آزربایجان قادینلاری

لیق لارینی یادینا سالدی . ایچدییی عاراق و چکدییی تیریئکین تاثیریندن می یا ندنسه اؤزونده بیر خوشحاللیق _راضیلیق حیس ائتدی . اوز _اوزونه لوغالاناراق :
_«الحمدولیللاه ، نه پولوم وار اوغرو آپارسین ، نه ایمانیم وار شیطان .» دئدی . آنجاق بو حال اوندا اوزون سورمدی . بیردن قیافه سینده قاینایان تکببور محو اولدو . دئیه سن ندنسه ، اؤلموش غئیرت دامارلاری قیمیلداندی . اؤز _اؤزونو مذممت ائده رک ، هئی ، بودا اولدو ایش ؟... مین رنگه بویان ، خلقین جیبینی سوی _یاشا .
ائله حاققیندا منه دئییبلر عارسیز .
یئنه اؤز _اؤزونه دوشوندو : بیر تاجیر ، بزاز ، باققال یا چاققالام . مه یه ر اونلار حلاللیق ایله ، زحمتله قازانیر _یاشاییرلار ؟ سحردن _آخشاما قده ر آند ایچمک ، مین جور یالان توخویوب ، قورآندان دون گئیمک له ، خلقین گؤزو باخا _باخا جیبلرینی سویمورلار ؟
هاردان دوشدو ، اوردان کسمیرلر؟...

نه فرقی وار دیر ؟ منده بئله کسیرم ، همده مسئولیت سیز دردیسرسیز .دئمک _عارسیزلیق اؤزوده بیر هونر دی . _دئییب حوققاسینی برک سوموردو . بایاقکی خوشحاللیق اؤزوندن راضیلیق یئنه ده اوزونده لپه بندی . چوخ چکمه دی کی ، اودا اؤزونو یولداشلارییزا یئتیردی . چورتا گئتدی .

یازار / گنجعلی صباحی
کؤچورن / تانسو خیاوی

@azerbaycanqadinlari

ش تیریئکلری یاندیقجا ، حوققالار سومورولور ، تیریئک توستوسو چن کیمی اوتاغا ساییلیر ؛ صوحبتلر شیرینلشیردی . رحیم خان سؤزونه ایدامه وئره رک :
_یئددی آرخادان بئله بیز خانیق _مالیکیک . عارسیز غاففار شیرینکارلیق اوچون اونون سؤزونون آراسینا گیردی .
_بلی ، بلی ! نئجه دئیه رلر ، اورتادا یئییب _منیم کیمی دوزده گزنلردنسیز .
_ایندی منیم کندلریمی الیمدن آلیب رعییته پایلاییرلار . دئییرلر تورپاق ایشله یه نین ،اکیب ، بئجره نین اولمالی دیر . گؤرونور منده گئدیب ، دانا _دونالارلا ، رعیتله بیر یئرده جوت سورملی ، بئل_بئلله مه لی یم .
_دوغروداندا عدالتسیزلیکدیر . دئیه حاجی موبارک اونون سؤزونه قووت وئردی . رحیم خان ایچدییی عاراق و چکدیی تیریئکین حرارتیندن قیزمیش ایدی . دردینی دئییب ، اوره یینی یونگوللتمک ایسته ییردی . الینده کی حوققانی دریندن سوموروب یئنه سوزه باشلادی:
_ائی! ...نه ائتدیم ؟! اوتوز _قیرخ ایل بوندان قاباقکی واختلار اولایدی . قاتاری باغلایایدیم بئلیمه ، توفنگی آلایدیم الیمه ، مینه یدیم کهر آتی ؛ گئده لری ییغایدیم باشیما . گؤره یدیم کیم جورءت ائدیب منه دئییر : توپراقلارینی وئر رعییته .
عارسیز غاففار گینه سؤزه قاریشدی .
_منده الیمده شمشیر عوریان ، قاباغیندا آت چاپایدیم ._دئدی جمشید خان یاستی _یاستی سؤزه باشلادی.
_ائی بابا !... او ، دورانلار کئچدی . او زامانلار هر یئره ماموریته گئدنده ، پول گتیرردیک سئل کیمی . عارسیز یئنه سؤز آتدی .
_بلی ، قوربان ! دره خلوت ، تولکو بک . کیم _کیم ایدی .
_بلی !...او گونلر کئچدی. آتالار دئمیشکن : گؤردون سنیله دوز گتیرمیر ، گرک سن زمانه ایله دوزه له سن .سازیش ائده سن . رحیم خانی موخاطب قرار وئره رک:
_دئدی . ائو بیزیم . سیرر بیزیم . سنین کندلرینی موفته کی ، آلمیرلار.
بایاق کندلی اکیر_بئجه ریر . بیچیر حاضیریندان سنه وئریردی . ائله ایندی ده عؤمورونون آخیرینا کیمی ،چالیشیب آرتیردیغینی بورجونا _قسیتینا وئره جک . آللاه ائله مه سین ایش باشقالارینین الینه دوشسه ، هر نه یین وار الیندن آلیب موفته جه کندلی لره پایلاسایدیلار ، اوندا نه ائده ردین؟ بو ایشده بیزیم خئیریمیز نظردن توتولوب . بونا شوکر ائله مه لی سن . بیرده بابا جان ! بیزه نه وار ؟
نئجه دئییرلر: آلتدا قالانین جانی چیخسین . بایاق ارباب ایدین . ایندی ده سرمایادار اول . پولونو شهرده ایشه سال . ائله یئنه ائششک ایشلیین جک ، آت یییه جک . دئییب ، الینده حوققانی سوموردو . آرا بیر آز ساکیتلشمیشدی . حاجی موبارک فورصتدن ایستیفاده ائده رک ، سؤز آتینی قامچیلادی .

