زينب الحره انسبت منهو اليباريها
عگب عينك ياگمر ياهو اليحاميها
*************
ريت عباس الشهم يميِّ واخبرنه
خويه من بعد الخدر اختك تجر ونه
ومن عگب عينك يخويه الشمر اسمعنه
يسب بحيدره والگصد ماذيها
&&&&&&
مو بس الشتم ياذيني ياعباس
يخويه وعالرمح عيني تصد للراس
روحي تروح من تروح يانوماس
الحمد لله الصبر اختك إمسليها
&&&&&&
عجيبه أصبر يخويه وگلبي كله اجروح
چم حيد العفت عالغبره هلمطروح
أكظيِّ أّلَلَيِّلَ كله بالهظم والنوح
امخزنه اجروح گلبي وبيش أداويها
&&&&&&
أدوايِّه الحٌزِّن بس هوه يبرالي
يخويه ريت يِّمَيِّ وِتّنِظّر الحالي
لاغمض جفن لاهاد دلالي
أريد اصبر وأشوفن وين تاليها
&&&&&&
مل مني الصبر والصبري عجزته
گال آنه الصبر صبرچ فلا احملته
أيوب أعترف بس المرض شفته
ومن صبرچ يزينب لَيِّه ضيفيها
&&&&&&
ظيفي دروس صبرچ وآنه الچ ممنون
مثلچ ماشفت مسبيه وبهل الكون
خوانچ اگبالچ شفتي ينذبحون
أعزاز اموذره عالغبره عفتيها
&&&&&&
يعينچ الله وشكثر شفتي مصايب
ياهو مثلچ بالغرب فاگد حبايب
عگب ذاك الخدر گعدوچ بخرايب
وبالحبال اوسفتي أمچتفيها
زينب الحره انسبت منهو اليباريها
######
خادم اهل البيت ع الشاعر
الحسيني رحيم