Jahon iqtisodiyoti va diplomatiya universiteti akademik litseyi e'lon qiladi:
Qabul talablari
Jahon iqtisodiyoti va diplomatiya universiteti akademik litseyiga O'zbekiston Respublikasi va xorijiy davlatlar fuqarolari imtihon asosida saralanib qabul qilinadi (Imtihon tartibi quyida berilgan). Akademik litseyga hujjat topshirmoqchi bo'lgan o'quvchilar ushbu talablarga mos kelishlari lozim:
- Akademik litseyga faqat joriy o'quv yilida 9-sinfni bitirayotgan o'quvchilar hujjat topshirishlari mumkin. Ayni paytda boshqa akademik litseyda tahsil olayotgan talabalardan hujjatlar qabul qilinmaydi.
- Akademik litseyda ta'lim olmoqchi bo'lganlar Qabul komissiyasi tomonidan talab qilingan barcha zarur hujjatlarni o'z vaqtida topshirishlari kerak.
Hujjatlar ro'yxati
Jahon iqtisodiyoti va diplomatiya universiteti akademik litseyiga kirish uchun topshiriladigan hujjatlar to'plami:
1. Akademik litsey direktori nomiga ariza
2. Tug'ilganlik to'g'risida guvohnoma yoki pasport nusxasi (1 dona)
3. 6 dona 3,5 X 4,5 o'lchamdagi yangi fotosurat(6 dona). Har bir rasm ortida maktab muhri va direktorning imzosi bo'lishi shart.
4. Papka va 2 dona konvert
5. Agar mavjud bo'lsa, xalqaro va respublika olimpiada, tanlovlar, musobaqalar g'olibiligini tasdiqlovchi diplom, sertifikat, guvohnoma yoki boshqa hujjatlar.
2018-2019-o'quv yili uchun akademik litseyga hujjatlarni qabul qilish 20 - iyundan 30-iyungacha amalga oshiriladi. Qabul komissiyasi ish vaqti: 09-00 dan 17-00 gacha. Qo'shimcha yangiliklar va o'zgarishlar akademik litsey saytida berib boriladi. Shu sababli, quyidagi web-sahifadagi yagiliklarni muntazam kuzatib borishni tavsiya qilamiz:
http://aluwed.uzQo'shimcha ma'lumotlar uchun telefon: 244-84-19; 241-91-18
Maslahat markazining faoliyatini akademik litseyning telegramdagi kanali
https://t.me/aluwedofficial,
https://t.me/aluwed_press va facebookdagi sahifasi
https://www.facebook.com/aluwedofficial orqali kuzatib borishingiz mumkin.
Saralash imtihoni tartibi:
Jahon iqtisodiyoti va diplomatiya universiteti akademik litseyiga kirish uchun o'tkaziladigan saralash imtihoni quyidagi fanlardan YOZMA ISH va TEST ko'rinishida bo'lib o'tadi:
O'zbek tilida ta'lim oluvchilar uchun:
1. Matematika
2. Chet tili(Ingliz, nemis, fransuz)
3. Ona tili va adabiyoti
Rus tilida ta'lim oluvchilar uchun:
1. Matematika
2. Chet tili (Ingliz, nemis, fransuz)
3. Rus tili va adabiyoti