_دوغرودان دا ، زمانه عجب بیر زمانه اولوب .ائله ترپنیرسن باشییان بؤرک کئچیر . کئچن ایل بیر نفر گلیب یالوار _یاخار مندن اوتوز تومن نوزولا پول ایسته دی . موعامیله اوچون منه یوز مین تومن لیک بیر سند نیشان وئردی. گئدیب باخدیق . به یه ندیم . موعامیله قوتاردی . ایل گلیب باشا چیخدی . دی اویان _بویان اولمادی . ایجرائییه صادیر ائله تدیردیم . ماحالا گئدنده ، گؤردوم نه ؟ منه نیشان وئریلن عیمارتین بؤیرونده ایکی اوتاقلی خارابا بیر حیط ، سیزین جانیز اوچون ، بئله گؤرنده آز قالدی ائله اورداجا اوره ییم پارتلاسین سویوق تر بدنیمی بورودو . ایشه باخ ها !... گیرووومدا اولان حیط بئش مینه دیمزدی . آ کیشی هله بو جهننم ! آداملارین ظاهیرینه یئکه _یئکه قیریلداتماقلارینا باخیب ، حیط کیرایه یه وئریرسن ؟ ائله کی یئر به یئر اولدو ؛ دئ گل ، سن اوغولسان بوندان کیرایه آل گرک الینه بیر شئی ده وئریب ، یولا سالاسان .
یادا داوا دالاش ، شیکایت ایله شله سینی چؤله تؤکه سن . بودا بیزیم روزگاریمیز . خولاصه عجیب غریب بیر زمانه یه راست گلمیشیک . سیزین جانیز اوچون ، او قده ر گؤزوم قورخوبدور کی
لاپ یاخین دوستوم ، قارداشیمدا منه یاخینلاشاندا ، الیمی جیبیمین اوستونه قویورام . پاه _آتانین !..هئچ کیمه اینانماق اولمور .
ائله بیل بو جماعت آنالاری ، بئشیکده لای _لای دئیه نده ، قولاقلارینا مردوم آزارلیق ، دله دوزلوق ، باشقاسینین بورکونو باشیندان قاپماق ، یوللارینی اویره دیرلر . نه ایسه ، آللاه خئیریمیزی خئیر ائله سین . دئییب سینه سینی بوشالتدی و هوققاسینا زور گلدی .

