بەکورتى

داواکارى
خوشک و برایانی بەڕێز :
گەر سوودت لە کەناڵى (بەکورتى) بینیوە تکایە لینکی کەناڵەکە بنێرە بۆ هاوڕێکانت بۆ ئەوەى زۆرترین کەس سوود لە بابەتەکانى ببینێ و ببێتە سەدەقەیەکی نەبڕاوە بۆ بەڕێزتیش .
👇👇👇
https://t.me/ba_kurty

حوکمی خوێندنی قورئان بۆ ئافرەتێک کە لە حەیز دایە
پرسیار:
ئایا دروستە ئافرەتى حەیزدار قورئان بـخوێنێت؟
وەڵام :
حەیزدار بۆ پێویستى دروستە قورئان بخوێنێت، وەكو ئەوەى مامۆستا بێت قورئان دەخوێنێت بۆ فێركردن، یان فێرخواز و قوتابی بێت و قورئان بخوێنێت بۆ فێربوون، یان قورئان فێرى منداڵى بچووك یان گەورەى خۆى بكات و خۆى قورئانەكە بخوێنێتەوە وئەوانیش لە دوایەوە بیخوێنن. بەهەرحاڵ ئەگەر پێویستى كرد ئافرەتى حەیزدار قورئان دەتوانێت بخوێنێت و هیچی تێدا نییە و دروستە، بەهەمان شێوە ئەگەر ترسا لەوەى بیرى بچێتەوە دروستە پێداچوونەوەى بكات و بیخوێنێت ئەگەر لە حەیزیشدا بێت، هەرچەندە هەندێك لە زانایان وتوویانە: دروستە بۆ ئافرەتى حەیزدار قورئان بخوێنێت بەڕەهایی و لەهەموو حاڵەتێكدا بابۆ پێویستیش نەبێت.

بەڵام هەندێكى تر وتویانە: حەرامە لەسەرى قورئان بخوێنێت با بۆ پێویسیش بێت. بۆیە سێ وتەى زانایان هەیە لەوبارەیەوە بەڵام ئەوەى پێویستە بووترێت لەنێویاندا ئەوەیە: ئەگەر پێویستى كرد بۆ قورئان خوێندن بۆ فێربوون یان فێركردن یان ترسی بیرچوونەوە ئەوا ئاساییە و هیچی تێدا نییە.
-------------------
سەرچاوە : کتێبی فتاوى أرکان الإسلام: زاناى پایەبەرز : محمد بن صالح العثیمین - رحمه الله –
---------------------
#بەکورتى (٤٢٣)
بۆ زانیاری زیاتر
https://walamakan.com/Besh-51

جێگەی نوستنى منداڵان لە تەمەنى چەند ساڵیەوە دەبێ لە یەک جیا بکرێتەوە؟
وەڵام :
پێغەمبەرى خوا ﷺ فەرمویەتی:
((مُرُوا أولادَكم بالصلاةِ و هم أبناءُ سبعِ سِنِينَ ، واضرِبوهم عليها وهم أبناءُ عشرِ سِنِينَ ، وفَرِّقُوا بينهم في المضاجعِ)). رواه أبوداود (حديث حسن ، صحيح الجامع ٥٨٦٨)
واتە: لە تەمەنی حەوت ساڵی دا فەرمانى نوێژ كردن بە منداڵەكانتان بدەن، لە تەمەنی (دە) ساڵی گەر نوێژیان نەكرد لێ یان بدەن و، جێگەی نوستنیان جیا بكەنەوە.
جیا كردنەوەی جێگەى نوستنی منداڵ لە تەمەنی (دە) ساڵی، ئەدەبێكی ئیسلامی گرنگە، كە بەداخەوە زۆر كەس فەرامۆشیان كردوە .
ئەوەی دەبێتە بەڵگەی گەورەیی ئیسلام و پێشكەوتنی مەبدەئەكانی ئەوەیە، كە تیۆری جیاكردنەوەی نوستنی منداڵ، پێغەمبەر ﷺ پێش چواردە سەدە فەرمانی پێ كردوین، ئەمڕۆ زانایان لە كتێبە پزیشكی و جنسى یەكاندا هانی لەسەر دەدەن و لایەنە باشەكانی ئاشكرا دەكەن و حەزەر دەدەن بە فەرامۆش نەكردنی..
لە كتێبی (صرح طفلك عن الجنس) لە دانراوی (كۆمەڵەی لێكۆڵینەوەی منداڵ لە ئەمریكا)دا هاتوە:
(منداڵەكان نابێ لە یەك پێخەفدا بخەون، هەروەها باشتر وایە لەیەك ژور نەخەوێنرێن، ئەو منداڵانەی لە یەك پێخەفدا دەخەون، بەشێوەیەكی رێكخراو توشی لێك خشاندن و پێكەوە نوسانی جەستەیی دەبن، كە لەوانەیە بە هۆیەوە گەمە پێ كردن ڕو بدات...
خەوتنی منداڵیش لەگەڵ دایك و باوكی لەیەك ژوردا، كارێكە هەرگیز پێی ناگوترێ حیكمەت و دانایی. منداڵ كە دەخەوێ وا پێدەچێ خەوتوە، بەڵام ئاواش نى یە، تەنانەت ئەوانەی لە تەمەنی دو ساڵى یان سێ ساڵی دان، لە كاتی هەست كردن بە دیاردەی كرداری جنسی دایك و باوك لەسەرجێ دا، دەترسن.. تەنانەت تاریكیش نابێتە پەردە لەبەردەمیان دا، چونكە منداڵی بچوك لە دەنگە دەنگدا توشی دڵەڕاوكێ دەبێت!!
دەتوانین بڵێین زۆربەی حاڵەتەكانی كزى جنسی، كە لە منداڵان ڕو دەدات، هۆیەكەی فەرامۆش كردنی جیاكردنەوەی شوێنی نوستنیانە و، نوستنیانە لە ژوری دایك و باوك، هەمو ئەمانەش بە شەرعی خوا و عەقڵیش قەدەغەیە، كەواتە با دایك و باوكان ئاگاداربن.
---------------------
#بەکورتى (٤٢١)
بۆ زانیاری زیاتر سەبارەت بە پەروەردەى منداڵ ئەم لینکە بکەرەوە
https://walamakan.com/Besh-99

