بـقـايـا قـــلمے ✎➳♡

كاطعه رائد:احبج ورب الكون احبج من اول ليلة جيتي بيها عندي ومو مجرد رغبات اقسم الج بشرفي اني احبج..صح عصبية وشريرة وتعذبيني احيانا بس احبج..وصح لسانج اطول منج هههه بس احبج..وصح عنيدة بس احبج..احبج وربي احبج..شلون اصيح بالشارع والله عيب..بس هم اصيح عادي..احببب...

منى حطت ايدها على حلكه:فضحتنه مصدكتك والله..وانا احبك 😗..

رائد خمطها ببوسة سريعة.......(يمه الحب يمه)

بعد شهر منى طل عت حامل وطبعا حامل من اول ليلة...ورائد طاير فرحة راح يصير أب..ونسه غزل وماعاد يحس باي شي تجاها ولا بذرة ومنى صارت حبيبته وكل حياته زوجته وام ابنه...

شاهين صار يخبش ويشبه غزل بالعيون بس الباقي جلال...وهو وغزل فرحانين بيه...

واحلى حب عايشين وطبعا ماتخلى من عصبية جلال...وبعد فترة هم طلعت حامل بالرغم عملية بس بعد صارت لانها ماخذت احياط تستاهل 😂😂 عاد الشيخ طلع حيف الاشهر من الحرمان....😂😂😂😂

وجلال اخيرا وافق تكمل السادس بس بعد طلعت حامل ماتنفع بعد 😂😂......

سهر تغار بس ظامتها بكلبها وساكته....وبعد ماصار عدها حمل صارت عدها مشكلة بالرحم من آخر طفل شالته ومات بس جاي تاخذ علاج واكو أمل تحبل....

فاتن عايشة ويه جسام احلى ايامها وهم راح تجيبلها مشاغب...

ام جلال سعيدة حيل باولادها...زيون ترك البوبجي اخيرا 😂😂😂.....

ومرت الايام ولدت منى وجابت بنوته تجنن تشبه ابو منى تماما شقراء وعيونها زرق طلعت نسخة من ابوها الله يرحمه... فرحانين بيها وجلال يكول هاي محجوزة لأبني...

غزل تكله خلي بتهم عدهم لان ابنك عليك عصبي خطية تبتلي بيه....وهمه يضحكون....
وهاي النهاية....

اتمنى استمتعتو وتعلمتو درس منها مو بس ضيعتو وقتكم...والسوادس يالله على كتبكم ويلها الي تكول ماجبت معدل عالي اشنقها يالله احبابي رفعو راسي وخلوني افخر بيكم كلكم خواتي واريدلكم النجاح....



....

أوووف شكثر مؤلم غيابك مثل الي بنص كلبه كزازه...ها شرايكم ههههههه اعرف اعرف مو حلووو😜)

خل نكمل....

سوو لرائد زفة تخبل والهوسات والابتسامات والضحكات علت بهل الزفة وفرحة مالية كل كلب يحبه صح افتقدو عزازهم وموتاهم بس الحياة ماتوك ف على احد...

والموت طريقنه جميعا...نسأله حسن الخاتمة....

البنات اخذو منى لغرفة عريسنه والجو بيها يجنن شمووووع واضواء خافته بس ضوى الشموع ومغيرين اثاثها طبعا جايبين اثاث عريس وعروسة.....جانت اثاث رجال عزابي....

والف مبروك عليكم رائد ومنى....

طلعو من يمها بقت بس امها يمها وكعدت توصيها وتعلمها شراح يصير ومنى اذا جانت متوترة هسة صارت مرعوبه المسكينة..

(.😂😂الله يهديج يا خالة هسة ليش ترعبينها كليلها شي بسيط 😂😂بس بعد شنسوي للأمهات يسونها فلم رعب...تره والله ماكو شي 😗....)

طلعت امها وهي ظلت تفرك بيديها حيييل...سمعت صوت الهلاهل كلبها وكف عرفت اجاها حبيب كلبها...

(لا تخافين مناوي😉 اني متفقة وياه يكون حنون ورومنسي مو مستعجل😌اي شعبالج ابطالي عقال)

رائد دخل وسد الباب بهدوء:مبرووك ياعروس

منى بتوتر :الله يبارك بيك..وفجاة شافته نزع السترة ونزع الربطة وتكول لا هذا مستعجل حيل خلي اقرأ السلام على نفسي...وظلت رجليها ترجف حيييل...

رائد نزع حزامه وشمره وفتح دكم قميصه واتجه الها وبدون مقدمات راح الها يريد ينزعها الفستان...

منى بخوف:لحظة خلي ابدل

رائد:لا يعمري مو وقته اكو ناس جاي تنتظر اثبت رجولتي وبراءتج

منى بخوف:اي بس انطيني فرصة شوي ا....بعدها ماكملت طبع بوسة عميقة على شفايفها....سحب عقدها الي بركبتها وشمره......

(لحظة لحظة مو هيج اتفقنا يارائد..انتظر انتظر...ياربي اسفة منى على الي راح يجرالج 😂😂مالي علاقة اني اتفقت وياه بعد ماعليه بالباقي... اوووف صار بوسات ولمسات خل اشررررد 🏃🏃🏃🏃🏃🙈🙊)(الكم الله يالحدايق خخخخخخ)

وبعد شوي اثبت رجولته رائد البطل وبراءة منى الحلوة....والرمي اشتغل مبروووك ياعرسان واكيد منى حاقدة عليه 😂😂😂😂يالله هو حبيبج اني ماعليه....

اكيد تكولون اشو جلال وغزل ماكو هسة راح اشوفهم....

غزل حست بألم ببطنها بالرغم ماتحركت ابد وبقت بعيدة عن الهوسة....

جلال ميت تعب والليلة يروح يم سهر بس يطمن على غزل يالله يروح دخل الغرفة سمع صوت الماي بالحمام...

راح الها يطمن عليها وانفجع بالدم تارس الحمام وغزل تتألم...

جلال بفجعة:غزل شصاير

غزل بألم بطني موتتني يمكن راح اولد

جلال انفجع:شنو تولدين ولج انتي بالسابع...راح بدون كلام وصاح لأمه واخترعت خطية ولبسوها عبايتها بسرعة والبنات الي باقين بيتهم خافو شصاير...اخذوها للمستشفى وغزل بدت تصرخ من الألم....

وصلو ونزلوها واخذوها بسرعة لغرفة الولادة...جلال بقه واكف بره ومايعرف بشنو يحس خوف تشائم ولا فكرة ايجابية اجت اباله....

الدكتوره بسرعة كالت لازم تدخل غرفة العمليات حالا لأن ماراح تولد طبيعي بس تولده تفقد الجنين ويخافون تفقد حياتها....

بعد انتظار وتوتر جلال يحس هالساعات الي وكفهم سنين مو ساعات والكل يتصل ومايرد....

غزل ولدت بس بعملية قيصرية..بس الطفل تعبان لأن بالسابع انولد وحطوه بالحاظنة (عدنه يسمونه بالخدج)

صار الصبح ومو ليلة على جلال جانت كابوس...

بس العرسان ما كلولهم مايدرون شنو صاير....وعاشو ليلتهم بحب....

بس هسة الحمدلله طمنتهم الدكتورة بس بعدهم خايفين عالطفل....

راح اسرع الاحداث شوي لأن التفاصيل مملة....

بعد اسبوعين... تجاوز شاهين الصغير الخطر وطلع من الحضانة والحمدلله همه بخير ثنينهم...

وذبحو ذبايح بمناسبة طلعتهم....

وجلال حيل سعيد بيهم طلعو منها بسلامة....

رائد ومنى احلى عرسان طبعا مايكدر يفاركها ولا حتى نص يوم...

واليوم رايحة لأهلها تزورهم هاي اول زيارة الها...بس تحس برائد مايحبها مجرد رغبات لا اكثر...

منى اول ماسلمت على امها وكعدت يمها شوي وكامت ساعدتها شوي رن تلفونها راحت شافته رائد فتحت خط...

رائد اول ما فتحته:اشتاقيتلج

منى ابتسمت:تره توني فاركتك مصارلي نص ساعة

رائد:منى اشتاقيتلج والله مو كادر تغيبين عن عيني لو ترجعين هسة لو اجيج

منى:عود صدك تحجي توني دخلت لبيتنا شنو ارجع

راىد:لعد جايج فتحي الباب...

منى:لحظة....سداه وكام نزل راح لباب بيتهم...

منى فتحته:ها شفتني يالله ارجع للبيت

رائد دخل جوى:شنو طردة هاي..اني راح ابقه يمج..شنو جنج ضايجة مني ومليتيني

منى بحب:امل روحي ولا املك انته نبضات كلبي وحبيبي وزوجي

رائد:اويلي شلون بيه ارتكب بيج جريمة وبيتكم
منى ضحكت:شنو تموتني يعني

راىد:لا حبيبتي الجرايم انواع..ويغمز الها..

منى فهمت قصده:رائد اريد اسالك سؤال

رائد:سألي

منى:دوم احسك ماتكولي حبيبتي الا انك تريد شي مني يعني احس كل هذا الشوق مجرد رغبات..انته تح...

والمصورة طبقت بيهم حركات تجنن واكو جريئة واكو كيوت وحلوة وعلمى خلصو منى كلبها وكع بالكاع من التوتر والعشق(😉)....

خلص العقد على خير وراحو الناس....

مرت الايام ورائد ومنى مخطوبين ويتحاجون واحيانا يروح يمها بس عادي يكعد شوي ويروح وحتى بالتلفون يحاجيها عادي...

ولا تجرأ يوم عليها وحتى لمست ايد...هي صارت تعشقه ومن يحاجيها تروح بعالم ثاني وماتنام اذا ماتسمع صوته...ومن يجيها تحتار تحطه وين ودها تفتح كلبها وتحطه بيه وماتطلعه ابدا هيج حبه ا اله....

اما غزل وجلال احلى عشك....بس كلش تعبانة حييل وهي هسة بنص السابع والنزف مافكها صحيح قليل بس بالكوة مستقر هالطفل ابطنها وجاي تتعب حيل حتى نفسها بالكوة يصعد وينزل..بطنها صارت مبينة وبالكوة تسحب نفسها ..

اغلب الوقت نايمة وضاجت من هل الحال...جلال مقهور عليها ومابيده شي عليها وماطخاها ابدا ابدا بحدها مو متحملة شي هنوب يتقربلها...

والدكتورة تكلها لا تتحركين ابدا خاف يصير عندج ولادة مبكرة وزوجج خليه مبتعد عنج...تكلها ماحاجة توصين هو مبتعد هههههه....

(اويلي عليك ابو شاهين اي صح هي بيها شاهين من صدك 😊)
.....ورائد وجلال نفس حالهم ماتغيرو ماسامحه جلال وما يحاجيه...😢😢😢

حزروو شنو اليوم 😉....

ها حزرتو....

اي اي اليوم عرس رائد ومنى...

والامة العربية كلها حضرت...لا شدعوة شهل المبالغة...المهم العشيرة كلها هنا...

(بنات معزومات لعرس رائد يالله بسرعة تعالو تعالو وركصوله شوي مايستاهل ها مايستاهل 😀😀 طبعا آني كاشخة وكاعدة انتظر جية العروس والعريس وعندي اتفاق ويه رئودي 😌نو نو مو لازم تعرفونه هسة 😉)
وحطت مكياج سموكي(شكد احبه) طبعا طلع عليها يجنن....

طلعت تجنن....

خل نروح لعريسنه....

وكاشخ عالآخر وعطره واصل لأخر الشارع...بس كاعد وره بيتهم ومختلي بنفسه وجاي يدخن ونازع سترته وحاطها بصفه...وصافن ويدخن...

(تظنون يفكر بيمن😯)

بيان ابن عمه دوره مالكاه بين الولد:ياجماعة وين العريس

جسام:ماشفته من طلع بكشخته

بيان:وين صار هذا هسة

مهند واحد من ولد عمهم:تلكاه رجع للمراية يعدل شعره ههههه

جلال:بيان شوفه وين يالله خلصنه

بيان دوره مالكاه...راح وره البيت لكاه يدخن...جلال جان رايح وره البيت عنده شغلة...