صوحبت آراسیندا دالبادال چکیلن تیریئکلری اونلارین قانینا ایلییینه قده ر ایشله میشدی . مورگولمه یه ، اؤزلرین اونودوب ، خیال عالمینده اوزمه یه باشلادیلار . داها سس سیزلیک ایدی . صوحبت یوخودو . میلچک اوچسا ویزیلتی سی ائشیدیلردی . آنجاق عارسیز غاففار چکیردی . تیریئک هله اونا زور گله بیلمه میشدی . قالدیغیندان ،اؤز ایچی ایله الله شملی _فیکیرلشمه لی اولدو . لو گون قارشی سینا چیخان قادین ، ماللا ، ایشچی لر ، فرش تاجیرلری ، داها سونرا ، بویرونده چورتا گئتمیش کور و ویجدانلی دوسلاری و اونلارین دیوانه یه اوخشایان عصبانی قیافه لری گؤزونون قاباغیندا جانلاندی . ناراحتلیق ، روحو عذاب و صاباحا _گله جه یه اولان نیگران

« عارسیز غاففار »

_ حاجی آغا ! وئرمیرسن _وئرمه . داها آجیغین نه یه توتور ؟ چشم ، گئده رم . دئییب بوغولموش حالدا ، اوردان اکیلدی . تله سیک ایشی اولان آداملار کیمی ، او ایتی آددیملارلا ، اوردان اوزاقلاشدی . دونوب دالینا باخماغادا جورءت ائتمیردی . حاجی ایله اونون آراسیندا نه حئساب اولدوغون آللاه بیلیر . هر حالدا حاجی نین ناغافیل بلا کیمی ، بو یئردن چیخیب اونو ائششکدن دوشموش ائتدیینه حیرصلی ایدی .
بازاردان چیخاندا دایاندی . دؤنوب گلدییی قاتما _قاریشیق اؤرتولو دار یولا باخدی . ائله بیل بازارین توتغون _بوغوجو هاواسیندان گوج ایله قورتاریب . آغیر یوکو دالیندان یئره آتمیش حاممل کیمی ، اؤزونو ، یونگول حیس ائتدی . درین بیر نفس آلدی . یان _یوره سینه بویلانیب ، یولا دوشدو . ناهارا آز قالیردی . یوخوسونون واختی اؤتموش آدام کیمی ، اونو اسنه مک یاخالاییردی . آخی تیریئکی سینین واختی یاخینلاشیردی . هارا گئتسین ، هاردا ایراده سینه حاکیم اولان اژدهانین حیرصینی سؤندورسون ؟ بو اؤزوده بیر ایش ایدی. ایستر _ایسته مز کئچن گونلری خاطییرلاییب ، حسرتله دولو بیر آه چکدی . « عجب گونلر ایدی .» _دئیه ، دوشوندو .

آخی بئش _اون ایل بوندان قاباق تیریئک آزاد ایدی . هر دؤنگه ده بیر تیریئک خانا وارایدی . ایچری گیرن کیمی ، آریق _بئلی قونقوز باغلامیش ، جهننم آلاووندا قورسولانمیش یانیق صوفت ، گؤزلری چوخورا دوشموش ، خیدمتچی لر مانقال ایله هوققانی قاباغینا قویاردی . سول طرفینده ساللانان هئیبه سیندن ، ایسته دیین قده ر تیریئک وئرردی . نه قده ر چکیرسن _چک . هئچ کس سنله ایشی یوخ ایدی . ایندی اوغورلوغونان ، قورخا _قورخا چکمه یین دردیسری نشئه سیندن آرتیق اولموشدور . آنجاق نه ائده بیلردی ؟ اونون اسیری ایدی . فیکیر خیال ایچریسینده آددیملایر کن :

_ آغا غاففار! آغا غاففار! دئیه ، اوسگوروکله قاریشق ، بوغونوق بیر سس اونو دایاندیردی . سسله ین جمشید خان ایدی . اونو کینارا چکیب ، _گئده ، آماندیر ! قوناغیم وار ، گؤر نه ائدیرسن؟ دئییب ، جیبیندن پول چیخارتدی . اونون اووجونا قیسیب . _من گئدیرم ائوه . تئز آلیب گله سن . دئییب ، اوندان آیریلدی . آغا غاففار تیریئک تاپماق سو ایچمک قده ر آسان ایدی . ساتیش یئرلرینی بیلیر ، ساتانلاری تانیردی . هردن اوزوده قازانجینا آلدانیب تیریئک ساتماق فیکرینه دوشوردو . آمما خطریندن قورخار « آغریماز باشیمی بلایا سالا بیلمرم . نئیلیرم قیزیل تشتی کی ، ایچینده قان قوسام .» دئیه طاماح دیشینی چکردی ، آتاردی .