پەیامێك بۆ تاجر و بازرگانان ( ئایا هیچ وەقفت هەیە) ؟

زۆر ئاساییە ئەگەر هەوڵ بدەیت خۆت زیاتر دەوڵەمەندتر بكەیت و سەرچاوەكانی داهاتت زۆرتر بكەیت، داوا لە خوا دەكەین كە فەڕ و بەرەكەت بڕێژێت بەسەر ماڵ و سامانتدا.

بەڵام ئەوەت بیرنەچێت كە تۆ لە گەشتێكی كورتخایەندایت لەم ژیانەدا، ئیتر تەمەنت درێژ بێـت یان كورت.

بۆیە پێشنیارت بۆ دەكەن كە وەقفێك بكڕیت یان دروست بكەیت بۆ ئەوەی لەهەموو لایەكەوە خێر و سوود و قازانجت بۆ بێت.
با وای دابنێین تۆ 90 ساڵ دەژیت و پاشان دەمریت، و بە ملیۆنانت لەدوای خۆت بەجێ هێشتووە، چەندێك لەو پارەیە دێتە ناو گۆڕەكەت؟ هیچ، تەنها ئەو پارانە نەبێـت كە لە خێر و چاكەدا سەرفت كردووە. چونكە دوای تۆ ئەو ماڵە میراتگرانت هەریەكە و بەش و پشكی خۆی دەبات، و كەمێك بۆت دڵتەنگ دەبن و دواتر دەگەڕێنەوە بۆ ژیانی ئاسایی خۆیان....

جا بۆیە بیربكەرەوە ئەگەر دینارێك یان هەزار دینارت كردبێتە وەقف بۆ پڕكردنەوەی پێداویستی هەژاران و نەداران، دەبینی ئەو پارەیە هەر بەردەوام پاداشتەكەی بۆت دێت لەدوای مردنتیش بەبێ وەستان، سەدان ساڵت بەسەردا تێپەڕ دەبێت و تۆ بوویت بە خۆڵ لەناو گۆڕدا، بەڵام تۆ هەر هەژمارەكەت لەزیاد بووندایە بەهۆی ئەو صەدەقانەوە كە كردووتە.
سوێند بە خوا ئەمە ئەو ڕێز و شەرەفەیە كە پێویستە خەڵكی لەسەر كێبڕكێ بكەن.