بيان:انته هنا والكل خابصين الدنيا عليك يالله كوم عوف هالجكارة مو وقته

رائد بهدوء:بيان مالي واهس اتزوج وجلال اخوي زعلان عليه وماخذ بخاطره عليه

بيان كعد بصفه:ليش انتم تخاصمتو شصار بينكم وهيج ماتتحاجون
رائد:غلطت بحقه وغلطة جبيرة واستاهل..بس والله مو كادر افرح وجلال محاربني اعتذرت اكثر من مرة بس منطاني فرصة ثانية

بيان:كوم وربك يحل هالخلاف بمرور الوقت وانتم اخوان وهو يعتبرك ابنه بالرغم مابينكم اختلاف عمر بس هو يحبكم هواي انته وصلاح الله يرحمه وشفت حالته شلون تغيرت من توفه صلاح وصار عصبي اكثر من قبل..هسة معصب منك بس بمرور الوقت ينسه هو ماله غنى عنك انته اخوه وحزام ظهره..يالله كوم خلصنه

رائد كام واخذ سترته وانتبه لجلال واكف ويباوع اله بعيون كلها عتاب...

جلال:بيان روح جهز السيارة

بيان فهمه:اوك رايح...وراح...

جلال بهدوء:مبروك يا أبن ابوي

رائد بحزن:الله يبارك بيك

جلال:سمعت مالك واهس تزوج

رائد سكت وماكدر يجاوبه...

جلال راح يمه:رائد انته اخوي ونص كلبي مو بس اخوي انته سندي وفخري ومو شيخ جلال يكسر بواهس اخوه بيوم عرسه..كلشي بهل الدنيا يتعوض الا انته ماتتعوض وماعندي غير الله وغيرك انته وزيون..صلاح كسر ظهري وراح عن الدنيا جنت اتمنى افرح بيه مثل ما هسة فرحان بيك واتمنالك كل السعادة ياخوي... ومالي استغناء عنك
رائد نزلت دموعه وحضن اخوه:سامحني ياخوي سامحني..والله دنيا ظلمة بعيني وانته مخاصمني

جلال حضنه:مسامحك دنيا وآخرة..ويالله مو عيب عليك تبجي زلمة شكبرك واليوم اريد ازوجك

رائد وخر وهو مبتسم:مشكور ياخوي مشكور لأنك فرحتني صدك اليوم هسة اكدر اصير عريس واني كلي فرحة

جلال ابتسم:عساها تدوم عليك يالله الكل منتظرك عريسنه..وهم يرادلك شوية دروس ههههه

رائد ضحك:لا ميحتاج رجال من كاعي ابن ابوي واخو اخوي

جلال:اي انته فخري...بس هم تحتاج درس لا تكوم تجيب العيد ويه بت الناس

رائد ضحك:لا اكيد راح ارفع راسك

(شكد فرحت بمصالحة جلال ورائد...حلوة الاخوة والاخو يصير سند لأخوه بكل الاحوال..اني عد موضوع الاخوة اظل ابجي...لا لا ماراح اكدر اكمل الرواية دموعي طاحت 😭😭...لا لا راح اكمل لا تخافون 😊)

وراحو جابو العروس ومتوترة حيل وفاتن تهدي بيها وامها كذلك....

طبعا تعرفون عرس الشيوخ تنكلب الدنيا ورمي وهل السوالف والشارع مخبوص خبص بالهوسات والشعراء يترجلون ويهوسون شكد حلو

(يترجلون يعني يطلعون قصيدة من كلبهم بدون مايكتبوها بالورقة....
مثل هسة اني راح اترجل شرايكم...)

(بيه حركت شوك مثل حركة وطن فاكد عزازه...

ام منى:آمين ويحفظلج اولادج.........

يوم ثاني طلع رائد ومنى واكفة بالباب تنتظر الخط...طبعا هي منايمة البارحة بسبب التوتر والتفكير شل عقلها وتتخيل نفسها تروحله عروس وتطيح من الخجل...

منى شافته طلع اختنكت بدكات كلبها:يمه فدوة للشوارب اني..هاي شكول اني أووووه هو بعده ماصار خطيبي شكول اني..استغفر الله

رائد اب تسم:صباح الخير

منى التفتت يمين ويسار وانتبهت الصباحية الها وماعرفت شتكول حاجاها وهي ما جانت ناقصة وكلبها ظل يدك بلعومها...

رائد يكول بكلبه:هاي شبيها صبحت وماردت عليه

منى حست بنفسها ماردت:صباح الخير..وراحت ركض صعدت الخط لان اجه بهل اللحظة......

مرت يومين وافقو على رائد والاسبوع هذا عقدهم....

واليوم عقد فاتن وجسام واهلهم هواي وهوسة شكثر...بيت جلال مكلوب بالناس...

سهر:غزل جلال يريد يحاجيج

غزل:وينه

سهر انطتها التلفون...وراحت....

غزل:الووو هلا جلال

جلال:اشو تكولين اسمي بدون كلمة عمري ولا حبي

غزل ضحكت:داك تسمع هالكلمة لو شنو..ومو يمك ناس شون تحجي هيج

جلال:بره اني..دكيت حتى اوصيج عمري لا تدخلين بين النسوان الله يرضه عليج لا تسويلي سالفة خليج بعيدة عن الهوسة وجهال ماتشيلين فهمتي

غزل:فديت الخايف عليه..لا تخاف مبتعدة وكاعدة بعيد بس الجهال هاي ماكدر اتحمل جاي اشوف كيك يجننون ههههه
جلال:لا تخليني اجيج هسة..مو راح يصير عندج واحد صيري عاقلة وماتشيلين ولا جاهل

غزل ضحكت: اوك حبي اني اصلا اخاف عليه ماريد افقده لا سامح الله

جلال: يالله سلام الشيوخ تنتظر كلمة شيخ جلال

غزل:يمه فديته شيخي الهيبة

جلال:لا اعيد الحجي..مع السلامة...وسداه.....

تم العقد وصارت فاتن زوجة جسام....وهوسة....

خلصت الهوسة....

غزل كاعدة تكف وياهم...والبنات مايقبلن ويصيحن عليها ويكلولها احنه نسوي كلشي(بنات عمامهم) بس غزل ماتسمع الحجي...وتعبت هواي...

راحو كلهم وجلال اجه دخل بس رائد بالديوان...

غزل راحت الحمام سبحت وتريد تبدل حست بشي حار وانفجعت شافت دم نزل منها خافت حيل وبطنها وجعتها من الخوف وظلت تلوم نفسها لأن ماسمعت حجي جلال وتعبت نفسها...

بدلت بخوف وطلعت من الحمام وصار بوجها جلال توه جاي...

جلال:شبيج وجهج مخطوف واصفر

غزل بخوف:جاي انزف

جلال انفجع:شنو ليش..لبسي عباتج..وراح بسرعة شغل السيارة..واجه وهو يحجي عليها يدري بيها ما سامعة حجيه...

واخذها للمستشفى وام جلال خايفة وتنتظر بالصالة هي وفاتن...

الدكتورة كالت هي مجاي تتحمل الحمل لازم ادير بالها لا يصير عدها ولادة مبكرة هسة مابيها شي والنزيف قليل لازم ماتتحرك ابدا....

رجعو وطول الطريق جلال يلوم بيها...

غزل:الله يخليك الي بيه مكفيني

جلال:اي ماتسمعين الحجي..بعد طلعة من الغرفة ماكو وماتتحركين فهمتي....

مر الاسبوع واجه يوم عقد رائد ومنى...

(راح تستمتعون 😉)

منى لابسة فستان احمر يطلع الجتافات وردان مو كلش طويل
وحاطة مكياج بسيط وحمرة لون احمر بس مو طوخ...
تسريحة على هالشكل وتجنن عليها طالعة كمر....
هيج تسريحتها

متوترة وايديها ترجف...

فاتن همست بذانها:شبيج حبيبتي تره اليوم العقد مو العرس
منى:فاتن عوفيني بحالي تره من غير شي احس بطني يوجعني من التوتر والخوف حاسة راح اطيح بس اكوم اني والكعب كدام الناس واصير مضحكة والله فاتن لا تعوفيني اموتج اذا طحت وتكودت

فاتن ماتت ضحك:ولج شسالفة ليش هيج متوترة تدرين كمت ركصت بيوم العقد مالتي..وهمست الها..اليوم رائد ابن الشيخ شاهين راح يكون ملكج للأبد..تستاهلينه الله يهنيكم يعمري اخوي ورده مالت الله

منى بتوتر:فاتن خايفة

فاتن:وليش خايفة..هو عقد..هسة يخلص....وظلت فاتن تهدي بيها...واما غزل كاعدة بعيدة ومحذرها جلال ماتدخل بين النسوان ابدا...

بعد ساعة عقدولهم ومنى من التوتر كل شوي يعيد السيد عليها...خلصو العقد وصارت زوجة رائد حلاله 😗....

امها سولفتلهم عنها وفاتن ماتت ضحك وهي كل شوي تصيح ماما شنو هاي ليش تكوليلهم....

خلصت الحفلة واجه وقت الصور....

منى يمكن هوى الغرفة مخلص عدها من التوتر....

دخل رائد ولابس بدلة رجالية لون اسود وجاية عليه فيت ويجنن طالع بيها....

المصورة:مبروك عريسنه وعروستنا...يالله نبدي

رائد:الله يبارك بيج..بس لا يتأخرن

المصورة:لا لا ميتأخرن هسة نخلص..تعال يم عروستك..منى صار وجها احمر من الخجل...

المصورة:الزمها...المصورة كالت الزمها لو منى انتفضت من التوتر وكالت لا لا بلاها هل الحركة...

المصورة ضحكت:عريسنا تره العروسة متوترة

رائد ابتسم:اي واضح..يالله بلاها هل الحركة

المصورة ضحكت:اوك بلاها..قرب عليها وسوي نفسك كأنك تريد تبوس خدها..منى صارت بنفسجية ههههههه....

رائد ضحك:ماكو غير هل الحركة المنحرفة العروسة راح تموت علينه من الخجل

المصورة ضحكت:شكلكم راح تعذبوني على ما نخلص يالله ماريد اعتراض كل الحركات هيج....

فتحي لا اكسره على راسج وراس الخلفوج
غزل كامت فتحته:شلي تريده مني ليش جايني ومارحت لحبيبتك سهر

جلال عقد حواجبه:غزل احجي وياي بأحترام تره مايصيرلج خير

غزل سكتت عنه وراحت كعدت عالسرير وهي مبوزة....

جلال:فه ميني اليوم شجاج

غزل ماجاوبت...

جلال صاح حيل:مو احاجيج

غزل خافت:مابيه شي انته شبيك اليوم

جلال:اليوم ماعرف شجاج هاي كله بسبب مساع.. بسبب رائد مو

غزل بقهر:وانته كلما تحاجينه اني وياك حطيت رائد بالنص..ليش ماتنسه السالفة مليت واسمع وصاياك لا تطلعين بالصالة لو اجه لا ترحين المطبخ لو راح هناك ولا اتكعدين يمه ولا تسوين هاي ولا تسوين هاي واليوم الصبح تشك بيه ومساع كسرت تلفوني..فهمني انته الحب عندك هيج شك وحكره فهمني جلال فهمني اذا عندك الحب هيج اني ماكدر اتحمل هالعيشة كلها شك

جلال بعصبية:ولج جم مرة اعيد الج اني ماشك بيج بس ماثق بيه هو...وتلفونج كسرته بسببج احترمي وجودي شوي وتتغزلين برجال غريب لا يصيرلج ولا تعرفينه...وتعرفين شكثر اكره هل السالفة
غزل دارت وجها عنه وتلحفت:انته عمرك ماتفهمني ولا راح تفهمني..روح عمري لسهر هي حبيبتك وهي تفهمك وتفهمها..اني ابقه مجرد فصلية عندك لو اموت نفسي

جلال راح الها:انتي صايرة ماتعرفين تحجين وتطرديني من يمج

غزل بجت:مو اكلك ماراح تفهمني..ونسيت اني هم مافهم بالكلام بس بالعنف

جلال رفع عنها الغطى وسحبها لحضنه:ولج انتي صرتي حياتي ونبضات كلبي..ماريد اكضي لحظة من حياتي من غيرج..انتي شريان بكلبي..وباس خشمها..مسحي هالدموع والله ابني راح يتعقد...

غزل مسحت دموعها وماحاجته...

جلال:سكتي اشوف

غزل مدت بوزها:بعدني زعلانة

جلال ضحك:والله صايرة تسوين تصرفات نور..الحمل سواج طفلة شوكت تولدينه ونخلص من مزاجج هذا

غزل بزعل:اني طفلة..كوم ماحبك

جلال:واني اموت بيج...وحضنها...اكلتي شي

غزل:لا من البارحة ماشتهي
جلال: عود صدك تحجين ليش ما ماكلة شي اليوم كله

غزل:والله ماشتهي جنت مشتاقتلك وانته اليوم نكدت عليه

جلال:حتى لو ماتشتهين غصبي نفسج انتي ابطنج روح ثانية مو وحدج واذا تبقين هيج ماتتغذين راح تتعسر عليج الولادة وتعبين مثل ما كالت الدكتورة لازم تتغذين ....غزل سكتت....

يوم ثاني....