او ، بازارلیغی ائدیب ، اوزونو جمشید خانین ائوینه یئتیردی . گتیردییی تیریئکی قاپی دا نوکره وئریب ، ایچری کئچدی . سوفرا سالینمیشدی . جوجه پیلو ، دولما و فیسینجان بوغلانیردی . دولدورولموش عاراق ایستیکانلار میقناتیس کیمی آدامی اؤزونه طرف چکیردی . عارسیز غاففار غیر ایرادی اولاراق ، سارالمیش چوروک دیشلری . گؤروندو . ائله بیل آج تولکو گیرینه ، الده بئجریلمیش توخلو قویروغو دوشموشدو .

_ آفیه ت اولسون ! همه شه کئف ده داماخدا . دئدیکده رحیم خان اونا یئر گؤستریب :
_گئده عارسیز ! گؤرسنمیرسن ! هاردا اؤلموسن ؟ _دئیه بو سؤزلرله اونو قارشیلادی . غاففار الی له سوفرا یا ایشاره ائده رک ،
_قوربان ! ائله همه شه مسجید قاپی سی آچیق اولاندا کؤپه_یین یوخوسو گلرده . دئیه جاواب وئردیکده ، گولوش سسلری بیر _بیرینه قاریشدی .
_مجلیسده کی لردن بیری مولکدار رحیم خان ایدی. او ، اوتوز پارا کندی حئسابینا ، عؤمورونو کئفده _عییاشلیقدا ، قوماردا کئچیرمیش بیر آدام ایدی . اوجا بوی ، انلی کورک ، ایری گؤز ، قالین _قارا قاش و چاللانمیش بورما بیغلاریندان اونو اورتا عصیرین شیکست یئمیش بیر سرکرده سینه اوخشاتماق اولاردی . ایکینجی سی ائو صاحیبی جمشید خان ایدی . او ایشدن دوشموش کؤهنه بیر دولت مأمورو ایدی . یاشی آتمیشا یاخین ، آلچاق بوی ، آریق ، قورو قاخا دؤنموش حالسیز بیر آدام ایدی. اوچونجوسو _شهرین وارلی لاریندان حاجی موبارک آدلی ، گیرده _دولو صوفت ، چال خط ، باشینی دووشان اوتلامیش ، یئکه بورون ، دونبا_ایری گؤزلو ، کؤک بیچیمسیز بیر آدام ایدی . بونون دا ایشی پول نوزولا وئرمک ، بیله یی دیب دن وورماق ایدی . بوراسیندا دئییم کی بونلارین غاففار یله تانیشلیغی بوجور قوناخلیقلاردا _ییغینجاقلاردا اوندان بیر دلغک کیمی ، ایستیفاده ائتدیکلریندن ایره لی گلمیشدی. رحیم خان تئز بیر ایستیکان عاراق دولدوروب اونون قاباغینا قویدو:

_وور بدنه جانین قیزسین . _دئدی . غاففار ایستیکانی الینه آلیب :
_آغالارین ساغلیغینا !..._دئییب . باشینا چکدی . ایستیکانی یئره قویوب ، آج قورد کیمی سوفرایا دؤشندی . بئللر برکیدی . کلله لر قیزیشدی . سوفرا ییغیشدیریلان کیمی ، بیرینجدن دوزلمیش ظریف بیر مانقال اورتایا گلدی . بیر نلبه کی ده خیردا پارچالارا دوغرانمیش تیریئک قیرینتیلاری آرایا قویولدو . حوققالارین باشیندا کی قیرمیزی کؤزلر اوزرینه قویولمو

قار منی داریخدیرمیر
بوزون اوستونه قاپسانماق اینجیتمیر
چونکو من دایانیرام
بعضن شعیر ایله
بعضن سئوگی ایله


منی ایستماغا
باشقا بیر شئی یوخ
تکجه بوکی سئوه_م سنی ...