تێبینی:
مەبەست لە (وەقف) بریتییە لە دەرکردنی شتێک لەموڵکی خۆت و تەرخان کردنی لەپێناو خزمەتکردنی ئیسلام و موسڵمانان وەکو تەرخان کردنی پارچە زەوییەک بۆ دروست کردنی مزگەوتێک ، یان تەرخان کردنی قازانج و کرێی دوکانێک لەپێناو دینی ئیسلام ، یان بیرێک بۆ خزمەتی خەڵکی .
----------------------
بەکورتی (٤٢٠)
https://t.me/ba_kurty

ئەمەت دەوێت؟
ئەمە ئەنجام بدە
1. تەندروستی
* بەڕۆژووبونی دووشەم و پێنج شەم
2. نوری دەموچاو
* شەونوێژ ئەگەر دوو ڕكاتیش بێت
3. پشوودان و حەسانەوە
* خوێندنی قورئان هەموو ڕۆژێك
4. بەختەوەری
* نوێژكردن لەكاتی خۆیدا
5. دڵئارامی
* زۆر زیكری خوا كردن
6. ماڵ و منداڵ
* زۆر وتنی أستغفرالله
7. لاچوونی خەم و پەژارە
* دوعای زۆر
8. لادانی بەڵا و كارەسات
* صەدەقەكردن ئەگەر كەمیش بێت
------------------------
#بەکورتى (٤١٩)
https://t.me/ba_kurty

جۆر و جیاوازی کتێبەکانى فەرموودە
1. الجامع – الصحیح
2. السنن
3. المسند
4. المعجم
5. المستدرک
6. المستخرج

یەکەم : الجامع – الصحیح
مەبەست لە (الجامع – الصحیح ) ئەو کتێبەى فەرموودەیە کە دانەرەکەی فەرموودەکانى لەبارەى هەموو لقەکانى دینەوە بە گشتى داناوە کە پێک دێن لە هەشت بابەت کە ئەمانەن :
(العقیدة ، الأحکام ، التفسیر ، التأریخ والسیرة ، الزهد والرقائق ، المناقب والمثالب ، الآداب والأخلاق ، الفتن وأشراط الساعة)

دووەم : السنن
مەبەست لە (السنن) ئەو کتێبەى فەرموودەیە کە دانەرەکەی تەنها فەرموودەکانى بوارى ئەحکامی فیقهی هێناوە و کتێبەکەى بەگوێرەى بابەتە فیقهیەکان ڕێکخستووە .

سێیەم : (المسند)
مەبەست لە (المسند) ئەو کتێبەى فەرموودەیە کە دانەرەکەی فەرموودەکانى بەگوێرەى گێڕانەوەى هاوەڵان ڕەزای خوایان لێ بێ هێناوە بۆ نموونە ئیمامی ئەبو بەکر چەند فەرمودەى گێڕاوەتەوە هەمووی لە ژێر ناوی ئەبو بکر داناوە ، پاشان ئیمامی عمر پاشان ئیمامی عثمان .... بەم شێوەیە .

چوارەم : المعجم
مەبەست لە (المعجم) ئەو کتێبەى فەرموودەیە کە دانەرەکەی فەرموودەکانى بەگوێرەى گێڕانەوەى شێخەکانى هێناوە ، واتە چەند فەرموودەى لە شێخی یەکەمیەوە گێڕاوەتەوە هەمووی داناوە لەژێر ناوی ئەو شێخە ، پاشان شێخی دووەم و بەم شێوەیە .

پێنجەم : المستدرک
مەبەست لە (المستدرک) ئەو کتێبەى فەرموودەیە کە دانەرەکەی ئەو فەرموودانەى هێناوە کە لە صەحیحی بوخاری و مسلیمدا نین و بەڵام هەر بەسەنەدی بخاری یان موسلیم هێناوێتی .

شەشەم : المستخرج
مەبەست لە (المستخرج) ئەو کتێبەى فەرموودەیە کە دانەرەکەی فەرموودەکانى بوخاری یان مسلیم ى هێناوە بە سەنەدی تری جگە لەوان .
----------------------
#بەکورتى (٤١٨)
https://t.me/ba_kurty