غزل راحت دكت باب غرفة عمتها...

ام جلال:تفضل

غزل:عمتي اريد احاجيج بموضوع

ام جلال:تفضلي بنيتي

غزل:من غير مقدمات عمتي شرايج بمنى بنت جيرانه

ام جلال:بنت ورده وخوش بنية..ليش هالسؤال

غزل:اي وهي هاي آخر سنة وتتخرج..ليش مانخطبها لرائد

ام جلال بأبتسامة:والله فكرت مرة بس كلت اسأله اول واشوفه خاف اباله بنية
غزل:سألته بنفسي وهو موافق عليها

ام جلال بفرحة:صدك والله الله يفرحج مثل ما فرحتيني..ربي يكومج بالسلامة ويجعل هالطفل من نصيبكم ياررب

غزل باستها:تسلمين عمتي ان شاء الله تدوم الج الفرحة وربي يفرحج بجهاله وجهال جهاله

ام جلال بجت ودموعها تنزل بغزارة...

غزل حزنت:عمتي هسة ليش الدموع والله دموعج عزيزة مو جاية افرحج مو ابجيج

ام جلال:تمنيت صلاح موجود وافرح بيه مثل رائد وجلال..بس الموت اخذه مني مثل ما اخذ ابوهم

غزل مسحت دموع عمتها:عمتي كولي الله يرحمهم ويغمد روحهم الجنة..همه بكلبج ماراحو ابد وان شاء الله تفرحين برائد وتزفينه بنفسج

ام جلال:آمين.....

يوم ثاني بالليل ام جلال كالت لجلال عن بنت جيرانهم وهو ماعنده مشكله ورائد هم ساكت ماحجه شي...وراحو سهر وعمتها وفاتن يخطبون منى...غزل ماقبل جلال تروح يخاف عليها....

بيت منى...

ام جلال:والله يا ام منى جاينج بطلب

ام منى:تفضلو...عيوني....وظلو يسولفون

منى شافتهم كلبها ظل يضرب طبول من التوتر عرفت صارت صدك واجو يخطبوها لرائد..توترت وماعرفت شتسوي او شتلبس وظلت تفتر بالغرفة ومستحية تطلع وتضيفهم..طلعت بعد صراع ويه نفسها وباوعت لنفسها بالتراك رجعت ركض وبدلته لبست دشداشة مرتبة ولفت الشال بأهمال...

منى تحاجي نفسها: همه نسوان هسة ليش لابسة حجابي..انزعه...لا لا فشله شيكولون عني..لالا انزعه فشلة هسه يكولون شنو احنه زلم..آهووو شون راح اطلع الهم....

وبعد صراع ربع ساعة طلعت وهي خجلانة سلمت عليهم وراحت ركض للمطبخ...سوت جاي وماتعرف حطت ملح لو شكر ماتدري اصلا ماتدري شكر حطت ورق جاي...ودته بخجل....

ام جلال بأبتسامة:هلا بمنى بنيتي..اكول يمه شرايج بأبني..اجينه نطلبج اله

منى اختنكت من دكات كلبها وتكول بكلبها:عزاااا امه سالتني شجاوبها هسة...ومن التوتر..ها خالة ابنج الشيخ
فاتن ضحكت:لا حبي اخوي الثاني انتي شفتيه هذاك اليوم..وغمزت الها..الشيخ مزوج ثنين بعد ماناقصه ههههه

منى بداخلها:عزا العزاج فاتن هسة وقته تتغمزين وانا راح اوكع من التوتر...

سهر:شكلها البنية خجلانة..خلوها براحتها تفكر

ام منى:والله نتشرف بنسبكم وان شاء الله نشوف عمامها ونردلكم خبر ومانلكه احسن من بيت الشيخ اناسبهم

ام جلال:تسلمين ويحفظلج بناتج

غزل بقت تبجي جلال مايفهمها كل ما تغار يكلها ماحب غيرتج...غزل غفت وهي تبجي......

(ولج الحمل مخبلج غ زل هاي شبيج 😩انتي شخصيتج عاقلة ورزنه شنو هالتصرفات ويه جلال ختية ابو شاهين طلع معصب..خل اروح ارضيه)

جلال افتقدها ما طلعت من الغرفة بعد كام راح للديوان يكول بعدين تاكل لو جاعت بعد هي ادرى بمصلحتها.....

العصر كلش.....

غزل كامت من فراشها وحيل مابيها بسبب قلة الأكل

(بهل الفترة المرة تاكل قليل بسبب الوحام اكو بنات ياكلون هواي واكو يتقيئون واكو بس دوخة واكو اشكال بنات وتختلف كل بنية بوحامها)

دخلت الحمام وغسلت وجها...

رائد دخل الديوان وشاف جلال كاعد يدخن وصافن....

رائد:جلال

جلال انتبه بس مارد عليه واستمر يسحب بالجكارة وينفخ الدخان...وما يباوعله حتى....
رائد راح اله وسحب الجكارة منه:اريد احاجيك

جلال:ماكو شي نحجي بيه ماريد تحاجيني...وكام يريد يطلع...

رائد بحزن:جلال الله عليك سامحني ياخوي والله ندمان وحق جفوف الكافل وراس الحسين وظلع الزهراء ندمان وجاي احترك الف مرة بالدقيقة لانك مو راضي عليه ومخاصمني...لخاطر الله سامحني وانا....

كاطعه جلال بعصبية: ولك انته طعنتني بظهري تكوللها تركي اخوي شلون كدرت تنطق هالكلمة..انته تعرف معزتك عندي شكثر انته وصلاح الي كسر ظهري بروحته..وألف الف مرة تفداك ولا افرط بيك بس سوايتك جبيرة ياخوي..حتى لو ندمان وغلطان راح تبقه تحز بخاطري....

رائد بحزن:سامحني...آسف والله آسف شلي تريده اسويه ازوج واطلع من هنا وماتشوفني بعد صار وتدلل بس سامحني عذاب الظمير ذبحني والي كاسر ظهري انك ماتحاجيني وشايل بخاطرك هالجبيرة والله كرهت نفسي على كل هاي الصار بسببي سمعتك تصرخ عليها والله جانت تكلي عن بنت جيرانة بس

جلال بهدوء:حتى لو سامحتك راح تسامح نفسك انته...وعافه قبل لايسمع جوابه...

رائد وكف ويراقب اخوه راح...لزم كلبه بألم...غمض عيونه بأسف وندم...

رائد:استاهل والله استاهل..بس راح اثبتلك اني ندمان وماريد افكر بيها بعد ابدا...

طلع من الديوان وراح صعد سيارته وطلع....

جلال دخل الصالة وكاعدات فاتن وغزل جاي يباوعن بالمبايل....

جلال بهدوء:تغديتي

غزل بدون ماتباوعله:لا ماريد

جلال كعد بعيد شوي عنهم وطلع جكارته وسكت عنها...

غزل باوعتله شعلها وكالت بكلبها:ماتهتم لغيرتي انا الك ان ما خليتك تموت غيرة....

غزل تسوي نفسها تباوع بمبايلها:اكولج فاتن شوفي هذا شكد حلو

(صخام ولج لا تتحدين غيرة الشيخ 😱عذروها هرمونات 👀)

فاتن كلشي ماتشوف:وين..
وتباوع لغزل بأشارة استفهام وكأنها تكلها هاي شبيج مو جلال كاعد...

فاتن بهمس:شتسوين ولج

غزل كملت تمثيل:اي وشوفي اموري شكد يجنن اموووت عليه ولاية بطيخ بدونه ماتسوة والله..اشو مختفي هل ايام ماكو والله مشتاقتله

جلال:اتصلي عليه ليش مشغول بالج عليه..لا لا روحيله لا تشتاقيله يعمري

غزل ضاجت ماهماه:اي اروح اسأل عليه ليش لا

جلال عصب وصاح بصوت:سدي المبايل لا اكسره الج

غزل خافت وعافته:شبيك عصبت شكلت

جلال بعصبية:انطيني المبايل

غزل كامت بخوف وانطته المبايل...

جلال ركعه بالارض وتحطم:صايرة ماتحترمين بعد مبايل ماكو..اهلج تحاجينهم من تلفوني

(ديري بالج تمتحنين غيرة الرجال لانج راح تحركين الاخضر واليابس)
...غزل انقهرت ودموعها نزلت بغزارة...

غزل بدموع:ليش كسرته ليش

جلال:حتى يصير الج درس وتتعلمين تحترمين وجودي...

فاتن ساكته وخافت جلال يعصب ويكوم يسوي بيها شي بس حمدت ربها اجت بالتلفون مو بغزل.....

غزل ظلت تبجي وراحت دخلت الغرفة وقفلتها....

جلال:يكون احسن..وانتي روحي لغرفتج...

فاتن كامت بلا كلام وراحت لغرفتها وانقهرت على غزل بس تصرفها غبي ليش هيج تكول كدامه...صدك اله احترامه مايصير تكول هيج....

غزل بقت بغرفتها لليل وماطلعت ابد...

ام جلال افتقدتها:سهر وين غزل ماتجي تاكل شي ما أكلت الظهر

سهر:ماعرف عمتي

ام جلال:روحي شوفيها وجلال ماكو

سهر:جلال طالع اكو سالفة رايح يحلها ويه جماعته
ام جلال:آها...سهر راحت دكت باب غرفة غزل وماسمعت رد فتحته مقفول...ورجعت دكته ماكو...كالت يمكن نايمة وراحت...

غزل سمعت الباب بس ماقلدته عبالها جلال...كاعدة عالجورباية والتعب ماخذ جسمها...

هي آخر مرة راحت الدكتورة كالت الها كلما يكبر الطفل جاي يثكل عليج وجسمج بالكوة متحمل الحمل فديري بالج ( كلام موثق حجي الدكتورة شخصيا)

ساعة بال10 هي نايمة...

اجه جلال فتح الباب مقفول ودكاه...

غزل فزت وماقلدت الباب حتى فاتن مساع راحت الها مافتحت الها الباب ...ظل يدكه جلال وماكو جواب..خاف لا يكون صايرلها شي...

جلال:غزل فتحي الباب..غزل انتي بخير..ويصيح عليها وماكو جواب..

جلال ظل يدك حيل:غزل انتي بخير..غزل..غزل

غزل تأففت:شلي تريده جايني روح لحبيتك الثانية سهر ام بناتك

جلال بعصبية:ولج انتي شنو ناوية تجلطيني واني عبالي بيج شي..

#فصلية ماتفهم بالكلام...

#بارت الاخير

مرحبا ومساء الخير اسفة للتأخير اجيتكم بالنهاية وانشاء الله تعجبكم ماكدرت اخليكم تنتظرون ودست على الظروف واجيت.....

يالله استمتعوا بيه واتحفوني بآراءكم الحلوة بكل كلمة كتبتها وبما انو النهاية كتبو الي تردونه.....

فصلية...ماتفهم بالكلام..بارت الاخييير

غزل ابتسمت:جلال انا والله محد راح يملي عيني وكلبي غيرك..زوجي وحبيبي وابو ابني

جلال باس خدها:خليج واثقة بحبي الج

غزل ابتسمت:احبك

جلال:واني بعد...شنو ماراح تغديني جوعان

غزل ابتسمت:اول مرة تكلي جوعان..هسة دقايق واجهز الاكل..جلال فدوة اريد احاجيك بسالفة المدرسة

جلال رفع حاجبه:مو تناقشنه بهل الموضوع مرتين وتعرفين جوابي

غزل حضنته:فدوة حبيبي بس اكمل السادس فدوة فدوة بعد عمري..حياتي انته لخاطر ابننا

جلال:لا...ولا تفتحين هل الموضوع بعد

غزل حزنت:اوك على امرك..وتركته وطلعت...

جهزت الغدا وفاتن يمها وحتى سهر نزلت ساعدتهم..

فاتن:شبيج مبوزة

غزل:مابيه شي

فاتن:شكلج باجية شبيج ولج

غزل:ماكو شي كتلج

سهر:انتي وجلال متحاجين سمعته معصب مساع ردت اروح لعمتي وسمعت صوته بره ماحبيت ادخل

غزل:مابيه شي ليش اتلحون وانا وجلال ما متحاجين..خلي اصلي واصيحلهم ..

وراحت تريد تصلي....دخلت الغرفة لكت الغرفة ظلمة...عرفت جلال راح نام...راحت اله بهدوء...

غزل بهدوء:جلال..مو جوعان يالله كوم صلي حتى تتغده

جلال سحبها بهدوء وحضنها: مشتاق لحضنج

غزل:مو جوعان يالله كوم صلي حتى تتغده

جلال:ماريد شبعت بس اريدج بحضني

غزل سكتت وماجاوبت...