👤 / #نزار_قبانی
✍ / چئویرن #تانسو_خیاوی

🍁 Özel çevırı 🍁

@azerbaycanqadinlari

یر . اؤلو یئرده قالیب . کؤمک ائتمک لازیم دیر !...بو خئیر ایشیزله اؤز آخیرتیزین ساتین آلمیش اولارسیز . گوناهلاریز قارشیسیندا ووجدانیزی عذابدان قورتارمیش اولارسیز . دئدیکده ، ایکینجی تاجیر دیله گلدی:
_ حاجی آغا ! آللاه سنه عؤمور وئرسین! بیزیم کلفیمیز بیر آز پیرتلاشیب . گؤرورسن کی ، حؤصله میز یوخدور... غاففار اوزدن گئتمدی .
_رحم ائدین کی ، آللاه دا سیزه رحم ائتسین. هر دویونو آچان اودور . آز _چوخ هر نه یه گوجوز چاتیر . آللاه یولوندا چیخاردین!_دئیه ،دیره منده بایاقدان ، بری أیری _أیری اونا باخماقدا اولان اوچونجو تاجیر داها اؤزونو ساخلایا بیلمه دی.
_گئده ، چیخ بوردان ، ایتیل جهننم اول ، خجالت چک ! دورآرام آبیرینی اته یینه بوکه رم ! دئیه بوزاراندا ، عارسیز غاففار هویوخموش حالدا اونا طرف دوندو .سس اونا تانیش ایدی . بره لمیش گؤزلرینی حاجی یا زیلله ینده ، اؤتن گونلرده باش وئرمیش آجی بیر خاطیره گؤزونون اؤنونده جانلاندی . جانینا بیر اوشوتمه دوشدو . آنجاق اؤزونو ایتیرمه دی . آنلادیم کی مسجید ائششک باغلامالی یئر دئییل . بیردن ایستی یه دوتولموش موم کیمی ، یومشالدی . اوزومده صونعی بیر ایریشمه گؤروندو :

آردی وار ...
یازار / گنجعلی صباحی
کؤچورن / تانسو خیاوی

@azerbaycanqadinlari

نی شوشله ییب ، اوره ک چیرپینتی سی لا ، رادیونون دیبینی کسیر ، نومره لره قولاق آسیر . اوتمادیغینی آنلادیقدا ، آرزیلاری یوخویا چئوریلیر . بئله دیر . الی هئچ بیر یئرده بند اولمایان بیزیم کیمی لر ، ال چاتماز بوش خیال و اومود ایله اؤزوموزو آلدادیب _ یاشاییریق . دئییب ، پولو اونا اوزاتدی ، _ وارینی وئره ن اوتانماز . بیز ایشچی ییک . اؤزوموزده ایشسیزیک . گوجوموز بونا چاتیر . آزدا اولسا ، یئنه دردینه دیر. عارسیز غاففار بیر آز اؤزونو نازا چکدی . اوغلان پولو زور ایله اونون جیبینه سوخدو . غاففار دوروب اونلاردان اوزاخلاشدی . اوره یینده اونلارین ساده لییی نه گولدوده
.
عظمتلی بیر بنانین قاباغیندا آدام قایناشیردی . عارسیز غاففار ماراقلا اونلارا یاخینلاشدی . بو ییغیلانلارین هامیسی جاوان آداملارایدی .
_ایکی بیر ، اوچ بیر ، باش _باشا وئریب ، خیسینلاشیر ، بعضیلری قدم ووروردو . اوزلرینده ناراحاتلیق و هیجان دویولور ، هامیسی اینتیظار حالی کئچیریر دیلر . او یاواشجا ، اونلاردان بیرینه یاناشدی :
_اوغلوم ! بوردا نه خبر دیر ؟ احسان وئریرلر ؟ دئیه سؤال وئردیکده جاوان گولومسه دی . آغزینی اونون قولاغینا یاخینلاشدیریب :
_عمی جان ! دئیه سن کاباب ایینه گلمیسن . آمما بوردا ائششک داغلاییرلار .
_شوخلوغو بوشلا . دوزونو دئ گؤروم ، بورا نه یه ییغیلمیسیز ؟
_قازئته ده ائعلام ائدیبلر کی ، بو ایداره اوچ نفر ایشچی ایستیخدام ائده جک . بیز هامیمیز عریضه وئرمیشیک . ایمتاحان ائدیبلر . ایندی گؤزله ییریک کی ، گؤرک طبل کیمین آدینا چالینیر . _دئدی . عارسیز غاففار باشینی ترپه درک : هیم ! ...ائله هامی بیر تیکه چورک دالیجا قاچیردا _دئییب . اوردان اوزاقلاشدی .