چۆنێتى خۆپاراستن لە کەسانى چاوپیس
خۆپاراستن لە چاو پیسی
پەیامبەری خوا ﷺ دەفەرموێ: (العين حق) رواه مسلم
واته : چاوپیسی حەق و ڕاستیە و بوونی هەیە .
شێخ ابن عثیمین بەڕەحمەت بێ دەفەرموێ:
(...چاوپیسی ڕاستە و بوونی هەیە و واقیع وژیانی ڕۆژانە شایەتی بوونی دەدا. چاوپیسی ئاماژەیە بۆ دەرچوونی شتێک لە کەسێکی حەسودەوە کە حەسودی بە کەسانێک دەبات بەو نیعمەت و بەخششەی کە خواى گەورە بەفەزڵ و بەخشندەیی خۆی پێی بەخشیون ـ چاوپیس ـ کەسێکی خراپە و نایەوێ کەسەکان چێژ ببینن لە بەخششەکانی خوداـ کە هەرکات نیعمەت و بەخششێکی لە نیعمەتەکانی بینی کە لەلایەن خواى گەورەوە دراوە بەکەسێ ئەوا ئەو حەسودیەی کەلەناخیدایە دەریدەکات هەتا کاردەکاتە کەسی چاولێدراو .
چۆنێتى خۆپاراستن لە چاوپیس
یەکەم : بۆ کەسى چاوپیس
ڕێگەی ڕزگاربوون لە چاوپیسی لەلایەن کەسی چاوپیسەوە ئەوەیە کە کەسێکی بینی نیعمەت و بەخششێکی خوای پێدراوە دوعای بەرەکەتی بۆ بکات و بڵێ خوایە بەرەکەت بڕژێنی بەسەر فڵان کەسدا یاخود هەر ووتەیەکی تر کەنفس و ڕۆحی پێی دڵنیا و ئارام بکاتەوە و حەسودیەکەی بنبڕ بکات و حەسودی پێ نەبات ـ
دووەم : بۆ کەسێ کە بترسێ چاوى لێ بدرێ
چارەسەرەکەی ئەوەیە کە زیکرەکانی بەیانیان و ئێواران زۆر بخوێنێ کەهاتوون لەو بارەوە وەک (آیۃ الکرسی و سورەتی الاخلاص و قل اعوذ برب الفلق و قل اعوذ برب الناس ) یان هەر دوعا و زیکرێ کە له سونەتدا لەو بارەوە هاتبێ کە ئەمەش چارەسەرە بۆ خۆپاراستن لە چاوپیسی پێش تووش بوون بە حەسودی و چاوپیسی ـ
----------------------
#بەکورتى (٤١٠)
https://t.me/ba_kurty

مافی هاوەڵانى پێغەمبەر ﷺ لەسەر موسوڵمانان
بەهۆی ئەوەی هاوەڵان جیلێک بوون، خودا هەڵیبژاردبوون بۆ سەرخستنی شەریعەتی ئیسلام و پاڵپشتی پێغەمبەر (ﷺ)، بۆیە مافیان لەسەرمان ئەوەیە كە:
1. هەموویانمان خۆشبووێت و ڕێزیان لێبگرین، چونكە خۆشویستنیان باوەڕو دین و چاكەكارییە.
2. هەمیشە نزای خێرو لێخۆشبوون و ڕەزابوونی خودایان بۆ بكەین.
3. منداڵ و نەوەكانمان فێری ئاكارو ژیان و خۆشەویستی هاوەڵان بكەین.
4. بەرگرییان لێبكەین و نەهێڵین بەهیچ شێوەیەك بەخراپە باس بكرێن.
5. نابێت تانەیان لێبدەین، چونكە تانەدان لەهاوەڵان وا دەكات، بەر نەفرەتی خوداو فریشتەكان و هەموو خەڵكی بكەوین.
6. لەشوێنكەوتنی سوننەتە كە باسی چاكەو فەزڵ و پلەوپایەیان بكەین، و زمانمان بگرین لەباسكردنیان بەشێوازێك شیاویان نەبێت.
7. هاوەڵان بكەین بەسەرمەشق، لاساییان بكەینەوە لەڕووی (ڕەفتار، كردار، جیهادو تیكۆشان، فێربوونی زانستی شەرعی، قورئان خوێندن، ماڵبەخشین، وەفاداری، تەقواو لەخواترسان، شوێنكەوتنی سوننەت، ملكەچبوون بە شەریعەت...هتد).
-------------------------------
#بەکورتى (٤٠٩)
https://t.me/ba_kurty