جلال:شبيج سكتي

غزل:صليت

جلال:اي وانتي

غزل:لا هسة راح اصلي

جلال تركها:يالله صلي

غزل كامت بدون كلام...توضت ومن طلعت من الحمام ماشافت جلال بالسرير...صلت وراحت للمطبخ كلهم كاعدين على الاكل ماعدى رائد مو موجود....

جلال:تعاي كعدي اكلي

غزل كعدت بدون كلام...وبقت بس تباوع للأكل بس وتحرك بيه وماكلت...

وتباوع لجلال كاعد يم سهر وكل شوي يحط شي كدامها وهي هم....

باوعت لنفسها كاعدة بين زيون وفاتن...

جلال:ماتاكلين

غزل:ماشتهي

ام جلال:شبيج يمه

فاتن:هي يمته كلت كله تكول ماشتهي

جلال:أكلي انتي ابطنج طفل

غزل:ماشتهي والله

ام جلال:بسبب الحمل اول الاشهر لعبان النفس والنساوة تكون صعبة

غزل:اصلا مامبين عليه أي نساوة وخفيفة بس هسة ماشتهي...وكامت..عن اذنكم

جلال:غزل تعاي اكلي وبلا دلع

غزل:ماريد ماشتهي والله رايحة انام شوي فاتن عليج كف المطبخ...

ام جلال:ارتاحي يمه...طلعت غزل ودخلت الغرفة وكلش مضايجة...على مدرستها ومنا صايرة تغار هواي من تشوف جلال وسهر كاعدين سويه تموت غيرة ومن تكون ليلة سهر ماتنام ابد لمن يجيها جلال وهو صح ما يلمسها بس مايعرف ينام الا يجي يطل عليها نص الليل...هو امتنع عنها لأن يخاف على ابنه وهم مرت بمرحلة صعبة نزيف وتعب....لذلك يخاف على ابنه مايريد يفقده...

غزل دموعها طاحت:ياربي شلون راح اتحمل جلال مو بس الي...وظلت تبجي بصوت...

جلال دخل عليها...كامت بسرعة رادت تنام عالجورباية وتتحلف...

جلال سحبها بهدوء:هاي شبيج اليوم وليش ما أكلتي..ليش جاي تبجين

غزل بدموع وحضنته: جلال فدوة من تشوفني لاتكعد يم سهر فدوة اكعد أي مكان بس كبالي لا تكعد يمها ولا تشاقيها والله مو بيدي اغار..ودفنت وجها بصدره...

جلال حضنها:ولج عبالي بيج شي طلعتي من الغيرة ما ماكلة وكاعدة تبجين بخبال

غزل ببجي:والله العظيم مو بيدي

جلال:كافي بجي ويالله امشي أكلي لكمة وماريد اعتراض

غزل:والله ماشتهي آكل ماكدر اغصب نفسي تظل تلعب نفسي وماتحملها

جلال:غزل..جاي تتصرفين مثل المراهقات ترى سهر هم زوجتي والها حق عليه مثل ما الج حق

غزل بدموع:والله انته مستحيل تفهمني اكلك اني مو بيدي اغار
جلال باس خدها حييل وشماه:تدرين كلبي الج وبس والله وحق القرآن بعد ليش تغارين

غزل:اعرف بس من اشوفك وياها انقهر واحترك مليون مرة من الداخل...وهذاك اليوم اشوفك تشاقيها والله متت حسرة

جلال: غزل تعرفين هاي غيرتج ماحبها..سهر زوجتي والها حق مثل ما الج..ولا اسمعج تكولين هل الحجي بعد

غزل وخرت عنه وخاب املها بجوابه

(اي شتردين يطلكها مثلا شنو لا تكعد يمها من اكون موجودة ولج غزيله هاي هرمونات الحمل مأثره على عقلج)

غزل راحت تلفلفت باللحاف وغطت حتى راسها وظلت تبجي بسكته...

جلال انقهر عليها وراح الها ورفع الغطى وهي تسحبه منه وتغطي راسها...

غزل بدموع:اتركني

جلال:شوف والله صايرة طفلة احجي وياها تزعل..كومي كافيج بجي لتكول كاتلج اني

غزل ببجي:ماريد عوفني وروح الها ليش باقي يم طفلة
جلال عقد حواجبه:غزل تره هاي مو حالة ماترديني احاجيها يمج ولا اكعد يمها ولا اضحك وياها..شهل الطلبات السخيفة والغيرة الي مالها داعي..يالله كومي بلا بجي يالله كافي وكومي اتغدي ولا اشوفج تبجين والله طفلة يالله...وكام وطلع عنها...

بقى البارت الأخير والحمدالله

:غزل لا تصصيحين بوجهي ماريد اذيج وابطنج طفل

غزل:والله والله هل مرة ماسامحك لو تموت...وتركته وراحت....

طبعا رائد سمع كل كلمة كالوها وانقهر حييل شسوه بأخوه وبغزل....

طبعا هل المناقشة جانت بالطارمة يعني بالحوش....

جلال ضاج كلش وراح دخل وراها....

غزل قافلة عليها باب الحمام...

جلال:غزل...وراح للحمام مقفول...فتحي الباب

غزل ببجي: جلال روح ماريد اشوفك

جلال:فتحي الباب اريد احاجيج

غزل ببجي:شتريد تكول بعد..صارلك يومين غايب وتجي تستقبلني بعصبية وشك

جلال:فتحي الباب..ولج فهميني ماشك بيج بس ما اثق بأخوي بعد هذيج السالفة....

غزل ماجوبت واستمرت تبجي...

جلال ضرب عالباب حيل:غزل فتحي لا اكسره

غزل:مافتح روح لسهر لا تجيني بعد

جلال:غزل لا تعصبيني فتحي الباب احسن الج

غزل فتحت الباب وجها وعيونها حمر من البجي....

جلال:شمسويه بوجهج

غزل:بسببك

جلال ابتسم ومد ايديه الها:تعاي ...وشبكها...كافي بجي راح يتعقد ابني

غزل مسحت دموعها:هو اكيد راح يطلع على ابوه معقد

جلال ضحك:اتمنى يطلع عليج مايطلع مثلي

غزل:اي اشرار ثنين عليه مايصير

جلال باس خدها:غزل حبيبتي فهميني لا تعتقدين غيرتي عليج شك بيج

غزل:والله ضجت من هل الحال كلما تطلع توصي وماعرف شنو ومن تجي تسأل الف سؤال ولا تسوين هاي ولاترحين منا وماعرف شنو..واشوفك عايش بخوف انو اني ممكن ارجع افكر بأخوك...راح تظل كل عمرك تشك بهالشي وماراح تنسه

جلال:آسف راح اتغير اوعدج ومنا هيج كل الي يزعجج ما اسويه بس انتي لا تحزنين وديري بالج على نفسج

غزل:اني هم آسفة صيحت بوجهك

جلال:اي بآخر لحظة لزمت ايدي ماضربج ماريد ارجع اذيج...من هذيج الليلة السودة الي جنت راح اقتل ابني واقتلج عاهدت نفسي ما امد ايدي عليج ابدا..لذلك اتجنبي تعصبيني ومرة ثانية لا تعلين صوتج بوجهي

غزل:آسفة...وهسة ما مشتاقلي ولا فقدتني بهل اليومين

جلال:لا مشتاق ولا فقدتج

غزل بزعل:صدك والله

جلال: مافقدتج لأنج هنا..ويأشر ع قلبه...واما الشوق فمشتاااااااااق حيييييييييل

غزل بحب:اي وبعد

جلال:شنو بعد

غزل:ماحزنت ماضجت مانقهرت بدوني

جلال:كل دقيقة بدونج غربة..بس انتي شكلج مامشتاقتلي

غزل بحب:والله مشتاقتلك موووت وافتقدتج..كل ليلة حبيبي يترك زوجته الثانية بليلتها ويجي يتفقدني نص الليل فديته..وتغمز اله..

جلال: هلووو هاي شنو هل الحركات جديدة..كأنها دعوة بالعلن

غزل حطت ايدها على حلكها:🙊لا والله ماقصد هيج

جلال ضحك:وشبيج خجلتي..الوعد مو هسة بس خل تتخطين الشهر هذا

غزل حطت ايدها على عيونها:🙈 كافي شرير لا تخجلني

جلال ضحك:توج زعلانة وتبجين هسة حبيات ورومنسيات وغمزات وماعرف شنو

غزل:شرير يالله روح ماريدك

جلال بثقة:اي اروح ليش لا..اروح يم سهر حبيبتي

غزل عقدت حواجبها وبغيرة: ماشبعت منها صارلك يومين وياها ببغداد ماتكدر تفاركها وتخليها ببغداد بسرعة جبتهم

جلال غمز الها:لا ابد ما اكدر افاركها..هي حبيبتي الاولى وتبقه بكلبي مهما صار

غزل بغيرة:واني السبير مو

جلال:لا الاحتياط الرابعة انتي ام لجهالي ال6 ان شاء الله

(ولا تكعد راحة ياشيخ 😂 هسة تزعل غزوله)

غزل مصدكه:تريد تزوج بعد هاا اي روح تزوج بس والله والله دقيقة ما ابقه هنا لو ادري اموت ولا اخليك تزوج

جلال:وانتي تكدرين تمنعيني

غزل:اذا ماكدر امنعك اتركك😒 لو مو احبك ما اقبل تجي مرة على راسي

جلال:والله والله والله وحق الطفل الي ابطنج بعدج ماتحله بعيني مرة..غزل انتي خليتيني احبج بعفتج ونقاءج وطيبة كلبج..وفاءج رغم كل الي جان بكلبج وانتي اعرف بيه وهسة مايهمني كل ماضي بس اريدج..اكتفائي.. شكثر عذبتج وظلمتج وكل هذا سامحتيني وعشتي وياي وكلبج احتواني..وطيبتج ويه اهلي..وبالرغم فرق سنينج عني بس انتي اكبر من عمرج بهواي

غزل ابتسمت:جلال انا والله محد راح يملي عيني وكلبي غيرك..زوجي وحبيبي وابو ابني....يتبع

بعدين اكمل الباقي بارت كلش طويل.......
تحياتي

......الكاتبة التميمية........

هذا كله ولا مرة صارلتي فرصة اعتذر منج..اوعدج مادخل بحياتكم واتمنالج السعادة ويه اخوي

غزل:ماتستاهل اسامحك جنت راح اخسر حياتي بسببك وجنت راح تخسر اخوك

رائد:والله آسف اوعدج بعد ماتعرضلج..بوقتها الشيطان عماني وماعرف شصارلي

غزل:وهسة شل المطلوب

رائد:قبلي اعتذاري وسامحيني والله وحق روح امي الي تحت التراب ندمان..اتمنالج كل السعادة

غزل ماكدرت تبقه حاقدة عليه:اعتذارك مقبول واني بعد اتمنالك السعادة وتشوف حياتك

رائد بهدوء:ماعتقد اعيش حياتي من غيرج

غزل عقدت حواجبها:بدينه وراح نرجع لنفس الموال

رائد بسرعة:اسف اسف..اني راح اعيش حياتي تدللين

غزل:اي خليك هيج..عندي الك بنت تجنن والله وخوش بنية

رائد ضحك:ها اشتغلتي خطابة

غزل:اسكت ماعليك..راح اكول لعمتي عنها ونروح نخطبها الك شكلت

رائد:ومنو هالبنية

غزل:بنت جيرانه الي اجت اول امس

رائد ضحك:ام لسان الطويل العصبية

غزل فتحت عيونها:شعرفك بيها هااا

رائد:ماكو حاجيتها صدفة مرة بالباب

غزل:آها هسة شكلت عنها والله مبينة خوش بنية

رائد:والله زمن غزل تخطبلي

غزل:والله تخسر هالبنية بعد براحتك

رائد:مو مهم هي لو غيرها شراح يتغير..اني موافق..هاي اذا وافقت عليه بعد موقف هذاك اليوم هههههه

غزل فتحت عيونها:ليش شسويتلها

رائد:كتلج موقف بالصدفة ماسويت الها شي بس نرفزتها شوي

غزل:راح توافق اكيد وين تلكه مثل طيبت كلبك

رائد:اي مو مهم صارت ماصارت عادي عندي..اتمنى بس تتحملني رغم كلشي

غزل:رائد كافي تسوي بنفسك هيج وانسه كلشي راح وابدي من جديد ويه هالبنية وتزوجها وجيبو كومة جهال

رائد ضحك:هاي رجلج يريد كومة جهال مو اني

غزل ابتسمت:اي ههههه انته هم جيب كومة حلوين الجهال

رائد:اي الله كريم..اني موافق..راح اتزوج ام لسان والله يعيني عليها

غزل ضحكت:اصلا مبينة هادئة وخوش بنية

رائد:دوسيلها على طرف تاكلج أكل

غزل:لا تبالغ انته تشوفها هيج لأن ماتريد تتزوجها مو

رائد:لا اريد اتزوجها بس اريد اعرف شنو ردة فعلها من اخطبها

غزل ابتسمت:توافق وتبصم بالعشرة..رجال طيب واخلاق وملتزم وماكو واحد مايغلط

رائد:شكرا لأن سامحتيني

غزل:مو حلو الحقد واحنه عائلة وحدة........