یولو اؤرتولو بازارا دوشدو . بازار شولوق ایدی . آداملار قاریشقا کیمی قایناشیردیلار . دالیندا آغیر یوک ، زیققینا _زیققینا آددیملاییب تنگ نفسله « خبردار ! خبردار ! » دئیه ، آداملاری یارا _یارا ایره لیله یه ن حامماللارین خیریلتی لی بوغونوق سسلری ، مالینی تعریفله ین _ موشتری چاغیرانلارین گورولتولو سسلری ایچینده ایتیردی . او رطوبتلی ، کثیف هاوادا آداملار ! سورتونه _سوروتونه ایره لیله ییردی . نهایت ، بیر فرش تیجارتخاناسی نین قاباغیندا دایاندی .
تیجارتخانانین دفترینده اوچ نفر ایله شمیشدی . اوچوده فرش تاجیری ایدی . اونلارین آراسیندا توتغون _سیخیجی بیر سوکوت حؤکم سورمکده ایدی . هئچ بیری دانیشمیردی . ائله بیل هوپ توتموشدولار . آنجاق اوز _ گؤز چاتیلمیش قاشلار و آلین قیریشلاری هامینین آنلادیغی دیلده دانیشیر ، اونلارین ایچری سینده فیرتینا اولدوغونو سویله ییردی . بونلاردان بیری اوتوز یاشیندا اوزو قیرخیق ، تمیز و شیک گییملی ، خوش صوفت بیر آدام ایدی . او میزین دالیندا اوتوروب میزه ، دیرسکلنمیشدی ، بارماقلارینی داراخلاییب چنه سینه دایامیش ؛ گؤزلرینی مات _ مات بیر نوقطه یه زیللنمیشدی . ایکینجی سی 45_40 یاشلاریندا ، کؤک ، یوغون بوینومون دالی اتدن قات باغلامیش قالین دوداق آدام ایدی . اوچونجوسو یاشی اللی دن اؤتموش ، آریق ،نازیک و اوزون بیر کیشی ایدی . ایکینجی سی الینده تسبئح چئویریردی . اوچونجو ده اللری آسه _اسه حیرصیندن گؤیرمیش _تیتره ین دوداقلاری نین آراسینا قویدوغو سیگارا آتش ووروردو . بللی اولدوغونا گؤره ؛ جاوان تاجیر اوچونجو تاجیردن گؤتوردویو فرشلری خاریجه صادیر ائدیب . بازاری دوتماییب .مالی آیاغا دوشوب ، وئردیی چئکلرین یئری بوش قالیب ، گئری قاییدیب _ایندی طلبکار قاپی نی آلیب ، حاققینی ایسته ییر . « من بیچاره اولدوم ، دوتدورارام ! آشارام _کسرم !» دئیه ،جاوان تاجیره قارا_قوزانلیق ائله ییر.ا ایکینجی تاجیرده اونلارین آراسیندا باریشدیریجیلیق رولونو اویناییردی . اوزون _اوزادی آتیشمادان سونرا ، نتیجه آلا بیلمدیکلیددن یورولوب مات حالادا ، اؤز ایچلریله الله شیر ، چیخیش یولو آختاریردیلار . عارسیز غاففار قورخاق آددیملاریلا ، اونلارا یاخینلاشدی.سالام وئردی.اونون سالامینی آلان اولمادی . او اوره یینده:«سیزی سالام کسسین!» دئدیکده ، میزین دالیندا ایلشمیش جاوان چتینلیکله باشینی هرله ییب اونا باخدی .
_فرماییشیز واردیر ؟ _دئیه سؤال وئردیکده .
_دئیه سن آغالارین اوقاتی آجی دیر . آللاه آجی لیق وئرمه سین. وجودوزو روزگاری آمانسیز بلالاریندان حیفظ ائیتسین . کسب_کاریزا برکت وئرسین. بو دونیانین نه وفاسی واردیر کی ، اینسان دونیا مالیندان اؤترو غم چکه _غوصصه یئیه . وقتا کی آخیری اؤلومدور . هامی گرک آخیرتینین فیکرینده اولا . ال توتا ، رحم ائده ،_دئیه بولبول کیمی اوتدوکجه ، ائله بیل اوتورانلارین دده سینی سؤیوردو .
_عرض ائلدیم کی فرماییشیز واردیر؟دئیه جاوان اونون سؤزونو کسیب سؤالینی تیکرار ائتدیکجه ، او مئیدانی اله آلماق اوچون اؤزوندن چیخمیش درویش لر کیمی جوشدو :
_ بیر موسلمان اؤلوب . یئددی باش بالاجا _بالاجا _چیپلاق ، آیاق یالین اوشاقلاری گون چؤره یینه موحتاجد