جۆرەكانی ڕیا
جۆرەكانی ڕیا زۆرن (خوا پەنامان بدات لێی)، ڕوون كردنەوەی جۆرەكانی بەم شێوەیەی لای خوارەوەیە:
یەكەم جۆری ڕیا ئەوەیە: بەندەیەك كاتێك كردەوەیەكی چاكە دەكات مەبەستی ڕازی بوونی خوا نییە، بەڵكو مەبەستی ئەوەیە و حەز دەكات خەڵكی بزانن ئەو كردەوە چاكەیەی كردووە، ئەمە جۆرێكە لە دووڕوویی و نیشانەیەكە لە نیشانەكانی دووڕووە بێ‌باوەڕەكان.
دووەم: نییەت و مەبەستی ئەو بەندە موسڵمانە بۆ خوای پەروەردگارە، بەڵام كاتێك هەست دەكات خەڵكی سەیری دەكەن و دەیبینن یەكسەر خۆی گورجوگۆڵ دەكات و عیبادەتەكەی دەڕازێنێتەوە، ئەم كارە شیركی شاراوەو نهێنیە.
سێ‌یەم: بەندەیەكی موسڵمان دەست دەكات بە كردنی عیبادەتێك وە تەواوی دەكات هەر نییەتی بۆ خوای پەروەردگارە، بەڵام كاتێك دەزانرێت ئەو عیبادەتەی كردووە بە باشە باس دەكرێت دڵی پێی خۆش دەبێت، وە حەز دەكات خەڵكی بە باشە باسی بكەن و بە چاوی ڕێزەوە سەیری بكەن و بە گەورەی بزانن، بۆیە ئەم دڵخۆش بوونە بە باش باس كردنی خەڵك و زیاتر حەز بوون بەڕێز لێگرتن و بەدەست هێنانی مەبەستی بەڵگەیە لەسەر ئەوەی ئەو كەسە شیركی شاراوەو نهێنی تێدایە (ڕیا).
چوارەم: ڕیاكردن بە لاشە: بۆ نمونە كەسێك بێ‌تاقەتی و ڕەنگ زەردی دەردەبڕێت بۆ ئەوەی پیشانی خەڵكی بدات كە عیبادەتی زۆرە و زۆر ترسی قیامەتی هەیە.
پێنجەم: ڕیا كردن لە ڕووی جل و بەرگەوە: وەكو كەسێك جلی كۆن و دڕاو لەبەر بكات بۆ ئەوەی پێی بڵێن بەڕاستی كەسێكی دونیا نەویستە.
شەشەم: ڕیا كردن بە ووتە: ئەم جۆرە زیاتر كەسانی دیندارترو ئەو كەسانەی كە ڕێنمونی و ئامۆژگاری خەڵك دەكەن، یان شارەزا بوون و لەبەر كردنی شوێنەوارو بەسەرهات بۆ موناقەشەو دەمە دەمێ‌ كردن و دەربڕینی عیلم و شارەزایی.
حەوتەم: ڕیا كردن بە كردەوە: وەكو ڕیا كردنی نوێژكەرێك بە درێژكردنەوەی ڕكوع و سوجدەو دەبڕینی خشوع، یان ڕیا كردن لە ڕۆژوو گرتن و حەج كردن و خێركردندا.
هەشتەم: ڕیا كردن بە هاوڕێیان و سەردان كەران: وەكو كەسێك داوا لە زاناو پیاوچاكان بكات تا سەردانی بكەن بۆ ئەوەی بوترێت فڵانە كەس سەردانی ماڵی فڵانە كەسی كرد (وەكو دەربڕینی ڕێزو گەورەییەك)، یان دەعوەتی خەڵك دەكات بۆ ئەوەی بوترێت: بە خوا فڵانە كەس پیاو چاكە دیوتە چۆن كەسانی دیندار هاتوو چۆی دەكەن و سەردانی دەكەن؟
نۆیەم: شكاندنەوەی نەفسی خۆت لەناو خەڵكیدا، دەتەوێت لەناو خەڵكیدا وا خۆت پیشان بدەیت كە تۆ كەسێكی بێ‌فیز و بێ‌ ئارەزویت، بە هۆی ئەو خۆ شكاندنەوەیەتەوە دەتەوەێت خۆت بەرز بكەیتەوە و خەڵكی بە باشە و بێ‌فیز باست بكەن كە ئەم كارە لە شاراوەترین جۆرەكانی ڕیایە.
دەیەم: لە وردترین و شاراوەترین جۆرەكانی ڕیا ئەوەیە: موسڵمانێك عیبادەت و كردەوەی چاكە تەنها بۆ ڕازی بوونی خوا دەكات، بە شێوەیەكی وا نایەوێت كەس پێی بزانێت، وە حەز ناكات ئەو عیبادەتەی ئاشكرا بێت و دەربكەوێت، بەڵام لەگەڵ ئەوەدا كاتێك دەچێتە ناو خەڵكی حەزدەكات خەڵكی ڕێزی لێبگرن و سەلامی لێبكەن و بە گەورەی بزانن.
--------------------------
#بەکورتى (٤٠٨)
https://t.me/ba_kurty