هو انا بهد الحب دا كلو هاقدر انتظر لحد ما اوصل للحب العادي كنت لي فترة قافل على نفسي ورافض اقابل اي شخص جديد او أسمح لي زول يخش و يتعمق في حياتي كنت مفتكر اني بعمل كدا عشان ما لاقي زول شبهي او طريقة تفكيرو قريبة من طريقة تفكيري اغلب الناس المعاي في الجامعة ما فاهمين انا شنو عشان انا مبهم دايما وغير كده انا شخصية معقدة اساسا وصعب اقابل زول يقدر يتاقلم معاي بس مع مرور الوقت اكتشفت اني غلطان وغلطان جدا كمان في لحظة قررت اتعرف علي ناس جديدة ابتديت اتعرف على ناس جديدة فعلا ناس جميلة بالجد وروحها حلوة ناس بتشبهني في طريقة التفكير وفيهم جمال وفيهم عمق وكا حاجة ناس عايزين يقربو بس وبقى كل المطلوب مني اني اسمح ليهم يقربو و اتمسك بيهم بس انا ما قدرت كنت مستثقل فكرة اني هابدا من جديد مع انسان جديد و ان المفروض أحكي ليهو كل حاجة حصلت لي من الاول واسمع منو مشاكلو وهمومو التافهة والمهمة و المفروض كمان اختهم لي نفس درجة الاهمية لا و اظهر كمان اني فعلا مهتم لقيت نفسي ما قادر لم اكون تعبان ويسالني مالك اجاوب وأحكي طوالي الحاحة المكبوتة جواي لاني اتعودت اني اخليها دايما جواي لقيت نفسي ما قادر أسمعو لان انا اساسا ما مهتم وما عايز أسمع ما عندي مشكلة يكون ما موجود دايما ولو فعلا ما كان موجود ما هالومو لاني ما هاعرف اكون موجود وقت ما هيحتاجني عشان ما عندي طاقة اكتشفت طاقتي فعلا خلصت وانتهت وان ما حاجة ساهلة ان الانسان يقدر يشحن طاقتو في علاقاتو مع الناس ابدا انت عرفت شخص وقابلتو وحبيتو ارتضيت تحكي ليهو مشاكلك وكل همومك وارتضيت تسمعو وتقيف جمبو وقت ما يحتاجك وفجاة الشخص ده اختفى لي اي سبب كان ما ينفع تفتشو في زول تاني وما ينفع تحاول تعمل مع غيرو الكنت بتعملو معاهو هو ما حاجة ساهلة أبدا و ما اعتقد ان صاح الصاح ان الباب يفضل مقفول علي الجواك و ما ينفع يتخلي مفتوح ابدا الافضل انك تفضل زي ما انت مع نفسك لحد ما الوقت يمر و ينسيك افضل من انك تظلم نفسك و تظلم شخص تاني معاك في محاولة انك تنسي بيهو شخص تاني ✨💜
#You_can_not_start_over
#You_can_not_replace_him