جلال واكف بالباب ويراقب بسكوت وهو يشوف نظرات اخوه عليها...

يتبع

#فصلية...ماتفهم بالكلام..

#بارت 53

غزل:مو حلو الحقد واحنه عائلة وحدة........

جلال واكف بالباب ويراقب بسكوت وهو يشوف نظرات اخوه عليها

(هسة تكولون آهووووووو شوكت اجه...😉هو اجه قبل شوي بس كلي لاتحجين 😂)...

دخل البيت هو وسهر والبنات وراح سلم على امه وماشاف غزل سأل فاتن كالت بالديوان تنظفه...وهو طلع واتجه للديوان وبس شاف غزل واكفة يم رائد وكف وهو ساكت ويسمع حجيهم وغزل تكله على الزواج... وضاج من نظرات رائد حس بغيرة تغلي داخلة...غيرة تحرك الاخضر واليابس 🔥🔥🔥🔥🔥غيرة تملك...غيرة عشك...

جلال:شي حلووو

غزل التفتت اله:جلال عمري شوكت رجعت

رائد ضاج من حالته ويه اخوه...وده هسة يروح ويعتذر منه ويسامحه ويرجعون مثل اول...

جلال:شي حلووو والميانة القوية والسوالف

غزل عقدت حواجبها:شقصدك

رائد:لا.....

جلال كاطعه:ولا كلمة ماريد اسمع صوتك ولا تحاجيني..وأخذ غزل من ايدها وسحبها وطلع الديوان وعصب....

غزل:هاي شبيك شصارلك

جلال بعصبية:مو حذرتج من الحجي وياه ولا تكعدين وياه

غزل تريد تفك ايدها:وشبيك مو واثق بيه هااا

جلال بعصبية:اموتج هسة الثقة شلها علاقة هااا

غزل:اي بأسلوبك هذا يعني مازلت ماتثق بيه

جلال:ولج اني شحجي وياج..ماريدج تحاجينه ابدا..شكله عاجبج ترجعين اسولفين وياه

غزل هدت ايدها بعصبية:جلال تره هل مرة ما اسامحك ابدا على شكك هذا وغيرتك الما الها داعي الي صار راح وهو اعتذر مني وجنت احاجيه عن بنت جيرانة حتى يتزوج

جلال بعصبية:غزل سمعيني عدل والله ان شفتج تحجين وياه لو كاعدة يمه ماتشوفين خير

غزل بحزن:كتلك من قبل الي يشك مرة يشك الف مرة بس كتلي ماشك بيج ابدا واثق بيج بكل الاحوال واعدتني وهاي اقل شي تسويه حتى تعوضني عن شكك بيه واتهامي بشرفي

جلال بعصبية:شنو راح نرجع نفتح ذيج الملفات كتلج اني اثق بيج..بس ماريده يتأمل بشي

غزل دارت وجها بعصبية وتريد تروح....

جلال سحبها بعنف:تعاي وين رايحة من احاجيج لا تدورين وجهج وتمشين

غزل صيحت بوجه:كافي تعبت منك ومن شكك وغيرتك

جلال عصب راد يضربها كف بس وكف ايده:لا تعلين صوتج بوجهي لا والله اكسر راسج

غزل بعصبية:شتنتظر كسره

جلال

:لا اني اروح المهم تعالو انتي والبنات وخالتي ام جلال

فاتن:والله ماترحين وتدخلين يمنه تعالي نتعرف عليج

منى:ليش تحلفين

فاتن:بعد حلفت اني يالله تعالي..اني اسمي فاتن وام جلال امي والي فتحلج الباب هذا اخوي رائد

منى تكول بكلبها:يمه اسمه رائد..استغفر الله هسة انا ليش افكر بشخص ماعرفه ويمكن يطلع متزوج...

دخلتها فاتن وهي كلبها يدك طبول من الخجل والتوتر..بعد داخلة بيت رائد وهو داخل البيت...

فاتن:تفضلي كعدي..شسمج

منى بخجل:منى

فاتن:عاشت الاسامي حبي خل اصيح لزوجة اخوي..وصاحت..غزل..غزل..غززززززززززززل......منى عورها كلبها تظن تقصد زوجة رائد...

غزل طلعت:وجع خرعتيني شبيج...وابتسمت من شافت منى..منو الحلوة

فاتن:بنت جيرانه

منى اختنكت وظنت هاي زوجة رائد:اهلا حبي اني منى

غزل:هلا بيج حبيبتي اني غزل..تشرفت بيج

منى بصوت هادئ: الشرف الي حياتي

فاتن:غزل الدبة شوفي الحمل مسويها وحيد القرن...ههههههه

منى حست الاحاسيس ماتت وشلون حبت شخص طلع متزوج وهنوب مرته حامل....

غزل:عابت وجهج عوبه انتي فيل لعد
فاتن:ههههههه خطية اخوي بعد شهرين تصيرين ديناصور

منى ابتسمت وداخلها ماتت....

#فصلية...ماتفهم بالكلام..

#بارت52

فاتن:ههههههه خطية اخوي بعد شهرين تصيرين ديناصور

منى ابتسمت وداخلها ماتت:لا اصلا شكد حلوة ماشاء الله هنياله زوجج..روحي حبيبتي كعدي يمه خاف يريدج توه راجع شكله من شغله

غزل ضحكت: تقصدين رائد..لا حبيبتي هذا حماي زوجي ببغداد...منى كأنه نطوها الدنيا كلها هدية وشعلت نار احتفالات بكلبها...بس هم خاب ظنها تكول ماعتقد يفكر بيه او يمكن متزوج بس زوجته ما موجودة....

منى بتردد:هو ضابط مو

فاتن:اي ضابط

رائد نزل ويصيح على فاتن:فاتن..ومن شاف غزل سكت وشاف منى هم كاعدة يمهم..ماراح يمهم من بعيد...

رائد: احم فاتن تعالي اريدج
غزل ماتحب تشوفه ومن تشوفه ماتلتفت اله حتى ماعاد بكلبها ولا ذرة مشاعر اله وبعدها ضايجة منه من سالفة البستان...بسببه كل هذا صار وجانت راح تخسر حياتها وابنها وزوجها كله بسببه....

فاتن كامت اله...

غزل لاحظت منى من اجه رائد صارت متوترة وخجلانة حيل وتفرك بيديها....

غزل شكت لأن تصرفاتها تشبها من جانت تحبه...

غزل:اي منى انتي تدرسين

منى:اي مرحلة اخيرة كلية اعلامية

غزل:موفقة عمري يعني عمرج 23

منى:لا 24 اجلت سنة

غزل:آها..اي شعجب ماتزوجتي لهسة

منى:النصيب

غزل تريد تتأكد من اعجابها برائد:يعني اذا يجيج عريس توافقين

منى ضاجت وكامت:اسفة اني لازم اروح اجيت اعزمكم على مجلس عزاء بيتنه

غزل تريد تزيد الجرعة:ماجاوبتيني شفتي حماي هذا احنه ندورله مرة شرايج بيه...

منى صنمت ومو مصدكه مامزوج ولا مرت اخوه تريد تخطبها اله...كلبها صار يدك حيل..وظلت ساكته ماتعرف شترد...

منى: آسفة لازم اروح..وراحت طلعت

غزل طلعت وراها:الله وياج حبيبتي سلمي على اهلج

منى:يوصل..وطلعت بسرعة وكلبها مايريد يطلع يريد يبقه ويحس بوجود رائد..دخلت بيتهم ولمست وجها صاير نااااار...وظلت تتخيل تصير عروس لرائد...يمه القلب صار يخنك دكاته...ابتسمت بلا شعور...

منى بهيام:اني اصير عروس لرائد..اويللي شصارلي اني ليش هيج احس بهل الشعور الحلو وكلبي راح يوكف من دكاته وبطني ماعرف شصارلها توجعني وجسمي يكزبر كله بس اذكر صوته الرجولي..وراحت بأحلامها الوردية ويه رائد...وتخجل كلما تتخيل هي وهو تحت سقف واحد...

غزل تأكدت من تصرف منى انو هي معجبة برائد وفرحت من كل كلبها..تريد رائد يحب وينساها ويستقر بحياته كافي يعذب نفسه بهالحب المحرم...

مرت اليومين واليوم جلال يرجع من بغداد...

غزل خلصت شغلها من المطبخ وطلعت وراحت فوك تنظف الصالة...

فاتن شافتها:ولج غزل

غزل:خير شنو

فاتن:مو كتلج الدرج لا تصعدين والصالة هاي انظفها ويه الغرف

غزل:والله موتوني بالخوف الزايد ماعليه شي ان شاء الله

فاتن:جلال على وصول ولو شافج صاعدة الدرج يصيح عليه نزلي على كيفج واني اكمل روحي ارتاحي

غزل:لا اروح انظف الديوان وانتي كملي الصالة والغرف

فاتن:عوفي الديوان ماعليج بيه انا انظفه ومو امس منظفينه شلج بهالسوالف بعد

غزل:ولج تراب يجمع عليه وامس الهوى عالي هسة متروس تراب..انتي ماعليج انظفه بالمكنسة الكهربائية

فاتن:اوك روحي...غزل نزلت وراحت للديوان وماتدري برائد مارايح الدوام وكاعد هناك وجاي يدخن...

رائد جان منجطل على ظهره وصافن بس شافها دخلت فز من صفنته وعدل كعدته...

رائد:هلا بمرت اخوي

غزل ماتريد تحاجيه بس شسوي تريد تنظف:لو سمحت اريد انظف الديوان

رائد طفه جكارته وكام وتقدم ناحيتها:اي نظفي منو لازمج

غزل تراجعت ليورى وخافت:رائد لا تجي والزم حدودك

رائد وكف شوي بعيد عنها:لا تخافين..غزل اني اسف على الي ص

فصلية ماتفهم بالكلام بارت 51 وبارت 52 وبارت 53

مرحبا عيوناتي انتم... جبتلكم 3 بارتات والتكملة وره هاي فد شوي وانزلهن لمن اعدلهن

يالله استمتعو....

#فصلية...ماتفهم بالكلام..

#بارت 51

جلال:يالله اروح الديوان لأن لو بقيت هنا اسويج خرايط هههههه..وباسها بحب..

غزل:كلي فدوة الك..دير بالك من الطريق..احبك شيخي

جلال قبل مايطلع:غزل يومين وراجع ديري بالج على نفسج لا تعبين نفسج ان صار بأبني شي اموتج خلي فاتن تساعدج بالثكيلات

غزل بزعل:بس ابنك هامك 😢

جلال ابتسم:لا انتي امه وتكدرين تجيبين غيره بس انتي منو يجيبلي غيرج

غزل ضحكت:اي ماكو مني ثنين

جلال:عن الغرور وسمعي حجايتي..وطلعة من غرفتج ماكو بعد ماتخلصين شغلج تكعدين هنا والبستان ان رحتي تره والله هل مرة مايصير خير

غزل بقهر:ماتثق بيه شنو

جلال تنهد:غزل حبيبتي والله ماقصدي ماثق بيج بس اخوي..حجاها بمرارة كلب..اخوي لهسة يفكر بيج..ماريده يبقه بأمل وهو اخوي ماكدر اخسره..غزل فاهمتني

غزل بحزن:فاهمتك بس انته خف عليه خليك واثق بيه..واني اصلا ماشوفه كله بدوامه ومن يشوفني يتجنبني

جلال:احسن..تحمليني لمن ازوجه..يالله مع السلامة

غزل ابتسمت:مع السلامة وفي امان الله يعمري انته...دزلها بوسه بالهوى بأصابعه وطلع....وشوي وأخذ سهر وبناته واتجه لبغداد...

غزل راحت يم فاتن...

