الأريام.

🔼يوم التمَام | فُرصة العَبد في خيرِ أيام العَام:

خيرُ يومٍ طلعت فيه الشمس.. يوم إتمام النعمة {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا}، مشروع السنّة المُدخّر، فُرصة العبدِ وزاده ووقوده.. صيامٌ يكفر عامين، ودعاء مسموعٌ مُجابٌ بإذن الله، يقول ابن عبد البر: "دعاءُ عرفة مُجَابٌ كلُّه في الأغلب"، ويقول أحد الصالحين: "واللهِ ما دعوتُ دعوةً يوم عرفة ودار عليها الحول إلا رأيتها مثل فلق الصبح"💫

🔘قمّ وجهز الدعوات واترك الملذات، وانكب على هذه الفرصة بكلّك.. سلّ الله الفردوس ومرافقة نبيه ﷺ في أعلى الدرجات، اسأله الهدايةً الثبات، واذكر الأموات، ولا تنسَ كل من له فضلٌ عليك.. قم يا فتى فهذا يومّك المنتظر..

‏بلّغنا الله وإياكم يوم عرفة، وجعل لنا فيه دعوةً لا تُرَد🍃🤍

#النشاط_المصاحب
#سقيا_العشر

مرحباً يا قمري...

بينك وبين عرفة يوم واحد بس، مع أذان مغرب بكرا حيبدا أهم يوم فالسّنه كلها، اليوم اللي كلنا نراجوا فيه، واللي يُحرم خيره يبقى حُرم الخير كله والله..

ولأن العبادة والدعاء فيه توفيق من عند الله ..ف بكرا بعد المغرب أو حتى العشاء

-ابدي يومك بحمد الله وشكره على إنه بلغك عرفة، في جلسة خلوة مع ربك حبيبك في مكان هاااادي ، فكري في كل نعمة أنعم بيها عليك واحمديه عليها بصدق قلبك، مهما عددتي النّعم حواليك مش حتحصيها لكن تذكري إن الحمد والشكر مفتاح الزيادة

-ممكن اتكوني أصابك الفتور ف هاليومين قبل عرفة، بعد ماتحمديه على بلوغك عرفة وكل نعمه عليك، حاولي ترددي (لا إله إلا الله) بعدد كبير 1000 وفوق بصوت مسموع و تفكر في معناها، يعني جددي ايمانك وحاربي الفتور بالتوحيد

-الذنوب ممكن اتحول بين العبد والدعاء ، ف ابعديها عنك بالاستغفار...اعقدي النية إنك تستغفري عن كل ذنوبك من يوم بلوغك ليومك هذا، كل الذنوب حتى اللي ناسيتها، استغفري بالعدد اللي يريحك والصيغه اللي اتريحك ، بس تستغفري وإنت واعية لنفسك وفاهمه ايش يعني الاستغفار ..وتبيني لربك إنك غلطتي ومعترفة بأخطائك وجايته تبيه يغفر ويسامح ويمحو الذنب و أثره ، مش تستغفري وعقلك مشغول بشي ثاني

-ردي الحقوق لأصحابها، الاعتذار وطلب السماح و رد الحقوق عمره ماكان ضعف بالعكس قمة فالقوة، وغير هك ممكن حق واحد من حقوق العباد بحول بينك وبين استجابة دعواتك

-اسأليه إنه يفتح عليك فالدعاء والذكر والعبادة في كل دقيقة في عرفة ، وينزل في قلبك اليقين اللي يخليك تدعيه و إنت واثقه إنه مش حيردك

-مازلت انذكرك بحديث النبي عليه الصلاة والسلام : هذا يوم من ملك فيه سمعه وبصره ولسانه غُفر له..فانديروا كونترول لأنفسنا في هاليوم بالذات لو سمحتي

-لقد نجحت استراتيجيتي، الجملة هذي قالها (سباستيان) شاب ألماني في مسابقة مدتها150 ثانية بس وفاز ب حاجات قيمتها وصلت لل 29 ألف يورو،  متخيلة!؟؟

كل اللي داره هالشاب لما تم الاعلان عن المسابقة واشترك فيها، سجل الحاجا اللي يبيها عنده وكان يزور المحل اللي حتكون فيه المسابقة ويبرم فيه عشان يعرف مكان كل حاجه هو يبيها ، بالتالي فالمسابقة مش حيضيع وقته في انه ياخذ حاجات مش مهمه أو في إنه مش عارف شن يبي أصلاً، وبالاستراتيجية هذي قدر يفوز فالمسابقة وطلع بكل شي له قيمة...

إنت محتاجه تتبعي نفس الاستراتيجية في يوم عرفة، ضروري اتخططي لكل ساعة وين حتمشي وفي شنو حتكون..وتكتبي دعواتك وتركزي فيها عشان تعرفي كيف وشن تدعي ماتبقيش حايرة وتدعي بشكل عشوائي..

يعني...!!!خطة يوم عرفة ضروري منها ،هدفك من صيامه،ومن الدعاء ودعائك ..كله لازم يكون واضح لعقلك بدون تشويش ، مع سؤال الله الفتح والتوفيق فيه

-انتبهي لدعواتك ...ناس واجد دعت بحاجات واستجيبت لكن تمنوا لو انهم طلبوها في صورة افضل، فلما بتدعي ماتدعيش ب حي الله حاجه، اطلبي احسن صورة من الشي اللي إنت تبيه+اسأليه يستجيبلك ف لطف منه وصحه وعافية

-من فجر يوم عرفة لثالث يوم العيد يبدا التكبير المقيد(بعد الصلوات المفروضة) ف حاولي اتحافظي عليه

-سيفعلها دعاء عرفة...خلي هذا شعارك من بكرا، وكوني منتبهه لأن شيطانك حيبدا يشتغل ع إنه يهز يقينك بالله ويدخل ف قلبك الشك فالاستجابة، ف مهما جاتك من افكار سلبيه (طنشيها تماماً)

-صاحبات العذر الشرعي، كل شي تقدرن اتديرنه ماعدا الصلاة والصيام، ولو كنت ناوية اتصيمي فلك الأجر كامل إن شاء الله، فياحبيبة قلبي..ماتزعليش ولاتتكدري ولا تضايقي..

وبس