« عارسیز غاففار »

ایشی اییلمه سین . دئدیینه گؤره : آخیرینجی شیکستین یئرینی دولدورماق اوچون او ، یاخین قوهوم و دوستلارینین کؤمه ییندن باشقا ، گؤزونو یوموب اوزونو اودا وورور . نزول ایله گوجلو پول گؤتورور . ایسته ییر کی قاز ووروب قازان دولدورسون . آمما ، دئییر:«سن سایدیغینی سای . گؤر فلک نه ساییر .» شله گوندن گونه آغیرلاشیر . له له نی ائله باسیر کی داها آلتیندان چیخا بیلمیر . قاز وورماغی جهننم ، سئرچه ده الیندن اوچور . دده _بابادان قالما کؤهنه حیطدن _مولک دن هر نه یی واریمیش الیندن چیخیر ، داها اؤز شهرلرینده باس ساخلایا بیلمیر . طلبکارلارین الیندن باش گؤتوروب ، یوخ اولور . آغا غاففارین سؤزونه اینانماق چتین اولسادا : موحیطیمیزده بئله تصادوفلار همه شه وار . گوجلولر اولان یئرده ضعیف لر ازیله جکلر . تیجارت عالمینده بئله دیر . گوجلو سرمایه لری اریدیر _خفه له ییر ، اورتادان چیخاردیر .
آغا غاففار حاققیندا آیلار _ ایللر ایله صؤحبت گئدیر . کیمی اؤلدویه چیخیر . کیمی خاریجه قاچاغیندان دانیشیر . بئله لیک له او ، بیر تیکه چؤرک اولوب یوخا چیخیر.یاواش _یاواش دونیادا اؤزوندن یادیگار قویمامیش ، سونسوز اؤلولر کیمی ، صحنه لردن پوزولور. اونودولور . آنجاق ، گؤردویوموز کیمی ، آغا غاففار هله ده یاشاییر . او اؤز شهریندن چیخاندان بری ؛ قولپ قویمادیغی قازان قالماییب .ایرانین جنوبونا گئدیب . تانینماز یئرلرده مرثیه خانلیق ائدیب . فالا باخیب ، بخت آچیب . مئیمون اوینادیب . حتتا تکامول ائده _ ائده گلیب بو مرتبه یه چاتیبدیر .
او قدم وورا _ وورا گلیب شهر باغینا چیخدی . باغدا آدام آز ایدی . فواره لرین قاباغیندا قویولموش نیمکتده ایکی نفر جاوان اوغلان اوتوروب صؤحبت ائدیردی . او گلیب ، اونلارین یانیندا اوتوردو. آغاجلاردا کی خزاندان خبر وئرن سولغون یارپاقلار ، خفیف اسن یئلین ایله نجه سینده دؤنموشدو . اونلاری آسانلیقلا آغاجلاردان قوپاریر ، هاوادا اوینادا _ اوینادا آغاجلارین دیبینه سالیردی . یاز و یایداکی گؤزللیک ، طراوت و روحو اوخشایان حال باغدا یوخ ایدی .هر طرفه باخسان اوره ک توتغونلاشیر دی . قوشلارین چهچه ی ده غم دوغوروردو . گؤیده اوچوشان آغلی _ بوزلو بولوتلاردا ، ائله بیل پاییز فصلی ایله ال _ بیر اولموشدو . تئز _ تئز گونون قاباغینی توتور _ آچیردی .
آنجاق هاوا مولاییم و خوشا گلین ایدی ، عارسیز غاففار هئی ...قورجوخوب ، دریندن آه چکمکله اوتورانلاری اؤزونه متوجه ائدیردی .
بیری اونا دوغرو گئتدی :
_ آغا دئیه سن چوخ ناراحات سان . نه اولوب ؟ دونیانین باج خراجینی سندن ایسته میرلر کی ؟ دئیه ، سوروشاندا غاففار بیرده کؤکسونو اؤتوردو .
_ ائی!... نه عرض ائدیم ؟ هئچ یادیمدان چیخماز . جاوان ایدیم . ائله سیز یئرده اولاردیم. بیر گون آتامین دوسلاریندان بیری ، کئچن گوندور یادیمدان چیخیب . بیلمیرم نه منه دئدی _ساتاشدی . من جاوابیندا دئدیم : « ای قارداش نه ائدیم ؟ کاسیب آدامیق .» من بو سؤزو دئینده کیشی تاراققا کیمی منیم اوستومه آچیلدی.« گئده ، آماندیر ! دئدی . کاسیبلیغی اؤزونه یاخین قویما ! او ساراطان کیمی یاخانی تانیسا ، آل چکن دئییل ها !...» دئدی . آللاه اونا رحمت ائله سین. ایندی باشا دوشورم کی ، نه دئییرمیش .
_ دئمک یوخسوللوق سنین ده یاخانی تانییب می ؟ بونون فیکری یوخدور . گئت بیردنه بخت آزمایی بیلیطی آل . اینشاآللاه شانسینا چیخار ، وارلانارسان . داها بونون آه _ اوفو یوخدور . دئییب ، اوغلان گولنده غاففار داریلمیش کیمی ، قاش _قاباغینی ساللادیم .
_ سن گولورسن . آمما منیم اوره ییمده قانلار آخیر . آروادیم _اوشاغیم نوخوشدو ، اؤلوم حالیندادیر . نه دوکتور نه داوا _ درمانا پولوم وار . باش گؤتوروب ائودن قاچمیشام . اؤلوم آختاریرام ، اودا الیمه دوشمور . دئیه ، گؤزلرینی دولدوردو ، عارسیز غاففار اؤز رولونو باجاریقلا اوینایان هونرمندلر کیمی ، جاوانلاری ، موتاثییر ائتمه یه موفق اولدو . اوزون یالان دئسه ده ؛ سویلدیکلری ، گونده باش وئره ن عادی حادیثه لردن ایدی . ایکینجی جاوان صؤحبته قاریشدی .
_ چوخ موتاسیفم عمی جان ! دئدی . ایکی یولداش بیر آز خیسینلاشدیلار . ایکی سیده جیبلرینی تؤکوشدوردو . دورد تومن پول دوزه لدی . غاففارا دونه رک :
_ اوماریم کی منیم دوستومون شوخلوغوندان اینجیمییه سن . سنین یاخانی تانیمیش کاسیبلیق ائله بیزیم ده آیریلماز دده _ بابا دوستوموزدور . اؤزوده او آمان کسن دوستلاردان. بیز اؤزوموز هر هفته بوغازیمیزدان کسیب بیر بیلیط آلیب جیبیمیزه قویاریق . بیز بیر هفته اؤزوموزو اونونلا خوش ائده ریک کی ، اینشاآللاه بو دفه منیم بیلیطیم قازانیر . کاسیبلیغین داشین آتارام . بیلمیرسن آدامین فیکرینده نه لر گئچیر . آدام اؤزونه خیالی اولاراق سعادت سارایلاری دوزلدیر . ائحتیاج دویونلرینی بیر _بیر آچیر . اوتاجاغی پولون خرجله نه جک یئرلرینده موعیین ائدیر . نهایت هفته باشی چاتیر .آدام قولاقلاری