وكالعادة فاتن فجرت راسها بجسام وتحمسها ليوم العقد...
غزل:والله لعبت نفسي من سيرة جسام المنحرف

فاتن:😞لا تحجين على حبيبي

غزل:منحرف 😛

فاتن:عابتج..يعني شيخج بريء مو منحرف

غزل بثقة:انحرافه بس ويه زوجاته خخخخخخ

فاتن:ليش منو كال حبيبي زير نساء

غزل:والله مسكينة تكسرين الخاطر وهذا جسام واحد لعوب ومامخلي بنية ما خاتمها وانتي مسكينة على نيتج

فاتن: منو ماعنده ماضي..ليش هيج تكولين ومنو كالج هل الحجي

غزل ضحكت:زيون

فاتن ماتت ضحك:ولج هذاك اليوم لازم زيون وامعاقبه يكله ليش تحجي عليه 😂😂زيون كايله شكد تدفع واضبطك واسحب كل الحجي

غزل ضحكت:والله

فاتن:والله وجسام كايله اكل تبن ودينار ماتشوف وان حجيت عليه حظك اطيحه

غزل:😂😂😂اشوف زيون يمشي ويحجي عليه ثاريه مادافعله ولا ربع 😂😂..تدرين شيكول والله فاتن مسكينة بعد جم يوم يجوها جم وحدة تكوللها عندي ولد من زوجج 😂😂😂

فاتن:😲لا عاد مو لهالدرجة هو جانت علاقاته بس حجي مايسوي شي وياهم

غزل:اي الج الله يا فتونه..يالله كومي ساعديني

فاتن:مايهمني ماضيه المهم يحبني اني

غزل:ان شاء الله يهديه الج..يالله كومي...

كامن وراحو سو شغلهم...ومن وصل جلال اتصل عليها وطمنها...مر اليوم عادي...

رائد رجع من شغله نزل مابيه يدخل سيارته من التعب خلاها بره..بس يريد يروح يشمر نفسه عالفراش وينام حتى مايريد ياكل...بس دخل اندك الباب..رجع وفتحه...

منى بس شافته توترت ماتوقعت هو يفتح الباب كلبها صار يدك بقوة وباوعت لعيونه اول مرة تلاحظ لونهن الصفر ومائل للأخضر ولحيته حالقها بس خال شواربه لأن شغلة مايريدون لحية..بس طالع يخبل حتى بالشوارب...خجلت ودنكت تستحي تباوع اله..حست بيديها بدت تتعرق...

منى:احم سلام عليكم

رائد ابتسم:وعليكم السلام هلا والله بجارتنه تفضلي أمر خدمة...

منى خجلها حجي رائد وابتسامته خربت كل عقلها وماعرفت شتكول ونست حتى على شنو اجت...

منى تريد الكلمات تطلع ماتطلع هي الجريئة القوية هسة كدام رائد تخردلت وماتعرف شتكول وشلون هيج خلاها تتوتر بوجوده وخله كلبها ينبض الي جان ماينبض لرجال غير ابوها...

رائد رفع حاجبه:تفضلي شنو تأمرين (حجه بلطافة)

منى بتوتر:ها..اي ردت خالتي ام الشيخ..موجوده

رائد: اي موجودة حياج الله تفضلي

منى:احم احم😯

رائد:😕خير اكو شي

منى:اي غير يوخر عن الباب

رائد ضحك:توج لطيفة وهادئة وهسة طلعت الحقيقة

منى تنرفزت:اشوف ماخذ راحتك وياي وخر عن الباب

رائد:شعنده رجال العائلة جبار

منى بنص عين:😒ليش هيج انته وياي كول جيرانه وحق الجيره عليه..يعني راح اظل واكفة بالشارع

رائد وخر عن الباب:اي حقج عليه آسف تفضلي

منى مادخلت كلش وكفت بالباب:ممكن لو سمحت تصيح لخالة ام جلال

رائد:تعالي انتي دخلي والبنات يطلعلج

منى بخجل:لا رايده خالتي ام جلال بسرعة ورايحة

رائد:براحتج...وراح دخل الصالة وصاح..فاتن

فاتن طلعت من غرفة غزل:هلا حبيبي رائد رجعت من شغلك آمر

رائد:بنت جيرانة بره روحي دخليها لهنا تريد امي

فاتن:امي بيت خالي اجه اخذها قبل ساعة

رائد:خير خو ماصاير شي..وزيون وين وجلال

فاتن: لا ماصاير شي هيج اجاها وزيون وياها جلال ببغداد هو وسهر والبنات

فاتن: لا ماصاير شي هيج اجاها وزيون وياها جلال ببغداد هو وسهر والبنات

رائد:آها..روحي حاجي البنية واكفة بره

فاتن:اوك رايحة..تريد احضرلك الاكل

رائد:لا رايح انام...وراح لغرفته...فاتن طلعت لمنى بره...

فاتن:هلا حبيبتي تفضلي

منى:هلا بيج حبيبتي اجيت اعزمكم على مجلس عزاء راح يصير بيتنه متعودين كل مناسبة وفاة امام نسوي قراية

فاتن:اوك حبيبتي..تعالي تفضلي

منى

ة وترجعون بخير وسلامة

جلال:يالله اروح الديوان لأن لو بقيت هنا اسويج خرايط هههههه..وباسها بحب.....يتبع

مابقه شي ونخلص احاول انزلهن بعدين على فراغي
تحياتي

......الكاتبة التميمية........

نفسها:استغفر الله هاي شبيه شنو مشايفة شاب..هنوب اباوع لهذا الغثيث..اني شعرفني بيه حاجيته مرتين بس ما عاشرته....ونست نفسها...يمه راااااح 😢فدوة طول شوي لا تروح 😢..ياربي ليش افكر بهالولد واحس بالغربة لو اختفى عن عيني...ماريد احط ببالي شخص ماكدر احصل عليه..اول احقق حلم بابا وبعدها افكر احب وانحب...استغفر الله عساس بيدي..آه أحس احساس حلو من اشوفه وكلبي احس الكون كله يسمع دكاته من يطلع من بيتهم...

كطع تفكيرها....اجه الخط وصعدت وكعدت يم صديقتها حنين وهي صافنه تباوع من الجام..ولا سلمت...

حنين:هلوووووو نحن هنا..شدعوة لا صباح الخير لا سلام

منى انتبهت:شكلتي

حنين:اوووه يحتاجلج دكتور

منى:لا مابيه شي بس صافنه افكر اكو شغلة ابالي

حنين غمزت الها:الضابط الصاك شاغل بالج مووو مووو😉

منى😡:دروحي..انجبي لا هسة ازورك عينج..خليني محترمتج كدام البنات

حنين ضحكت بخفية:خخخخ..والله شكلج حبيتيه من سوالفج بيه

منى:😲شوكت سولفت بيه ولج عوبه خايسة

حنين:😆ماتدرين بنفسج بس دوم تحجين جيرانه وابن جيرانه..وطلعو شيوخ وماعرف شنو كومة سولفتي..وامه شكد حبابه وطيبة خخخخ

منى:والعباس انتي وحدة تتبلين عليه

حنين:اي شميت ايدي وعرفت كل هالسوالف..اي امه طيبة اكيد هو طيب 😇

منى:حنين سكتي احسن ما اموتج....

حنين سدت حلكها وهي لازمة ضحكتها وتدري بمنى معجبة بابن جيرانهم..(الي هو رائد)

بيت جلال...

جلال فز من نومه ما شاف سهر بصفه..كام راح للحمام اخذله حمام وطلع لكه ملابسه محضرة بدل ويريد ينزل...

سهر صارت بوجهه:صباح الخير

جلال باس خدها:هلا صباح الورد...جهزتي ملابس الج وللبنات

سهر:جلال حبيبي خليها مرة ثانية خلي غزل تتجاوز مرحلة الخطر..هسة ماتكدر تشيل البيت وحدها وعمتي ماتكدر تسوي شي وفاتن عدها دراسة

جلال:ماعليها شي غزل..وساعة اشوفج جاهزة انتي والبنات وحتى نوصل بغداد من وقت يالله عمري..اريدكم تغيرون جو انتي والبنات...وهنه كلهن يومين ونرجع علمود مدرسة نور

سهر:اوك حبيبي هسة نكون جاهزين

جلال:اوك اني انتظركم بالديوان..
وطلع..

بس هو رايح يودع غزل...ونزل شافها طلعت من الغرفة وتمشي سريع شافته وكفت...

غزل بحب:صباح الخير

جلال عقد حواجبه:مو كايلج ماتركضين..لو طايحة هسة وصار بيكم شي انتي والطفل

غزل ابتسمت:يعمري الخوف الزايد مو زين تره..ماعليه شي والله وتره ماركضت مشيت سريع بس..اريد اروح ابوس البنات قبل مايرحون راح اشتاقلهم

جلال اقترب منها:بس البنات

غزل بحب:وانته اكيد حبيبي راح اشتاقلك

جلال:اي واضح اشوفج جاية تودعيني

غزل مدت بوزها:شلون اودعك وانته نايم بالعسل يم حبيبتك...😒

جلال همس بذانها:تغارين

غزل:امووووت

جلال بهمس: رجعنه للغيرة بس كلبي صار الج تدرين..مو واثقة بحبي

غزل بدلع مصطنع:لا ماصدك بيك

جلال عض شفته بقهر:هسة ادفنج بمكانج

غزل ضحكت:لا ماتكدر تسويها تخاف على ابنك

جلال:لا اسويها وانعل خير خيرج

غزل باست خده بحب:احبك..احبك..احبك

جلال ضرب راسها بخفة والتفت يمين ويسار:مو احنه بالصالة مو كايلج ممنوع البوس بس بالغرفة

غزل ضحكت ولزمت ايده ودخلته غرفتها:وهسة تمام

جلال:لا اني هنا اتهور وماتسلمين على نفسج..تره بالكوة لازم نفسي عنج لمن تخلص هل المدة..خليج عاقلة

غزل تحب تنرفزه وتحرك اعصابه..حطت ايدها بلحيته وايدها الثانية على ضهره وحضنته ورفعت راسها وتباوع لوجهه:فديت حبيبي الي مايقاوم حبيبته

جلال كرصها حيل بخصرها:والله لو ما خايف على ابني جان عاقبتج على هل السوالف التعبانة

غزل تألمت:آخ...شرير امشي روح لبغداد ماحبك

جلال لزمها وسحب الحجاب واتجه لركبتها وعضاها حيل وخر عنها وهي تريد تبجي من الألم...

جلال:خل تخلص هل الايام بس الا اطلع حيف 45 يوم

غزل تفرك بركبتها بألم:وحاسبهن الشرير على الاساس باقي محصر ورومنسياتك ويه البغدادية 😭

جلال:ولج عطشان عليج انتي بالكوة لازم نفسي عنج..مشتاق لحضنج انتي وحاسبهن يوم بيوم

غزل بزعل:يعني بس هالشي يخليك تشتاقلي

جلال لزم ياختها بمزح:ولج ماتفهمين اكولج احبج اني ولو بس هالشي يهمني جان مامنعت نفسي عنج بس اني احبج وماعرف اروي عطش حبج بكلبي..حتى من اكون وياج..الشيخ جلال الي الكل يوكفله احتراما..فصلية خلته يحبها ويعشقها

غزل بحب:والله واني بعد احبك وامووت عليك وكلما احس بأبنك داخلي احبك اكثر وأكثر..كلما يكبر ابنك ببطني..وتره ماحب كلمة فصلية والله اموت منها

جلال باس جبينها:انتي من احلى الاشياء الي صارت بحياتي وياريت صرتي فصليتي من زمان

غزل:يبعد كلبي ونبضه وشراينه..الله يحفظك النه وتوصلون بالسلام

زيون:اص ولا كلمة العروسة تصير خجولة مو مثلج.. وشلون تسأل منو هو بكل صلافة..امشي انكلعي لغرفتج وماعدنه بنات تسأل على العريس

ام جلال:زيون عوف اختك وكول منو لا اطلع مراجلك على فاتن

فاتن ضحكت:في منتصف الجبهة ييمه

زيون:احسابج بعدين..الي خطب هالعوبه جسام ابن عمي ترس جلدج هالصايع

ام جلال:زيون عيب عليك هذا ابن عمك

زيون:هو اني مجذب صايع مابقت بنية ما صاحبها خخخخخخ

فاتن:طاح حظك على هل الحجي

زيون:وطاح حظج هم

غزل ضحكت:عرفنه منو هسة الي خطب..وتغمز لفاتن..ها شتكولين تردينه

فاتن خجلت:وجع غزل لا تخجليني

ام جلال ابتسمت:هي شكلها موافقة من زمان ههههه

زيون:خخخخخ اي

فاتن مدت بوزها:يييييييممه

زيون:ههههه هو عبالج محد ملاحظ من تسمعين اسمه تنطين

فاتن فتحت عيونها:يمه شوفي هذا شيكول عني

ام جلال خزرته:زيون عيب دير بالك تكول كدام اخوانك هيج

زيون:آسف يمه....

شوي غزل راحت لغرفتها بدلت وراحت للمطبخ تساعد سهر...

