#قصائد_الامام_السجاد_ع_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

للأمام السجاد عليه السلام (_(يالعليل مصـابك يبجينـة
الما ينوح عليك شله بعينة
يا مسموم يامسموم
******************
جم مصيبة ومحنة شفت بكربلة
بين نار وخيل ذيج العايلة
مثل كَلبك يا كَلب كَلي ابتلة
يوم شاف على التراب حسينة
*****************
تشوف اهل بيتك ضحاية على الثرة
وعمتك بين الأعادي محيرة
مثل زينب ضيم شافت يا مرة
كَلب عمتك سيدي مروعينة
*****************
والسبي الله يــا سبي الحرم
عكَب ليل العاشر وحركَ الخيم
عالنهر عباس شيال العلم
بسهم يا مولاي طفو عينة
****************
ويلي يبن المنذبح من الكَفة
انته فوكَ الناكَة اديك مجتفة
يسر زينب مدري بيش انوصفة
والله يا مولاي ما ناسينة
****************
شلون رديت لدفن اهلك وجيت
شلون يم حسين كَلي من هويت
شكَال كَلبك يمّ الأكبر من مشيت
وشفت اخوك الأكبر مكَطعينة
***************
جبت جفين الكَمر يم جثتـه
هم شفت مولاي بالطف رايته
تدري ظهر حسين هذي كسرته
يــا سلام الله على جفينــة
****************
للحشر مولاي حزنك ما يهيد
شلون وكَفت زينب بمجلس يزيد
لعنة الله على آل مية والوليد
لسه كَبرك سيدي مهدمينة
****************
كَبور لسه بالبقيع مهدمه
السبب واحد لأن عترة فاطمة
ما درينة المهدي شنهو يألمة
يبقه صابر لشوكت مهدينة
****************
يالله يا بدر السمه ونور الأرض
أحيو البدعة ترة ومات الفرض
خاف باجر دين ربك ينقرض
نار هجرك يالغبت تاذينة
*****************
حيدرحسين الكرعاوي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA