Ramazondan keyin roʻza kunlarining eng ulugʻi Arafa kunidir. Alloh bir kunda ikki yillik gunohlarni magʻfirat etadi. Bu kundagi eng afzal amallar roʻza, takbir, duo va xossatan istigʻfordir.
📚Shayx Abdulaziz Tarifiy


Rasululloh sollallohu alayhi va sallam dedilar: “Duoning eng yaxshisi arafa kunida qilingan duodir. Men va mendan ilgari oʻtgan paygʻambarlar duoda aytgan eng yaxshi soʻzlari «La ilaha illallohu vahdahu la shariyka lahu, lahul mulku va lahul hamdu va huva ala kulli shayʼin qodiyr”.
📚(Termiziy rivoyatlari).


Rasululloh sollallohu alayhi va sallam dedilar: “Alloh Taolo biron kun Arafa kunichalik koʻp bandani doʻzaxdan ozod etmaydi. U yaqinlashib, soʻng doʻzaxdan ozod qilgan bandalari bilan farishtalar oldida faxrlanadi va: «Ular nima istashadi?” - deb soʻraydi»
📚(Muslim rivoyatlari)


Rasululloh sollallohu alayhi va sallam dedilar: “Arafa kuni tutilgan roʻza oʻtgan yil va kelgusi yil uchun kafforat boʻladi”
📚(Muslim rivoyatlari).


Rasululloh sollallohu alayhi va sallam dedilar: “Arafa, qurbonlik va Mino kunlari biz – ahli Islomning bayramimizdir”.
📚 (Abu Dovud rivoyatlari).