Bektemirses.uz | Rasmiy kanal

"MENGARIS PHARMACEUTICAL" MCHJga qarashli ishlab chiqarish korxonasida murojaat asosida o'rganish olib borildi

Ishlab chiqarish korxonalarida mahsulotlarni xavfsizligini ta'minlash maqsadida ishlab chiqarish texnologiyasida amaldagi sanitariya-gigiyena talab va qoidalariga rioya qilinishi shart

📌SHu sababli, Sanepidqomita Toshkent shahar boshqarmasi Bektemir tumani bo‘limi mutaxassislari tomonidan murojaat asosida tumandagi Oltintopgan maxallasi Oltintopgan ko‘chasi 16-uyda joylashgan "Mengaris pharmaceutical" MCHJ ga qarashli BFQ va gigiyenik vositalar ishlab chiqarish sexi faoliyatini amaldagi Sanitariya qoida va me'yorlariga rioya qilinishi bo‘yicha o'rganib chiqildi.

💊🔬O‘rganish davomida Oltintopgan ko‘chasi 16-uyda joylashgan "Mengaris pharmaceutical" MCHJ ga qarashli Faringoforte mahsulotini ishlab chiqarish sexi joriy yilning may oyidan o‘z ish faoliyatini olib borayotganligi ma'lum bo‘ldi va BFQ hamda gigiyenik vositalar ishlab chiqarish sexining umumiy sanitariya holati amaldagi sanitariya qoida va me'yorlari talablariga mos kelishi aniqlandi. Mahsulotlarni ishlab chiqarish jarayonida belgilangan ketma-ketlikka rioya qilinmoqda.

♦️MCHJ rahbariga ishlab chiqarish korxonasining ish faoliyati davomida amaldagi sanitariya qoida va talablariga to‘liq rioya etilishi bo‘yicha tegishli tavsiyalar berildi.

Sanepidqo'mita Toshkent shahar boshqarmasi
Bektemir tuman bo'limi

Telegram | Instagram | Facebook

⚡️Qo‘yliq dehqon bozorida organoleptik xususiyati buzilgan 242 kg banan savdosi to'xtatildi

Ovqatlarning hissiy xususiyatlari- iste'molchilar o'zlarining ko'rish, teginish, tam va hidni his qilishlari bilan sifatni baholashga egadir. Bunga organoleptik xususiyatlar deyiladi.

📌Bugun Sanepidqo'mita Toshkent shahar boshqarmasi Bektemir tuman bo'limi mutaxassislari tomonidan tuman bo'ylab o'tkazib borilayotgan reyd tadbirlari davomida, Qo‘yliq dehqon bozori hududining sanitariya holati hamda mahsulotlarning sifati yuzasidan navbatdagi o'rganish ishlari olib borildi.

‼️Natijada, iste'molga yaroqsiz, sifat ko'rsatkichlariga mos kelmaydigan, organoleptik jihatdan tarkibi buzilgan 242 kg banan, 12 kg qandolat mahsulotlari, 43 litr ayron ichimligi,10 litr miqdorda ikkilamchi polietilen idishlarda saqlanayotgan sut, 35 kg molning ichki a'zolari tegishli tartibda savdodan olindi va yo'q qilish choralari ko'rildi.

♦️Sotuvchilarga sifati buzilgan mahsulotlarni sotmaslik yuzasidan ogohlantirish choralari qo'llanildi hamda dalolatnoma rasmiylashtirildi.

Sanepidqo'mita Toshkent shahar boshqarmasi
Bektemir tuman bo'limi

Telegram | Instagram | Facebook

Xonadonlarda ko‘krak sutini o‘rnini bosuvchi ozuqa moddalariga bo‘lgan talablar bo‘yicha targ‘ibot ishlari o‘tkazildi

Sog‘lom avlodni voyaga yetkazish, bolaning to‘g‘ri ovqatlanishi va rivojlanishi uchun sog‘lom muhit bo‘lishi shart. Bu borada tibbiyot xodimlari tomonidan go‘daklarni ona suti bilan boqishning afzalliklari haqida aholi o‘rtasida targ‘ibot tashviqot ishlari olib borilishi tashkillashtirilib kelinmoqda

📌Jumladan, Sanepidqomita Toshkent shahar boshqarmasi Bektemir tumani bo‘limi mutaxassislari tomonidan tumandagi mahallalar hududida yashovchi homilador ayollar, go‘daklar va kichik yoshdagi bolalarning onalari o‘rtasida ona suti bilan boqishning afzalliklari to‘g‘risida targ‘ibot va tushuntirish ishlari olib borildi.

♦️Olib borilgan targ‘ibot tadbirlari davomida ko‘krak sutini o‘rnini bosuvchi ozuqa moddalarini uy sharoitida saqlash, uni tayyorlash va foydalanishda sanitar-gigiyenik talablarga rioya qilish hamda bolalar o‘rtasida yuqumli kasalliklar bilan kasallanish, ularga qarshi emlash ishlari bo‘yicha profilaktik suhbatlar o‘tkazildi.Tadbir yakunida onalar bilan olib borilgan suhbat bo‘yicha so‘rovnomalar to‘ldirildi.

Sanepidqo'mita Toshkent shahar boshqarmasi
Bektemir tumani bo'limi

Telegram | Instagram | Facebook

Oziq-ovqat mahsulotlari savdosi do‘konlariga o‘rganish ishlari o'tkazildi

Aholining sanitariya epidemiologik osoyishtaligini ta'minlash hamda ovqatdan zaxarlanishlarni oldini olishda oziq-ovqat mahsulotlarining iste'mollik havfsizligi muhimdir.

📌Shu sababdan, Sanepidqo'mita Toshkent shahar boshqarmasi Bektemir tuman bo'limi mas'ul xodimlari tomonidan tumandagi 1sektor hududida joylashgan savdo do'konlarida mahsulotlar sifati va saqlash sharoiti yuzasidan o'rganish ishlari olib borildi.

♦️O'tkazilgan o'rganishlar natijasida "Mirishkor "MFY hududida joylashgan savdo do'konida organoleptik xususiyatlari buzilgan va noma'lum sharoitda tayyorlangan quyidagi oziq-ovqat mahsulotlari, ya'ni:

-uy sharoitida tayyorlangan 3 kg lag'mon xamiri
-15 kg suzma
-26 litr qatiq
-1 litr qaymoq
-9 kg o‘rik
-3 kg shaftoli
-4 kg nok
-8,5 kg banan mahsulotlari o'rnatilgan tartibda savdodan olindi.

♦️Sotuvchilarga iste'molga yaroqsiz mahsulotlarni sotmaslik bo‘yicha tushuntirish ishlari o‘tkazildi va ogohlantirish choralari ko‘rildi.

Sanepidqo'mita Toshkent shahar boshqarmasi
Bektemir tumani bo'limi

Telegram | Instagram | Facebook