قصيده للاهل والديار الخاليه
بقلم ام حيدر الحمزه الطائيه
باشراف الاستاذ فالح العامري
🔳🔳🔳🔳🔳🔳🔳🔳🔳🔳🔳
امر بديارهم وحشه وخليه

اصيح بصوت ما ردوا عليه
ه ه ه ه ه ه ه ه ه ه ه

اصيح ابصوت ماسمعوا لصوتي
يروحي من بعدهم ردت موتي
شلي بالعمر من بعد اخوتي
راحوا كل هلي. عني. سويه

ه ه ه ه ه ه
من راحوا بعد ما شفت راحه
وبعدكم بالعمر ما مستراحه
اخلص الليل بالهم والنياحه
وطحنه ابناس ما بيهم حميه

ه ه ه ه ه ه
ما ادري الدهر يغدر بالاحباب
يخله الدار منهم ماكو اجواب
من بعد الاهل دلالي انعاب
روحي اعلى المشوا كلش شهيه

ه ه ه ه ه ه ه ه ه ه
مروا ياهلي اعليه بالاحلام
هد حيلي الهظم والهم والالام
وكلبي عالاحبهم حيل محتام
اظلمت دارنه الجانت زهيه

ه ه ه ه ه ه ه ه ه ه
محتام الكلب ويريد ليهم
طال اغيابهم وابگه ارتجيهم
بعد يمته زماني ايعود بيهم
وترد ايامنه الحلوه الهنيه

ه ه ه ه ه ه ه ه ه ه ه ه

اشلون انسا الليالي وذيج الايام
راحت وانگظت صارت بالاحلام
ما يصبر دليلي وحيل محتام
وعيني اعلى الدرب ليهم اربيه

ه ه ه ه ه ه ه ه ه ه ه
نسيتوا ياهلي اتمرون بينه
احنه ابشوك لمتنه وحجينه
خان الدهر بينه وانسبينه
نسيتوا ياهلي عدكم ابنيه

ه ه ه ه ه ه ه ه ه ه ه ه ه
تمت بحول الله وقوته
نسالكم الدعاء
https://t.me/aseel1278