منهم الخايف منهم المستسلم وقفوهم كلهم في الساحة جنب بعض والعساكر وقفو شايلين اسلحتهم لأنو الإعدام بالسلاح.💔
وبدو ضرب من غير ما يقيفو لحدي ما هم اجزاءهم دي وقعت حتة حتة حتة💔

*"حِينَ أَمُوتْ تَبْقَى بَعْضُ الحُرُوفِ مَختُومَةً بَاسْمِي لا أحَدَ يَجْرُؤُ فِيهَا عَلَى الحَدِيثِ بَعدَ حَدِيثِ المَوتْ !💔 َتبْقَى بَعضُ الكَلِماتِ كـَ "نَعقِ الغِربَانِ" مَخِيفَةً💔 وَبَعضُ الكَلِمَاتَ بَلا صوت💔حِينَ أَمُوتْ تَبْقَى رَسَائِلُ الأحِبَّةِ مُغَلّفَةً💔 بِانتِظَارِي مُكَلَّفَةً بِأمَانِةٍ لَمْ تَؤدِهَا !💔 تَبقَى النَوَايَا البَيضَاءُ وَالسْودَاء كـ الغَيمِ مُعلّقَةً بَينَ الأرضِ والسَمَاء!💔حِينَ أَمُوتُ يَومَاً مَا اِذكُرُونِي روحاً ,,كَتَبَتِ الوَجَعَ حَدَّ "المَوتْ"💔 فـَ مَاتَتْ عَنْ عُمُرٍ يُنَاهِزُ الحَنِينْ ! 💔حِينَ أَمُوتُ يَومَاً مَا تَعَالُوا لـِ وَدَاعِي هُنَا واِذكُرُوها .. تلك الروح التِي وَدَّعَتكُم قَبلَ رحيلها💔حِينَ أَمُوتُ يَومَاً سـَ أتَمَنَّى لَو أعُودَ لأمحُوْ كُلَّ خَطَايَاي كُلَّ أُغنِيَاتِيْ .. كُلَّ حُرُوفِيْ ! سـَ أتَمَنَّى لَو أعُودَ إِلَىْ جَسِدِ أُمّْيِ مُضغّةً أو أقَلَُّ مِن ذَلِكـ !💔"*

#يتبع

#تريستيزا(17) 🌫💔
#بقلم_نفحات_محمود🖋

قاعدة في المطبخ مع اخوات معز وأمهم بنتوتس وانا بقطع ليهم في السلطة 😊
-(أختو)والله يا افنان اخونا دا بسببك اتغير عديل
-(بتضحك)كيف؟😂
-يعني غير سيرتك ما بجيب سيرة زول بس افنان افنان افنان 😂
-(أختو التانية)يا جماعة مرتو وبحبها انتو مالكم؟
-(أمو)لازم يحبها جمال وأخلاق محظوظ والله😉
-(أختو)محظوظ ساي لكن انتي عارفة مافي مرة من الاتزوجهم قعد معاها قدر ما قعد معاك
-(متفاجأة)شنووو😳
-(أختو التانية)بالجد نسوانو الثلاثة طلقهم سرعة
-نسوانو الثلاثة؟😳
أمو بتصر ليهم وهم فهمو انها ما عارفة وبقو يغيرو في الموضوع وهي بتسأل فيهم
-معز كان متزوج قبلي ٣؟😳
-يعني انا مرتو الرابعة؟
- طيب ليه ما كلمني ليه ما جاب لي سيرة؟
هم ما قدرو يجاوبوها اكتفو بالسكوت.☹
انا انصدمت شديد حتى ما قدرت اتكلم او ابرر لنفسي العملو يعني انا مرتو الرابعة؟يعني هو متزوج قبلي ٣؟ليه ما كلمني؟ليه خلاني زي المغفلة والغيبة وما فاهمة حاجة ليه يا معز ليه؟☹😟
ما قدرت اقعد معاهم واتصلت على نزير وقلت ليه يجي يسوقني وهم اعتذرو مني وقالو لي نحنا ما كنا عارفين انك ما عارفة والله وقلت ليهم ما مشكلة بجيكم يوم تاني ان شاء الله نزير جاني وحتى هو استغرب ليه رجعت سريع كدا لكن ما جبت ليه سيرة ور