🌹العقیده/ Al aqeeda 🌹

📜 #خطوط!

هغه خطونه چی د روم و فارس و شرق و غرب و بحر و بر و تمدن و فرهنگ... د دنیا مکمل نظام او تگلاری او تاریخ ته یی تغیر ورکړ‎!

د حضرت محمد صلی الله علیه وسلم مبارک خطوط! 👇👇

جزاک الله خیر

اخر دڅه لپاره ځانونه وژنئ؟!
کلونه وشول، چې د وطن غولېدلي ځوانان مو د ځان ښودنې، څو پیسو، عصري ژوند او ښه موقف ترلاسه کولو په موخه غولیدلي او د تبلیغاتو په دام کې دومره ټینګ بند شوي چې حتی خپل سکني وروڼه یې هم په شهادت ورسول، هغه نور افغانان خو له حسابه وتلي. دغه په اصطلاح عسکرو ته، له امريکا او نورو غربي هیوادو څخه د راغلیو یرغلګرو او داخلي لوړ رتبه غلامانو له لوري مختلف لقبونه ورکول کېږي او د ځان ساتنې و واک ساتنې په هدف یې په شا ټپوي او د اشغالګرو په ننګه یې د جګړې لیکو ته سوق کوي.
دوی ته تر هغې د خپل عسکر، حامي او ساتونکي ژوند مهم او ننګه یې کوي، څو چې د دوی موخې په نښه کوي او د دوی ښه چوپړ کولی شي. د کابل د غلامي ادارې له رامنځته کېدا تر دې دمه، د هغه غلو او فساد ګرو ترڅنګ چې د غلا و فساد په موخه یې د اشغال په ننګه وسله اخیستې او خپل هیوادوال شهیدانوي، هغو ځوانانو هم خپل ځانونه په بې خبري کې له منځه یوړل، چې د همدغه غلو او فاسدینو له لوري لقبونه ورکول کېدل او په شا یې ټپول.
کابو هره ورځ په رسنیو کې دا راپورونه خپرېږي چې د عسکرو د مرګ-ژوبلې یادونه پکې شوې وي. دوی ځینې په بې خبري کې او ځينې د غلا و فساد لپاره ځانونه د ټوپکو شپېلیو ته درولي.
خو دوی خبر نه دي چې د څه لپاره وژل کېږي؟ ایا که ووژل شي څوک یې ننګه کوي؟ له یتیمانو او وارثینو سره یې غوره چلند شوی؟ له یوې هفتې وروسته یې بیا چا پوښتنه کړي؟ او…؟ دا پوښتنې هغو عسکرو ته متوجه دي چې اوس یې هم سر ټمبه کړی او ځانونه د داسې چا او هدف لپاره وژني چې نه یې دنیوي او نه یې هم اخروي ګټه پکې شته.!
دا اولس، اتلس کاله کېږي همدغه عسکر وژل کېږي او لا هم دوام لري، مګر د ژوندیو یې دومره عقل کار ونه کړ چې زموږ له وژل شویو هغو نورو ملګرو سره کوم سلوک شوی او له موږ سره به څه کېږي؟
نو هغه عسکر چې اوس هم د باطل لپاره ځانونه وژني او د داسې یوه نظام و صف لپاره دنیا و اخرت خرابوي، چې حتی په ژوندوني یې هم د اړتیا له پوره کېدو وروسته په تش ډاګ پرېښودل او یا یې خپله ووژل؛ باید نور په هوش راشي او هوښیار شي چې ځانونه د داسې چا لپاره وژني چې جسدونه یې په لغتو وهي. دوی باید پوه شي چې په تبلیغاتي ډګر کې ستاسو کېدونکې ستاینې، ستاسو د غولولو لپاره دي؛ هیڅ حقیقي بڼه نه لري. دغه کسان چې تاسو دهمدوی لپاره ځانونه وژنئ، که همدا سبا زور پرې راشي نو یا به لکه هغه پخواني د تېښتي لاره لټوي او یا به تر خپلو بادارانو مخکې اصلي کورونو ته ځانونه رسوي او تاسو به د ملت محکمې ته تور مخ پرېږدي.

نو لا هم وخت لرئ، توبه وکړئ او د ملت پر خلاف له جنګ جګړې لاس واخلئ او له دې فاسد رژیم څخه لار جلا ګړی.

د عمر بن عبد العزیز خوندوره کیسه

یحیی الغساني وایي: عمر بن عبد العزیز به له خلافت مخکې سلیمان بن عبد الملک د خوارجو د یوې ځانګړې ډلې "الحروریة" له وژلو منعه کوه، هغه ته به یې ویل: وژنه یې مه، ترهغه وخته یې بندیانوه چې توبه وکاږي. یوه ورځ سلیمان ته یو حروري خارجي راوستل شو، سلیمان ورته وویل: وایه کنه؟ حروري وویل: څه ووایم، فاسقه او د فاسق زویه؟ سلیمان چا ته وویل ورشئ عمر بن عبد الغزیز راولئ.

کله چې هغه راغی سلیمان ورته وویل ته د دې حروري خبرې واوره، هغه خلیفه ته د حرورې سپکې خبرې او ښکنځلې واوریدلې، سلیمان عمر ته وویل: ستا له نظره اوس له دې سړي سره څه وکړم؟! عمر چوپ شو. سلیمان په ټینګار ورته وویل: اوس به خامخا راته وایې چې له دې حروري سره څه وکړم؟! عمر ورته وویل: زما نظر دا دی چې ده څرنګه ښکنځل درته وکړې، ته هم هماغه رنګ ښکنځل ورته وکړه.

سلیمان ورته وویل: داسې نه ده، جلاد ته یې امر وکړ او هغه د حروري سر له تنه بېل کړ. عمر ولاړ سو او له هغه ځایه ولاړ. لیږ وروسته جلاد چې خالد نومیدی په عمر پسې ورغی، هغه ته یې وویل: عمره! ته څنګه امیر المؤمنین ته وایې چې د هغه غوندې ښکنځل ورته وکړه؟! قسم ده هغه مهال زه وېریدم چې هسې نه امیرالمؤمنین ستا د سر وهلو امر راته وکړي. عمر بن عبد العزیز ورته وویل: که هغه امر درته کړی وی تا زما سر واهه؟! جلاد ورته وویل: هو، خامخا.

څه وخت وروسته چې سلیمان بن عبد الملک مړ سو او عمر بن عبد العزیز رحمه الله خلیفه وټاکل شو، خالد جلاد راغی او خپله دنده یې پیل کړه، عمر ورته وویل: خالده، توره کېږده او ځه خپل کار کوه. وروسته عمر وویل: یا الله! ما خالد له کاره ګوښه او سپک کړ، ته یې هیڅکله بیا واک ته مه رسوه.

بیا یې په پیره دارانو کې وکتل او د "عمرو بن المهاجر الانصاري" په نوم یو کس یې د خالد پر ځای وتاکه، هغه ته یې د ټاکلو پر مهال وویل: عمروه! په الله قسم زما و ستا ترمنځ د اسلام له ورورګلوي پرته بله هیڅ خپلوي نشته. خو ما ته لیدلی یې تلاوت به دې زیات کوه، ما ته داسې ځای کې پر لمانځه لیدلی یې چې تا به فکر کوه څوک مې نه ویني او ښه لمونځ به دې کوه. ته انصاري یې، دا توره درواخله، د پیره دارانو د مسؤلیت دنده مې تا ته وسپارله. تاريخ الخلفاء للإمام السيوطي.