غزل:اساعدج بشي

سهر:لا خلصت كولشي ارتاحي انتي لمن تعبرين هل الاشهر..اخاف تفقدين هل الطفل..جلال هواي ينتظره

غزل:سهر..آسفة

سهر:على شنو

غزل:لأني اجيت على راسج وصرت لزوجج مرة

سهر بحزن:انتي مالج ذنب هذا قدرج..جنتي راح تصيرين فصلية رائد بس عمتي اعترضت وجلال مااعترض..يعني هو هم غلطان انتي مالج ذنب

غزل تذكرت الي صار بسبب رائد:الله راد هيج..وانا ماريد مشاكل ولا اريد ازعل احد اريد امشي عدل ويه الكل

سهر:اطمني اني همات ماريد مشاكل..وقلب جلال صار الج...وعافتها وطلعت...

غزل انقهرت مو ذنبها جلال حباها وحتى لو حباها سهر تبقى حبيبته الاولى وزوجته وام بناته...

صار الليل...

رائد لهسة ماراجع للبيت....

جلال طلع من الديوان ورائد توه راجع...اول مادخل للبيت وشاف جلال وكف...

جلال تقدم ناحيته وعقد حواجبه:انته من زمان خالص دوامك ليش توه راجع..لا يكون تروح تشرب

رائد حس بسعادة صارله شكثر مخاصمه ولا يحاجيه ولا يحاسبه...

رائد:انته تعرفني عدل مو مال هالسوالف والمحرمات

جلال هز راسه بأي:اني الي جنت اعرفك بس هسة ماعدت اعرفك..وعافه وراح دخل الصالة...

ودخل وراه رائد وخيم على كلبه حزنه من جديد...

ام جلال كاعدة بالصالة:هلا يمه جلال..رائد تأخرت يمه

جلال:هلا بيج يمه بعدج كاعدة ليش

رائد:يمه سويت شغلة مهمة..عن اذنكم..

جلال:تصبحين على خير يمه

ام جلال:تعالو يمه اريدكم بسالفة

جلال:خير صاير شي

رائد:خير يمه

ام جلال:ماصاير شي بس اريد احاجيكم بسالفة ابن عمكم جسام تره زيون كالي

جلال:آها..اعرف زيون مايحتفظ بسر..

ووكعد يم امه...

رائد:شبيه جسام

ام جلال:خطب فاتن

رائد:آها وشراح تكولوله..راح تنطونه فاتن

ام جلال:القرار لأخوك

جلال:فاتن بعدها صغيرة وماكملت دراستها وهذا واحد طايش واخاف بعد مايزوجها يجيبها ويكول ماريدها ماريد اضيع حياتها ويه واحد مثل جسام

ام جلال:بعد بكيفك يمه انته اعرف بمصلحتها

جلال:بس عمي اصر عليه وماحبيت افشله وهو رايدها..لذلك راح اخليه يتعذب شوي حتى يعرف قيمتها بعدين..لا تكوليلها جلال موافق..وكام باس راس امه وراح لغرفة غزل...

ام جلال:وانته ماحجيت

رائد:شكول والأمر كله بيد جلال..يمه تعبان تصبحين على خير وباس راسها

ام جلال:وانته من اهله يمه...راح رائد لغرفته واجت بباله غزل شاف جلال دخل غرفة غزل مايدري غزل هنا ورجعت لأخوه...

يتبع

#فصلية...ماتفهم بالكلام..

#بارت 50

مرت جم يوم وكلشي عادي...

غزل بالشهر الرابع وهي وجلال حياتهم هادئة...

وجاي تتغير بالحمل وجاي تسمن..بس كلش متعبها الحمل بثكله..والدكتوره كلتلها ديري بالج لأن مجاي تتحملينه جسمج مايتحمله ضعيف كلش...مو بالوزن بس بالقوة اقصد الحيل ماعدها قوة طاقتها ضعيفة....وهم عدها فقر دم....

تحاول تتجنب رائد اصلا ماتشوفه هواي...وهو اول ماسمع رجعت لأخوه فرح الهم من قلبه..بعد مايريد يدخل بحياتهم...

وجاي يحاول يثبت لجلال هو ماعاد يريدها...فاتن راح تصير خطيبة جسام رسميا لأن اخيرا وافق جلال..واجو خطبوها وبعد ايام عقدهم...جسام متحمس وهي سعيدة راح تتزوج الي تحبه...

منى كل يوم الصبح تشوف رائد يطلع لدوامه وعرفت من لبسه هو ضابط...انجذبت اله وصارت كل يوم تطلع بسرعة بس حتى تشوفه....

ماتعرف شجاها رائد اول شخص تنعجب بيه جانت تحب شخص واحد بحياتها وهل الشخص خذاه الموت..هالشخص ابوها ونور عيونها...

رائد يشوفها ويحس وده يحاجيها ويعصبها مايعرف ليش...
بس مو حلوة بحقها يحاجيها بت جيرانهم وبنية شكلها مستورة وعاقلة وعيونها بالارض دوم..بس عصبيتها وقوتها تعجبه..هو مايعرف شي عنها بس من حاجاها هل المرتين يحسها شخصية قوية وعصبية...

طلع من بيتهم وشافها واكفة كالعادة بره تنتظر الخط...

رائد ضاج من وكفتها كل يوم بالباب ويحاجي نفسه:هاذي ليش ماتوكف بوسط بيتهم ويدكلها هورن وتطلع تالي..استغفر الله واني شكو بيها براحتها..وراح صعد سيارته كدامها...

منى من شافته طلع وكلبها ظل يدك حيل وتوترت وايدها ظلت تعرك...

منى تحاجي

:بس اليوم..يالله جهزي نفسج بلا كركة زايدة

غزل بتردد:واخوك راح يكون بالبيت اكيد وانته راح تضوج

جلال بجدية:اخوي بمرور الوقت راح ينسه بس يتزوج..امي راح تشوفله مرة وراح ازوجه واطلعه بيت وحده

غزل سكتت..

جلال يغير السيرة:اكول ابني شلونه ماسأل عني

غزل ابتسمت:زين..بله سأل يكول بابا الشرير وينه

جلال:الشريره انتي ويالله امشي

غزل:ههههه اشوف شايل الجبس

جلال:اي صلوات لاحظتي..امس شلته وأخذت سيارة جديدة وذيج صارت حطام تدرين

غزل بقهر:اي اسمعت وصلت للموت ونقذك اخوي

جلال:اي وانتي ولا همج ولا حتى سمعت منج سلامتك

غزل:آسفة حبيبي سلامتك بيه ولا بيك وعساني اموت ولا اشوف يصير بيك شي

جلال:هسة صرت حبيبج..اي الك الله جلال

غزل بصدق:شرير انته حبيبي وتبقه حبيبي بس اني جنت مكسورة منك ومجروحة..وهمزين جنت نايمة بيوم الحادث جان الله العالم شصارلي واسمع راح تموت والله اموت قبلك
جلال:والله جذابة انتي

غزل بزعل:اها يعني ماتصدك..اوك بكيفك

جلال ضحك:جنج نور وتدلعين..يالله امشي تعبت واكول امشي يالله

غزل:والله مشتاقتلها..خل اجهز ملابسي

جلال:تعاي صدك شنو هاللبس

غزل تباوع لملابسها:شبيهن ههههه توك لاحظتهن....

هي لابسة برمودة مثل هاي👇

جلال:لا مابيه شي لبسج بس رجليج وزنودج طالعات وصدرج مبين..اليوم اموتج على هاللبس

غزل:ههههه هو يهو عدنه بس سيف اخوي وابوي ومحد يجينه

جلال:يعني مو عيب كدامهم كلهم وكدام ابوج هيج لابسة

غزل:هههه هو انته جاي تكول ابوي وهمه اهلي شنو بيها

جلال:روحي جهزي نفسج وحسابج بالبيت..اليوم اشعل اهل اهلج

غزل ماتت ضحك:تشعلهم وانته بيتهم

جلال:وسابع جد عندج هم...
غزل راحت تبدل وهي تضحك وسعيدة لأن اجاها جلال جانت مشتاقتله..ماتكدر تبقه زعلانة عليه...

وخذاها للبيت...

اول مادخلت فاتن شافتهم دخلو...

فاتن صرخت بفرحة:غزززززل..وشبكتها حيل..ولج مشتاقتلج

غزل:وانا مشتاقتلج اكثر..جلال طلع وراح للديوان...

نور شافت خالتها:خالتي..وظلت تنكز بفرحة..غزل ضحكت وراحت شبكتها وباستها...

غزل:شريره ما مشتاقتلي بس مشتاقة لرسوماتي هههههه

نور:لا خالتي والله احبج اشتاقيتلج انتي مو لرسمج

غزل كرصت خدها:فديت الي تحب خالتها بدون مقابل

سهر طلعت من المطبخ على صوتهم ومن شافت غزل رجعت اكلتها الغيرة بس هي تغيرت وماعادت تكرها:هلا غزل اخيرا رجعتي البيت...يتبع

لا ماخلصنه

#فصلية...ماتفهم بالكلام..

#بارت 49

سهر طلعت من المطبخ على صوتهم ومن شافت غزل رجعت اكلتها الغيرة بس هي تغيرت وماعادت تكرها:هلا غزل اخيرا رجعتي البيت

غزل:هلا بيج..وين فطومة وزنوب مشتاقتلهم موت

سهر:بغرفة زيون جاي يلعبهم

غزل نزعت عبايتها:اروح اسويلهم سبرايز

فاتن:اي وبعدها نكعد كعدة خنفشارية

غزل بنص عين:مو مكفيج الي تكركينه بالواتساب

فاتن ضحكت:لا مباشر احلى

غزل دكت باب غرفة زيون...

زيون:تفضل

غزل دخلت:سبرايز

زينب وفطومه كامو الها بسرعة...وهي بوستهم حيل...

زيون:هلا والله بمرت اخوي نورتي البيت

غزل:هلا بيك شخبارك والله مشتاقتلك

زيون:والله اني اشوق..يمعودة همزين رجعتي اخوي صار مجنون من غيرج ويبجي عليج وياهو يجي يطرده يكوله روح مالي خلك احل طلابتك وحبيبتي غايبة..شفتي الشيخ بهيبته وكبرياءه يبجي على مرة خخخخخخخخ

غزل ماتت ضحك تدري يمزح...

فاتن:اي خل يسمعك ويطيح حظ حظك

زيون:دمشي ولي انتي مليت من جهرتج راح تعرسين ونفتك منج

فاتن:اكل تبن شتقصد

زيون يلعب بحواجبه:جايج عريس

فاتن خافت:شنووووو ومنو كال اريد اتزوج

غزل:شوكت اجوها

زيون:همه ماجو بس حجو بالموضوع وجلال انطاهم كلمة..وكلهم اسألها

غزل:يمته هاي

زيون:من طلعتي من المستشفى

فاتن:بس ماسألني جلال ولا كلي وحتى امي ماتدري بشي جان كلتلي لو تدري

زيون:اذا ماسألج معناها مايريد ياخذ رأيج ابدا وجهزي نفسج راح تزوجين

فاتن بخوف:شنو هي فوضى ماياخذ رأيي ماريد اتزوج اني...

وطلعت وراحت لأمها...

غزل:انته شعجب ساكت اسبوعين وماحجيت الا هسة..وماعتقد جلال يزوجها بدون ماياخذ رأيها

زيون:خخخخ اريد اجلطها شوي اعرف تريد منو هالعوبه خخخخخخ

غزل ضحكت:ثاريك مو هين ولك عبالي فاهي

زيون:اعجبج خخخخخخ

غزل:هسة تفضحنه الحك

زيون:اي جلال ماكايللهم لهسة والله يطير خشمي حجيت الها...غزل وزيون راحو لفاتن بسرعة...

ام جلال شافت غزل فرحت:هلا يمه نورتي بيتج بنيتي

غزل ابتسمت وراحت باست عمتها:بعد روحي عمتي بنورج

(ملاحظة محد يعرف غزل زعلانة هي وجلال عبالهم هي باقية بيت اهلها حتى ترتاح يعني تواصلها بالتلفون مانكطع ويه عمتها وفاتن والبنات)

زيون:شكلتلج هالعوبه

ام جلال:ماكالت شي توها اجتني..شصاير؟؟؟؟

فاتن بخوف:يمه صدك جلال يريد يزوجني من غير ماياخذ رأيي

ام جلال:ومنو كلج هالحجي

فاتن:زيون

زيون:يمعودة تشاقيت وياج لا تكبرينها بس صدك اجوها خطابة

ام جلال:ماكلي اخوك منو همه

زيون:ماعرف ليش ماكلج يمكن نسه

ام جلال:ومنو همه ألي اجوها

زيون:واحد مطكطك وصايع خخخخخخ

فاتن:اي غير يحجي

فصلية ماتفهم بالكلام بارت 48 وبارت 49 وبارت 50

مرحبا بنات اعرف البارحة القرار يضوج شوي واكو مو هامهم بس القصة...بس هم يالله اكو بنات تجنن وتنحط على الجرح...ولخاطرهم راح اختمها واودع...

