Նիկոլ Փաշինյանի այսօրվա գրառումը, որի վերջում նա «իր փայ» ներողությունն է խնդրում ժողովրդից, ունի բացառապես «ընտրարշավային» տրամաբանություն։ Նա ստեղծում է օրակարգ, առաջ է քաշում արհեստական երկընտրանք և ստիպում է, որ քննարկումները ծավալվեն հենց իր առաջ քաշած երկընտրանքի շուրջ, սակայն իրականության մեջ նման երկընտրանք չկա․ դա մանիպուլյացիա է։

Ես չեմ մտնելու Փաշինյանի խաղի մեջ ու չեմ խաղալու նրա կանոններով։ Այն երկընտրանքը, որը նա առաջ է քաշում, կեղծ է, հետևաբար կեղծ են դրա շուրջ բոլոր տեսակի քննարկումները, այդ թվում՝ դրանք հերքող։

Նիկոլ Փաշինյանը սկսել է քարոզարշավ և կրկին ընտրել է «զոհի» կերպարը՝ ակնկալելով ժողովրդի «ներողամտությունը»։ Եթե չլինեն Ռոբերտ Քոչարյանն ու Սերժ Սարգսյանը, ապա ժողովուրդը չի «ների» Փաշինյանին, իսկ եթե այդ երկուսը՝ իրենց դեմքով կամ որևէ այլ դեմքի տակ թաքնված, կրկին հավակնություն ներկայացնեն, ապա Փաշինյանը միարժեքորեն ստանալու է ժողովրդի «ներումը»։