Ֆրանսիա, Ռուսաստան և Հարավային Կովկաս

Ոչ պոպուլյար, գուցե նաև տարօրինակ հնչի, բայց Հարավային Կովկասի հարցում Ֆրանսիան և Ռուսաստանը, եթե չասենք՝ դաշնակիցներ են, ապա շահերի բավականին լայն հատում ունեն։

Սա շատ կարևոր հանգամանք է Հարավային Կովկասում տեղի ունեցող և սպասվող իրադարձությունների մասով խորքային, այլ ոչ թե մակերեսային վերլուծություններ անելու համար։

Ի վերջո, մենք չպետք է մոռանանք, որ թե՜ Փարիզից, թե՜ Մոսկվայից բազմիցս հայտարարվել է, որ երկրների միջև կա «հատուկ կապ», որը շարունակում է գործել։ Բավականին վերջերս այդ շփումներից հրապարակայնացվեց պաշտպանության նախարարների հեռախոսազրույցը, սակայն ԶԼՄ-ներում ու փորձագիտական շրջանակներում շրջանառվում է վարկած, որ Պուտինն ու Մակրոնը ևս կոմունիկացվում են։