بعدها تخلصون من التميمية الي ضوجتكم ببارتاتها الكصار ولغوتها الزايدة والفلسفة المالها داعي...

والي يكول اسلوبج محلو احجي بصيغة المتكلم...احبابي هاي اسلوبي عاجبني حييييل واحبه واكتب لنفسي قبل لا اكتب لأي شخص...والي ماتحب اسلوبي لا تقرين القصة رجاءا روحي اقري قصة تناسبج اوك.....لو اشلع كلبكم مثل باقي الكاتبات جان صارت كتاباتي عسل...بس ماحب اذل احد ولا راح اذل احد علمود تصويت جاي اطلب بلطف وبمجهودي يجن التصويتات....

المهم....

شكرا شكرا لبنات العسلات وتشجيعهم الي يجننن والي فقدوني وحزنو لان راح اودعهم...والله صعبة وداعكم بس شسوي الحكومة وقوانينها.....طولت عليكم

يالله استمتعو ولا كأنه شي صار وطبعا مثل كل يوم استمتعو بكل حرف واراءكم الحلوة....

#فصلية...ماتفهم بالكلام..

#بارت 48

جلال:هو بكيفج ترجعين بعد كافي صارلج اسبوعين هنا

غزل:وعندك عادي تدخل بيت كتال اخوك

جلال:الماضي راح والي صار قضاء وقدر ومايقصد..اصلا هو دخلني هنا وعمتي هم

ام سيف ابتسمت:يمه مهما يكون الخلاف الي بينكم حلوو بهدوء وحدكم..واحنه ماراح ندخل..عن اذنكم..وراحت امها...

غزل:اني ماراح ارجع وياك وماتكدر تغصبني ارجع

جلال اقترب منها:واني ماجيت آخذ رأيج..ترجعين وياي رضيتي لو مارضيتي

غزل تراجعت ليورى:ماريدك

جلال ابتسم:بس اني اريدج

غزل:انته شكيت بيه وبشرفي صعبة عليه ارجع الك

جلال:آسف جانت غلطة وماتنعاد

غزل:الي يشك مرة يشك الف مرة

جلال بصدق:بعد مستحيل اشك بيج ابدا

غزل:مستحيل اصدكك انته ماراح تنسه الموضوع ابدا وراح تظل تشك بيه وبأخوك

جلال:مايهمني شي غيرج

غزل:مارجع الك

جلال:مو بكيفج ترجعين

غزل:شنو غصب

جلال:اي غصب

غزل:بس مو راضية اسامحك على السويته ومابيه طاقة اتحملك بعد

جلال:غزل انسي الي راح وخلينه نرجع

غزل:انته مستحيل تنسه السالفة حتى لو سامحتك ورجعت ولا اني راح انسه

جلال:انعل ابو هالموضوع نسيته لخاطرج واريدج انتي وابني..ماريد اتذكر شي..انتي ألي وهالشي خلاني انسه كلشي..وبصراحة شي ثاني..قريت مذكراتج كلها مالكيت ولا شي عنه كل كتاباتج عني وبأسمي

غزل بقهر:شلون تقره مذكراتي

جلال ابتسم:شفتهن بالمجر وشفته مقفول الفضول موتني شتكتبين عني..وكسرت القفل وقريت كل حرف

غزل خجلت لأن كاتبه كل ذكرياتها ويه جلال وكل ليلة رومنسية كضتها وياه...

(ولج الله يلعن بليسج غزل عاد لياليج وياه كاتبتهن هسة طحتي بيد الشيخ 😂😂😂)

غزل بخجل:كل حرف

جلال غمز الها:كل حرف

غزل صارت حمرة من الخجل:ومنو سمحلك مو عيب تقره مذكرات شخص ثاني وتتطفل على افكاره

جلال:بس انتي مو أي شخص..انتي حبيبتي وزوجتي وام طفلي وثنينه واحد وماكو بينه اسرار...

غزل تحمد ربها ماكاتبه شي عن فاتن وجسام لأن كلشي كاتبه ورائد قليل وعادي عدها يعني...ماكاتبه غير راح للحشد وهاي السوالف...

جلال ابتسم:ماجنت اعرف شكثر انتي جنتي سعيدة برغم عصبيتي عليج دوم بس انتي تحبيني من صدك وسعيدة وياي رغم كلشي ومتحملتني...

غزل:اي شسوي جنت مظطرة اتحملك ومزاجك هذا

جلال ابتسم:غزل اني احبج..اريد نبدي من جديد اني وياج...آسف لأن صرتي فصلية وأذيتج هواي ومالبستج حلقة ولا لبستي البدلة البيضة..اني ماعتذرت بحياتي غير لأمي بس الج اعتذرت لا تخيبيني وترديني

غزل تماسكت وتظاهرت بالقوة وسكتت ماردت..تريد تعذبه شوي ويتوسل بيها

جلال:احجي شي

غزل:شكول

جلال طلع علبة وبيها حلقة موديل يجي حلقة ومحبس سويه يجن على هل الشكل

جلال اخذ ايدها:غزل..خلينه نبدي من جديد..تقبلين تزوجيني

غزل ماكدرت تلزم ابتسامتها تحبه وتعشقه وتريد تحرك اعصابه:لا ماقبل اتزوجك

جلال عرف من ابتسامتها تريده بس تريد تقهره:هو بكيفج...

ولبسها الحلقة والمحبس ويجنن على ايدها...

جلال بابتسامة:صرتي زوجتي رسميآ

غزل بمزح:اوافق بس بشرط..نسوي عرس والبس بدلة عروس

جلال ضحك:اي ومرت الشيخ جلال تجي لزوجها بيوم عرسهم حامل..حلوة هاي

غزل ضحكت حست روحها رجعت الها:اي شكو بيها قابل غلطتي وحدي الشيخ هم غلطان وخلاني اصير حامل

جلال ضحك وحس الدنيا ضحكتله:اي غير هي جانت تسويلي اغراءات وماتحمل

غزل خجلت:كافي اخذت راحتك..اخذ محابسك ومازوجك..ومدت بوزها

جلال ضرب راسها بخفة:غصبن عليج مانتظر رأيج اني..جبت هالمحابس حتى يعرفون انتي متزوجة..مو لأجل عيونج

غزل:☹ولا تعرف تصير رومنسي

جلال:اي شسوي عمري كله ماصاير رومنسي فجأة هسة صرت رومنسي ههههه..امس مريت بمحل صياغة واجتني هل الفكرة

غزل ابتسمت:اي والله ذوق الشيخ حلوو

جلال ضحك:سألت ابو المحل شيحبن البنات المخطوبات من هل حلقات واكثر شي ياخذونه..كال هاي التوينزات هم اسمهن توينزات كولو محابس وهذا هوا

غزل:ههههه الشيخ صاير رومنسي اليوم اويلي خل يجون يشوفوك الشيوخ

جلال مات ضحك

اتروح..وشفتلك وظيفة وامي راح تشوفلك بنت ناس وتزوج..وان كلت لا او اعترضت..ماريد اشوفك هنا فهمت

رائد بهدوء:صار

جلال كام وراح عنهم...

ام جلال:يمه ليش هيج يكول عنك وليش هيج يعاملك شوكت تكلي

رائد بحزن:يمه ماتردين تعرفين..بس اني استاهل هل التعامل..عن اذنج..وراح غرفته

ام جلال بهم:ليش مو راضين يحجولي شصاير وليش هذا كله صار...وكامت...

مرت اسبوعين وغزل عد اهلها بس ابد مو بهذا العالم وكله حزينة مشتاقتله حيل وكل دقيقة تكضيها غربة بدونه...

بس مو راضية تنسه شك بشرفها واعتقد هذا ابن اخوه...فقدت ضحكتها وابتسامتها مجاملة بس...

من سولفولها عن حادثهم استغربت يظنون هي جانت ويه جلال..بس انقهرت من سمعت جلال وصل للموت ونقذه سيف..حست بذنب ماتحمدتله بالسلامة....

صارلها اسبوعين يتصل عليها ماترد على اتصاله ولا على رسايله...

جلال كل يوم اسود وظلمه بدونها وهو هم مو راضي ينسه الي صار وخربت علاقته بأخوه بس مجرد نظرات بلا كلام....ويتصل وماترد وينقهر منها...

ورائد ضايج ومخنوك اول مرة هيج يتخاصمون هو وجلال دائما جانو مثل أب وابنه هو واخوه...

خطبوله مرتين بس مصارت...ام جلال فد مره زارت جيرانهم الجدد مرة هي وبناتها عايشين وحدهم..هي متزوجة بس زوجها متزوج وماتدري مرته بيه متزوج وهاي بيته وحطهم بيه....هي نفسها ام منى بس مو بنت هذا الرجال..

ابوها متوفي وامها تزوجته وصار عدها منه بنات تؤم وعمرهم 10 سنوات...وصارله 10 سنوات مرته ماتدري مزوج..بس ما مقصر وياهم ابد...

المهم تعرفت عليها هي وبناتها وخوش ناس.......

رائد توه طالع ولابس بدلة الظابط يريد يروح الدوام لأن جلال شافله وظيفة على معرفته..لحيته حلقها بس شوارب ومازالت نفسها وسامته...وعيونه الملونة بارزة اكثر....

شاف منى واكفة بباب بيتهم وبيدها كتبها شكلها طالبة جامعية....

خل اوصفلكم منى...عيون عسليه واسعات ورموش كثيفة وشكلها كيوت وحلوة شعرها بني وطويل...ابوها جان اشكر وعيونه زرق بس ماطلعت عليه طلعت على امها...بس حلوة تجنن.... عمرها 24 سنة وهاي آخر سنة ااها كلية اعلامية...هي اجلت سنة لذلك تأخرت بالتخرج....

همه جيران بابهم كلش بصف باب بيت الشيخ شاهين...الي هو ابو جلال...

منى لاحظته يباوعلها اول ماطلع وتجاهلته...

رائد تقدم منها:سلام..ممكن احاجيج

منى عوجت حلكها:وعليكم السلام خير رايد شي

رائد:على كيفج سلمت ماحطيت رشاشة على راسج

منى خجلت:آسفة..تفضل

رائد:ردت اعتذر على موقف هذاك اليوم ماعرف والدج متوفي
منى بهدوء:مو مشكلة اعتذارك مقبول..هم اني اعتذر على اسلوبي

رائد ابتسم: اليوم انتي عكس هذاك اليوم شرسة

منى:😒اشو اخذت راحتك وياي..روح شعندك واكف يمي

رائد:هسة طلعت الحقيقة..وراح عنها وهو يضحك...

منى:😠من حسن حظك اليوم رايقة

رائد ضحك والتفت:وشراح تسوين تضربين لو شنو...

اجه ابو الخط الي ياخذها وصعدت وهي معصبة وتنافخ...

رائد صعد سيارته وراح..هي جانت بره مخليها البارحة...

بالباص...

حنين صديقة منى: عوبه شبيج تنافخين

منى:جنت رايقة وخرب مزاجي ابن جيرانه الي توه صعد السيارة ماشفتيه

حنين:😍اي شفته هذا الصاك شبيه وياج

منى ضربت جتفها:ويع ييكرهج يهو تشوفينه صاك..وتقلد عليها وتعوج حلكها..

حنين:ههههه اي غير تحجي شبيه وياها شنو رقمج

منى:غير مارايد روحه يرقم..لا اصلا ما مبين هالنوع من الشباب

حنين:اويلي وشلون عرفتي هههههه

منى:ماعليج بيه سدي سيرته

حنين:اوك بس اموتج اذا ماسولفتيلي قصته

منى:اوك اوك فهمنه....

بيت ابو سيف...

ام سيف اجت لغزل:يمه تعالي طلعي بره يمي

غزل:لحظة هسة اجي خل اخذ ادويتي نسيتهن..

امها طلعت..وهي اخذت دواها وطلعت من الغرفة وجمدت بمكانها من شافته...

اويلي شكثر مشتاقلها وظل يتأملها بسكوت...وهي هم مشتاقتله موت...لاحظت شايل الجبس من ايده..وفرحت صار بخير بس مابينت..ودها تشبكه هسه وتبوسه...

غزل حست بنفسها:شتسوي هنا

جلال بهدوء:اجيت آخذج

غزل: ومنو كال راح ارجع

جلال:هو بكيفج ترجعين بعد كافي صارلج اسبوعين هنا...

يتبع

قربنه من النهاية 😉

صوتو وانطوني رأيكم...وتوقعكم غزل راح توافق ترجع واذا رجعت شراح يتغير......

تحياتي

......الكاتبة التميمية........